田家雲南米線

Open Now

Now Closed

❣︎ 正宗由雲南入口的米線😙🉐🉐🉐最近新開的田家米線環境乾淨有卡位不過米線因為即叫即整所以要耐心等候🥴♡⋯⋯食評⋯⋯♡ ☻ 4.6/5 🍜小窩米線 $36 餸自由配搭+$6-$15·冬菇·生菜·腩肉·豆腐·豆ト·雞肉·炒肉碎老闆話啲米線係佢係雲南挑選出黎絕對係正宗雲南米線米線望落比起出面其他米線鋪較幼身入口口感超彈牙因為好少食到咁幼身的米線所以覺得好特別🫶🏼😙✨涼拌木耳 $22份量滿滿豪不孤寒味道酸辣酸辣的超級開胃🐷蒜泥白肉 $36不算太辣 油香麻俱全肉片有點厚度口感更好👍🏻🐣香辣雞翼 5 隻 $36隻隻都脹卜卜肥美雞翼香辣味更惹味🥴🥤凍檸樂 跟餐+$12 & 熱檸蜜 跟餐+$6

得知大埔新開咗一間雲南米線小店。作為米線控，當然要同家人去試一試！進入店內，可以感受到店家的用心同熱情💓老闆娘親力親為，向我地推介美食。原來呢道嘅米線同坊間雲南米線唔同。呢款雲南米線係比較幼身嘅。第一次品嚐呢款米線，都幾特別，煙韌滑溜，好掛汁。✪ 田家小窩米線 辣度可選特辣、大、中、小、微辣。我地都係揀咗微辣。湯頭鮮美，好香濃雞味！配上腩肉、雪花肥牛和炒肉碎，味道香濃。秘製炒肉碎真係好惹味，豬肉粒有嚼口，小小辣，係必試item！老闆娘後尾同我地講返，係每朝用新鮮豬肉炒出嚟👍🏻✪ 田家撈米線撈米線配料有芽菜、花生、青瓜絲、秘製炒炸醬。份量都唔少，食到好飽肚。撈米線會再濃味少少，但入面有青瓜絲會多返清新感。加咗金香火腿，味道鹹香。✪ 蒜泥白肉切得厚薄適中。肉質鮮嫩，口感爽口，蒜味濃郁而唔會太刺鼻，仲有少少醋香。✪ 糖心皮蛋皮蛋呈琥珀色，睇落好晶瑩。辣汁調配得好惹味。糖心醇厚，口感豐富香滑。✪ 涼拌木耳清爽的開胃菜，口感爽脆，充滿醋香。【 田家雲南米線 】📌 大埔南盛街16號南盛大廈地下1號舖

田家雲南米線是一家專門販售雲南米線，他們的米線以其獨特的口感和豐富的配料而聞名。以下是我的評論：首先，他們的米線質地非常獨特，有著Q彈的口感，吃起來很有嚼勁，而且不會過於膩口。米線的口感是我非常喜愛的，而田家雲南米線的米線完全符合我的期望。其次，他們的配料非常豐富，可以根據您的口味選擇不同的配料。我個人非常喜歡他們的牛肉片和豬肉丸，這些配料非常鮮美，且份量十足。而且他們還提供了各種不同的調味料，可以讓您調整米線的味道，讓您的食物更加符合自己的口味。除此之外，田家雲南米線的服務非常友好和迅速，員工總是微笑著向顧客問好，且點餐和等待時間都相當短。店內環境也很舒適，非常適合一個人或是和朋友一起來享用一頓美食。總體來說，我非常推薦田家雲南米線。他們的米線非常美味，配料豐富，服務也非常出色。如果您想要品嚐正宗的雲南米線，這裡絕對是一個值得考慮的選擇。

心血來潮想食湯米線呢度位於大埔墟新開咗一間「 #田家雲南米線 」裝修新派帶點復古設計而且望落去好簡潔乾淨一於同妹妹入去撐吓枱腳老闆和職員態度非常殷勤親切隨即安排我哋坐好寬敞嘅卡位位置餐牌上食物分門別類列明能清晰可見當然要試吓呢度嘅招牌小窩米線仲可以自由配搭不同價錢嘅配料還有其他前菜小食一樣都好吸引就決定每樣都叫嚟試吓過程中老闆親身介紹米線等雲南名菜從中又長知識了❣️⊰⊹════════════════⊹⊱💬 ✎ 食後感 ：✨🧡【 #田家小窩米線 】️米線套餐除咗可以米線加底之外唔想食咁多澱粉質仲可以轉菜底而辣度有五款選擇如果食唔到辣可以揀清湯這一碗米線包括有芽菜、韭菜雲南酸菜、腐皮及秘制炒炸醬另外再加配豬大腸、手切腩肉等呢度嘅招牌獨有的雲南甘香火腿來到嘅賣相相當吸引飲一啖湯底好惹味而雲南甘香火腿猶如五花腩幾層肉清晰可見食落去質感軟身鹹香味適中唔會太鹹難怪是雲南的名物了💛【 #田家小窩過橋 】️而我呢碗咁豐富嘅小窩過橋米線一次過可以滿足晒我呢位 #為食TaTa 嘅食慾因為一碗入面有成11款配料包括雲南甘香火腿、豬肉、牛肉、雞肉腐皮、豆卜、生菜、芽菜、韮菜雲南酸菜及秘制炒炸醬本身炒炸醬都有少少辣

食物味道一流，乾淨，賣相十分好，服務態度非常細心👍，經過見新開試下。本人九龍人，得閒都要去再食。期待九龍有分店就十分理想難得食到咁正宗既雲南米線，其他小食，例如皮蛋，蒜泥白肉，都十分新鮮

一向都知道大埔多好東西吃，上星期經過南盛街，見到呢間裝潢整潔，外觀漂亮嘅米線店，咁啱午餐時間，就馬上衝入去試下。一行六人，點了醃青瓜，皮蛋，蒜泥白肉，春卷，小窩米線，撈米線，同大碗過橋米線。過橋米線份量真係好大，三個女仔可以分一碗份量啱啱好，而我嘅小窩米線，其中一個餸係雲南金華火腿，師父切得薄薄的，少少咸香，而且夠哂咬口，未見過米線店有提供咁正嘅餸，好驚喜！同埋呢間店嘅米線好特別，比较幼，可能呢個關係，索湯特別好，小辣啱晒我呢啲唔係成日食辣而又想試嘅人。仲有，之前食大連鎖店之後，好鬼口渴，可能啲小食落行味精，呢間小店完全無呢個問題，食完無需要飲水！總言之，呢間小店用心製作，值得支持！

今日見到大埔有新店開張，而且又肚餓，行去店門八卦吓，我叫咗個「過橋米線」食（每樣都有啲？豆卜、雲南火腿、酸菜、腐皮、雞肉、豬肉…etc），叫咗微辣，唔食得好辣但又想少少刺激，忍唔住飲咗幾啖湯底，唔錯，唔會俾啲微辣”冚”咗湯味而且我幾鍾意個雲南火腿 (有少少似 “金華火腿feel，不過雲南火腿就再入味啲，質感軟硬適中👍🏻)見到老闆熱情招待客人，同老闆傾吓幾句，佢係雲南人嚟，同埋先知道原來靚嘅米線浸耐咗係唔會”發”(長知識🤔️)，同埋第一次試原來正宗嘅雲南米線味道係咁嘅! 今次有啲趕時間，未有叫其他小食，下次試吓其他款式米線/小食先

同fd 一人叫左一碗米線，一碗田家小窩米線同一碗田家撈米線。田家小窩米線配左金菇、娃娃菜、新鮮豬潤田家撈米線配左雪花肥牛、金菇、手切腩肉米線同譚仔唔同，米線比較幼身，口感爽滑，湯底原來係用雞骨同豬骨熬製幾個鐘，試左幾啖湯底明顯係用足心機，搭配微辣的調味料，令人回味無窮。配料新鮮，但豬膶比較硬。但整體而言味道唔錯。除了米線外，我地叫左秘製手拍青瓜，醬汁糖心皮蛋，香草雞翼。手拍青瓜外皮爽脆，內裡鮮嫩，配上特調的醬汁，味道清新可口。糖心皮蛋口感綿密，醬汁酸甜適中，是一道美味的開胃小菜。香草雞翼，外皮帶有淡淡的香草味道，肉質鮮嫩多汁，十分美味。田家的米線讓人吃得舒服，小食也十分美味，可以再來。

好耐無出過南盛街一帶，附近好似多左好多食肆，聽朋友講有間新開既米線舖，朋友試左話佢啲米線唔同平時食開果啲米線，係幼身米線，食落又幾好食喎，加上佢個湯係無添加味精，可以試下。所以我就睇下係咪真係咁好食。最近天氣太悶熱，所以我點左個撈米線（$38），無湯無咁熱，今次我唔係堂食係叫外賣（+$1）拎走，可以返屋企慢慢嘆。撈米線可加其他配料（$6-$15）價錢合理，我今次無加配料，但叫左一份雞翼（$36）。撈米線我平時係其他地方都有食過，因為我外賣既關係，好多時啲米線都會一餅野咁，次次打開個外賣都時撈好耐先可以食，但係田家唔同，佢地無一餅野咁，我仲要隔左20分鐘左右先打開，睇下啲米線，條條分明架，未食就已經覺得好正😆。好易撈，配料都好夠，試一啖唔會好油好漿住漿住咁黏口，係好清爽又唔膩果隻，啱哂而家啲天氣食，幼米線原來都幾好食，咬落幾好，真係唔發脹架，唔怪得之無變一餅野咁。個雞翼，應該真係燒架，平時果啲呃人多，會炸左先，呢個雞翼一啲都唔油，好食。食完成個米線，我一啖野都無飲過，應該真係無添加味精架。