秘 (偉晴街)

Open Now

Now Closed

平日夜晚7點幾 佐敦店都排哂隊等咗7張枱 即係半個鐘左右Turnover都唔算慢 完全可接受聽聞吉列牛出名就叫咗個吉列牛try try另外再叫咗安格斯牛兩個都跟咗套餐成枱都係嘢食😂一嚟到都覺得碟牛幾大碟我習慣係先飲湯Hummm.... 真係好一般🧐我寧願飲返味噌湯算溏心蛋就唔夠流心都係嗰句 牛肉要幾生幾熟完全你自己控制店員好勤力👍🏿 係咁幫我加大個火一餐加咗三次 (半粒鐘左右)吉列牛個人覺得有少許鹹配飯食無問題嘅整體可接受而安格斯牛我覺得好夠肉味醬都唔駛點 一塊接一塊😋＊溫提：唔好著吸味衫褲。唔好擺私人物品喺枱面 (會彈到成層油)。有google form填令你更安心＊安格斯牛🙆🏿‍♀️ $118 (套餐+$38)吉列牛💁🏿‍♀️ $108 (套餐+$38)套餐-櫻花昆布湯 🙅🏿‍♀️套餐-楓糖溏心蛋 💁🏿‍♀️

同朋友一直都好想試下「秘」因為佢長期都好多人推薦 我地嗰日12:00等佢開門就準時入去 好驚冇位點知入到去發現嗰日竟然冇咩人！shocked我同朋友都點咗佢最出名嘅吉列牛試試佢 果然原名不虛傳 啲肉質十分鮮嫩 份量亦十分充足 跟餐仲送埋野飲 好抵食可能因為冇咩人嘅關係 出餐嘅速度好快 店員嘅服務都好貼心 幫我地加大咗個火幾次👍🏼 有機會會再去食！

呢間吉列牛朋友想食好耐, 所以晚市一開返之後就陪佢嚟試吓啦！雖然我哋係星期一去食, 但呢間餐廳實在非常高人氣, 所以我都有心理準備要排陣隊, 但係最後竟然7點到可以直接入座我同朋友兩個人叫咗一份板燒吉列牛($108)同埋一份秘·燒黑松露吉列牛($148)share, 兩份都加咗$38變定食set, 咁除咗白飯之外就會有秘之飯素, 楓糖流心蛋同埋櫻花昆布湯。牛肉嘅份量唔少, 但可惜有啲啲韌, 加上冇咩味, 感覺主要係食緊佢吉列粉嘅味道, 不過餐廳係有附送醬汁嘅。個人比較偏好黑松露吉列牛, 黑松露味都好香, 同牛肉都非常match！不過跟定食的配菜就比較麻麻, 最欣賞係個飯素, 因為吉列牛唔係好送到飯, 所以加埋飯素先可以清晒啲飯佢呢！湯就比較淡, 而個蛋一半冇咩味但係一半都幾甜另外我哋加咗每人一支冇喺其他地方見過嘅日本版汽水($26), 我呢支係青提味, 味道唔係話好特別不過個樽身幾靚已經好開心

日本風味人氣吉列牛肉💛-◾️#板燒吉列牛 HKD $108（定食+$38)份量蠻多的有15片🤩牛肉的油脂分布很平均配合吉列脆皮外脆內軟的口感很讚🤤生熟程度可以自己控制個人覺得不用沾醬味道也很夠了定食配搭飯素、流心蛋、昆布湯整個吃完超滿足🥰流心蛋很剛好👍🏻-但店內的桌椅有點擠迫而且油煙很重吃到後期感覺有點嗆到不太舒服只好快快結帳離開希望店家能改善一下店內通風-(各項滿分為5分)餐飲分數: 🌕🌕🌕🌕🌗環境分數: 🌕🌕🌑🌑🌑服務分數: 🌕🌕🌕🌖🌑價錢分數: 🌕🌕🌕🌖🌑回頭分數: 🌕🌕🌕🌗🌑-#秘 (佐敦)📍佐敦偉晴街11號地下📞 2361 1918🕐 12:00-21:00

之前睇到foodie嘅post，一直都好想試，不過真係要排好耐隊(唔係peak hours都要等一個鐘).板燒吉列牛定食($128)板燒安格斯牛定食 ($138).睇相以為好巨型，原來好的骰，牛肉切得都幾薄，燒一燒就食得，牛肉好多雪花，非常肥美，配飯真係唔錯(仲有隻糖心蛋)，吸晒啲牛油，食完係非常飽.Stone grill真係好開心🥳，塊塊牛都熱辣辣，個人比較推介非吉列系列，牛本身好多雪花，再吉列的話，會有啲太油膩，整體抵食，分數: 7/10

今日老友請食飯特別推介呢間「吉列牛」，咁我卻之不恭就試試喇！👏👏先講講這裡，店舖不算大但座位算舒服，由於是石燒，故比較大油煙，可接受的。🥩🥢扳燒吉烈牛 $108 配秘之飯素及糖心蛋 ，跟餐加 $20，絕對要試試，因為個糖心蛋一定會令你一啖愛上。🥰🥰一片片已炸過的吉烈牛，只見金黃色都知有幾咁香口，牛肉的油脂分布平均，令其口感軟滑溶化，在口中輕輕細嚼黏口油潤，肉質滑溜不韌，我不加一滴醬油，就是原汁原味感覺，是那份齒頰留香的感覺，太美味了！😋🥰

見個個食完呢間既吉列牛都話好好食 想試好耐啦!但真係好多人等位呀😭我個晚7:00去到等左1hr40mins🥵佢唔會留電話 你真係要拎住張飛仔係門口等 宜家天氣咁熱個度又窄又多人真係等到我謝晒皮😫🤯but it definitely worths the wait!!!🤤💕我仲會想再去食🤣不過下次可能要早d去或者平日lunch time去會好d😬lunch仲平dd tim!🙈🥩板燒吉列牛套餐 $108 (+$38)係我食過最好食既吉列牛! 佢個吉列炸皮好薄好脆仲有d黑椒味好香🤤牛肉睇得出係油脂重 好肥美好有牛味☺️牛肉係薄切 細細塊一口size 但份量都真係幾多 我食晒飯都仲未食晒d牛😆我加配左定食 飯素 溏心蛋 同埋櫻花昆布湯 eggporn既我對溏心蛋個陣楓糖味好滿意😍但個湯真係好難飲😑飲完一啖就飲唔落 勁似handcream溝鹽水 櫻花味既野真係唔岩我🤮

🥢佐敦 高質外層鬆脆美味吉列牛🥢天氣凍冰冰最啱就係食啲熱辣辣嘅嘢，一直好掛住東京的吉列牛，熱辣辣，用石板燒到塊牛肉滋滋聲的感覺非常正，最鐘意煎幾熟自己話是🥢香港雖然有不少地方有吉列牛，但質素參差不齊，呢間吉列牛人氣小店之前在荃灣試過一次已經覺得非常正，剛剛元朗開左分店，今次出開九龍去佐敦再食下🥢板燒吉列牛 $108 +定食$20 (午市）lunch 食有跟埋飯同汽水，點完餐一兩分鐘已經上檯真係勁快手，吉列牛樣子排得好整齊，而且跟一舊牛油脂，先用油脂搽均石板，再夾起一兩片慢慢煎香，入口吉列外層鬆脆而且炸得實淨，唔會甩皮甩骨，味道帶剛剛好的調味，煎出來非常之香而且肉味很濃又軟熟，飯上亦有配上飯素，味道豐富🥢秘．燒松露吉列牛$148 +$20 定食（午市）黑黑的吉列牛，多了一份淡啖的松露味道，同樣地一樣咁鬆脆可口，🥢個人比較喜歡原汁原味的吉列牛，味道更能帶出牛肉的香氣，食到牛肉的原來味道，而家天氣食熱辣辣的食完暖粒粒，唯一留意係因為在檯面上即煎，衫上面唔多唔少會有少少油煙味道，如果之後仲有地方去的話要注意一下啦

見到openrice 講呢度經常要排隊，所以今日早點黎，竟然唔洗等！可惜最出名的 吉列牛已經賣晒，只好叫板燒安格斯牛再加配定食，飯，流心蛋同湯個賣相一看就已經覺得很好肯定無黎錯餐廳安格斯牛，牛味好夠，石板又用上牛脂燒，味道一流飯都好食，有鹽木魚，芝麻同紫菜，醬汁、十分夠味個湯就一般以這個價錢食到呢個質素的燒肉實在非常抵食

🥢板燒吉列牛 $108🥢板燒安格斯牛 $118🥢加$38定食配秘之飯素、楓糖流心蛋、櫻花昆布湯.有得自己燒牛係幾好玩😆，兩款牛嘅份量其實都唔少㗎，大概有16片左右，牛嘅紋理同油花算係幾靚，同埋個爐嚟嘅時候已經有一舊牛脂比你搽勻冇咁易痴底，呢樣幾貼心！吉列牛燒完層吉列粉都冇甩出黎，抵讚👍🏻，兩款牛本身冇醃過，安格斯都只係有好少量嘅黑椒，但兩款牛食落都竟然冇乜牛味😂，真係要點佢嘅醬先有返少少味🤔。啲飯加咗大量飯素冇咁單調；流心蛋就正常發揮；個昆布湯真係不值一提，飲落好似水咁完全冇味🤢！👫：我哋食嘅係佐敦分店，都排咗一陣隊先食到，但可能期望太大，食完有啲失望🙈同埋我哋就咁食呢兩個餐都唔夠飽🤣，建議再加啲小食～

放工約左朋友去食飯 我地一早已經訂左位(上網睇好多人都話要等好耐(´Д` )怕怕)不過去到都好多人要等半個鐘先入到去ಥ_ಥ 果然係人氣黃店💛- - - - - - - - - - - - - - - - - - - - - - -黑松露吉列牛定食($148)入到去我地叫左個板燒吉列牛定食(黑松露)d野食好快就黎左 一黎到就聞到好香黑松露嘅味(^з^) 自己燒嘅好處係可以自己燒得生d或者熟啲(根據返自己中意口味)(≧▽≦)外面個層有d脆脆地 咬落去好正🤤吉列牛嘅油脂分布好平均 外脆內軟!!正隔離仲有一粒糖心蛋 🥚半熟糖心蛋再加紫菜芝麻飯素配一碗白飯 (˶‾᷄ ⁻̫ ‾᷅˵) 真係好想再叫多份吉列牛😭😭😭因為份量真係唔算特別多(如果你好大食😂)雖然入邊唔算太多位 等候時間又有啲耐 舖頭有比較隱秘 但係呢間隱世小店絕對絕對絕對值得推介俾大家(◐‿◑)

以前未吃過吉列牛或者吉列豬，所以這是朋友特地帶我來這間吃，這家店位於佐敦位置比較隱蔽，想像不到在這麼隱蔽的地方會有一間如此的餐廳。這天我們叫了一個基本版的板燒吉列牛，加配晚市定食，套餐包括吉列牛，飯，湯，和一客糖心蛋，$108+38。首先套餐一送上，就很有日本的感覺，絕對打卡一流，一下子令你好像置身於日本。你可以自行煎吉列牛，自己控制牛的成熟度，因為我喜歡吃比較生的，我可以煎到我想要的成熟度，非常好，不用擔心過熟。而這裏的員工會很經常替客人更換燃料，不用擔心燃料會燒盡，而沒有服務員及時幫你的情況，員工都很盡心，服務一流。

有朋友極力推薦依間吉列牛，我就揾日放假決定去試結果真係冇令我失望🙆🏻‍♀️由於間餐廳座位唔多（特別係因限聚令)，而且冇Booking要walk in，所以要一早去排隊等位。我同朋友要左一個板燒吉列牛，一個秘燒黑松露吉列牛加一個燒牛肉野菜煲，三款食物都好好食好入味。吉列牛嘅份量對比起我之前食過其他吉列牛餐廳一啲都唔少，跟餐嘅話會包飯同溏心蛋，半熟嘅溏心蛋加紫菜飯好滿足🤤總共都係三個餐四百幾蚊埋單，服務又好，值得試呀🥳🥳👏🏼

其實3月已經同朋友食過呢間專食吉列牛既餐廳,實在覺得太回味😛,聖誕節就帶埋男朋友去食好西慶祝下🥳唔知係咪假期關係,我地3,4點去到都差唔多等左30分鐘先有位,大家要心理準備要排一陣隊啊🤧🐮板燒吉列牛 $108 (午市定食+$20)💯鍾意食吉列牛既其中一個原因係可以自己燒😍鍾意半熟又得全熟又得😛建議每邊燒10-15秒就👌🏻吉列牛油脂分佈好平均,出面既吉列脆皮又唔會太厚,食落去外脆內軟🙀唔會好韌👍🏻我地加左20蚊轉左定食,有佢地既秘之飯素同楓糖流心蛋😻配埋吉列牛一齊食又有另一種層次😚🐮秘燒黑松露吉列牛 $148 (午市定食+$20)今次仲試左個黑松露吉列牛🤩份量同板燒吉列牛差唔多,都好飽肚😋唯一唔同既就係出面既吉列脆皮係黑松露黎,食落好香黑松露味,但就有啲遮左牛既味道同比較濃味,唔洗點醬食都得🤪我地都覺得經典版好食啲haha~🐟浦燒原條鰻魚飯 $78同場加映上次食既鰻魚飯🤤78蚊黎講真係好抵食！鰻魚係原條上架😍上面仲有紫菜絲同木魚絲做點綴連埋鰻魚汁一齊食好正🤩唔會話好dry,鰻魚都係同平時食既差唔多,不過不失☺️但都唔會話好多骨咁樣整體黎講都好值得去試下個吉列牛🥳呢個價錢食到咁既質素都幾抵😌

食過秘既朋友應該都知道一向都要排長龍🤦🏻‍♀️不過早幾日紅日2點度去到竟然唔洗等😱😋板燒吉列牛定食🐮 ($108) (+$20秘之飯素🍚&流心蛋🥚)好鐘意佢個吉列牛有好多片😆唔洗擔心食哂啲牛要就咁食飯😛最鐘意每邊仲有燒到啱啱熟就上碟🤣外脆内軟又熱辣辣諗起都好想encore呀😋😋蒲燒原條鰻魚飯🍱 ($78)好抵食😆呢個價錢有原條鰻魚😍鰻魚燒得好香魚質夠滑😌正呀🥰🙂芥末八爪魚🐙($38)份量唔算好多因為個底大部分都係豆腐🤣😚柚子汽水🥤($26/枝)唔會好甜但好飲既🤣係唔係好多汽既柚子梳打🤪