蒙麵

Open Now

Now Closed

❤️‍🔥紅磡十年車仔麵老店❤️‍🔥蒙麵，係紅磡街知巷聞嘅老字號，開咗十幾年，真係每次都要排隊！今次去食，排隊排到隔離舖，食完就知點解咁多人！一個字——掂！完全係高配版車仔麵，絕對超出你對普通車仔麵嘅認知！啲料真心高質，食完好滿足🤩😍—— 特濃蕃茄薯仔湯 （花甲+$42）一坐低即刻就問仲有冇花甲🤣每日賣晒就冇！$42蚊幫你upgrade變到好似花甲粉咁，超多隻好足料，好有鮮味大大隻厚肉！湯底係小店名物❤️‍🔥蕃茄味夠出又好自然，仲連埋啲薯仔半溶咁，成個湯好清甜質感好正！啲配料更加高質🤩合埋眼叫都唔中伏！！✅多春魚：條條香口，鹹香皮脆✅香煎腐皮角：一咬脆卜卜，真係還原到炸腐皮嗰種酥脆✅香茅魚餅：香茅味濃到爆！✅滷水大腸：好入味，滷汁好食✅辣味魷魚：辣汁超級超級惹味—— 招牌蜜汁叉燒串 $35燒物同車仔麵一樣咁出名！即叫即燒，滿滿蜜汁包裏住叉燒，燒到勁香﹐時間控制得啱啱好，精華係微微地燶又甜甜哋，大大嚿肉質好軟腍！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 蒙麵 (紅磡)紅磡差館里9-15號協輝大廈地下1號舖🔎分類搜尋：#FTHK_紅磡 #FTHK_港式

終於都嚟到一試平日4pm嚟到 都等咗成20分鐘先有位排隊落定單先車仔麵 (3餸起)新鮮蝴蝶腩 $20唔係炆到淋晒嗰種 仍然有啲咬口只係有幾舊就偏柴🫣另外配咗指天椒豉油 唔算好辣 同個腩幾夾辣味魷魚 $17好。辣。每條魷魚都入晒味 唔係好handle到🥵鹵水大腸 $16正正常常車仔麵嘅大腸 無乜特別麵底：瀨粉 $15+香辣菜脯脆卜卜 又幾香 少少辣 配埋碗粉 唔錯招牌蜜汁叉燒串 $35主要係為咗依個叉燒而嚟即叫即燒 燒到外面少少焦香 ho juicy又有咬口加埋蜜汁 甜甜哋 又真係幾好食無失望耶~~

呢間車仔麵真係唔錯，入到去就見到好多唔同嘅配料，選擇性非常高。我選咗豬腩肉同埋魚蛋，湯底清淡但又唔失鮮味，正好襯托出食材嘅本身味道。豬腩肉煮得剛好，肉質軟嫩，油脂剛好，食落去唔 greasy，反而添咗幾分香味。魚蛋則彈牙，口感非常好，配上幾片青菜，令整碗麵更加有層次感。最令我驚喜嘅係佢哋嘅醬油，味道香濃，配合麵條食落去真係一流。價錢方面都幾平實，分量又足，完全值得一試。環境簡單舒適，服務亦都友善。下次一定會再來！

 ⭐️新鮮花甲蜜燒叉燒 紅磡超長龍車仔麵講到車仔麵當然唔小得蒙麵！有超過四十款餸、八款小吃、十二款麵底，和三款湯底選擇～仲有新鮮花甲每日限量供應，湯底方面當然就大推特濃蕃茄薯仔湯～超濃蕃茄味湯底再加上麻辣菜甫同招牌辣汁！我地星期六下午6點黎到而家要排隊啦~所以想食真係要早啲嚟先得  ————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀  ▪️蕃茄薯仔湯銀汁粉 ＋ 辣味魷魚、腐皮角、韮菜餃、新鮮花甲銀汁粉超滑溜～揀左3款唔同嘅招牌餸，辣味魷魚仲會分開上添~而韮菜餃真係超級大推，大大隻，皮薄餡靚，花甲就新鮮而且唔會有沙▪️蕃茄薯仔湯瀨粉 ＋貢丸、鹵包仔豆腐、溏心鹵蛋鹵包仔豆腐嘅鹵水好入味、豆腐軟綿▪️招牌蜜汁叉燒串蜜汁叉燒串係即叫即燒，外層焦香，散發陣陣蜜汁香味。叉燒肉質嫩滑，鹹甜適中，一大串咬住食特別過癮！

好多年冇寫食評，通常係極端情況先激發到我浪費時間去做埋d無聊嘢... 一係就讚嘆級的美食或服務，一係就垃圾級的劣食或服務，今次係後者... 冇乜幾可嚟紅磡， 就搜尋下紅磡有咩美食啦， 見到呢間話長期排長龍就嚟見識下， 見佢有花甲做湯底應該唔會衰得去邊， 點知原來花甲係要另外嗌嘅，大拿拿$40加花甲，c9s， 平時食花甲年華都係六七十蚊包埋花甲定蜆， 咁我當然冇嗌啦，當我傻仔咩… 就淨試你個招牌蕃茄薯仔湯底+4個餸+銀針粉+小食韮菜豬紅+ 小食招牌即燒叉燒+奶茶= 盛惠$170。1) 蕃茄薯仔湯底， 就咁單飲冇乜嘢但好q甜，落咗好多糖， 食麵用甜嘅湯底真係好奇怪，而且肯定唔係自己屋企煲個種蕃茄薯仔湯，佢應該係搞爛咗啲蕃茄求其掉落去水到+薯仔煲冧咗+大量糖和調味料而成，難飲到仆guide ... 仲難食過華嫂冰室。溝埋我叫的4樣餸，哇~ 邊食邊反胃，想嘔...心中狂爆粗，咁既西嘢竟然同我講係招牌？ 仲要排長龍？紅磡d人平時係咪食開2餸飯？2) 鳳爪其實唔知好唔好食？ 因為已經浸咗入蕃茄甜湯底，最後我將佢浸返入韭菜豬紅兜汁都難食都仆guide，放棄...3) 豬手得一件係皮，其他全部瘦肉，

已經第N次光顧蒙麵平時稍為要排隊嘅都唔會等願意花時間去等因為覺得值得地方雖小 高質的車仔餸叉燒一定要點客人都食得自在夏天都會等一下何況咁凍嘅天氣，好想食碗熱湯麵蒙麵係首選👍🏻

座位剛好在洗碗池旁邊，見到姐姐未用流水清潔，碗上仲有泡沫殘留就俾下一人食，太過省錢，覺得自己吃進洗潔精不過叉燒好味，車仔面湯底麻麻，沒有黃大仙間好食。排咗一個鐘隊，大概率不會再光顧

教會boardgame查經前速食，上OpenRice搵咗呢間蒙面😷，6點鐘開始排，已經排到第9，但都排咗75分鐘先入到，排到懷疑人生，喺門口吹風💨，建議趕時間、一人以上、心急人上或港女就唔皓嚟。門口要落定order，知道花甲（$42）、燒叉燒（$35）同蝴蝶腩（$20）出名，所以必叫，但規定每人最少要叫三個餸，最後我加埋蘿蔔（$12）同豬大腸（$16）配瀨粉（$15）。最後被安排坐門口位，已經係最闊落既位了，但背囊🎒要放後面籃。後面有對couple都入唔到，搵到再後面既宅男同我搭枱。等咗15分鐘先有車仔面，一大個碗上面☝️鋪滿花甲，唔算大隻，但真心滑，皓皓食👍🏻。入面有生菜，送既，有蘿蔔，腍入味，蝴蝶腩，另外有碟指天椒🌶️豉油點，腍好食😋大腸乾淨爽口，瀨粉平時少食，配埋辣汁正。不過我真係趕時間，食到皓趕出哂汗，叉燒再等多10分鐘出，串燒上，蜜汁甜甜地正，入口即融，皓食過出面燒臘鋪既叉燒，等都值。最後一句，一生人要試一次，約人食就免

蒙麵係紅磡一間非常出名嘅車仔麵小店，長期大排長龍，可見佢喺區內嘅人氣有幾高！同一般車仔麵店唔同，蒙麵提供咗好多其他車仔麵店少見甚至冇嘅餸菜，餐牌選擇多到令人驚喜。單睇舖頭門面，已經感受到老闆係一個極具性格嘅人，充滿特色。今次我決定試吓幾款特別嘅餸菜!招牌蜜汁叉燒串蜜汁叉燒串係即叫即燒，熱辣辣送上枱，外層微微焦香，散發陣陣蜜汁香味。叉燒肉質嫩滑，帶少少焦糖味，鹹甜適中，真係一試難忘，一大串咬住食特別過癮！新鮮花甲呢度嘅花甲絕對係新鮮到冇得頂！我排隊時仲見到一車車新鮮花甲送入舖頭，啲花甲肉鮮甜細膩，最重要係完全冇沙，呢個餸絕對係加分之選。新鮮蝴蝶腩蝴蝶腩食落去肉質嫩滑，但調味偏淡，建議配埋佢嘅指天椒豉油一齊食，味道即刻提升，辣味同鹹香融合得啱啱好。蠔仔煎蛋車仔麵仲有蠔仔煎蛋做餸，呢樣喺其他車仔麵店真係少見！送上嚟時蠔仔煎蛋係直接放喺碗麵入面，蛋味香濃，煎得剛剛好，蠔仔鮮美又唔會腥，成個搭配非常特別，絕對值得一試。西洋菜餃西洋菜餃唔係成日有，所以餐牌上冇列出，要自己寫落單。如果見到有呢款餸，記得唔好錯過！餃子相當大粒，薄薄嘅外皮包住滿滿嘅內餡，西洋菜嘅清香同肉餡完美結合，口感豐富，非常飽滿。

呢間係紅磡係出咗名嘅排隊店，排咗大約半個鐘就有位，真係好好彩。卜卜蜆麵配蕃茄薯仔湯底，蕃茄薯仔湯底好多薯仔蕃茄味好濃，同卜卜蜆係絕配，因為知道好大兜，所以我叫咗叫菜底，所以先食得晒，亦都可以同時飲到一啲湯。滷水鴨蛋好大隻，同雞蛋嘅味道差不多。叉燒亦係要必點之一，叉燒燒得好腍，豬肉亦好新鮮，嚿嚿肉都好大嚿，如果可以兩個人分一條嚟食就會啱啱好。

有次同朋友去黃埔睇戲，就醒起順便可以食呢間長期都要排隊嘅車仔麵，去到舖頭出面雖然排咗1個鐘，但係又點會難到為食小女子今次叫咗兩個三餸車仔麵金錢牛肚$17豬紅$12蘿蔔$12油麵$13(加香辣菜甫，牛腩汁)牛肚每舊係幼幼哋，而且係煮到好軟，所以一d都唔會韌，豬紅口感爽滑，蘿蔔充滿水份，又唔會有渣，好清甜，油麵都有口感，軟硬適中南乳豬手$16五香牛根$17辣味魷魚$17幼麵$13(加香辣菜甫，牛腩汁)南乳豬手幾大舊，而且好淋，好易咬開，五香牛根每舊都好淋好入味，完全唔洗擔心會太硬，每條大小適中，份量都唔少，辣味魷魚就係分開上嘅，但係佢個辣味真係幾辣不過魷魚都幾爽口，如果食得辣係會幾正，幼麵有咬口，正常發揮，佢個湯有蔥同牛腩汁，所以都好香好濃味凍檸茶(加$9)招牌蜜汁叉燒串$34呢個都係嚟呢到食車仔麵嘅重要原因佢係即叫即整，所以熱辣辣，而且保留到肉汁之餘外面仲有少少焦香，加上蜜糖真係好正，平時都無特別鐘意食叉燒嘅小女子都覺得好好味總括而言，呢間車仔麵幾高質，足料而且每款食材質素都幾好，又有叉燒呢個高質小食所以都好值得一試，不過真係長期都要排隊，要試就要預d時間排隊啦

一間並不起眼小店，店外企滿排隊等吃的人。我今日一個人只等了5-10分鐘，姐姐就問有冇一個，我還如夢初醒，因冇諗過咁快！當日拿着很多東西，姐姐好好、非常有禮貌又親切，示意叫我放好在箱子上。 點過食物、期待食物．．一端上枱，花甲鮮甜乾淨，非常好味😋！湯底清甜冇味精（因為食完之後唔頸喝👍🏻） 值得一讚：多春魚條條用心製作，擺放出衆，完全feel到好有heart🥰！而且份量絕不戲埸，飽到夜晚都唔使食！ 當然不得不叫 黯然銷魂炭燒叉燒，好香焦香炭燒烤，味道恰到好處，如果可以半肥瘦更美更好！無論如何，今餐值得，臨走看見廚房哥哥原來好靚仔，官仔骨骨，乾淨俐落👍🏻👍🏻食得安心😌👍🏻👍🏻香港小店💪🏻💪🏻加油👏🏻逆市求存，用心有心！

蒙面是一家位於紅磡的小吃店，以其獨特的車仔麵和新鮮花甲而聞名。這個小吃店非常受歡迎，經常有人排隊等候品嚐這裡的美食。招牌車仔麵是蒙面的招牌菜，也是許多人的首選。這道菜由彈牙的麵條、豐富的湯汁和各種配料組成。麵條在高溫燒烤的鐵鍋上快速炒煮，使其保持了彈性和口感。湯汁則是由多種香料和高湯熬製而成，讓整個菜餚更加香濃。配料方面，蒙面的車仔麵通常加入炸豆腐乳、韭菜、豬肉絲等，增添了豐富的口味層次。新鮮花甲是蒙面另一道受歡迎的菜餚。這裡的花甲是當天從漁港直接運送過來的，保持了最佳的新鮮度。蒙面的花甲烹調簡單而美味，一般以炒或蒸的方式呈現。它們肉質鮮嫩，帶著淡淡的海味，讓人回味無窮。除了美味的菜餚，蒙面的環境也非常吸引人。這裡的裝潢簡潔舒適，創造出一個放鬆且溫馨的用餐氛圍。顧客可以在這裡品嚐美食，與朋友聚會或享受一頓自在的晚餐。蒙面的成功不僅在於他們提供的美味菜餚，更在於他們對食材的嚴格要求和烹飪的技巧。他們堅持使用新鮮的食材，並選擇最優質的配料，確保每一道菜餚都能帶給客人最好的味覺享受。無論是招牌車仔麵還是新鮮花甲，蒙面都以其獨特的風味和用心的烹飪贏得了人們的喜愛。這裡不僅提供美食，更是一個讓人

每次經過 都看見人龍在外今次三時多排了大概30分鐘終於輪到我了知道特濃蕃茄薯仔湯係必點湯底可惜久咳未癒 醫師要我暫時戒菜湯所以只好點了個清湯底 惟有下次再來一嚐車仔麵要三餸起 所以點了😋鹵包仔豆腐 鹵水很入味 豆腐很軟綿😋蝶蝴腩軟腍 入口鬆化 沾上烹煮過的辣豉油 非常匹配😋還有車仔麵必點豬紅 豬紅有經過調味 口感軟稔又保持Q彈😋新鮮花甲煮得剛剛好 份量多之餘 花甲仍能保持其鮮味口感且無沙 大推另外 令我期待的是即點即燒😋蜜汁叉燒 叉燒肥瘦適中 juicy且鬆化醬汁調味得剛剛好 甜甜的又帶蜜香帶點微微燒焦感 很惹味可口

真係有排排長龍嘅實力。平時去食基本上都要等好一陣子，但今日竟然冇咩人，等咗冇幾耐就入到去，真係好彩。佢哋啲餸料選擇多，有四十幾款揀。我叫咗個脆香魷魚，香脆可口又唔會太乾。至於個魷魚好食，但係對我呢啲唔係好食辣嘅人嚟講太辣。湯底我揀咗個特濃蕃茄薯仔，香濃又唔會太鹹，叫咗個響鈴朔晒啲汁，超級正。個湯飲晒，不過食唔晒啲薯仔實在太飽。雖然今次冇機會試到佢哋嘅花甲，但聽聞都係好評如潮。希望下次可以早啲嚟，趁未賣晒試吓。環境就咁啦，都係普通車仔麵舖咁上下。但係都唔係話好差，最緊要食物正啦。總括嚟講，唔使排隊我可能會日日食。