相撲手日式放題 (Closed)

早前一家人對放題有與趣，於open rice見到相樸手有優惠，諗住試下，點知價錢同野食不錯啊，由其係燒蝦，一家人食食食，停唔到口好少可食燒蝦可以停唔到口架，因為唔係間間店鋪都會新鮮好食的，所以依家放題值得推介俾大家

有位姐妹就快飛去外國，臨近就約埋成班lady聚會，之前有朋友介紹過，所以最後選擇黎左食相撲手日式自助放題！滿足下期代好久食放題既慾望, 地點亦係正尖沙咀，大家都好就腳。我哋選擇咗20:45晚場入座，因為比較肚餓，大家一坐低就爭住order紙嗌嘢食，第一輪就每人即叫咗生蠔毯底先😌味道鮮甜，冰凍口感配上檸檬汁👍🏻必會 encore！第二輪非刺身莫屬，必選大大隻赤蝦、鮮甜厚肉，同樣都係再encore！還有冷盤，沙律多款選擇，各種口味，第一次試玉子豆腐沙律，出奇地配合，泰式鳳爪，酸甜開胃👍🏻第三輪熟食環節，這裡款式較多，最回味係牛油清酒煮大蜆，調味很捧！還有燒海蝦、菠蘿、蟹粥、炸天婦羅日本番薯，全部都好有質素👍🏻總括黎講，每人＄298食到咁嘅食物質素，餐廳員工盡責，勤替我哋倒垃圾👍🏻林送機前有一次咁嘅聚會，難得，日後都會再同屋企人來！

之前已試過不少日式放題，今次見網上食評不錯就來試下這間相樸手日式放題。我和朋友book 了八點半，等了一會兒便能進行畫紙點食物。食放題點刺身是常識吧，而刺身很快送到來。刺身切得頗厚身，特別推介鮑片，很鮮甜，令我encore了幾次。相比其他地方的放題，這裏有師傳表現即劏吞拿魚，每人每次排隊可以拿到一碟刺身。吞拿魚入口即溶，滿嘴魚油香，十分不錯。香草燒羊鞍也是出色之作，羊鞍烹調得剛剛好，肉質幼嫩，滿滿香草的香味在口腔內徘徊。另外鮮蟹粥也是另一推介，大份量的蟹粥十分鮮甜蟹味，而且粥底很清甜，令我和友人吃得一口接一口。芝士燒蠔有濃濃的芝士味，燒很剛剛好，但沒有蓋過本身蠔的鮮甜味道。至放其他的燒物和麵食和壽司則中規中距，沒有太大特別，不過種類都好多，放題食到的都應有盡有

同男朋友兩個去吃晚餐，就book左公司附近而又好出名既相撲手，餐廳分左兩個時段，我地就選擇左8:45pm開始，每人$298，如果入座前付款仲有9折！一坐底當然即時睇下order紙有咩食。種類和款式多，平時放題會比較少熟食，但這裏足足有成7張熟食order紙任食生蠔- 每人每次只限叫2隻，我地兩個人一共吃了一打！！生蠔是連殼的，口感清淡，有少少海水味👍🏻👍🏻👍🏻刺身- 賣相一流！！推介相撲手赤蝦，超大隻，每隻也很鮮甜！三文魚是厚切，啖啖肉 yummy呑拿魚海膽手卷- 少飯多刺身，紫菜很脆，份量不大，唔怕食多幾件 我總共食左三個～茶碗蒸- 好少放題會有得食，蒸既時間岩岩好，雞蛋超滑，唔會太老，正～燉湯- order紙上是沒有，服務員話師傅是特別烹調的。湯入面有雞腳和粟米，完全沒有味精，有種住家既感覺。牛油清酒煮大蜆- 份量十足，每份約有三十隻大蜆，濃郁的清酒加上新鮮的大蜆，一流！最重要的是完全沒有沙，值得推介！飲品- 款式多，我試了韓國既橙汁和葡萄汁，入面有粒粒果肉，平時在外面韓國店買都差不多10蚊罐，但這間放題是任飲 好抵呀！！總括而言，食物質素高，價錢合理，上菜速度快，下次一定會再食過

除左刺身既蝦同三文魚，其他野都唔好食，又求其，雪糕款式勁少，得兩款！咁難食收268加一真係好唔抵，唔會有意慾想再黎食😕😑係我食過最難食既放題，唔明點解咁多好評

以前嚟過食都覺得幾好，但最近再食已經差左好多！食物無以前新鮮！人流大減！放題嚟講佢價錢算貴，以前覺得貴得來都幾好食，都值嘅！依家食物質素差左好多，唔夠新鮮唔再講，選擇亦都非常之少！加埋一要成三百幾蚊一位！以佢哋呢個級數，完全唔值！！令我最失望都係服務態度差！買單嗰時找10個一蚊俾我！離晒譜！所以奉勸大家一句如果要揀有質素嘅放題千祈唔好揀呢間！又貴又難食！服務態度又差👎🏻👎🏻👎🏻👎🏻

之前成日見傳呢間好多野食,又有生蠔,諗住$298都抵食點知去到,拖羅之類貴價野,咩都無食物款式都唔多生蠔唔新鮮,一人食完一隻都停左手刺身無咩味300真係出去食任何一間放題都無咁嬲熟食試哂都無咩野好食,最後友人餓到食飯面,連飯到咸死人...炸野同原圖唔同樣...唔新鮮,好多都唔知食咩記憶中唯一好食係個盧荀腩肉卷同埋友人有個鐵板炒面都好似ok甜品更失望,咁嘅價錢,甜品竟然得兩隻味雀巢雪糕完全有被騙感覺...千其唔好試,包你後悔莫及

今日想同女朋友食餐放題 之後就揀左相撲手 入到去 個場靜到啊媽都唔認得 得幾枱客 仲要收我298加1 到野食方面 啲蝦同蜆都有沙 有啲野食圖文不符 日式燉蛋張圖有蝦 但實物冇 同埋服務態度差 見到張枱都已經全部係野食 仲要隊盤串燒埋黎 搞到我差啲跌曬啲野落底 一句講曬 真係唔值298

同男朋友睇完戲830,仲夠時間去食放題，因為假期前度，好多都爆晒，好彩上到黎仲有位坐低先知有蠔食，真係有驚喜，每次每人限叫2隻，但就無限次數，前後叫左3轉放題刺身選擇吾算多，但都大份，睇落吾錯，油甘魚比較好，大大片每枱送一客呑拿魚他他，好特別，有煙花蠟燭，好浪漫，呑拿魚他他薯蓉比較多、但都吾錯，好有心思因為吾太肚餓，主要食凍食為主，又抵過我其他餐廳散叫我見其他枱加$48 有好多海鮮食，好靚好大隻，今次無緣品嘗

下午放假去尖沙咀行街，晚餐想埋朋友食放題，未想好食邊間，看到在寶勒巷地下有海報介紹相樸手，價錢OK，就打左電話去Book 枱。壽司款式夠多，有創作壽司供應，火灸海鰻壽司，鰻魚好香，加埋甜甜地照燒汁，好好食，芝士三文魚小卷，也是驚喜之作，芝士有點焦香，混埋三文魚一齊食，會令你越吃越滋味。帆立貝鵝肝壽司，帆立貝無腥味，與甘香鵝肝的味道好夾。刺身如三文魚、鮑片、馬刀貝夠新鮮，推介福射相甜蝦，超鮮甜。炸物如芝士春卷，好正，外面脆極，咬開爆出芝士漿，另外蒜香雞翼，唔太乾，好Juicy，蟹肉忌廉薯餅，好Creamy 下，忌廉加薯蓉食到好膩滯。 有鐘聲響起，原來有表演劏刺身，是黃鰭吞拿魚，日本直送，每人兩件，好有魚味！還有瀨戶生蠔，也是一人兩隻，蠔汁爆曬出來，蠔味不俗，還有少少海水味。鐵板炒牛柳，好惹味，夠晒香，牛肉不韌，有牛味，友人再Encore。飲品有coke 、cream soda冰紅茶，可以啦。蕃茄果凍，是好特別甜品，但味道就可以啦。最開心是有雀巢雪糕食！

呢間放題就款式多，壽司都有分創作同火炙壽司，人氣、元氣多款自家製！鐵板牛柳伴蒜蓉汁、麻辣赤豚蘆筍！放題有蠔食，特別+分！一般刺身三文魚、吞拿魚、榮螺、帆立貝、大蝦、鮑片都有，呢度特別係多左長腳蟹，整體刺身都新鮮！炸物都好多特色，千島蝦多士、來自星星的雞、脆脆捧餃子，特別係人氣既蝦兵蟹蓋，食落啖啖肉！元氣牛油清酒煮大蜆，一鍋多蜆，飲左幾啖湯底都好清甜！紫蕃薯必點！環境地方都不錯，見旁邊有卡位，好岩一家大細坐，放題黎講，都係寬敞

同朋友食飯通常都選擇困難症，揀放題就最好，咩都食到！呢間上樓既放題，選擇都多！由前菜、刺身到人氣、一品料理，揀極都有！吞拿魚、海膽赤蝦壽司細細件，特色之如又可以食多幾款壽司！細細手卷，即場整，紫菜仍脆脆！我去食放題都會點個粥食，總覺得食左咁多油膩野想食粥清清，呢個元氣鮮蟹粥，有粟米做配料，鮮甜蟹味！燒物有芝士煙肉焗蠔、韓風香辣雞翼，七味香蒜燒茄子係足料，一定要夠多蒜，茄子肉都滲透著蒜辣味！突然全場熄燈，果時都嚇一嚇以為停電，跟住就聽到生日歌，餐廳一早準備好壽司蛋糕送俾今個月生日嘅客人，非常有心思！而壽司蛋糕上嘅蠟燭，係好似煙花咁，不斷響黑一片嘅環境下閃，真係好驚喜！ 直至到蠟燭停咗，生日歌亦都停下，燈都已經亮返，好感謝友人同餐廳嘅準備！

星期日路過尖沙咀，經過一間放題，居然話早場有9折，有生蠔食，試下都好。一黎到就送一個燉湯，有沙參，都幾清甜。送上點餐紙，都好多選擇，真係唔知點揀，一於點個生蠔黎試下。大大隻，都好鮮味。刺身拼盤又點少得，款式多，厚切，好口感再黎啲炸物，味道不錯，唔太油膩。蟹蓋係我既推介，裡面加左蝦肉，鮮味double。壽司手卷，的的骰骰，一口一件，可以試多幾款，推介海膽手卷。燒物，推介燒菠蘿，海蝦。菠蘿夠juice又sweet, good。海蝦加少少鹽，原味夠晒正最後，黎多轉，滿足晒！

第一次食放題，可以食到無味道的wasabi。可能我唔識嘢啦，但食落無味道嘅就唔係好慣了。其他食品不過不失，有趣的是有炸oreo，都可以一試。價錢貴，食物種類多嘅，不過味道就各人口味不同啦。但職員唔會主動執碟，咁就唔好喇！衛生間感覺不好，但不是有污穢物出現，只是個人感覺啫。甜品都有得揀嘅，芝麻味蓮花杯，同埋榴連味雪條，不過兩樣都唔係我杯茶，所以無食。大路嘅朱古力味都無，失望囉咁嘅價錢，自己期望過高，所以有點失望。

每隔一段時間就會想起放題, 只因個人十分喜歡任點任食的感覺。今次就試試新店吧！即晚預約了9:30時段, 每人$238加一, 其實算是挺便宜的了！今次能被安排沙發座, 所以也坐得舒適。食物款式選擇不少, 還有些創意料理, 是坊間放題店吃不到的。推介食物:1. 刺身:三文魚, 北海道帶子和北寄貝非常新鮮,味道很鮮燒玉子不會太甜, 亦算不錯2. 安格斯一口牛粒串: 很juicy, 不韌, 牛肉味濃, 追加之選3. 酥炸蛀牙餅: 即是炸Oreo餅, 外層微脆又帶點煙韌, 感覺有趣, 值得一試4. 鹽燒海蝦: 蝦大隻又鮮甜爽口5. 花の戀: 三文魚新鮮肥美, 味道鮮美6. 韓味黑豚肉串燒:!極級邪惡！燒過的豬腩肉特別香口, 豐富油脂充斥口腔, 配上微辣醃料, 好味7. 火脊黑松露蟹棒壽司: 火脊壽司散發灰烤味, 黑松露醬好味8. 卷物壽司: 芒果帆立貝鵝肝,火脊鰻魚, 軟殼蟹反卷, 黃金芝士蝦卷和海膽赤蝦壽司中伏之選:1. 有機鮮果盛 (詳見點菜紙A的圖片)放題竟然有雕花水果!? 二話不說即點一客, 但完全受騙。說好的天鵝不見了, 連伴碟花也不見了其實, 店方沒心思時間做的話, 建議不要拍這張照