老苔目 (Closed)

原本想食隔鄰的 “Bravo Latata”，誰不知Tea Time員工落場，退而求其次試試網上好評的這一間。微波爐翻叮我與蝦子餅坐在面向廚房位置最近的一枱，所以發現大部份的東西都經微波爐翻熱，這是首先發現最失敗之其一。此外，食物方面，我們分別點了豬肉刈包 $18、魯肉飯(大) $18、附醬油米苔目 $12、(由於點了這個必須跟湯)，所以另點了貢丸湯 $22。首先上的是微波爐翻熱的貢丸湯，這個我們想待米苔目來到才享用。接著來了叮叮魯肉飯及叮叮刈包，我們慢慢地一一嚐過後，乾坐著等待好像是這兒主打的米苔目，但等了又等後，侍應過來跟我們尚要等待5-6分鐘，我們已然等得不耐煩了，貢丸湯亦已攤涼了（可能眼見只有一部微波爐吧！）內有小強好不容易，等得附醬油米苔目送上，我們分著吃，但最最難以接受的事情發生了，我們吃了數箸後竟然發現內有小強 非常嘔心，我們只想盡速離開，最後只免收加一作結。衛生不堪、味道方面亦不甚了了，無下次！

因為8月戈陣去過台灣,對台灣食物好懷念,而澳門又冇乜台灣野食,難得今次去香港,就來"老苔目"試下吧~~魯肉飯肉的味道不錯,但飯粒有部分較硬,做不到粒粒分明~~魯肉干面太少肉了,整碗面沒味道五味豆腐同普通炸豆腐沒分別!!!飲品方面,水蜜桃,,,,一般地瓜杏仁奶,,,.太杰~~太重杏仁味,根本好難可以飲得完!!!

朋友點名話要黎試, 點知12點3都仲未開門既~好啦, 我地去行一陣先達先再番黎食過啦!12點9黎到, 坐門口位, 叫左兩個小碗魯肉飯, 再叫了兩個小吃, 一個係暖盤, 一個係蚵仔煎魯肉飯: 看上去, 真係好細個, 點知我地都係食唔晒, 好飽!而且食到底, 真係有好多油喎, 而且肉碎內有好多肥肉呀!!! 如果無咁油, 無咁肥, 一定會好好多!暖盤-翡翠素菜卷: 涼左少少, 都唔夠暖喎! 另上了麻醬, 沾上一點點黎食, 都幾好味, 但如果係熱既, 我覺得一定好好食呢~蚵仔煎: 好多蠔仔喎!!! 而且只只都好肥大, 不過本人不好食蠔仔蚵仔, 所以無食, 只係食左d 旦+面粉做成的面條...都幾油, 幾膩幾滯下, 多人食會好d, 得2個人食一定食唔晒, 仲要係兩個女仔...我地不停飲水, 佢地都不停斟水比我地, service都幾好, 只係店舖太細喇...而且個廁所都窄窄地...食物如果不是太油太肥, 都會再黎!

1-10-2010本來到旺角只為「轉車」, 但近 2:00pm 仍未食 lunch 餓得快扁了, 最後捉了朋友嚟呢度醫醫肚, 還掂上次嚟覺得不錯 (http://www.openrice.com/restaurant/commentdetail.htm?commentid=2092290), 又一直想食試試其他食物.2 人各自叫了飯/麵, 再 share 兩款小食:-蒜泥白肉: 醬汁疑似黑醬油膏, 質地杰杰的, 甜甜哋, 撈勻生蒜泥味道有少少怪 白肉就太厚切了, 瘦肉食落硬實, 肥部分就只有「一舊油」的質地, 唔香又唔算爽, 唯有 lur 掉. 幾嘥 quota 的一味, 可以不試.滷蛋豆腐: 滷水幾淡, 豆腐軟熟有豆味, 蛋就係「粉實」的一般貨色; 不過兩者都唔入味, 有點掃興的.蚵仔大腸麵線: 原來係「阿土」出品 幼身麵線 as expected 糊糊腍腍, 不過湯底 MSG 度又唔算高, 撈勻蒜泥 (青色的!?) 一齊食, 都 ok 的; 蚵仔好大隻 , 不過無乜味, 可惜; 大腸咬落帶點煙韌, 但味道臊得很, 唔喜歡了.肉燥飯 (細): 朋友的主食, 試了少少

老苔目位置雖遠離旺角食區主戰場，不過其實更近火車站和地鐵站，而且對面就是打響雪花冰名堂的某店，這邊吃完正餐就立即有下場夠方便。飽？吃甜品是另一個胃吧。身水身汗的入到店來，店員就送上一杯冰水，不是一般遇到的熱茶暖水是冰水，這間店鋪，細心。米苔目可以選冷熱食，安全起見點個熱食好了。一邊玩遊戲機一邊等覺得比平常吃湯麵等得久一點，不過上菜時店員一句"不好意思久等了"，這種服務，窩心。吃湯麵最重要是先呷一口湯，這個湯味道沒甚麼特別，只是帶點點鹹而已。不過米苔目就真的不錯了，咬起來QQ的有嚼頭，而且細嚼下還有淡淡的米香。而魯肉味道亦很像台灣時吃的味道，帶點鹹就是淡了一點，心想是湯底弄淡了。意猶未盡再點一碗細魯肉飯看看是不是湯的原因弄淡了，揭餐牌期間店員加水時看到加滿後的"請用"手勢，簡直是酒店級服務，滿分﹗魯肉飯上來時當然又說了那句，也不驚訝了。這個細魯肉飯的確是有點細，若不是吃了米苔目一定選大的。試一下魯肉的味道，跟台灣吃的一模一樣﹗而白飯亦不是尋常之輩，吃起來軟硬適中而且粒粒分明口感佳，應是台灣的珍珠米，拌上那看似不多其實不少的魯肉一起吃真的令我想起台灣，真後悔沒叫大碗的來吃。埋單時發現原來要

假期食都唔洗等位, 正!擔仔麵售罄, 叫了店員推介的米苔目: 味道不錯,麵像鳥冬但比較軟身蚵仔大腸麵線: 都有幾多蚵仔, 味道也像台灣的味道白玉翡翠: 入面有椰菜, 九菜, 紅蘿白絲, 味道比較淡, 但點了醬也可以五味豆腐: 樣子有點像麥樂雞, 香脆可口, 唔錯!黑糖牛奶: 黑糖味很重, 都幾好味~水蜜桃露: 太多冰, 應該要有匙更供應食入面d椰果這食店的店員d服務都好好, 值得一讚

今期要再戰MK，一早上Openrice 找好嘢食，時間有限又不想食大餐，結果決定來此餐廳。六點三來到，只得兩枱人，姐姐好友善地招呼我們坐下。已看了不少食家的評語;最後叫了米苔目，魯肉飯，紅糟肉，白肉翡翠，滷蛋豆腐！當初都驚上食物慢，因都少少趕時間，但想不到碗米苔目30秒了上枱！好香，先喝口湯，已混入了一些魯肉汁，幾濃味！食一條米苔目，才發現每條都幾短，用匙羹食好似好過用筷子。口感較粉，入口即化，不太有咬勁。味本身略淡，加上濃味的魯肉剛好。米苔目的魯肉和魯肉飯的當然是一樣的，跟飯味道又有點不同，因飯吸收了油香，所以特別入味，和跟湯很不同，但又不算咸，食得出陣陣肉香。正因為此，個人較喜歡跟飯多一點。糟紅肉好快接住上。是用肥豬腩肉整的，炸起後已切一片片才上碟。剛炸起，熱。想不到的是南乳味幾重。炸得幾脆口。但實在太肥膩，多過一半係肥膏，港女大敵。大豬女友只吃了幾片。滷味竟剛賣光，冇機會品嘗。6點幾呀!本想叫個刈包，怕豬太油膩，辣牛肉卻又賣光…服務很快手，上菜也快，相信比之前已有改善。兩人食了100元，還是不錯。

旺角區人多車多，襯有事到旺角，但啱啱又遇上1號波下既滂沱大雨，為左我心中既老苔目，行幾條街衫都濕曬！大雨下仍有客人响門口等位，不過唔算人多，暫時企响隔離個大廈門口避雨先。老苔目一直係我想試既菜式，源於細時住過柴灣徙置區 (則7層大廈)，後街有檔狗仔粥，檔主係人人都叫佢做九嬸既女仕。狗仔粥入面既粉條係九嬸親手做，顏色同形狀都似銀針粉，兩頭尖中間肥，但可見粉身粗糙唔平滑，每條形狀長短都各有參差，質地軟綿。配上 Home Feel 既白色湯底、香脆既豬油渣同小許蝦米碎，一碗清甜帶香又飽肚既狗仔粥就成為街坊既美食。徙置區清拆後，再揾唔番狗仔粥，其後有人做過豬油渣麵，但完全唔係果回事，事關九嬸既粉條係精心炮製既，有著自家製特色，而老苔目既米粉條形狀甚有九嬸影子，又係自家製，所以一直被吸引著。終於輪到我地好開心，一共只有6張4人枱，兩張2人枱，最初以為可以獨佔1枱，點知侍應話落大雨想輪候客人可以盡早入座，咁我地都好理解，但侍應見我地東西比較多，好快又幫我地轉到一個自成一角既座位，真係正！ 老苔目：老苔目粉條係用米漿 "顏" 成，食落確實有米香，可見真材實料，用心製作。湯底食味温和，一d 都唔覺過鹹

上兩個星期, 香港電台有個節目係訪問一班台北的婆婆其中有一節係拍佢地成班喺度整米苔目又咁啱, 舊同學約食飯, 諗住上嚟睇吓食咩好, 結果一入嚟就見到呢間老苔目, 所以就嚟咗試鋪頭個位置係ok的, 唔算難揾, 鋪頭細細, 幸好唔駛等好耐就有位三個女仔叫左幾樣嘢1. 米苔目2. 鹵肉飯3. 白玉翡翠4. 鹵水雞翼5. 炸花枝6. 冰苔目從來都唔知咩叫米苔目, 食落覺得係煙un版o既銀針粉我都唔知佢整得算唔算正宗, 但幾好味鹵肉飯都好味, 我好鐘意食珍珠米白玉翡翠係實係椰菜耗住其他菜再點麻醬食個麻醬好香好杰呀, 但個菜就唔知想點, 係冇味的, 食落同個醬亦唔夾雞翼好一般, 我覺得自己整會好食過佢冰苔目其實係類似甜品的物體糖水浸注竽圓, 少少涼粉同米苔目個味ok的, 唔太甜, 米苔目亦夠煙un地方細, 但ok好坐, 3個女仔吹水都吹咗3個鐘好彩嗰日唔算旺, 唔係阻住人做生意就唔好侍應服務ok的, 坐咁耐都冇黑面, 亦冇催人走

人氣的食店 人是很多 店員很努力 但看來還是沒上手有人說加水服務是不錯,我想簡單點每個桌上放樽水由客人自己去倒水會更好把人手放在改善上菜速度吧,因為真的真的很慢我不是食家,我只是個普通人,我不會為了什麼美食等了幾十分鐘座位再等你十多分鐘上菜,你是做生意,客人花在店的時間越短,你的利潤才會越高,這是參考澳牛的道理說回食物吧 米苔目不錯 招牌菜真的做的合格了 我雖然不是專家 但也覺得這個很不錯OK說完了米苔目 要批評了蚵仔大腸麵綫 有人說很好吃? 又是那個國家的新興煮法 這以我理解是煮好一大鍋然後就"畢"給客人的菜 你們跟我說要現煮!!!!?????? 那麵線中會有蚵仔味會有大腸味?現在不是在煮米線 不是煮港式車仔麵 蚵仔大腸麵線要怎煮我也不是專家最重要這店的蚵仔很腥我真的吃不下 還有魯肉飯 這些應該改在前台門口位可以快速弄給客人的也要花上5分鐘以上才送出來天呀 這店的效率真的要大大改變 不然你只賣米苔目算了我沒去過一家台式店晚上是沒雞排賣 下午茶限定????其他的將來再去試吧 不過要等那麼久 看來應該不會再去了

除了台茶之外，另一近來頗為火紅的又是台菜，因為好像近來也有一點台式食店在香港開業，見此店在OR的走勢非常凌厲，就找了一個周末的午飯時間，捉了女友來吃碗人氣米苔目。店子是小小的，座位不多，所以也需等上一會才可入座，店內的冷氣很強勁，來吃東西的朋友一定要帶外套啊！之後我們先研究餐牌，雖然餐牌不算很厚，食物可供選擇的品種只可說是中規中矩，但不知何解我樣樣都想吃，所以在作出取捨之後，最後要了人氣的米苔目、刈包、紅糟肉及紅燒牛肉麵。很快就有米苔目吃了，本人吃麵食，通常都是先喝口湯，鹹食的米苔目通常都是以柴魚熬煮成湯後，再加入爆香的炸乾蔥、炸蒜片來吃，可是這口湯喝起來沒什麼柴魚味，反之就是得個鹹字，但面層的炸乾蔥、炸蒜片就是認真的，夠哂香呢！米苔目用上了米漿及蕃薯粉一起來做，所以吃起來是既有米香，又帶強大的嚼勁，是日吃到的真的不負所望。之後來的是紅糟肉，顧名思意，就是用紅酒糟來煮肉，是日的豬肉被紅酒糟醃過之後，就再炸，確是炸得很香口，色澤粉紅肉嫩，呈半肥瘦的肉軟爛香甜，油香十足，外脆內鬆軟，味道有點甜但酒糟味不太足，看來是唯一需要改善的地方。接着的刈包細細個的，但看起來已知不錯，看包中間夾着那塊肥

首先叫左魯肉飯..米苔目...刈包豬肉..紅糟肉第一個感覺咪.......重咩今耐囉......坐左成十分鐘一樣野都未黎....不過有好好既服務..又加水...又話(先生....等多陣)都ok la個魯肉飯真係有小小返左去台灣既感覺.....叫左個大碗都唔夠喉果個咩米苔目都好特別 佢係用米去做成既麯...刈包豬肉係用肥豬肉做...不過+左雪菜一d都唔肥膩到最後必食+推介(((((((((((((((((((((紅糟肉))))))))))))))脆卜卜 入口即溶 咬完有種南乳香.........

十二時十分到,不須等位蚵仔大腸麵很咸, 吃下感覺欠新鮮刈包還可以飲品比不上珍珠奶茶店, 太甜了店內有油煙感覺, 坐得不舒服但值得稱讚的是店員服務良好台式小店堂食也要收加一不會再到此店

米苔目 ($18) : 我覺得個湯底香甜,好似有d蝦米&魯肉燉煮過 米苔目質感滑溜,很順口呢大魯肉飯($18): 這個也很好吃喔, 魯肉不咸不膩 而且每粒飯也占了 魯汁香,光溜溜的 蚵仔豆腐湯($3x): 這個比我想像中細碗, 而且湯頭帶有味精味.. 但蚵仔總算新鮮喔紅燒大腸(忘了): 這個就很大碟,而且大腸很入味 沾一點醬汁,甜甜酸酸的,很特別總結,我都好滿意呢~有機會,會再來一次喔

一直很懷念在台灣夜市食過的刈包和刨冰，在網上見到這間台式食店的介紹，於是一試~豬肉刈包 $18 - 軟軟的包裏面夾著厚厚的豬腩肉和雪菜，腩肉肥美，好食！白玉翡翠 $26 - 椰菜卷著紅蘿蔔絲和野菜，上面淋上芝麻醬，味道全來自芝麻醬，是非常清淡的一個菜。蚵仔大腸麵綫 $26 - 蚵仔的份量不少，加上醋，整個麵綫很好食~ 是某些food court賣的麵綫所不能比的！細冰苔目+珍珠+地瓜圓 $28 - 苔目是白色肥肥短短的一條米製品，凍食都幾煙韌，配料方面加了珍珠和地瓜圓，兩個都不是特別好食，刨冰配黑糖汁，整體普普通通啦