蘇哥清湯腩

Open Now

Now Closed

黃竹坑的新商場 THE SOUTHSIDE，之前去還未有很多餐廳進駐。沒想到眨下眼的功夫就突然全都爭相營業。身為在黃竹坑上班的一員，當然要去湊熱鬧。這天就選了一間吃粉麵的「蘇哥清湯腩」。下午過來都幾多人在等位，不過流轉得快，所以都是大約等10分鐘左右。清湯牛三寶幼麵 (HKD 67) - 是說那個蔥給得有點少。湯底帶點清甜，夠味又不會太鹹，另外選了較爽口彈牙的幼麵。三寶的話分別是牛筋、金錢肚和牛腩。金錢肚口感柔軟，不會嚼不動。牛筋則Q彈滑嫩，兩者都很入味。牛腩炆煮的時間應該頗長，因為吃落很軟嫩且肉味香濃。

𝑻𝒉𝒆 𝑺𝒐𝒖𝒕𝒉𝒔𝒊𝒅𝒆開咗好多新餐廳，🐂蘇哥清湯腩都進駐𝑻𝒉𝒆 𝑺𝒐𝒖𝒕𝒉𝒔𝒊𝒅𝒆啦🎉🎊始創人兼總廚蘇漢文先生，𝟐𝟎𝟎𝟔年開始在港島東區一間全港最出名的清湯牛腩麵店任職總廚，其間經過不斷的努力嘗試和鑽研終做出超水準的出品，𝟐𝟎𝟏𝟐-𝟐𝟎𝟏𝟓年其間令該店獲得世界知名食評指南的認同成為星級食店⭐️可謂餐飲界上的至高殊榮🏅⋄⋄====—====—====—====—✦ 秘製清湯粉麵類 ✦🍜咖喱牛三寶麵（$67）牛三寶指牛腩、牛筋及牛肚，牛腩軟淋，有油香，牛筋Q彈美味，牛肚有嚼口😋再喝一口清甜無味精的牛骨湯，大滿足😌 咖喱汁同樣出色，味道濃香，仲有薯仔粒添🥔—🍜粉麵加底$6🍹加凍飲$8 ⋄✦ 惹味酸辣粉類✦🐄崩沙腩酸辣粉（$63）崩沙腩係店內招牌，口感爽嫩有咬口、半肥瘦帶油脂香軟腍啖啖油香，兩層筋膜中肉質嫩滑的崩沙腩，啖啖牛味😋酸辣粉煙靭可口，配上榨菜及花生等配料惹味非常🤩—☕️加凍飲$8 ====—====—====—====—.📌店名：蘇哥清湯腩’📍地址：黃竹坑香葉道11號THE SOUTHSIDE 2樓201號舖

自從南區開了呢個新商場，多咗好多選擇，連我最想食嘅牛腩都開咗一間專門店，隨時都可食到牛腩了。聽講都係人氣牛腩店。清湯坑腩幼麵牛坑腩原來係牛肋骨下面的肉，油脂分布均勻，牛肉味道很濃厚。最重要是口感十分鬆軟，吃起來又不會變韌，真係食到要豎起手指公。叫得清湯，果然湯底清甜，又不會膩，絕對沒有味精。麵條爽滑有彈性，好味。追加$15就有一碟油菜，抵食。隨了牛腩，也有牛肚，牛丸，牛筋….…….，下次一定再試。

Happy Friday 早收工，系黃竹坑附近仲可以食埋下午茶先返屋企行去Southside 幾分鐘路程冇理由唔去高級商場內的餐廳也價高一點蘇哥清湯腩比較貼地的一間粉麵店清湯牛筋幼麵$48先喝一口湯，味道清甜；銀絲細麵，彈牙牛筋夠稔內味腩汁蘿蔔$23湯底比清湯濃，應該加左腩汁；蘿蔔大件、冇渣、清甜必食之選熱奶茶重奶味，夠熱又大杯三樣嘢加埋都系$71 好吃、夠飽、價錢合理行開商場記得食埋下午茶先走👍🏻店員禮貌好好，冇之前食評的惡人出現

今日返咗總公司黃竹坑， 下午一條友去食晏， 發現新商場裏面 有呢間清湯腩。門口已經香噴噴。 我梗係入去食啦。入到去睇餐牌除咗傳統嘅 清湯牛腩 配粉麵米粉。 佢仲可以配飯添。（ 碗清湯腩度仲有自蘿蔔， 蘿蔔超甜）我最鍾意就係清湯腩 和牛筋 配白飯一齊食。 個人覺得 咁先至食到真真正正清湯腩嘅香味。 呢間嘢完全唔會有味精， 牛筋又啱啱好唔會太爛 又唔會太 硬。佢lunch嘅時間基本上係排長龍， 我 因為 畀佢嘅香味吸引住 ， 所以 趕時間排隊都要食。

伏！伏！伏！ 新商場開幕試試，蘇哥清湯腩。首先食物非常一般，牛坑腩無牛味，又唔夠腍。牛爽腩完全係韌，酸辣麵完全係死酸，落咗勁多醋，只有成陣醋味。而高大男員工，態度勁差，勁粗魯！ 一開始問：「食咩，快D 講啦！ 」再詢問可否牛爽腩另上，他突然火起加黑面：「廚房已經很忙，無人會得閒甘幫你甘做！」其實只是詢問一下，能否做到或做不到也沒所謂，只係態度不用太差吧！員工質素及食物味道真很差，希望將來會有改善。但應該唔會再幫襯！👎🏻

📍蘇哥清湯腩 (黃竹坑)📍黃竹坑香葉道11號THE SOUTHSIDE 2樓201號舖🟡清湯崩沙腩麵 $61🟡郊外油菜（腩汁菜心） $15 清湯崩沙腩麵湯底清澈見底，帶著淡淡的牛骨香。崩沙腩處理得非常軟嫩，幾乎入口即化，好重肉香，麵條質地彈牙！價格合理，分量適中。郊外油菜我揀咗腩汁菜心，以清炒方式製作，保持了鮮嫩脆口，油而不膩，色澤鮮亮。清爽的口感中和牛腩麵的濃郁味道，作為配菜十分合適，性價比也很高。

Southmark開咗一間清湯腩今日同同事一齊去食午餐試吓！👥👥店內環境坐得舒適，晏晝時間座無虛席餐牌選擇好多我哋叫咗👅清湯牛三寶幼麵🍜牛骨湯清爽冇油膩感👍🏻，牛味濃郁鮮甜👍🏻食之前要品嚐一下牛湯精華！有齊牛筋、牛腩、金錢肚三款👌🏻特別喜歡牛筋滑捋捋🤩🤩，口感爽滑👏🏻👏🏻👏🏻爽腩酸辣粉都唔錯湯底味道酸酸辣辣，非常開胃，配料仲有花生薯粉Q彈嫩滑，口感豐富!!👍🏻👍🏻👍🏻真係值得一試爽腩連住一層層薄膜🤪🤪，口感唔韌多肉😜🥳另外~熱飲只係加➕$6，凍飲加➕$8整體質素唔錯，下次可以再幫襯👍🏻🍜大家下次去食 記得 係apps 囉定飛啊 gulu apps 可以預先落位 唔使全班人一齊等 超方便

黃竹坑Southmark好多餐廳🍴Lunch Time 時間人山人海，其中蘇哥都幾多人排隊一於同朋友試吓先！除咗湯麵食、擔擔麵，仲有飯類、酸辣粉🥢咖喱坑腩米粉 $65坑腩口感爽軟嫩滑又唔會韌每件牛肉大細相若，連住一層層薄膜浸係咖喱汁到好惹味，咖哩甜味帶辣，好滋味！🥢鮮蝦雲吞拼墨魚丸麵 $56鮮蝦雲吞超大粒😀😀雲吞爽口皮薄餡靚🦐蝦肉爽滑好新鮮墨魚丸彈牙爽滑，感覺似手打，幾好食幼麵份量好多，夠哂飽啊！可加$15油菜芥蘭或生菜~ 幾抵食

呢間新興嘅清湯腩店，見佢最近越開越多分店，今日咁啱喺Southside睇完電影，想平平哋搞掂一餐，即管去試一試佢！佢哋招牌係清湯腩麵同飯，價錢一碗都係$60左右，另外仲有新派少少嘅選擇，可以揀擔擔麵或者酸辣粉底！------------------------------🐖◖清湯牛三寶麵◗ $69湯麵轉咗撈粗（+$12），麵底會Double上，牛肉嘅量都唔少，一次過可以試到牛腩、牛筋、牛肚，份量都好夠！最鍾意佢嘅牛筋，煮得夠軟爛入味，咬落夠黏口，但個麵可能鹼水含量多咗啲，食落覺得有少少苦～🥩◖清湯崩沙腩麵◗ $61崩沙腩筋膜夠厚，煮得軟腍，肉質鬆軟易咬，肉味亦夠濃郁！幼麵底幾爽身有咬口，鹼水味啱啱好～🍋◖檸檬茶◗ +$8🌟Encore指數：8.2/10

1. 筷子勁漂白水味，告訴阿姐，她望一望我，祗是笑笑，沒跟進。 2. 安排坐下後，我問男員工給我QR code張單下單，佢黑口黑面，粗聲粗氣咁話下午茶講得喇，唔洗兩秒，落單後轉頭走人，趕住收工咁，多謝都冇句。3. 埋單時，我要求以信用卡付款以其收據作泊車優惠證明，所以在收銀處說明並且解釋給男員工聽。他說公司規矩，信用卡付款要額外收$2，我問他那裡有張貼這樣的規定，他冇聲出，當然亦未能出示。這食肆的衞生問題，員工問題，管理問題簡直是趕客，不會再幫趁了！

牛三寶河粉是一款非常值得TRY的美食，它以特制油炸的牛三寶（牛腩、牛肚、牛筋）和口感嫩滑的河粉为主要配料。牛三寶的烹饪技巧至关重要，它们需要在适当的油温下煎 golden brown，使其外皮香脆，内部mouth tender。而河粉则需要在熬好的鲜味浓郁的鸡蛋汤中煮制，使其吸收汤汁，同时保持原有的Q弹。总的来说，牛三寶河粉是一款非常值得推荐的美食，无论是味道、口感还是原材料的质量，都能让顾客 Feel the Difference。如果你有机会，务必Try it out！

蘇哥清湯腩😘😘😘CP值高清湯腩黃竹坑新開southside大型商場、進駐很多餐廳、今日食左港式麵檔、店內以暖黃光燈系列、綠墊滕木椅、橙糸靠背座、淺木糸枱、配搭耀目又幾夾😊除了鎮店牛腩外、惹味酸辣粉餐✨清湯牛三寶幼麵$67（牛筋、牛肚、牛腩）麵店必食之選、－次品嚐三種不同部位、yummy 牛腩、陣陣清香牛味撲鼻、肉質軟綿綿、入口溶化牛肚、厚肉質、原色無添加、原味清湯、超軟腍😛牛筋、軟綿綿、香腍夠彈牙、豐富骨膠原👅👅配傳統蛋幼麵、麵條幼細煙靱、Q彈又爽口、豐富味蕾口感😍清湯崩沙腩粗麵$59崩沙腩是牛腩中最矜貴嘅地方、牛的橫膈膜、表面有一層橫膈膜連著腩肉、軟腍味香、肥瘦剛好、牛腩中的極品👍🏻。坑腩牛味最濃位置、以清渴厎、品嚐原汁原味無添加😊、正👍🏻、蛋粗麵、彈牙有嚼口⋯⋯炸魚皮$26魚皮炸至金黃鬆脆、🈚️腥味、脆卜卜😛 配麵食一流✨蘇哥清湯胹黃竹坑香葉道11號The Southside2樓201號鋪港鐵黃竹坑站B出口、步行約2分鐘

喺呢個商場嚟咗呢間「清湯牛腩」店諗住簡簡單單食個 lunch 🤣叫咗 $59「清湯崩沙牛腩麵」，再雙拼「雲吞（+$10）」，加「郊外油菜（+$15）」，加「熱奶茶☕️（+$6）」🤣「清湯崩沙牛腩」肉質幾軟熟🤣，「雲吞」一共有2粒，食到裏邊有啲蝦仁粒😋，麵條係幼麵🤣「郊外油菜」係「芥蘭菜🥬」，幾新鮮，仲叫咗全走😋「熱奶茶☕️」熱辣辣🤣15分鐘就搞掂咗呢個 lunch，快快脆脆又符合呢日簡簡單單嘅要求🤣

放左工落黃竹坑the southside 食，依個商場食左五六間食店，終於食到第一間伏野了😂寫食評時見到open rice 評語有16 個，已經好壞參半了（8比8），加埋我依個負多一個了😂叫咗碗酸辣牛三寶粉，但其實係麻辣粉，佢完全冇酸辣味… 得麻字；第二，碗野份量超細，同埋如果大家真係入去食過，佢應該啲餸（牛腩）係涼，應該如有人客叫的話，佢會碌返個湯落去，所以啲餸啲牛腩係涼（唔同一般會滾住），牛的質素一般嘅……..同埋碗野唔算平，都$69一碗…另外d 侍應都比較粗魯，尤其是有個男叔叔比較串，會串返d 食客😂，話說人客話櫃桶冇筷子，跟住叫個姐姐補返，阿叔聽到一輪嘴咁樣講仲話冇可能一定有筷子，呢個係常識🤣🤣🤣😎其實應該係唔出聲就算吧⋯⋯如果大家唔信就去伏一次吧⋯⋯😆