盛記粥麵

Open Now

Now Closed

一碗粥簡簡單單，卻是最考功力之作，久仰此店大名今天終於有機會品嚐，點了一碗魚腩粥，吃出不平凡的味道，難怪那麼多支持的朋友。粥底綿順有米香，鯇魚腩很鮮味，沒有鯹味沒有泥味，魚肉肉質有彈性，由於真正生滾，故粥底滲透了鯇魚腩的魚鮮味，回味無窮。店長很細心地附上小碟一隻作骨碟，細心周到。另外我下午5時多一人進店，店內每張枱均有客人，只有店內最深處有一張四人格閒置，店員竟主動招乎我坐那張枱而不是要求我和其他食客搭枱，實是難得，配服此店已成名店卻不囂張氣盛，真心推薦。

佐敦白加士街食肆之多令人不用選擇，大都是好有質素，之後就要睇個人口味。今日帶朋友去吃超好味的雲吞麵，「盛記粥麵」的雲吞麵彈牙無鹼水味，湯底清澈香甜，陣陣大地魚香，雲吞有四粒，一口一粒，鮮蝦爽彈好味，湯面撒上一些韭黃增香。蠔油芥蘭 好爽脆，這個時候的芥蘭特別嫰又甜。脆炸兩 皮薄炸兩好脆，但我個人比較喜歡粉皮厚一點的。及底粥 也是這兒的強項，豬肚、肉丸、粉腸…我特別喜愛豬潤，煮得剛剛好，不見血水但保持嫩，粥底綿綿的。桑寄生蛋茶好濃香，來一碗暖暖胃。熱意米水煲了很久，充滿蜜棗和薏米的香甜。

📍 盛記粥麵 (佐敦)佐敦白加士街11號地舖==============================呢間粥麵店我成日都幫襯，因為d豬潤同埋薏米水實在太好味😍😍==============================豬潤雲吞麵🍜豬潤一如以往禁爽滑無怪味，雲吞有好多蝦而且好重大地魚味，幼麵皂水味唔重，次次都禁好食🤩豬潤粥粥底好棉滑，豬潤味好出😋薏米水🥤薏米水明顯係有煲過，唔係滾兩滾就算，味道清甜油菜（芥蘭）🥬芥蘭條條都好大條唔老好爽脆👍🏻

📍盛記粥麵 (佐敦)佐敦白加士街11號地舖==============================係佐敦收工想搵間餐廳食晚餐，經過呢間粥鋪比佢門口d粥ge 相吸引住，所以就決定今晚食粥喇🤣==============================豬街粥我地叫左兩碗豬潤粥，其中一碗有加粉腸，豬潤處理得好好，無怪味而且剛剛好熟，粉腸就好彈牙，一樣無怪味👍🏻意米水🥤意米水凍熱都叫左一杯，唔會好甜飲落好潤喉好舒服😌

最近佐敦變成粉麵店嘅戰場，四間人氣旺盛嘅老字號走在一起，各有千秋，不乏追求者，為咗一碗魚蛋粉或者雲吞麵，加多碗靚粥就真係非常滿足同溫暖🤭———————————————————————————.🥢雲吞麵💬一碗雲吞麵，麵要爽口彈牙，雲吞要適中，一啖一口啱晒咀形，鮮蝦同肥豬肉做餡，而且要有蝦子同大地魚嘅湯底，配上韮黃，完美嘅配搭🫡.🥢生滾艇仔粥💬有時最基本嘅粥反而係最精彩，唔係食啲咩名貴餸料，有瘦肉、魷魚、魚片等等滾在熱粥之內，又棉又滑都係啖啖精彩，配埋腸粉絕對滿意🫡

今日突然間好想食雲吞麵，睇到YouTube介紹夏銘記，本來諗住去幫襯。點知要大排長龍，記得段片又話個旁邊的盛記都唔錯，咁就去幫襯吓。其實盛記都係全場爆滿，點左馳名雲吞麵加蠔油芥蘭。價錢比夏銘記平$4碗，面底係彈牙，湯底都唔錯，雲吞係細蓉size ,都有5粒。碗雲吞麵份量正常，唔會好似麥X記/何洪記碗麵咁細碗，食唔飽。我見對面個客人大讃粥同麵，炸兩都好正！枱枱都會叫薏米水，下次－定會encore ! 我覺得係一間CP值好高嘅粥麵店。

雲吞麵、魚蛋粉是食極唔厭的其中一款港式快餐，是日常生活的一部分，而盛記亦是經常光顧的食店。很好吃的生麪，麪條浸久了也不怎麼糊，韭黃清香，湯底帶一點豬油香味，雲吞和水餃都爽口彈牙，但略嫌餃皮過厚。雞翼和鯪魚球均是新鮮即炸，是必點小食，雞翼南乳香味突出，鯪魚球結實有勁度，也沒有令人討厭的泥味，蘸蜆蚧別有一番風味。天氣炎熱，凍豆漿非常解渴，雖然豆味一般但甜度適中。

兩個人，點了兩碗粥，豬潤粥同及第粥，仲有炸兩同油菜。粥底軟綿滑👍炸兩的油炸鬼，有香脆口感，再加上甜醬、麻醬，正，油菜要咗芥蘭，得剛好，不會太硬。因出品都有用心做，多人光顧，缺點是坐位濶窄😅

今日忽然好想好想食雲吞麵，當然要去佐敦「盛記粥麵」。下午茶時段都坐滿了顧客，客似雲來。叫了一個套餐招牌雲吞麵 $38另以優惠價配炸鯪魚球 $32和凍薏米水 $8。 雲吞麵大大碗，湯底清澈鮮甜，濃厚的大地魚香味配上爽口彈牙的麵條，而且他們的麵條走鹼走得非常好，超正。雲吞餡料豐富，有兩隻蝦仁緊緊扣著，還有免治豬肉和大地魚香，一碗有四粒，一口一粒。炸鯪魚球即叫即做，脹卜卜，鯪魚球質地結實，爽口彈牙，還有很重的胡椒香，蜆芥汁也是這到小食的靈魂。薏米水煲得很夠時間，好味。

🇭🇰盛記粥麵·呢間我之前已經外賣食過架啦 覺得佢啲粥幾好味 不過麵就普通啲 所以個日想食粥暖下個肚就黎左食啦😎·美味黃沙豬膶粥$45 l 脆炸兩 +$28我自己幾中意呢度既豬膶 佢份量好多 而且佢既豬膶係好厚切既 口感好好 而且佢既豬膶好滑好juicy🤤🤤之後佢呢度既粥底都好綿 整體都唔錯 不過佢個脆炸兩我自己就覺得一般啲 雖然佢中間個油炸鬼都係熱辣辣既 但係佢係硬脆個種黎 食落口感無咁好🙊😂··📍佐敦白加士街11號地舖

夜晚諗住求其搵間餐廳食，見到呢間出面咁多人等外賣，就決定試下呢間。本身以為係好普通嘅粥麵店，點知食左幾啖覺得好有驚喜！即刻影返張相寫食評🤣🐤口水雞 $42 🌕🌕🌕🌕🌑唔係死辣嘅口水汁👍🏼帶啲酸酸地嘅辣味，好開胃，而且份量都好夠，雞肉都好嫩滑！🍜招牌雲吞湯麵 $38 🌕🌕🌕🌕🌑湯底係大地魚湯，飲到個鮮味。麵嘅份量都好多，亦都唔會有好大陣鹼水味；雲吞都比左6隻大嘅，食完真係要捧著個肚返屋企🤣🥤薏米水 $10 🌕🌕🌕🌗🌑幾足料，除左薏米仲落左啲薑。甜度都啱啱好👍🏼不過可能店舖太多人、太忙，店員未睇清楚我係咪飲晒就收走左，所以我有成差唔多半杯冇飲到😭😭😭不過整體食物質素都好滿意，暫時係我去過最鍾意嘅粥麵店。下次會再黎！

這間店舖見網上話盛記有幾款必食的推介，於是咪路過試吓，叫咗生滾及第粥，粥底冇問題，可惜料少到估唔到，一碗賣$53碗內只有有片不是網友講的厚豬潤兩片、肉丸一少粒、其他食材各一，值唔值得！睇個人？炸兩$28一碟大約有十件，一般啦！一杯薑汁薏米！不太平均，點解咁講，因為我見到前面嗰台客人都叫咗一杯薑汁薏米，但人家的薏米去到個杯一半，而望回自己果杯一半都冇，有少少奇怪！而雲吞麵可以說合理價錢$38，4粒雲吞是一口的，靚！麵一定叫爽才好食！湯底係有大地魚味！整體來講欣賞雲吞麵！其他就……..。如果說會不會再去🧐⋯⋯

今日午餐我係app上叫外賣，叫左豬潤粥和桑寄生茶。一開始我想食清淡一啲，所以今日揀左食粥，但當我打開碗粥蓋時，就已經見到一層油係粥面上面！而且味道也太咸了！☹️☹️讓我感到非常失望。雖然呢碗豬潤粥的份量都很足，但佢既味道卻令我感到非常失望。粥裡的油太多，令我感到有些唔開胃，唔想食落去～味道也有啲咸，我食左少少都已經有啲口渴。我覺得如果能夠減少油和鹽分的份量，碗豬潤粥會好啲🙈唔知係唔係因為外賣關係～堂食可能好啲？因為我見好多好評才試一下～🙈🙈🙈點知伏了..

呢排成日都無啦啦落雨就會心思思想食一啲熱嘅嘢跟住見到呢間舖頭超多人排隊 所以就跟隊🤣果然冇伏 幾好食🤤一🐾 黃沙豬膶粥｜$45啲豬膶真係好多塊😳佢係屬於厚身軟爽嘅質地但係又唔會過分軟芯！！而且粥底都非常棉滑一🐾 秘製豬軟骨撈麵｜$50個撈麵冇鹼水味，而且有淡淡的麻油香味豬軟骨，亦都好入味☺️一🐾 薏米水｜+$5超足料！！！除咗薏米、仲有啲小米、蜜棗😳佢薑味都幾重嘅～一🐾 香脆炸兩粉腸｜+$28炸兩都係香脆！但冇咩特別一🐾 蒜香南乳炸雞翼拼鯪魚球｜$35雞翼就炸得非常香脆😝但係就冇咩南乳嘅味道鯪魚球嘅魚味好突出配埋蜆蚧醬汁 😳呢個味道真係要傳統舖頭先食到✨😗一 🚏 盛記粥麵 (佐敦)佐敦白加士街11號地舖

黎過佐敦咁多次竟然都唔知有間咁高評分既粉麵店，就黎試下啦星期六1pm 午飯時間去到已經滿座，不過好彩無人排隊下個就到我地兩個，等左10分鐘左右食物牛筋腩麵牛筋同牛腩都炆得好濃好入味幼麵爽滑彈牙湯底清甜，中和返牛腩既濃味， 整體唔會太重口味炸兩腸粉又滑又薄，未食過咁好食既炸兩平時粥舖食到既炸兩都係好厚粉，而且入面油炸鬼通常已經過曬氣今次第一次食到入面嘅油炸鬼仲係脆既，好感動 就算擺耐咗食到最尾依然都係脆蒜香南乳炸雞翼拼炸鯪魚球相反，南乳雞翼配鯪魚球就有啲遜色唔係唔好食，但係比較普通蒜蓉南乳味都唔係好出，雞翼炸得過熟另外叫左杯凍薏米水無影到味道正常，唔係太凍生熟薏米佔左半杯份量服務啲姨姨都幾有禮貌環境雖然鋪位唔細，但座位都比較迫繁忙時間一定要搭檯架啦