蓮．越泰坊

Open Now

Now Closed

失驚無神想入去數碼港兜個圈，真係好耐無嚟，因為太隔涉，入到個場真係無乜嘢行，食肆很多，正直午市，見呢間最多人，咁二話不說~gogogo～蓮-越泰坊。 揀咗～海鮮冬陰公湯河 三寶湯河（牛丸，牛腩，生牛肉） 小食～香茅雞翼，越式春卷 飲品～綠豆涼粉冰，龍眼冰首先想講，由我落單到上枱，唔使五分鐘，太快有啲擔心～先試啖湯，好彩都係熱嘅，好味～酸同辣好平均，鹹度亦好，唔會太鹹，不錯，海鮮亦算豐富有蜆，蝦，魷魚，同埋好多菇類物體😅，成碗嘢係個湯底最正，蜆肉太細隻，蝦應該係一早整定，太熟～鞋過我塊面，但因為肚餓，我都清晒成碗嘢。湯底都算不差，牛丸似港式，大大粒，唔算彈牙，但味道算ok,我只係偷食咗二啖，其他評唔到😅，但另一半話ok,佢都清左八成。廿蚊三隻雞翼，咬落去味道不錯，廿蚊三隻，無乜要求，唯獨是入面啲雞肉顏色有啲唔同。 春卷$48，幾多咬口，乾身，但係6件嘢得三塊菜，緊手咗啲。 二個人埋單$250，價錢合理，味道中規中矩。回頭度：3/5Btw 寫果時見到好多人「腐皮」，但我用餐時啲阿姐又唔覺咁差。

數碼港為數不多的美食，是工作日的首選，店內環境整潔部分位置可以看到海，有午市套餐可以選擇。小食也很好吃，出餐的速度也很快喔，炒河粉和米線都是很不錯的選擇，大家可以來試試

九流服務態度點炒金邊粉餐，光速送上炒金邊粉冷盤。正常聲線傾計，就俾職員指嚇，不知所謂！食完食物都未上餐飲，嗺咗幾次先俾。食物質素只反映當區食肆數量，並非價錢，如非必要，請勿光顧

出黎食餐飯 竟然會食到貼錢買難受 侍應態度非常惡劣 全程黑哂面 對食客係呼呼喝喝 仲要將碗碟大力扔 好似當你係出氣筒 永遠唔會再去呢間餐廳見到呢度既侍應對全場客人都好似仇人 可能侍應都唔想做呢一份工 其實唔係要求要有頂級服務 但直頭係對人與人之間既尊重都無 平日從來唔會寫食評 但今次真係要寫低食評 分享呢一次既經驗食飯從來未試過比侍應咁樣對待 公道講句 餐廳食物係不過不失 但侍應既態度真係令人嘩然 希望餐廳員工見到可以改善 食完之後成肚氣

適逢系Cyberport出job，當然要回頭食呢間泰國餐廳嘅泰式干炒雞河，始終Cyberport可以選擇嘅餐廳唔多，仲要岩口味嘅更難雖然係干炒，但一啲都吾干口，辣味岩岩好，對吾太食辣但又中意食野味野食嘅我黎講恰到好處河粉夠入味，但落嫌雞肉可以再多番少少味道

今日去咗數碼港睇戲，之後順便係度食晚餐。門口睇到餐牌，見有羊腩煲就打算食餐豐富啲，可以打埋邊爐，於是就入咗呢間所謂嘅越泰餐廳度食啦！羊腩煲有分兩個份量，2人份叫（小）$198，3-4人叫（例）$ 288，我哋2個人，叫咗（例），打算可以食多啲羊肉。我哋另外仲叫咗啲肥牛、響鈴、蔬菜同埋麵，打算食完羊腩煲就可以打邊爐。點知等咗好耐，連冷盤鳳爪都食完，啲配料都到晒，但係個主角羊腩煲都仲未嚟。終於等到個羊腩煲嚟到啦，好期待打開個蓋，個煲就好大啦，不過入邊啲羊腩加湯汁連個煲一半嘅份量都冇。望入個煲入面，全部都係枝竹同白蘿蔔，完全見唔到有羊腩。初時以為啲羊腩沉晒係底，咁就想用筷子同湯勺撈返出嚟。啊！點知撈極乜都冇，剩係得啲羊皮呀、肥膏呀，同埋羊肉……碎…….！問咗個侍應，係咪唔小心比錯咗（小）嘅份量，佢話呢個係（例），廚房話俾咗15嚿羊腩㗎！奈何我哋無論點樣搵，都只係搵到啲肉碎，同埋啲骨頭。如果你要將骨頭當一嚿，肥膏當一嚿，啲皮又當一嚿嘅話，咁的確係有15嚿嘅！好後悔入嚟之前唔記得睇OpenRice，上咗賊船冇得走。大家記得千其唔好嚟食！！

今日同班朋友行完山，順便行入數碼港行個圈，好後悔入咗呢個mall呢間鋪，而無選擇到對面m記。首先喺門口望完餐牌係有午餐嘅，有碗嘢跟杯嘢飲，行完山梗係想飲返杯椰青水先爽啦，坐低望咗陣餐牌唔見有門口啲餐，問個阿姐話今日無餐，其實無餐點解你要擺個午餐牌喺門口呢？講嘢無尾音嘅都算，我哋四個人焗住每人叫碗麵食。到咗上麵，我叫嘅係生牛肉金邊粉，阿姐上碗嘢時話「生牛肉河」，我話我係嗌金邊粉，佢竟然即時拎我隻羹撩我碗嘢話「拿咪金邊粉」。都算你，但碗生牛肉唔生，同啲牛肉加埋我諗10g都無，肉又柴。同行幾個朋友幾碗嘢都係一樣差，食完成肚氣。十年唔入一次數碼港，點知揀中呢間，態度差食物差價錢貴最後仲要收我加一！第一次食完一間鋪帶著深深的後悔，同忍唔住要寫第一篇食評。

趁着星期日同女朋友去數碼港野餐放鬆一下.但係天氣都有啲熱.所以想食咗個lunch先.再買啲零食過去草地嗰邊休息吓.但係數碼港真係冇乜嘢食.見到呢間裝修都好似幾靚食泰國嘢都唔錯.入邊都有10幾個人食.所以就試吓!-牛魔王大戰豬八戒湯船麵-半筋半肉湯船麵（牛肋條）兩碗面基本上個湯底係一樣.只係個餸有啲唔同.生牛肉牛丸都正常.但係個牛肋條就真係出事韌到不得了.咬到咬唔開而且唔夠入味.每碗份量都好多但係真係好一般!總結：可以唔使過嚟食船麵因為冇咩特別.而且定價好高.我記得俾錢要加一.即係$100一碗.味道都冇咩特別.唔難食但係都唔係好食！

我重來唔會評論 你都係第一個 垃圾咁岩經過數碼港 搵到間咁既野 咪試下間野都唔平 價錢都唔係問題 要好食先得叫咗一碗 牛腩牛丸牛筋面 泰式酸辣無骨鳳爪 生牛肉湯檬 牛腩牛丸牛筋面 好鹹 泰式酸辣無骨鳳爪 又唔酸又唔辣 最過分食完呢2樣 個生牛肉湯檬 仲未到 連遲過入隔離個台都嚟哂d野食 好啦 吹佢碗野黎到 明明叫生牛肉湯檬 又比碗麵我 走芽菜又比芽菜我 其實又唔係好生意 又唔多客 係咪發緊夢d員工 同佢講唔要碗野 取消佢 又整多碗新比我 講左唔要 係咪唔識聽人講野 又無禮貌 呢間野都西利 平時我唔打評論 都逼到我打

平時喺數碼港返工，都有幫襯開午餐，今日遲左少少食，試下佢個下午茶啦！我都係買外賣，其實價錢同午餐差不多，55蚊。但質素份量差勁得很。個外賣碗就好大，但裡面上下層都係空心，河粉得2-3啖，餸得2-3啖，汁多過餸，真係超過份！ 可以 Blacklisted。

四個人叫了三碗越南河粉，無味無道，淡如水。一杯芒果沙冰，又係無味的，只有一碗冬蔭公湯飲得吓。環境兩個職員互相攻擊，你一句我一句，粗口橫掃，好有廟街氣氛，最後埋單五佰幾。

星期日，想去草地🌿走走，數碼港既海岸公園，係港島區後花園🌳，先去數碼港商場醫肚先，食飽再去睇日落🌅，疫情下，商場十分冷清🌬️，只有幾間食肆營業，經過門口，見到環境唔錯，食泰國野⛱️，呢排食得西餐太多，一試無防餐牌好多食物選擇，花多眼亂🌸大力王三寶湯船麵🐂（生牛肉，牛丸，牛腩）$88上餐快，賣相好得，仲好香tim, 但係食落去...完全兩會事，湯有湯味，麵有麵味，牛有牛味，完全好似分開煮完之後放埋一齊😅🌸香茅豬扒撈檬$78🥩上菜時聞到好香，但係食落只係炸豬扒撈檬都ok啦！🌸泰式⛱️小食拼盤（泰式青木瓜沙律，泰式魚餅x1，脆皮蝦餅x2，蕉葉扎肉x1）$128初時見到賣相，覺得佢好吸引，但係好奇怪，完全沒有泰式風味既感覺，整體過得去啦！椰青$42🥥總結： 疫情下，餐廳經營困難，今日午餐包場,希望快啲可以好起來！

到數碼港快閃食個獨人lunch，要食得抵的餐廳不多，蓮越泰坊是其中3甲。餐廳環境一流，見客或聚舊都好得體。食物有套裝或散選。今日一人就叫個午市套餐。我選了個泰式蝦醬炒飯及椰汁三色冰，份量算大，上碟都擺得靚靚，配埋蛋絲，蕃茄件及腸片，餸料很足，唯蝦醬炒飯可以更濃味。三色冰好多料，冧的來亦夠咬口，椰汁味濃，不錯。值得一提是服務，不知是否餐廳都大，人手不足，見未能及時招呼到客人，所以如繁忙時間來，就更要注意這點。

嘩! 呢個不得了，買相靚之餘，仲有驚喜!木瓜沙律燒雞配糯米飯，今日想吃點開胃菜，看見這個木瓜沙律已被吸引，本身也十分愛糯米飯，這個註定是今天必然的選擇。但這個原來製作需時，同枱友人點的湯粉類已到齊，也差不多吃了三份一，但我選的卻遲遲未到；幸好，這裡的侍應服務態度十分超卓，我還未追單，他望了幾眼後竟主動問我點了什麼，我還未答，他又很快的立即想起我點的是木瓜沙律燒雞配糯米飯，隨後也立即幫我跟單。回頭跟我說燒雞稍花時間，再等一會就好。不枉等了又等，上菜時看見買相真的精緻，正好奇糯米飯在哪裡，是否會後上呢？打開得意的竹筒，原來糯米飯是這樣分開上的。味道:燒雞要讚，很多時燒雞都會因時間控制不好，過熟而變得鞋口，但這個烹調剛好，肉很滑，而且有肉汁👍木瓜沙律也不錯，本來不能吃辣的我有點擔心，但這個酸辣度也剛好。美中不足是糯米飯，拆開保鮮紙後，未有聞到糯米飯獨有的香味，表層也很乾，食落更有點硬，但撇開面層，芯部還是軟糯好味的。同枱友人點了燒豬頸肉湯河，燒豬頸肉也同樣出色，豬頸肉的外圈燒得很香脆。另外，還有選船麵的，這個則湯太濃，甚至有點鹹。

係數碼港睇完戲之後，入左商場其中一間餐廳搵野食醫下肚，誤打誤撞下入左呢間泰國餐廳。本身想嗌佢嘅雞煲食，但老闆話一早賣晒，所以推薦左個海鮮鐵板燒加邊爐再配泡飯，上到黎又幾盞鬼，一半邊爐，一半鐵板燒🤣但係野食方面就相當失望，首先個湯底係無味的，係米水黎，打邊爐最緊要緊係個湯底啦，難怪佢比埋勁多調味料黎😕 而啲牛超難食，雪味勁重，仲要勁鞋，街市求其買啲應該都好食過佢☹️ 而佢嘅海鮮就係蝦同蜆，同樣都麻麻地，蝦都係有陣雪味，唔知擺左幾耐🤦🏻‍♀️ 最搞笑係一開頭以為有得自己燒下海鮮，點知火力太唔夠，舊茄子燒左勁耐都仲係硬硬地既🥲唯一可取嘅就可能係佢嘅椰青，幾清甜！但呢間野真係唔會再幫襯😢