華園腩餃專門店 (Closed)

本身是勝利道老店，做餃子的本店較為出色，雖然較貴但質素不錯回頭率高；幾年前同街開了牛腩專賣店，試過一次無下次；今次工作關係經過長沙灣分店又撞正想食牛雜所以再試一次… 外賣。牛三寶飯（走汁）$60：預左佢咸所以走汁，結果出錯了牛腩飯、無走汁。牛腩仍然是記憶中的牛腩，乾瘦柴。（兩種飯好似相差八蚊…）牛雜半份（走膀）$70：結果無走膀… 牛肚牛腸牛肺蘿蔔墊底，兩個字，咸+腍！應該唔係新鮮牛雜（香港地好難…），腍到無牙應該都食到，但係都唔使咁咸架？（由於飯有汁已經好咸，牛雜我係一啖蘿蔔一啖牛雜咁食完佢…）腩汁甜蘿蔔 $22：由於信唔過小店洗菜會乾淨，唯有夏天食蘿蔔。都係個個字—咸！同牛雜只係“好咸”同“咸”嘅分別；亦都唔腍，我覺得同本店餃子嘅食物水準質素差好遠…服務態度OK，就係唔明做乜出錯晒單，（LUNCH TIME？）仲要係外賣無得投訴… 總結：牛腩完全唔合格，整體“佬”味重（SORRY 我都唔想用呢個字），咸咸咸！食完勁飲水… 基本上所有食材都食唔到原味，亦食唔到廚藝和心思… 絕對無下次！

呢間餐廳係同事介紹嘅，佢話之前附近返工食過唔錯🥸正如其名，佢最出名就係賣牛腩類菜式💁🏻‍♀️鋪頭嘅位置都幾入，如果唔特登搵平時都未必會行去個度，不過其實就係D2 Place二期斜對面～~~~🌼環境鋪頭入面其實都幾細，得幾個位，所以佢都做外賣居多坐得唔係好舒服同埋逼，乾淨程度尚算可以接受🤫不過我重視食物質素多啲，所以唔係好介意😇.🔶牛三寶河粉($52)我本身唔食牛雜（除左牛肚同牛柏葉🤪），所以呢碗係朋友叫的，望落份量幾多佢話好味夠肥美，都唔會有異味我食左舊牛肚都唔錯，幾入味😆😆.🔶牛腩撈麵($50)🪄7.3/10有得揀牛腩汁/蠔油汁，我就比較鍾意腩汁麵條幾彈牙，撈汁食好味😋主角牛腩大部分屬於瘦肉但唔韌，只有一角仔有肥膏，但咬左佢就ok食落好入味，有牛味得黎唔會騷🐂但對比河粉，撈麵就好似細份啲不過都夠食😝💰注意撈麵係要加錢轉㗎～.🔶炸魚皮($78)🪄7.2/10佢係膠袋上，但好大份👍🏻平時出去食應該得呢度一半🤧冇特別調味，不過夠脆口，同湯麵一齊食係perfect match🥰~~~⭐️回頭指數🌕🌕🌕🌖🌑粉麵小店黎講佢定價都唔算平，但我覺得價錢係對得住質素嘅ʕ •ᴥ•ʔ而且店員都好nice😊見到

想食牛，但不要牛朳，食咩好？去了荔枝角食牛腩！鍾意佢有牛三寶，嗰三寶都係我鍾意食👍🏻今次不要普通麵底或泡飯，要試下秘製豉油皇撈麵底。來一客牛三寶豉油皇撈麵底，加5隻津白水餃。牛腩又和又稔，撈麵好味，記得要自己撈勻。水餃有咬口👍🏻

過開嚟呢頭開會，喺公司樓下經過呢間麵店，味道真係香噴噴，的確係好吸引人。門口睇一睇餐牌，嘩，價錢唔係特別貴，但定價係$40一碗粉面，的確唔簡單，因為喺荔枝角環頭環尾，一間簡陋嘅小店，竟然叫呢個價錢，一定有佢過人之處，所以有一定嘅期望，就入去試下。先講結論：係令人失望嘅！要測試一碗牛腩粉麵有幾好食，有兩個主要元素，第一當然係嚿牛腩，第二就係個湯頭，通常肥腩同半肥瘦都一定唔會唔好食得去邊，要試出師傅嘅真功夫，就要食瘦腩，而且要多汁，希望令到個湯更濃郁，除非你想食得好清。整體上，份量是OK的，首先試咗舊牛腩，一咬落去，完全冇入口鬆化嘅感覺，而肉質係帶一點死實，但未至於韌，同時唔夠入味，咬入肉中間，味道好淡。當然，你會話食半肥瘦咪得囉，係你自己揀瘦腩之嘛；但我頭先咪講過囉，就係要試吓師傅嘅真功夫！湯頭亦冇乜特色，好明顯只係普通粉面店嘅一般湯頭再加上普普通通嘅腩汁，一啲都食唔到香料五香嘅味道，只係一啲普通得唔可以再普通嘅腩汁放上湯。所以，整體上呢碗牛腩米粉實在係普普通通過普普通通，叫價$40實在係唔合格！芥蘭嘅質地唔錯，淥菜嘅時間掌握得好好，蠔油幾好味，反而蠔油芥蘭係挽回左少少分數！下次再嚟荔枝

因為麵太熱 要灘凍一下熱得像熔岩 這家店的牛很好吃如果第一次幫襯建議叫牛類食物但我偏愛酸辣麵一來愛吃辣 (但麵不辣的)二來荔枝角好似冇食上海菜的店三來仲係粗麵所以每次來到都會first priority 叫酸辣麵

位於D2place two 附近地鋪店面唔算大 位都系等十幾個午餐時段成日都見到人龍等位決定要試試叫左牛丸配豉油王撈麵&雲吞牛腩配豉油王撈麵味道幾好 撈麵好爽口個人都幾喜歡 下次會再試試其他菜式

荔枝角d2 place 附近見到是牛腩店，個湯底個腩汁味都好濃味，價錢可接受$40 ， 油渣麵$50 幾貴的而且正常味道，大家可以簡牛什河可一試：）食完有點口渴 不知是否有點味精。

呢間店既位置已經經歷左好多手，好多間都挨唔到幾個月就執🤭事關位置較D2入，而且空間好少，堂食只能放幾張枱仔。·但係·呢間野又幾好生意喎，大概係些少明星效應(圖三😎），而且質素幾好，見佢都好多外賣客，我見佢得咁少位，我都買左外賣返公司先食，畢竟都好近。·牛腩米線💰HKD40牛腩切起細細件，但佢都比到八件仔我，其實都唔算少，但係米線就真係好少☹️唔夠喉👉🏻👈🏻·牛腩好夠味，質地淋身，如果係中意口感型既、有嚼口既可能會嫌佢太淋😅但我覺得岩岩好。湯底唔會好咸，因為都幾淡口，比得好少腩汁～下次叫佢多腩汁💁🏼‍♀️另外，佢會主動比自家調製既辣油比外賣客，其實唔係好辣，但係落左就惹味好多☺️👍🏻·本身想試埋佢啲餃子，但見到外表普通，無叫到。$40牛腩多但麵量少，價錢合理，附近有間啲麵同牛腩都再少啲，但同佢同價😂同事試完返黎不停嗌餓🤭

從朋友口中得知係荔枝角有一間食牛什的小店，喜歡牛什的我，又點能夠錯過。行到門口，見到店外貼滿了明星光顧的照片，沒有細看，驟眼見到其中幾張有金剛在內，心想，可能飲食節目介紹過吧！入內一看餐牌，見食物價錢都算是中價，一碗粉麵$40，雙併要加$8，加紫菜又要加$8，加辣菜脯又要加$8，最終點了牛肺牛腸河算了，收了雙併的價錢。河粉一上檯，先喝下第一口湯，沒有一般牛什鋪的濃郁牛味，但味道是可以的，不會太鹹。至於牛肺牛腸亦呦得好腍，入味的，牛腸洗得都乾淨，沒有怪味。但可惜，食完這碗河粉的我，成個下午都好口乾口渴，似是味精作怪😣這小店真的是可一不可再....

Wah Yuen used to be famous and started off with a little joint in homantin.Then they moved to Cheung Sha Wan and now they are at Lai Chi Kok near D2.The menu used to be bigger with unusual items like pigeons egg etc.I decided to have instant noodles tossed in fermented beancurd.When it came, it was darker than anticipated but luckily you could still taste the fermented beancurd.Overall, it tasted ok but a bit pricey.

係荔枝角做左野幾年，終於係工廠區附近開左一間主打牛腩粉面，難得今日下晝得閒，就約同事落去會一會華園，鋪面相當細，一坐低就知中伏，出面30幾度，入面都差唔到有成30度，雖然有3部冷氣，但係居然一d都唔冷，坐低未嗌野食已經出汗，嗱嗱淋嗌左一碗牛什泡飯，一碗牛什河，兩碗都係店舖推介3個like，加杯凍奶茶。凍奶茶一上台，就又係伏味濃，茶色淡到似好立克，一試完全無茶味重奶味，到牛什泡飯，湯底極深色，試落太濃味，泡飯仲要係一舊舊仲未散開，大嗱嗱50蚊一碗，好心你俾d誠意喇，真係太求其喇。見到隔遑離台台面有菜脯，所以同店員嗌份菜脯，原來要收8蚊一兜，心諗死就死得，試埋佢，一上碟又係伏味極濃，細兜到佢呢，咁都收8蚊，真係有無搞錯。真係夠經典，店鋪細細，食物服務完全對唔住價錢。

留意到長沙灣工廠區開左間新嘅餐廳有個幾月，門面都唔錯，食物相片頗吸引，今日終於試左。 叫左個古法牛雜河（算係果度招牌菜）， 份量算適中， 但味道極度普通，湯底無味，牛雜亦都唔入味！ 可以講，是但係街邊買嘅牛雜都好味好多。 另外加左杯凍奶茶， 堂食但係係用外賣紙杯，個外賣紙杯好軟，大力啲都驚整爛。杯奶茶無茶味，真係非常普通！同場有朋友試左油渣麵同埋雞翼腸仔飯同其他嘢食，都覺得非常一般，一致認為唔會再幫襯。一碗河粉加杯嘢飲要56蚊， 有辣菜𦡮但加一細碟要8蚊， 辣椒油果啲都要特登問職員攞先有！ 同埋果度冷氣唔夠，舖頭無咩人都覺得好熱！ 講真，真係唔值呢個價，可以講係不可一，不可再！

見新開入去試下，6個企堂7張枱，咩玩法……？三人叫左粉仔，牛雜粉，酸辣湯水餃，份量少料少，牛雜話推介但湯底淡無特别，粉仔辣菜甫仲要加$8，可以一試但晤会再幫襯。