聯發茶餐廳

Open Now

Now Closed

九龍城除咗泰國野出名其實仲有間茶餐廳好出名就係聯發茶餐廳啦😍佢好出名食炒蛋，仲有煲仔飯食添平時假期都會見到排哂隊去食嘢😆真係非常受歡迎!!!今次我就唔食早餐，簡左夜晚食😋櫻花蝦臘味煲仔飯 $108秋冬最岩食煲仔飯🤤滿滿既櫻花蝦🦐滿滿嘅臘味D材料一啲都唔輕手再加啲煲仔飯豉油～個飯真係超級香，加埋個飯焦脆卜卜～充滿住櫻花蝦同臘味香味口感十分之豐富～送飯真係一流😋特餐 $68簡左多士火腿炒蛋沙嗲牛肉米米粉同沙嗲牛肉份量都好多沙嗲牛肉好香沙嗲味招牌炒蛋當然正🤤雞蛋好炒到好滑脆多士夾埋炒蛋食~一流😋 炸餐肉配蛋黃醬 $32餐肉炸到脆卜卜～再埋d蛋黃醬依個小食雖然係好邪惡但係好好味🤤好食指數(5星為滿分)⭐️⭐️⭐️⭐️⭐️

一間地道既港式茶餐廳，有很多食物選擇 ，除了早餐、特餐、茶餐、常餐、三文治、多士、奄列等等，晚市更有煲仔飯供應，所以很受歡迎，我們在下午1:45左右到達，門口也有幾個人在排隊，我地排咗大 約15分鐘左右就有位。餐廳牆壁掛滿食物的照片和餐牌，圖文並茂很吸引。點了滑蛋照燒雞扒丼，炒蛋滑溜，蛋味濃郁，雞扒燒得香噴噴，雞皮微微焦脆，肉質鬆軟嫩滑，加上餐廳特製的甜豉油，好食到停不了口，非常出色。公司三文治分豬肉和牛肉兩類可選擇，真係少見，豬肉是午餐肉，牛肉則是咸牛肉，我們今次選了牛肉，麵包是厚切，裏面夾著火腿、芝士、炒蛋、蕃茄和青瓜，味道很好，每一啖都回味無窮。凍檸檬茶，茶味香濃，不會苦澀，有3片檸檬，不錯。餐廳還有一個菜式，炸餐肉條，好特別，下次一定要試試。

新春連續幾天假期，向長輩拜年及外出的活動已在兩三天內完成。剩下的日子就可以在家攤下抖下HEA下，過一個懶洋洋又寫意的假日。與太太一起睡到自然醒，然後下床煎下年糕、蘿蔔糕點，再來一杯熱普洱茶，優哉悠哉消磨了一個半天。精神爽利下就出外逛下，太太稱一直未有時間去宋皇臺站參觀下站內的文物展示，於是坐屯馬線起行，順便在九龍城遊玩下。到了傍晚又到吃晚飯時候了，我們漫遊至候王道一帶，啟市的食店不多，我們選了聯發茶餐廳並點了炭火叉燒煎蛋飯~$88及炭火叉燒炒蛋飯~$98，飲凍檸茶~$26及凍阿華田~$26，共銀$238。老實講，聯發的炭火义燒蛋飯價格並不貼地，一分錢一分貨，义燒真是肥瘦適中，肉質鮮嫩高品質。#luenfat#聯發茶餐廳-九龍城

與老婆一樣仍在享受新春假期，大家都不用上班。這幾天，每天都是吃糕點、瓜子、油角等賀年食物，已有點吃不消更不想待在家去煎去弄了。一於與老婆到九龍城逛下，順便在塞城公園行大運，舒展下筋骨做運動。到了傍晚，逛下逛下行到去候王道2-4號地舖~聯發茶餐廳，於是就與老婆在茶記吃晚飯撐枱腳！入到店內， 見牆壁貼上既精美又誘人的炭火叉燒蛋飯推介，我與老婆也愛吃义燒，我們分別點了炭火叉燒炒蛋飯~$98及炭火叉燒煎蛋飯~$88，另點了熱好立克~$24及凍檸茶~$26。义燒鬆化可口，吃得出是用新鮮豬肉而製，配上特製鼓油醬汁，與滑蛋及白飯更是絕配。

仍是新春長假期，難得可在家休息，不用外出應酬，真的要珍惜這個復工前的假日。瞓到自然醒，早上吃過年糕、竽頭糕就繼續煲劇。到了肚餓時間，就再訪九龍城的聯發茶餐廳，新春期間人氣仍鼎盛，店外已有人龍等候入店。一支公，等了約5分鐘就可迅速搭枱入店，此店在新春並沒有加設什麼新春附加費，算是少數的良心食店。我點了一個$68元的常餐： 火腿炒蛋/煎雙蛋、牛油多士/餐包、沙爹牛肉湯意粉/出前一丁麵、凍鶯鴦~加$2，另加配午餐肉~$10、共$80。此常餐較一般茶餐店略貴一點，但在大時大節下，因不設什麼巧立名目的新春附加費下，就顯得份外貼地。沙爹牛丁麵看似普通但能做到麵條爽牛肉入味，算是用心製作了。

🚩九龍城侯王道🚩每次去親九龍城都會食泰國菜🇹🇭，不過聽聞其實有間「茶記」都唔錯👍🏻☕️🍳漩渦蛋包西炒飯 $88大塊漩渦炒蛋蓋上西炒飯，炒蛋嫩滑，不過一定要趁熱食，如果唔係蛋就會變實🥹西炒飯有腸仔粒、餐肉粒連茄汁🥫一齊炒，味道甜甜酸酸，份量都大🌸櫻花蝦臘味煲仔飯 $108常見既臘味煲仔飯，但配上櫻花蝦🦐一齊煲既飯變得更有特色😍店員介紹加埋d櫻花蝦會令到個飯更加香噴噴都會帶出鮮味，加上呢到做飯焦做得幾好，飯焦脆卜卜😎🐷炸餐肉條配蛋黃醬 $32將午餐肉切成條狀，然後炸成薯條般，而蛋黃醬當作茄汁咁，午餐肉炸得外脆內軟，上面仲有少少既糖，令午餐肉唔會咁咸，別有一番風味😉💡除左出名茶餐，其實餐廳都幾創新，有好多唔同既新配搭，令普通一碟炒粉麵昇華😍📍 聯發茶餐廳 (九龍城)🗺️ 九龍城侯王道2-4號地下1號舖

小妹同豬去咗九龍城出名「聯發茶餐廳🍴」食晚飯😙 傍晚已經充滿不少人龍，但好彩排咗陣就入到去食～餐廳以正方形為主，地方非常乾淨，無諗過連洗手間都好乾淨😍👍🏻 餐廳牆壁掛滿美食相，有炭火叉燒，西多士等～非常吸引🤩奶油多士🥪麵包非常軟熟，且呢款係厚身麵包🥯 奶+牛油非常均勻，好味😋滑蛋蔥花叉燒飯🥩🍚呢碟飯份量多，蜜汁叉燒好味🤤 肉質軟腍，脂香不膩，食落仲帶點微濃香😚 而且滑蛋好嫩滑，仲配埋豉油送飯一流😝鴨腿煲仔飯🪿呢排天氣又開始涼，最適合食煲仔飯暖暖身😍打開蓋就聞到飯焦飯焦好香脆，美味，當淋上豉油，味道更佳🤭鴨腿相對較鹹🫨但整體味道不錯😌炸餐肉條配蛋黃醬🍟呢款食物相當特別，第1次見😝 呢盒切到好似薯條🍟既炸餐肉，仲配埋蛋黃醬，而且每條餐肉都有糖灑喺面，味道👅一流，好邪惡😈凍檸茶 🍋檸檬既酸爽與茶香既濃，非常融合，口感清涼宜人🥳仲帶有微微既甜味，喝下一口瞬間提神🤩整體食物有水準，以茶餐廳對比，呢間乾淨企理，價錢中上，但多人食背後一定有原因😝

經過九龍城就一於試下「聯發」今日兩個人，就去叫左一個特餐以及一個炭火叉燒煎蛋飯，可以試既野比較多啲種類🥢 特餐 💰$68沙嗲鮮牛肉湯意粉+火腿滑蛋+牛油餐包茶記必叫特餐，份量夠晒豐富，沙嗲牛肉茶餐必食，而特餐配咗既意粉亦都可以改做米粉、通粉或者出前一丁，炒滑蛋都夠嫩滑，配既牛油餐包出邊好少見🥢 炭火叉燒煎蛋飯 💰$88叉燒份量多，都有9-10嚿，煎蛋夠流心，蛋醬送飯無咁乾身係唔錯，整碗飯份量好足夠

近排工作好繁忙，諗起不如去九龍城按摩，去之前當然要醫飽肚先，於是想起性價比高，又好食，又方便我們去了聯發茶餐廳。沙爹牛肉腸仔出前一丁的味道濃郁，口感彈牙，他們用的是北海道版的出前一丁麵，麵質煙靱，非常之掛湯，加上香香辣辣的沙爹醬，真是美味絕頂，這個丁麵是會令人吃上引的。公司三文治十分足料，鹹牛肉夾在鬆軟的麵包中係靈魂所在，有一支牙籤的厚度。炸餐肉條配蛋王醬則是一個經典的組合，酥脆的炸餐肉條上有些沙糖搭配蛋王醬，非常之新鮮食法，這個有驚喜！雪糕咖啡濃郁香醇，沖落凍冰冰的雲呢拿雪糕球，停不住要吃多兩口😂雖然今次我們無法品嚐到他們馳名的炭火叉燒滑蛋飯，下次一定要早啲黎食至得。

約了阿女逛九龍城買甜糕點甜品，完成任務後就地下食晚做。我們在宋皇臺站過兩個街口到候王道，就找了間茶記落腳~聯發茶餐廳。目測聯發茶餐廳是貼地的民生餐廳，有大量街坊客光發，店內牆壁貼滿各種食品推介，當中最吸晴的海報就是炭燒义燒及蛋包西炒飯。我同阿女分別點了：炭火义燒滑蛋飯~$98及滑蛋包西炒飯~$88，飲品選了凍朱古力~$26及凍鴛鴦~$26。終於明白，點解這兩項主打飯類不以餐項與飲品一起配售。這兩個飯是用心製作，不是大堆頭已弄好餸料未叫已成的餐品。炭火义燒鬆化肥瘦適中，厚切又肉質鮮嫩備玫瑰露香味。蛋包西炒飯更是廚師功架之作，整個西炒飯被整幅滑蛋包蓋著，色澤鮮明又外滑內有飯香。我與阿女享用了九龍城地道茶記水準之作的一餐。

🌸叉燒雞扒飯🐷🐓+凍檸茶🍋☕️份量好足夠！叉燒雞扒都有滿滿嘅炭燒香味😍🤭配埋蔥油味道好夾👍🏻而且好入味！叉燒半肥瘦，雞扒鮮嫩又多汁！我幾鍾意食🫶🏻🌸茶餐（火腿煎太陽蛋🍳+牛油多士🍞+叉燒湯意🍜+熱好立克）叉燒軟腍，湯意粉都好彈牙，唔錯！而我最欣賞嘅係佢地嘅煎太陽蛋，脆邊太陽蛋，好好味😋🌸奶油多士🧈🍞烘過嘅多士外脆香口，咬落口有濃郁嘅牛油香味同埋煉奶嘅甜味🥰正🫶🏻餐廳店員服務態度好👍🏻上菜速度好快🤗餐廳長時間大排長龍，如果大家去食，就要預番多少少時間啦😊

最近好多移左民既朋友，表示喺外國嘅生活最唔習慣就係食物。就算想去食個茶餐廳，嗰啲食材根本就唔正宗，而且仲超貴，話求其一間香港嘅都好食過佢。其實物以罕為貴，掉翻轉你叫佢係香港日日都去食就唔喺咁講啦。所以我喺香港，一般會揀比較出色嘅先至去。 🍖呢度既出前一丁有水準，我揀左餐肉雙旦，餐肉實淨唔會好易散，煎蛋做到燶邊又流心，丁麵煮嘅時間岩岩好，彈牙又唔硬。不過呢啲係基本。 🍖西多做得有驚喜，其實西多做法萬變不離其中，兩塊包夾住花生醬，加蛋醬去炸，完。但係要做到外面好脆，而且企身，就唔係人人做到。好似一早炸起備料，有人order先至返炸，就一定做唔倒咁嘅效果。加上我另外叫左個云尼拿雪糕，變成唔洗加糖漿，都有醬料嘅效果。而且你睇下個雪糕球，唔係用宜家方間整好嘅一球球雪糕，以而係真係自己畢出黎，又圓又靚又好味。 🍺Affogato，大家都知道茶餐廳一般都會用robusta豆,即係相對冇咁有風味既味道。因此佢地一般會加入 Coffee creamer。但咁樣太人工啦，佢哋巧妙咁運用左云呢拿雪糕既香甜，平衡左咖啡太過厚重既味道，邊度又滑又順口。 PS.呢日見到陳山聰坐係我地隔離，我地有眼神交流，但佢好乖

今日經過九龍城，忽發奇想食茶記，舊式茶記在香港越來越少，而咁岩真係見到有一間。傳統懷舊港式茶餐廳裝潢，開放式水吧，可以大約睇到師傅在沖奶茶、檸檬茶，牆上有一部大電視在播放節目，可謂「麻雀雖小，五臟俱全」，卻有一番人情味。滑蛋蔥花叉燒飯 （$68）滑蛋呈黃金色，蛋味香濃，口感很滑，不會過熟而失去口感，叉燒份量適中，肥瘦適中，洋蔥爽口彈牙，附近打工仔可以一試。上碟的同時，店員十分細心，會馬上附上一支甜鼓油，可供自由選擇落嘅分量，重口味嘅我即刻落左唔少，同滑蛋和叉燒十分夾。叉燒雞（扒)飯除左有叉燒外，還有切好的雞扒塊，方便食用，雞扒塊連埋雞皮一起食用可謂一大享受，雞油香味惹口，加上鋪滿表面的蔥油，是米飯的盜取者。

九龍城是我工作的地區，每次午膳我都會與同事盡量試去不同食店，由牛腩粉麵、印度食店、泰國餐廳、日式料理等也試過了不少，但最穩妥的貼地選擇都是選茶餐廳。 點解？ 因區內的大小食店多不勝數，能在此區立足的茶餐廳，水準也有一定保證。今晚放工約了朋友在宋皇臺站外等，然後行了一個街口到候王道的聯發茶餐廳用膳。聯發茶餐廳是貼地的民生餐廳，以叉燒及煲仔飯馳名，我們都喜歡吃叉燒，所以就叫了兩個滑蛋叉燒香蔥飯餐配熱檸茶。飯後當然要叫甜品，店內有雪糕咖啡，我們就點了來品嚐一番。總括而言，叉燒鬆化肥瘦適中，雪糕咖啡有創意，如能由一球雪糕加至兩球的比例，甜與苦的咖啡甘香味道配合，定必效果更佳。

又嚟咗呢間茶餐廳食茶餐, 必試炒蛋同紅豆冰👍🏻！呢度已經成為咗我每次食茶餐嘅日常飯堂, 座位都幾舒適, 而且燈光非常充足！𓌈˒˒ 茶餐有牛油多士、火腿炒蛋、餐肉通粉, 烘過嘅多士好鬆軟; 炒蛋好嫩滑, 蛋味香濃, 仲留有蛋汁; 通粉嘅份量剛剛好。我另外再加咗杯紅豆冰🫘, 紅豆粒香甜軟綿, 而且份量好多, 每一啖都食到紅豆呢, 非常足料～𓌈˒˒ 滑蛋照燒雞扒丼雞扒煎至金黃色, 好香口, 加上滑溜嘅雞蛋🥚, 佐飯一流🍚！