華星客棧 (Closed)

［麻辣口水雞飯］係呢度叫麻辣口水雞，都預左有限麻辣 😂 上左菜見到上面有唔少指天椒同青辣椒切片，都幾驚喜 😙 而且食完哂都真係感覺到麻。雞件幾滑，質素完全可以 👍🏻.凍奶茶少冰仍然有一滿茶杯冰，建議叫熱奶茶會更香濃有風味.聽同學講呢度有時好多人排隊？如果要排隊就不了 😂 連餐飲$50始終有啲貴

We wanted to have French toast, so we immediately looking for a Cha Chan tang to fulfil this desire. Two sets of French toast would be too much, so we ordered a normal tea set. The roasted pork was with a bit fat, which made it more tasty and soft and juicy. Noodles was good, not too soft. Traditional toast with butter was sweet and crispy.French toast was with Kaya sauce, it was a bit too sweet but we like it. It was so colourful.

今日吃lunch,一路上服務態度都非常差，又話我個friend張椅子整到個carpet起左；個呀姐趕住收嘢，叫佢留返一套餐具唔好執因為有嘢未到，佢話「隨得你」。重有追order,又話厨房多嘢。其實寫唔出佢哋的服務態度，但係真係羞到我同D friend都戚戚為奇，你眼望我眼。成個lunch,食到谷谷氣先走。blacklisted,絕對冇下次。唔信可以去試下，幾好食都冇用。注：從來都懒寫食評，但係今次晒多D時間都係藉得嘅。

本來我們一家每星期六日都定期去，認識大部份的伙計，以前多數很友善，我們家兩個小女孩也和幾位伙計叔叔和姨姨打招呼。 今天我們大約在下午6時45分到達， 在門外已經有大概四台左右等著。 我們也很修規矩在這些人的後面排隊。 不久我們認識的 餐堂大佬"家明" 看見了我們一家。 因為我們是認識的， 他突然用一個很不屑的眼神和口氣對著所有人說 "識我又唔早啲打電話嚟留枱, 你睇下而家咪領曬嘢囉"。 其實我們從來沒有要求任何的特權或者打尖 我們只想開心的在這裡吃一餐飯。 我們意想不到一個我們熟悉的臉孔竟然以這種 傲慢的態度來對待我們。 以餐廳的角度來說這就是一粒老鼠屎搞壞一鍋粥。 一個態度傲慢的夥記 就可以摧毀當年嚟辛苦努力建立的餐廳 的聲譽和招牌。

今日lunch嚟食咗個叉蛋飯lunch set，五十個大洋包嘢飲，個飯味道一般，蛋就唔錯，但叉燒得四、五片，其實都預咗係咁上下。不過，凍飲話明加＄2，叫咗凍華田，最後埋單變咗加＄10(有單有真相)，而餐牌上亦唔見有講明凍田係要再加錢！Fine, 如果佢夠好飲都算，但係非常淡！好強烈俾人搶錢嘅感覺！去過咁多間茶餐廳同冰室，真係未試過華田係會收得比其他凍飲貴，可能華田呢排加咗價，或者係我見識少，呢次真係大開眼界！

昨夜第一次到这裡吃晚飯，一來店小二就說贵价海鲜限量供应，不然就估清，我们說不要，只点简單餸菜，立即黑面，到後幾台新來，一男一女的店小二又用同一方法迫人叫贵嘢，別人不要，即公開三人只叫三個餸！別人來吃飯要受你氣嗎？

一直都有去華星食飯都知道伙記既態度差但我忍受唔到伙記鬧一個老人家話說同屋企人喺星期六中午去華星，要等位婆婆年紀大，行動不便而且聽力一般無留意就行左入去即時比一個男職員呼喝鬧其實好聲好氣絕對唔係問題之後佢都唔覺得有問題唔肯道歉雖然明白茶餐廳態度唔會有咩期望但係無服務唔等如可以唔尊重人食物其實not bad，但係d態度真係絕對不能容忍

其實平日都有試過食小菜，但幾日前去食lunch真心失望。好似好足料，但實際上成碗野都係無味既。喺屋企都煮得好過佢啦！「鮮茄濃湯」真係比新鮮蕃茄，然後個「濃湯」就係無味既白色水，我想問各廚師係咪真係過到自己果關？蝦係雪藏蝦我都覺得無咩問題，40幾蚊一碗野唔應該抱太大期望，但塊魚真係「完全無味」，好明顯所有配料都無醃過。就咁解凍就落去煮，唉，lunchtime係咪忙到真係連午餐牌上既野都會亂嚟？$48蚊一碗無味野（真係唔係誇大/抹黑），只係覺得太過分！

夜晚上完堂之後 去咗華星客棧 今次最想講嘅係服務問題阿姐同我地講佢哋10點半last order我哋去到差不多10點鐘 咁就一班人13個入咗去食嘢我哋入到去都好快叫晒嘢食風沙雞 咸左點個翠塘豆腐係好食 原來係蒸蛋白黃金蝦球 油左少少 好味 中間既脆脆係唔脆估唔到依個係排骨一班人食嘢固然唔係咁快喺10:45 嘅時候 阿姐就同我地講食多2分鐘我哋嘅反應當然係: 下?咩事呀?仲有三份一野食喎 佢地又無同我地講幾點收 我地就話俾多少少時間啦 十分鐘都好丫 佢話 十一點收 都要早點執野 要我地早走10:50 佢關部分燈 關冷氣同風扇 男士們好大反應 : 唔係掛 我們好禮貌咁點 可否開番個風扇 我地好努力清緊野食呀姐話： 佢地係開唔到架 開左都吹唔到其實如果係電腦set 既係有可能 不過風扇喎 唔係冷氣 哎 我地都努力係11:00前閃人

今日同同事傾開計，同事話：下，乜你冇食過華星咩？好多地方都有架喎，佢餐牌有啲懷舊得意既名~既然係咁，今日就去試下啦~中午12點半左右去到， 我哋一行7人，啱啱好有位，畀咗張圓枱我哋，環境又真係幾懷舊喎，真係有啲唔同嘅餐牌， 例森美卤肶 ，校長多士~午市餐牌都幾多選擇~豉椒牛河 - 炒得就算幾乾身，唔會油淋淋，熱辣辣夠火喉，牛肉都幾夠味，唔會話太un~特色生炒牛肉飯 - 顏色睇落好吸引，炒得都好乾身，一粒粒飯唔會痴住，牛肉味香濃，唔怪得知係餐廳推介~咖哩雞球飯 - 咖喱味濃，正常質素啦~乾炒海鮮烏冬 - 都係正常質素啦~總括黎講，服務就茶餐廳服務，食物質素就比其他茶餐廳好既~

屈小姐係一位名符其實既炒蛋痴，偶而佢就會發病同賴生講話要食炒蛋，之不過⋯屈小姐對炒蛋既要求係比喜瑪拉雅山更高⋯，而且屈小姐正值減肥期（炒蛋好高卡路里好邪惡嫁)，所以佢係絕對唔會亂咁叫炒蛋黎食，廢事白白浪費左Quota麻！就賴生所知，會令屈小姐叫炒蛋既地方少之又少⋯而《華星》就係其中一間啦！可想而知，《華星》炒蛋既功力係有一定既修爲既！今日係屈小姐同賴生跑第2次渣馬既日子，相信過程中已經消耗左唔少脂肪（謎之聲：乜真係咩？），賴生同屈小姐就帶埋朋友仔一齊黎到《華星》放肆下啦！其實呢間《華星客棧》幾大嫁，又幾好坐，位夠晒闊落，侍應們既態度都幾好，最要讚既係上菜速度⋯落完單唔夠3分鐘，份炒蛋已經送到面前叫一份早餐已經包炒滑蛋+厚多士+雞湯火腿通同野飲嫁啦！主角： 炒蛋 （5星）- 呢度既炒蛋優勝既地方係滑！廚師邊炒既時間邊搞佢，將空氣逼入炒蛋入面，令滑蛋有微微氣泡狀，除左滑D之外，更令呢度既炒滑蛋挺身D，食落更滿足！- 至於味道呢，有蛋香，加上有淡淡牛奶味，微甜既，不過蛋味呢就冇《澳X》咁濃郁啦！- 但依然係好出色既炒滑蛋！值5星！配角1：厚多士（5星）- 成3cm厚！仲烘到熱辣辣，面脆，裡面

I would like to say although the food is good or even the best on this street, the service is definitely not up to the standard. I heard from friends that their motto is good service but it is the total opposite except for once in a blue moon when the bosses are around can you see a smile on their face.

華星冰室就成日食啦其實華星客棧係西環都係一樣嘅啫啫🤗次次去都係食佢嘅常餐 不過佢近排就出左呢一個新嘅套餐12點前來到仲有架🤗 餐肉滑蛋出前一定包一杯野飲份量都算OK啦 正正常常啦😋另外就係咖喱牛腩飯啊 咖喱牛腩好大碗嘅咁同飯就分開放午餐黎講算係錦啦雖然都係普通五餐但鍾意佢夠乾淨👍🏻

一向都有食開華星嘅茶餐廳，覺得佢哋啲食物有水準員工效率又高。今次嚟到華星客棧，知道六點後有可以叫小菜食，所以決定要黎試吓。當日係星期六晚上大約六點半打電話去問吓有冇位。阿姐話其實已經全場爆滿，不過八點半打後都可以黎試吓。好彩去到啱啱有張枱埋單，大約等左5分鐘就可以入座。裝修尚算有懷舊感覺，比茶餐廳靚少少，有卡位及有大枱。不過比較嘈一啲，客人同客人都坐得比較近。梅菜蒸肉餅係每一次都要嗌幾份先夠，肉餅鬆軟彈牙，肉質鮮甜又滑，梅菜唔會太鹹，仲有帶少少甜味，真係好正好好食！本身自己係唔食羊肉嘅，但係當呢個羊腩煲滾起嘅時候，實在太香啦，諗返起以前細細個食嘅羊腩煲一模一樣。羊肉一啲蘇味都無，食完個身䁔粒粒！啲腐竹索晒羊肉嘅精華，加埋香濃嘅冬菇味簡直係絕配！一睇呢張相就知道有水準啦！標準嘅顏色，雞皮炸到又香又脆，啲肉又滑仲可以保留肉裏面嘅水份，唯一失色嘅地方係雞髀位最厚嗰舊肉仲有少少血水，不過冇辦法啦，唯有小心啲食。牛仔骨煲味道香濃適中，牛仔骨啲肉都算幾爽，唔會咬到牙都甩，個煲底仲有啲薯仔索晒啲汁，唯一失色嘅地方係食到最尾覺得有啲油。總結：員工態度積極親切，如果星期日冇飯開一定會來再食

其實我都不只一次到這間華星客棧，食物味道方面的確不錯，而且晚飯菜式新頴，所有有它吸引之處。不過，說到服務方面，有幾位型男伙記的傳餐方式真的異常獨特，明明一人有一雙手，梗係要一隻手攞曬一柸奶茶一碟通粉，大家可想而知，一係漏瀉奶茶，一係漏瀉通粉湯，結果成隻碟都係奶茶，仲要覺得無問題，枱枱都係咁，問過附近的親戚朋友，意見一致，究竟係咩玩法呢！