蘇哥清湯腩

Open Now

Now Closed

黃竹坑終於開左新商場有啖好食😭腩汁蘿蔔｜上檯嚇左嚇無諗過咁大兜😂蘿蔔好淋同好甜，完全無渣👍🏻如果再入味小小就完美！崩沙腩配魚蛋米｜崩沙腩係有層橫隔膜連住腩肉，口感軟腍又有啲爽口，肥瘦均勻，仲有小小膠質🥰魚蛋彈牙，魚味都好濃！湯底係牛骨湯，清甜唔油膩！紫菜三寶河｜有豬肉丸、牛丸同魚蛋，全部都好爽彈！食得出係即打，鮮味十足🤩#黃竹坑美食#魚蛋粉#香港美食#牛腩麵#牛腩#港式#southside#hkfoodie#hkfoo

食過兩次…… 第一次幫襯諗住試業未ready!剛食第二次，不過 🚁🚁🚁🚁🚁🚁指數都幾高🤣主打清湯牛腩…… 估唔到隔咗差不多幾星期幾第二次依然係近付清水嘅清湯🤣 味道賣相有啲覺得清水加油！如果喜歡無調味嘅應該ok(個人覺得）點了：牛三寶薯粉…… 第一次食稔薯粉😆 不Q不彈🚁🚁🚁🚁🚁菜肉雲吞米…… 菜肉雲吞味道係ok嘅！但個湯太清加上米粉變成成碗嘢清淡無味！＄4x碗架！唯一可取：無加一收費😅

Southside裡面竟然都搵到間價錢相宜嘅食店仲要係我平時食開嘅蘇哥 當然要支持下平時食開尖沙咀分店 款式唔算多今次嚟呢間店發現有擔擔麵同酸辣粉等選擇不過我都係想食返原汁原味✔️清湯牛三寶蕃薯粉 就係滿足咗我想食清湯又想食蕃薯粉嘅願望 原來麵底可以隨意轉 牛三寶有牛腩、牛筋同牛肚 牛腩肥瘦適中，又有少少筋膜位 口感好正 牛筋同牛肚都炆得好夠火喉好入味✔️豬手拼雲吞粗麵加紫菜 豬手炆到好腍 好重南乳嘅香味 有膠原彈彈嘅感覺 雲吞大大粒 食落有大大隻嘅鮮蝦 肉餡肥瘦比例恰到好處 而且仲有淡淡嘅大地魚味添菜心全走～想食淋啲可以同店員講㗎呢度最正係個冷氣夠晒凍 隊完碗熱辣辣嘅湯粉都唔會成頭汗

我係地盤佬，我食完呢個仲要食多個m記先夠飽，本身地盤人工都少，仲要搞到我買兩個餐手足媒千祈唔好食呢間呀如果你唔想食兩餐嘅話今日至少用咗100蚊去食飯喇真係好本身返地盤已經好攰仲食唔飽下次唔會再嚟食啦好煩呀千祈唔好食

如題，一碗46蚊既麵入面得幾舊牛 。 然後，每次黎都無米線😡😡😡😡😡😡😡😡😡😡😡😡😡😡😡😡😡😡😡😡😡😡😡😡炸醬麵不錯，可惜一個成年人都食唔飽😡😡😡😡😡😡😡😡😡😡😡真的大失所望啲牛其實幾新鮮 。但去新昌發食35蚊啲牛腩河 ，人地牛同樣新鮮好食同份量多 。呢間對比次下好唔抵 。😡😡😡😡😡😡😡😡😡😡😡😡😡😡😡😡😡😡😡

之前已經食過其他分店覺得好味黎開黃竹坑見到新鋪開張 食完發現keep到水準崩沙腩軟又味香 湯底亦都冇味精 冇食完好口渴另外亦都叫咗菜心 食落都係靚既菜心唔係霉既係同商場黎講 性價比都係高果幾間 同埋發覺如果weekend既話 外面好似好多餐廳都係關門雖然好多人排隊 但係都好快可以入到去座位寬敞 裝修環境都舒服！！上餐速度亦都好快 雖然佢地好忙 但同時員工服務態度都好好！下次再黎黃竹坑 都會再食🙆🏻‍♀️ 試下佢其他牛部位睇下會唔會都係好味

餐廳喺食物質素、服務態度同整體安排上都未能達到理想水平。我地叫左招牌嘅清湯牛腩麵，麵質不夠有彈性，而且牛腩也沒有太多特色。作為一間主打牛腩麵嘅餐廳喺主打菜式上竟然同普通粉麵店差唔多甚至比其他更差，有啲失望。體驗嚟講，座位安排有好大問題。餐廳係要㩒飛等候嘅，分1-2人飛、3-4人飛、5-6人、6人以上，餐廳有2人空位時就嗌3-4人飛嘅顧客入座，但係入到去先發現唔夠位要顧客出返去等。然後嗌飛時又skip住咁嗌，顯得好奇怪，有時會用取籌機嘅電子廣播嗌，有時會有中年男職員亂咁嗌籌號，令安排十分混亂。無按序號引導就座，令用餐者感到不受重視。反映出餐廳喺整體運營同管理上有啲問題。另外喺服務態度上都有待改善。店員要求用餐者自行睇外賣餐紙，而唔肯奉上餐牌，顯得非有點兒那個。俾錢嘅時候收銀員自言自語，又用太長時間處理自己嘅事先進行付款,都令用餐體驗大打折扣。咁嘅服務態度，實在唔會令我再想嚟食。食完嘅感想就係唔會有下次，亦都會同朋友講唔使幫襯。

南區The Southside商場開幕了，南區居民又多了一個地方可去逛，諗起以前實在太荒蕪了。商場食肆選擇多。今日想食得簡單，揀選了一間粉麵店。嚟間粉麵店來頭不少，始創人蘇先生經過不斷的努力嘗試和鑽研，在2012至2015年其間令該店獲得世界知名食評指南的認同成為星級食店，我都要試吓。清湯牛三寶 + 紫菜湯底清甜，不膩喉。牛三寳即牛腩，牛筋和牛肚。牛腩果然係主角，肉質軟熟，肉味香濃。牛肚有嚼勁，爽口。牛筋軟腍，入口即化。奶茶也不錯，茶味濃厚。

南港島終於有商場😅係就係細左啲，不過對於住附近既我黎講，已經好好了😝 今日第一次黎，原來餐廳都好多，不過新開張一星期，周圍餐廳都超多人。見到呢間平民價啲又唔使等好耐就入左黎食。。叫左兩碗粉麵，尤其牛腩幾正👍🏻有水準！「清湯牛腩粗麵 $53」!湯頭清爽鮮甜，完全唔會令人覺得膩口。牛腩夠淋又軟滑，仲帶有一絲微微嘅嚼勁。粗身麵條咬落彈牙。。「鮮蝦雲吞河粉 $46」呢道鮮蝦雲吞河都幾足料！蝦餡飽滿彈牙，皮算薄又大大粒。「酥炸雞翼 $38」加左個小食，好好食！夠晒香脆！應該係甜炸雞翼！正，咬落肉汁滿溢，唔會太鹹。。跟餐加凍餐$8、汽水$5，埋單又唔使加一，以商場價黎講，真係算係咁啦👏🏻👍🏻

今日去south side 新商場試呢間牛腩麵。下午2.30佢哋招牌嘅牛已經供應完畢😮叫咗最普通嘅清湯牛腩麵(下午茶)同牛崩腩麵，結果兩個嘅份量差唔多😂清湯有淡淡嘅牛味，味道純正，不過整體口感略嫌單一，缺乏層次感。牛腩同牛崩腩都算入味，而且都好"林"，算唔錯。價格在這個商場算是平民化，但整體來說性價比一般。如果只是想隨意吃頓飯，不介意平淡無奇的話，倒也可以。不過如果是專程前來品嘗，怕是會有些失望。

黃竹坑新商場終全面開業，裡面有不同餐廳開業，算係為呢區帶嚟新氣象。不過咁多食肆裡面我偏偏選中咗標榜清湯牛腩嘅「蘇哥」。星期日1點食晏時間門口排咗十零人，眼見舖內不大就決定買外賣。Order咗4樣嘢，崩沙清湯腩河、牛三寶擔擔麵、雲吞麵同埋淨豬手。先講崩沙腩河同牛三寶擔擔麵先。崩沙腩味道合格，件頭的式。湯略帶深色但無味。牛三寶無樣好，仲有我叫擔擔麵，我未食過擔擔麵係清湯，得碗底有少少花生醬味，但唔見有花生碎，真係想請教老闆呢碗係邊度地方嘅擔擔麵？唔識做就唔好做。兩碗嘢嘅湯係同一樣無分別。跟住鮮蝦雲吞麵不值一提。最後豬手係偏淋身，如果唔怕食完要洗腎，味道係OK嘅。仲有豬毛係包嘅。不會回頭。

之前在開張第一天，我媽買了一碗崩沙腩外賣試下。我屋企人對此讚不絕口，於是我們今日再返去幫襯，點知今次令人失望。我們今次也是買了崩沙腩外賣，先別說肉質乾柴，簡直同上一次的質素相差很大，而且仲要收$140/碗，好唔抵同埋令人大失所望總括來說，食物質素同價格不符合，我們都不會再返去食

見有本地餐廳進駐南區新商場，滿懷歡喜去支持一下，點知十分失望，新店座位安排混亂，整體服務欠佳，食物水準一般，我未吃完碗碟已經被收走了，十分趕客，根本不值得花時間去排隊。

喺黃竹坑工作多年，一向以嚟要食餐好啲嘅晏都真係一啲都唔容易。終於等到地鐵站新商場開幕，一心諗住終於有啖好食。今日輪到試呢間清湯腩麵家，入坐第一眼望見枱面張點菜 QR Code 又皺又有醬汁漬已經覺得奇怪，唔理照 scan 點知條 link 係入唔到嘅。心諗新開業未理順啲細節，嘥晒啲客時間，唔緊要叫侍應落單。兩個人叫咗一碗坑腩麵、一碗崩沙腩粉同一杯凍華田。我碗坑腩上嚟先，試一試啖湯 - 點解似雲吞麵湯加咗水嘅？真係完全無牛味，食清湯腩咁嘅湯頭第一次見。再試牛腩亦十分淡口。侍應上另一碗崩沙腩，味道都係咁。跟住仲發現杯凍華田有隻遇溺嘅蟻。都費事投訴，求祈食完埋單走。唔改善嘅話真係唔使再去。

因為呢個商場大部份食肆都要排大隊，見到呢間蘇記好快有位先至幫襯吓，點知入到去張枱面比上一手食客d湯倒到成枱面都係，有個著白色衫嘅女人就用塊布抹張枱，最大問題係佢一路用d湯去抹枱而唔係用水去抹，抹完呢張又抹另一張，愈抹愈污糟。跟著叫佢落單，佢又話等一下，點知等到無回事，我都唔知佢忙咩。到咗送餐嘅時候，又係呢個白色衫嘅女人捧d餐飲過嚟，佢響到問…喂…你幾多號枱呀？我話我點知呀，你唔應該問我，佢就即刻回應話.. 我今日第一日返工㗎咋，真係唔知呢d咩嘢人，搞唔掂就唔好做啦，不過，覺得呢個女人唔似職員囉，似係間舖d老闆親屬多d。到咗埋單佢又未有電子收費系統，只收現金，非電子收費的單據一般𣎴能用來做泊車優惠，咁就問一下負責收銀和帶位果個著白色衫嘅男人啦（似係老闆）張單唔係電子消費單泊唔泊得車，佢好悔氣咁話，你要咪印返張單比你囉，我點知得唔得呀，又唔關我事，你咪自己試吓囉。領教完呢d服務質素，真係唔會再嚟。不過，其他員工是正常的，只係呢兩個著白衫嘅一男一女最極品最討厭。