臻味豬扒酸辣米線

Open Now

Now Closed

過嚟觀塘見完客，順便搵朋友聚下，佢提意食米線。上次食咗雲桂，今次試下聽講中午排隊排到出門口嘅臻味豬扒米線。一坐低有個男仔行埋嚟問食咩，我哋兩個人講完一大輪加乜走乜，佢竟然唔使寫低用個腦記低晒，5分鐘就出咗餐，比個贊佢！豬扒有啲淋，湯底有啲麻辣，因為唔係即煮，所以唔夠熱，無咁入味。不過不失啦，未至於要排隊食..

係觀塘打工既me，間唔時會去人氣米線店「臻味」，已經成為我既comfort food。綜合多次用餐體驗，個人心水係招牌既豬扒配紅薯粉。如果你係豬扒控， 豬扒絕對唔會令你失望。單併有5件，抵食‼️豬扒大份得黎夠酥香，唔算油，真心推薦～佢既豬耳豬肚都唔錯，其他就一般。臻味有3間分店，分別係觀塘&牛頭角，我食過其中兩間，覺得味道唔大分別，但水準都係有D飄忽。 有次食過米線太硬，最近食就唔夠辣。但湯底普遍都好正，好鍾意果陣麻辣味。相比其他米線，佢既湯底算少油，岩晒消化能力較差既我🤤

從以前到依家佢都係保留到一樣既味道，呢間豬扒米線係我食過甘多間最好食既一間，係網上都有好多人介紹過，常食佢既湯米線，唔知道原來佢既撈紅薯粉都一樣甘好食，豬扒入味就唔再講，紅薯粉彈牙，黎開呢頭真係要一試。

🍭今日經過臻味猪扒酸辣米線🍜突然間好想食，但又唔想等位，咁就唯有買個外賣返屋企食啦🤩呢個餐廳好好，佢會自動幫你分湯，所以買返屋企食，都唔使擔心d米線會淋曬👍🏻雜錦小窩酸辣米線，入面有鴨胸，司華力腸，肥牛，仿鮑片，韭菜餃，花生，酸菜同埋炸豬扒，材料好豐富好好味，呢到嘅炸猪扒好出名，真係好正😋😋

係觀塘返工/做嘢嘅對呢間豬扒米線縱使唔係住個邊都聽聞呢間米線店好耐😛到而家原來已係牛頭角觀塘九龍灣附近開咗四間店自己就一次都未食過朋友間嘅評價有好有壞睇個名就知道呢間米線店以豬扒酸辣米線馳名有好多款式嘅湯/撈米線有泡飯同小食唔食酸辣麻辣 仲有蕃茄湯揀價錢都唔貴秘製豬扒蕃茄湯米線好想試下佢出名嘅酸辣但個日唔好彩腸胃炎剛好返唔食得🥲蕃茄湯要另加$3估唔到又ok喎雖然都知加左茄膏但見到一舊舊鮮蕃茄🍅估計應該都有用鮮茄去煮湯茄味濃郁 甜甜地🍅🍅不過就有啲油主角豬扒份量都唔少切成一塊塊豬扒炸過後較香口薄身啲 肉質腍身唔乾調味唔錯正正常常啦冇話特別好食米線都好多質感滑身彈牙好索湯仲叫咗個炸雲吞炸到勁香脆 而且超巨型裡面包住少量魚肉仲可以點茄汁食整體唔錯！但唔洗為咗佢特登入嚟食嚟開呢頭想食米線可以考慮下😎可能下次我會想試佢嘅酸辣米線

聽說呢間臻味幾紅，愈開愈多分店，佢主打酸辣湯底同豬扒，但我今日想食飯，見佢豬潤寫住“鮮爽 豬潤”諗住都唔會太差，所以叫咗個豬潤肉碎泡飯扣底～呢度出菜速度超級快！落完單兩三分鐘就有👏泡飯有好多蔥同芫茜，對我呢個好中意食“青”既人嚟講幾夠香👍湯底似係清湯加味精，偏油膩，一般般，肉碎超級肥！！😐豬潤切得好薄好薄，完全食唔到“鮮爽”嘅口感，佢雖然未至於乾/柴/韌，但係真心超級普通。。。。可能今次揀錯嘢食🙈 下次會再去試下佢既酸辣豬扒，如果都係咁普通就唔駛再黎🤣

嚟到牛頭角，如果問我有邊間餐廳係我畢生難忘嘅，呢間臻味豬扒米線，一定係我心目中嘅心水。中學嘅時候喺觀塘道上面嘅學校讀書，放中午飯嘅時候一定會同同學鬥快跑到落嚟山下面嘅米線餐廳當我哋上次唔接下氣嘅時候，老闆就會即刻為我哋遞上幾杯水，人情味已經滿分。以前驚食唔飽，一定會嗌套餐。「牛脷米線辣分上凍檸水少冰」呢一句比老師早晨更流利嘅說話，我諗呢世都唔會忘記。第一次食到咁飽，同埋好難得會配埋花生，酸辣一齊食，中學嗰時做完運動食一碗真係特別開胃。希望佢長做長有，以後我仲可以繼續嚟呢度食飯

呢間位於牛頭角同觀塘邊界嘅小店，講真，如果唔係有朋友帶我嚟，基本上係唔會識去又未必會專登去，或者就算去都係去上面轉彎小巴站食小炒或者食蛇羹，雖然呢間小店主打食豬扒米線，不過佢嘅炸雲吞同埋炸韭菜餃比佢嘅豬扒更加出色。出邊一般食到嘅炸雲吞通常都係皮好厚，再加上通常都係一早炸定，所以味道基本上都係麻麻地，不過呢間小店，由於炸雲吞同埋炸韭菜餃都係即叫即炸，而且佢嘅膠皮比較薄身，所以熱辣辣上枱嘅時候仲係脆卜卜，而佢嘅油量比想像中少，不過可能佢太大碟，所以食到最尾嘅一兩嚿嘅時候，佢嘅餃皮會開始淋，呢個係唯一美中不足嘅。

🌟雜錦小鍋酸辣米線 $45同朋友去食, 貪心既小編就嗌左一碗雜錦小鍋酸辣米線,入面有豬扒, 韭菜餃子, 司華力腸,肥牛等等。另外仲有大量蔥花同花生。特別值得一讚既係塊豬扒同米線, 豬扒大大舊, 煎得好香而且醃得好入味, 米線亦都好彈牙。而酸菜同辣醬就另上, 食既時候撈埋米線黎食,又香又辣。整體黎講,小編覺得好食過譚仔。

每次經開牛頭角，都特登過嚟食呢間今日晏晝係觀塘泳池游完水，做完之後好肚餓過去牛頭角幫襯，隔咗一段時間冇嚟裕民坊已經唔同曬，唔知遲啲會係點去到臻味個門口都裝修過，好似同以前唔一樣靚咗新淨咗，可能我太耐冇嚟每次一定要食招牌豬扒麵，要加無骨鳳爪，凍奶茶，如果兩個人食會叫多兩個小食佢個米線唔係食個辣度，而係食佢嘅豬扒口感唔會唔會太厚，仲要幫你剪開幾塊，食得又方便，佢個湯花生同埋酸菜係絕配，最尾都要飲兩啖湯做完運動米線係唔夠飽嘅，鳳爪隻隻都啖啖肉，酸酸may may 非常開胃

一講米線，住觀塘附近嘅人一定會諗起佢，最重要真係大件夾抵食😚有時窮起上嚟又食厭咗譚仔轉下口味都幾好，起碼呢個價位唔係咁易揾到高汁米線舖🤪不過小編次次食呢間都係叫外賣，從來未入過去舖頭入面，所以環境方面就講唔到，希望唔會好污糟啦😂.🐷秘製豬扒酸辣米線 $38痴線其實呢個價錢真係好抵食，睇圖都見到有好多豬扒，豬扒正正常常😍雖然佢最出名係酸辣而圖中都係酸辣，不過小編對佢嘅麻辣係情有獨鍾🥰夠麻夠辣帶有後勁，真係好過癮，淨麵配麻辣湯已經滿意😌不過唔食得辣真係叫BB辣好喇😎.🐷牛展酸辣米線 $34 (+韭菜餃 $6)不嬲好鍾意食牛展，雖然冇乜味但就係鍾意種口感😋韭菜餃都唔錯有3至4粒，不過嫌少餡咗啲啲🥲呢碗轉左上海麵，但覺得同個湯唔太夾，都係米線好食啲🥸整體黎講冇豬扒個碗咁惹味，清淡少少🤓.🍽味道: 3.7/5🏙環境: NA‍👨🏼‍🍳服務: NA💧衛生: NA💰價錢: 4/5

今日去咗觀塘泳池游完水之後，就去咗呢間我成日都好懷念嘅米線舖，以前放咗學同班同學仔都會相約去呢度食反一碗！極極極極極極極推薦嘅就係佢嘅秘製豬扒酸辣米線！！佢係可以揀辣度嘅！以前我會食微辣，而家我可以食小辣，個味道同以前一模一樣，一送到面前就可以聞到嗰種酸辣嘅香味！塊豬扒超好味，個湯底更加係酸辣適中，食完個嘴仲會有輕微嘅麻辣感覺，再飲一啖凍檸茶，爽啊！小食當中，炸雲吞又係必嗌既，而食炸雲吞時必定會蘸少少茄汁，性價比極高嘅一餐！

觀塘米線有好多選擇，呢一間就主打麻酸香。最喜歡入口麻麻嘅感覺，愈食愈過癮，唔會只有辣味，然後不斷重覆伸脷，飲水，呻鼻呢啲動作。帶過幾個朋友來試呢一間，佢地都覺得唔錯。▧ 秘製豬扒酸辣米線鎮店之寶，如果係第一次黎，十分建議試一試呢碗米線。豬扒份量極多，幾乎同麵嘅比例一樣哈哈。豬扒薄身，因此好易咬唔韌。睇得出豬扒係先醃過再炸，豬扒好入味。▧ 鮮蠔仔酸辣米線個人認為喺隱藏嘅皇牌。蠔仔份量又喺極多，雖然唔大粒，但細細隻好鮮味，係每次食嘅必點之選。▧ 隱藏tips可叫 辣另上，就會用碗仔另上俾你，可根據個人口味調教辣度。▧ 整體來說，如果鍾意麻辣嘅"麻"重啲嘅話，絕對要一試！係呢間獨有既味道，出面食唔到架！

以前觀塘返工總會經常叫臻味豬扒外賣每次係office 打開外賣個酸辣香氣都散播office 每一個角落轉工近三年，偶爾都好好掛念呢隻重口味今日一個人路過觀塘決定回憶下那年的味道豬扒豬雜米線湯底：酸與辣融洽感十足兩邊都不會過多最突出的反而是那種麻一飲落去嘴角痹痹的，十分之酸快正當你麻到快不行時一股酸味又很好地把你帶回現實世界豬扒入味得有一點偏鹹但炸過後再進入湯還能維持某程度的酥脆已經很不錯了豬雜一般般，可以不試總體來說與記憶中的味道有點出入貌似退步了可能冬天吃會更好一點也許等下一個冬天，會再光顧吧

抱歉無圖 因同其他upload咗的一樣 所以唔upload了點咗韭菜餃米線 中辣 + 檸檬茶 共$40米線： 夠彈牙 唔係林的 比Ｘ哥 的好味 利申：本人係Ｘ哥酸辣三小辣的粉絲韭菜餃： 人手包的 皮夠薄 內餡可以多Ｄ 不過都唔差 利申： 本人好怕食Ｄ腳皮咁厚的餃子 食皮都食包 = 即是食麵粉飽湯底： 中辣 夠麻 唔係太辣 好野味 麻到去嘴唇 不過10分鐘後就無事了檸檬茶 ： 茶膽唔太好 無味 可能我夜晚去 就關門，店主就無再加茶膽 用完舊的就算裝飾： 正常 普通粉麵店 坐入面冷氣唔太夠 要自己潑扇乘涼結論： 好味 可以再回頭 價錢合理