Video
Telephone
64988966
Opening Hours
Today
19:00 - 05:00
Mon
Closed
Tue - Sun
19:00 - 05:00
Above information is for reference only. Please check details with the restaurant.
朋友話食過好食，專登過嚟試，點知係出乎意外地 ——— 差！一入舖頭，就見到廚房隔離張枱有一群男女喺度飲酒食煙同超超超超超超超大聲講嘢。當堂打咗個突，但係始終係街坊宵夜店，咁嘅環境都唔係出奇，算！完全冇招呼下自己搵位坐低，張枱黐立立到好似搽咗白膠漿咁，但係串燒店始終油煙大，算！跟住嘢食嚟真係算唔倒！點咗朋友推介炒腸粉同炸大腸 - 炒腸粉油到阿媽都唔認得，炸大腸乾到似薯片。其他所有串燒食唔到食物嘅原味，只有重重嘅調味粉味。最恐怖係燒秋刀魚，外皮熏黑，有苦味，要撇開啲皮先勉強食到少少肉。兩個人食埋單接近$400，都唔知食咗啲乜嘢。進食期間嗰台男女（期間知道原來係老闆招呼緊朋友）繼續高聲談話飲酒食煙，我哋根本傾唔到偈。問返介紹我哋嚟嘅朋友，佢上次食應該係老闆自己煮，質素好啲，但今日老闆已飲到咁高興，就唔知道係邊個煮了。其實如果老闆主要都係想招呼朋友一齊飲酒食煙，冇諗住招呼客人，亦冇諗住煮啲唔難食嘅嘢俾人食，咁不如唔好打開門口做生意，唔好連累啲肚餓真係想食嘢嘅人。*食到好嬲，冇心機影相
continue reading
宵夜時段一入內，全店每枱客人都是食緊煙 😵💫🤐所有串燒可自選味： 蜜糖/孜然粉/沙嗲、 辣/不辣燒雞軟骨 - 好細粒 🐣燒廚師腸 - 看圖自評🙊燒雞全翼（無雞中翼）🐥燒司華力腸🍖（鍚紙包）蒜蓉慢熟西蘭花 🥦 - 味道ok. 只是求其點，一堆蒜蓉在一個點。放了第三枱才給到正確的餐枱 （即途中經了2張不同餐枱「不是我們🪑、不是我們的⛔️」最怕有人在食物上說話😑😑😑）燒牛肩肉串🐮 - 一般，有沙爹味支裝飲品一支埋單 $135
continue reading
男朋友IG見到有人介紹話要帶我去食好西去到餐廳都已經覺得唔對路🫤❌燈光陰暗 從啲塵嘅厚度話我知...餐廳係應該有啲歷史嘅❌明明入面有位 但被安排門口位 真係對正隻門！！啲人出出入入 就要幫無手尾嘅拉埋隻門😒係咪應該出返糧比我‼️❌坐底左就無人理 枱面又無餐牌最後係自己出門口拎張外賣紙落單堂食🙄❌揀緊食咩時 已經係咁聽到 呢樣無 個樣無....❌餐廳空間太細 客人大聲少少都勁應聲 ❌落單等左45分鐘 終於有野食上檯❌❌❌❌❌❌ ❌ ❌❌我剩係食到調味料味❌❌❌❌❌❌❌ ❌ ❌係十萬個失望
continue reading
大佬，一入座滿座，但見好多枱都好似無嘢食（枱上嘅筷子同碟都係乾淨嘅），於是一落單即刻專登睇時間20：36，諗住唔緊要，可以飲住啤酒（已跟單落）先，但坐咗一段時間後，發覺完全無人理我，於是又叫人過嚟，叫咗好耐先有人應，之後先拎啤酒。突然之間，有個食客食起煙上嚟，然後再有其他食客都食煙，都算，燒嘢食唔著衫嘅男人都叼住口煙。再坐落去嘅30分鐘都唔覺個廚房有嘢出，係講緊包括其他比我地更早到嘅人都係無嘢食呆坐。我自問都有心理準備燒得耐，所以都有嗌炒腸粉、炸物諗住會快啲有啲嘢餸下酒。然後我見隔離坐咗近一個鐘嘅食客慢慢陸續有第一樣嘢食，同上埋其他嘢食，我先醒覺呢度低能嘅廚房可能係無法multi tasking，要逐張單整，而佢地其中嘅羊架仲直情入面係生嘅🤐 個職員仲同食客講：唔好意思，時間關係🤣。 （痴線，加加埋埋超過個幾鐘都比生嘅食物食客）最後我地等咗46分鐘，有隻一啲特別都無嘅燒雞髀上枱，然後再陷入另一輪嘅等待，於是我就浪費咗收工寶貴嘅時間喺度等咗個幾鐘，兩個人只食咗一隻垃圾雞髀，真係無法再等，食到十點幾都係得一隻雞髀。
continue reading
在香港新蒲崗的舐舐脷，我體驗了一場味蕾的冒險。這裡的美食既傳統又創新，每一道菜都帶有一絲家鄉的味道。**冰火魷魚**是一道獨特的開胃菜，冰涼的魷魚搭配上微微的火辣感，讓人一試難忘。這道菜的對比口感，既能刺激味蕾，又不會過於沉重。接著是**12刀大雞髀**，這道菜的份量十足，雞肉烹調得恰到好處，肉質鮮嫩多汁。每一刀下去，都能感受到雞肉的鮮美。**燒茄子**是一道簡單卻美味的菜肴。茄子燒得外皮微焦，內裡柔軟，吸收了滿滿的調味料，味道豐富而不單調。**炸大腸**則是一道口感豐富的小吃，外酥內軟，搭配秘製的醬料，既能滿足對於炸物的渴望，又不會讓人感到過於油膩。最後，**秘製辣醬炒腸粉**無疑是這頓美食之旅的高潮。腸粉滑嫩，辣醬的香辣恰到好處，讓整道菜的風味層次豐富，令人回味無窮。總而言之，舐舐脷的美食讓人驚喜連連，每一道菜都有其獨特之處，值得細細品嚐。這裡的美食不僅僅是對味蕾的滿足，更是對傳統與創新的完美結合。
continue reading