肥仔記麵食

Open Now

Now Closed

沒想過原來公司附近一直有這間黃色粉面店,環境都可以,價錢又超級抵,更有抵食套餐,基本上大部分人都會食套餐,食完唔夠飽再食其他店囉!冷氣又夠又有位,好值得推介俾上班一族。雲吞面配豆漿及時菜  32元   4/5分   1. 雲吞面一定要讚,散叫才22元,套餐更抵食,有4粒雲吞,每粒都有一隻大蝦,面底都夠幼無咸水味,唔錯2. 豆漿夠凍好飲3. 腐乳通菜好新鮮,又大碟,通常都是先上豆漿後上面,最後才上菜,證明是即製,好好味總結不會因為價錢便宜而將貨就價,提供到最好的味道,絕對每星期都可以來一次支持,謝謝。

係老銅走人， 好鬼肚餓但可以食嘅鋪頭好似又唔係好多，唯有開app望下有咩店舖可以食，窮L揾食一樣有選擇~向左走向右走， 都係決定食肥仔記平平哋 ﹐中途又聞到o的炸雞味~ 都幾乎變心， 但係已經心火盛~ 唔好食得咁熱氣，堅持 行到去肥仔記門口肥仔記$38套餐 雙拼粉麵+油菜+豆漿單拼餐都係$32~味道ok咖~一餐便飯嘅質素~唔係頹飯雲吞水餃都夠大粒水餃蝦乾鹹香配木耳都好爽口鵝腸唔係乸到無味個種粉量夠多~加埋腩汁一流好夠飽嘅一餐~~大滿足充滿energy~~

星期日下午，我在灣仔「軒尼詩道」的某連鎖快餐店裡面，食完一個甜味批點之後，一路等候到晚餐時間來臨，我立刻橫過「軒尼詩道」大馬路，進入和光顧位於快餐店對面的潮州粉麵店「肥仔記麵食」。「肥仔記麵食」粉麵食品裡面的主要賣點，就是定價價錢頗為便宜實惠，單單一碗簡單的「雲吞麵」價錢都只需要港幣二十二元，就算將麵食由「一拼麵」變成「兩拼麵」甚至「三拼麵」，最後價錢也只需要三十四元而已。「肥仔記麵食」除了看似是潮州粉麵店之外，其實感覺也很像港式的車仔麵食店，牛肉餸菜裡面分別包括有「牛腩」、「牛筋」、「牛肚」、「牛丸」跟「肥牛」，足足有五款之多。至於有點「肥仔記麵食」的「撈麵」，「肥仔記麵食」「撈麵」可以選擇以傳統腩汁去撈，又或者可以選擇用鹹味的蠔油，可是我今次只選擇了「三拼麵」，所以只能招到下次才能享用「撈麵」了。即使我在「肥仔記麵食」裡面選擇了一碗，有雲吞加牛筋加牛腩，再另外選擇「加底」的「三拼麵」之後，「三拼麵」的實際價錢都只需要港幣四十三元而已。「肥仔記麵食」「三拼麵」實際上比較便宜的定價，加上「三拼麵」湯麵所使用的湯碗實際體積，比一般潮州粉麵店裡面的湯碗都明顯大得多，所以「三拼麵」實際麵條跟

係好平 但用料差呢~ 最基本D雲吞有沙,朋友碗水餃面D水餃真係徒未食過廣東水餃係咁款。一咬就成口咯咯聲。 外來飲品唔得嘅 ,咁你舖頭有冇啤酒呀？ D阿姐冇禮貌到極點, 食過一次就夠 費事一肚氣。

時光倒流20年，所有單拚粉面⋯⋯竟然是一口價港幣$22。今日食咗水餃麵，雖然有少少鹼水味但也是合理。已一碗粉面$22 ，如果加一杯凍飲是加$9水餃有三粒，面底唔算細....下次可以試吓牛腩

今日天氣較寒冷，決定中午出黎食碗熱麵。之前經常都會經過，聞到陣香味，所以都毫不猶豫咁決定黎呢度食。入到黎叫左套餐，雙拼牛腩魚皮餃米粉，加腐乳通菜，通菜較油，但可接受。麵到左，好香賣相亦好好，但問題來了，一開始食了幾啖已經見到眼睫毛痴係米粉上，(其實成碗唔止一條毛髮)，見到第一條都覺得呢種粉麵店會有這種情況十分普遍，只係將佢夾走，之後食到中間，再有一條疑似較長的眉毛，當時都算，將個啖麵抽起。再食多一啖，今次係男性短髮，之後我整碗都唔敢食！老實說，麵的質素不錯，性價比高，環境都算乾淨，但我未試過食一種食物可以有咁多毛髮。。怕怕

柱侯牛筋河粉😎$20上次食過牛腩河，已經想食多一次😂今日咁啱又要過海🙈順路去多一次👍今次就試試個牛筋先😋起碼有5條筋👍堅係抵食🤤爽口又入味味道亦唔錯🤩

今時今日係灣仔返工食飯30 蚊內 除左連鎖美式快餐 基本上都吾太搵到但竟然仲有20蚊碗雲吞麵而且質素仲好好 有4粒大雲吞 每粒裡面仲有2隻蝦大大粒 好有咬口 麵亦都好彈牙 再配合醋一齊食確實係性價比超高既午餐而且一入就有位坐 實在值得再encore

鬧市中有驚喜， 麵底爽口彈牙，湯底濃縮， 鮮蝦雲吞餡料蝦肉大隻，咸味適中， 魚片頭味道可以接受，因為始終不是他們手作食物。 價錢在地王區非常之便宜， 双併湯麵+飲茶 =$35。 以地區的租金，食物簡直是超值。 服務員態度非常之有禮貌殷勤， 值得一吃再吃。 店主內斂低調的在為客人煮麵， 手法純熟衛生乾淨。

行完街 8點幾 想去食拉麵 想過馬路時發現呢間粉麵門口好似有雜誌介紹過? 無乜望就入左去(因為友人想食) 直接後食感好似36 一個餐 豆漿油菜粉麵主食20 一個單拼 26雙拼豆漿 唔甜 整體都ok通菜 幾靚仔 個腐乳幾好食 微辣的食左雲飩肥牛粗 and 牛根粗牛根腍腩汁同牛根都唔錯 五香味調制好好, 腩汁也夠味, 唔係齋有色但又無味既車仔麵咁肥牛一般 無乜介紹雲飩幾好 整體中上既然後湯底本身無簡水味銅鑼灣 呢個價 好抵食回望旺角果d 10碗?wtf

係就係好平唔會expect d咩servicelunch time好多人去食 因為真係好平20蚊一碗麵 但係其實個碗麵好細係唔夠飽嘅 入到去坐低叫人寫嘢 叫左N次叫極都冇人嚟同人講聲等一陣都好丫 直情直行直過當睇你唔到仲見到個阿姐喝返個客轉頭 大概係話：你見唔到 我整緊野架咩我又唔係齋企喺度 講聲等等先咪得囉 忙都唔使鬧人下嘛 邊有人鬧客架 真係極度冇禮貌!!!!!!!!!!!d人明明想食野但係都被佢搞到成肚氣食唔落!!!!!!!!!!

路過軒尼斯道的肥仔麵店，看到門口放著明星光顧的照片，而從外面看進去店內顧客都坐的滿滿的，質量應該沒有問題。餐牌都是湯麵，大路的選擇如雲吞魚蛋雜丸等，也有牛根牛腩等。比較少見的有肥牛面。全部都一律19元，在雙拼也只是25元，不論好不好吃，軒尼斯電車路大街的麵店可以做到這個價錢已經不容易。在店內還放著一篇蔡瀾的食評和跟店員的合照，可說是店內的生招牌。點了一碗肥牛粗麵，肥牛分量充足，味道不濃，應該沒有再調味，麵湯的味道有點小咸，麵條還算爽口。總的來說可以接受，簡簡單單的一餐。

今日一個人，想起好久沒食過雲吞麵，即時就想起依度午飯時段，人流不算多（大抵一般人都覺得雲吞麵唔夠飽/很快肚餓+黎得既食客一般都係"速戰速決"，很少會坐低慢慢吹水）基本上都唔使點等位，岩晒我心意選依度既原因都不外乎3個：環境唔差（冷氣足，加d枱唔算迫，最怕同人頂背），味道ok （我最愛牛腩/雲吞麵），另外就係非常抵食（最平$19就有交易，加多個菜都係多$9）有時如果午餐唔想食太飽，想輕怡一點，黎依度真係岩晒

麵食全日供應, 選擇眾多!  若平時進食太多, 感到肥膩, 不妨到訪一試.當日我吃了一碗 雲吞河粉+郊外油菜, 盛惠 HK$28.  份量不算太多, 但勝在可單點麵食, 價錢全日均為每碗 HK$19.  在灣仔區來說, 這個價錢真可說是絶無僅有啊!絶對是OL 輕食首選!

糧尾時份必到之地，18元一碗的麵+多9元就有大大碟油菜。雲吞麵 ＄18 麵是有簡水味的。雲吞大大粒還有蝦添，必須要點醋食架！淨魚蛋＄18腐乳通菜 ＄9魚蛋淋.......又腥，不過都幾多粒腐乳通菜，每次來食都食到靚菜的，嫩口冇渣，爽軟適中而且腐乳也好好味不過咸微微辣，野味