蚊蚊豬老火鍋 (Closed)

行深水埗見到蚊蚊豬，記得之前有朋友推介太子的蚊蚊豬，原來深水埗也有分店。見門口的廣告牌話任食兩小時，7:30前結賬只需$228，還可以免費升級紅酒燴牛尾，相當吸引。餐廳都幾光猛闊落，坐下先選擇湯底。湯底選擇甚多，除了常見的鮮茄薯仔、香茜皮蛋、藥膳鮮雞外，還有招牌牛油紅湯、重慶麻辣雞、蟲草花鮮雞等。紅酒燴牛尾鍋是很吸引，但我又想食烤魚喎。待應聽到後提議我們先食烤魚鍋再轉牛尾鍋。原來除了牛尾鍋只限一次外，其它想轉就轉。選好湯底後，即奉上海鮮拼盤和刺身拼盤各一份。連三文魚刺身都是任食的呢。萬州烤魚鍋好大盤，湯底是辣鮮茄，清江魚開邊炸得皮脆肉嫩，湯中還有不少蔬菜。食完整條魚和配菜，我們要求轉做紅酒燴牛尾鍋。此時可用QR落單叫火鍋配料。牛尾鍋中有幾件炆得又腍又入味的牛尾，湯底很濃但偏甜。我們叫了這餐廳推薦的三款牛肉：手切安格斯肥牛、牛板腱和封門柳。其中手切安格斯肥牛超級正，軟滑有牛味。另外可到自助區挑選蔬菜、丸丸、飲品和雪糕等，非常豐富。二百多元，的確超值。

二百零蚊好抵食。火鍋、烤魚、三文魚刺身、麻辣燙放題，飲品任飲，雪糕任食。此外還送海鮮和刺身拼盤。真係包羅萬有。今晚和朋友來打邊爐，我們選了期間限定的紅酒牛尾鍋。鍋中真係有幾件大大件的牛尾，炆得骨肉分離夠入味。然後用QR Code落單選火鍋材料。火鍋材料說真的不算多，但店家特別推薦的三款牛肉（手切安格斯肥牛、牛板腱、封門柳）相當優質，肉類真係食呢三種就足夠。尤其是手切安格斯，完全無渣。牛尾鍋食得差不多後，我們轉了藥膳鍋，清清地用來淥菜就最啱了。第一啖的藥膳鍋由於只有藥材味會有點苦，但隨着紅棗和龍眼肉愈滾愈出味，之後就變得清甜好飲。最後，不得不提餐後的雪糕，是意大利雪糕Gelato呢，味道選擇也很多，特別推薦酸咪咪的柚子乳酪和幼滑的黑芝麻。

🐾原來太子、深水埗交界有呢間超抵食嘅火鍋店🍲！ 超多種類食品俾你任飲任食🎉！包括：PRIME 級安格斯牛🥩、牛板腱等各個部位、新鮮蔬菜🥦同食材嘅自助式火鍋配料🥟、三文魚刺身🍣、炸物等超多選擇！另外仲有海鮮同炸饅頭添🙀呢個真係估唔到，啱晒鍾意食包包嘅我！♥️湯底方面有成至少10款口味！打邊爐就好似好熱氣，所以就揀咗個養生啲嘅蟲草花鮮雞鍋🐤！俾個手指公佢先👍！湯底蟲草味濃， 加上雞嘅鮮味， 夠晒豐富！🤤 個湯底夠入味，之後落咩都好味啦🤭!不過佢啲炸物就普通D但總好過冇😂😂用黎佐酒都好嘅！因為佢呢度仲包啤酒🍺同清酒任飲🍶㗎!🍨最後覺得佢個手工意大利雪糕超出色🇮🇹！我揀咗黑朱古力味真係超濃味🍫，而且煙韌口感🤤正！😍一定要留肚食!朋友食左個雲呢拿味，但就冇咁濃了🤫🌟$268/ 位，包咁多食物同飲料，性價比高😍！可以同friend慢慢吹水！店員都很主動幫我地加湯同清理枱面！💯

深水埗超抵食烤魚, 雞煲, 火鍋放題😍😍.先嚟招牌 辣度自由揀, 超大份啖啖肉而且烤到焦脆非常好食, 肉質實在🥰夾起你見係成條啖啖肉咁起,非常惹味👍🏻食完魚之後可以放料打邊爐,特別抵讚係佢地嘅手切牛非常高質,唔鞋口配上火鍋湯底好正👏🏻晚市放題都係送上刺身拼盤,刺身都算新鮮唔會好大陣雪味😍👍🏻飲品方面都好多選擇,仲有經典復刻汽水(另要加錢)食完最尾仲有雪糕食🥰🥰 非常適合同朋友一大班嚟食呀👍🏻👍🏻

前排同朋友去開深水埗，好想食打邊爐🤤就問朋友邊間正！佢就搵到呢間火鍋放題啦😍🤤選擇超多！樣樣都好味❤️整體評分：7.5/10味道：7.5/10服務：7.3/10環境：6.9/10人均消費：$200-300地址：蚊蚊豬老火鍋 (深水埗)深水埗荔枝角道240-244號寶興樓地下A-C號舖*我哋揀咗$268/位嘅任食放題～除咗以下食物之外仲有其他嘢食架！🤣不過太多食唔晒蟲草花鮮雞鍋：入邊超多雞片😍煲湯好濃郁～刺身：全部都好新鮮，有三文魚北寄貝等等～海鮮拼盤：有鮑魚仔、青口同蝦選擇🤤點左以下食物：💕香酥肉💕椒鹽雞軟骨💕麻辣燙- 准山串💕黑毛肚💕牛胸爽💕手切安格斯肥牛💕牛販腱 Prime💕封門柳 Prime💕牛黃喉💕牛舌💕麻辣燙- 原條水魷💕麻辣燙-輪鶉蛋串💕麻辣燙- 牛柳粒💕椒鹽雞中翼其中我最推介嘅係炸饅頭、牛黃喉同牛栢葉❤️牛柏葉係黑色，完全冇漂白過㗎👍而牛黃喉出面冇乜地方可以食到～

前排去開深水埗，朋友話好想食火鍋放題，，深水埗出名好多嘢都係平靚正，點知幫我哋搵到一間火鍋放題真係做到呢個要求👍😀包你食到捧住個肚走❤️🔥當日叫左好多野食，包括有：🔸刺身🔸海鮮拼盤🔸蟲草花鮮雞鍋🔸香酥肉🔸椒鹽雞軟骨🔸麻辣燙- 准山串🔸黑毛肚🔸牛胸爽🔸手切安格斯肥牛🔸牛販腱 Prime🔸封門柳 Prime🔸牛黃喉🔸牛舌🔸麻辣燙- 原條水魷🔸麻辣燙-輪鶉蛋串🔸麻辣燙- 牛柳粒🔸椒鹽雞中翼個人超級推薦牛栢葉，佢嘅牛柏葉係完全冇漂白過，上碟仲係黑色㗎👍牛黃喉都好特別，出面冇乜地方可以食到，好爽脆😊🤙另一樣我都好推薦嘅就係炸饅頭，偷偷話你聽，我嗰日食咗兩碟😂😂好食到停唔到口，上碟仲熱辣辣💞😋

⚠️大胃王召喚⚠️大家無返咁肚餓，真係唔好去「蚊蚊豬老火鍋」食火鍋放題🤪食物款式分量多到你不要不要，120分鐘任點任食，仲要有最愛嘅手切牛肉🤩要回本絕對唔難😎.🍴120分鐘任飲任食放題💰$268（任何時段）✅烤魚、雞煲、牛尾鍋、湯底瘋狂任點✅海鮮拼盤（只限一碟）✅刺身✅多種牛肉款式✅火鍋配料、飲品、雪糕.🐟烤魚以萬州烤魚作為放題嘅開端🤓烤魚用嘅係鱸魚，大到霸佔左成個盤，估唔到放題下都大份到咁😳本身烤魚已炸香，外層香脆可口內裡滑嫩，而且冇乜骨好多肉😚炸魚吸收哂湯汁後好惹味，花椒香味夠出😍本身打算試埋個雞煲，但食完烤魚已經一半飽，就直接加湯打邊爐😂.🐂手切牛肉牛肉款式選擇豐富，安格斯、封門柳、牛板腱、甚至牛胸爽、牛舌都有❤️一坐低即刻上個拼盤比你，就咁睇鮮紅嘅色澤、層次分明嘅雪花紋路，已經知道唔簡單🤓果然一入口牛肉味勁重🥰比較鍾意安格斯&牛舌，安格斯重牛味又帶油脂香，牛舌彈牙爽口😚呢度嘅牛肉拍得住去九龍城買嘅手切牛肉，出面都成$200磅，但呢度係任食🤩絕對係一個大大大回本位‼️.🦐刺身海鮮拼盤刺身有三文魚、魷魚、甜蝦、馬刀甲、八爪魚、鮑片，味道正常冇乜雪味😌海鮮拼盤有蝦、鮑魚、青口，洗得乾淨又新鮮

鮑魚豬手撈粗麵只係$42，有冇攪錯？仲要包埋凍飲😨，一定要去試一試真定假。呢間餐廳本身係火煱餐廳，但係就係茶餐廳格局，下午都有打邊爐任食，不過都有茶餐廳嘅食物，飯呀常餐乜都有。我叫咗個麵加多$8有個油菜，飲品見到餐牌居然有兒童鴛鴦，即係好立克溝阿華田。個麵真係好大碟，有雲吞譜撈麵兩倍咁多。有兩大舊豬手同埋兩舊鮮鮑魚，我仲懷疑緊究竟係咪真。最值得讚嘅就係個豬手真係問得好淋，我用筷子就已經可以夾開佢兩邊。另外$8嗰碟菜都好大碟，居然仲有三款菜。埋單$50，講個豬手真係做得好好下次可以試佢嗰個蓮藕炆豬手飯，應該都會唔錯。

手提電腦壞咗，今日出咗深水埗行下，行咗一輪又左騰右騰，終於買咗啦。一買完就覺得好肚餓，朋友知我鍾意食烤魚，就提議食呢間任食放題。原來除咗烤魚任食之外，仲有好多嘢都係食，三文魚、雞煲、牛尾鍋，仲可以打邊爐，正。幫襯晚市放題，盤刺身同海鮮送。外面仲有自助吧，有啲邊爐料，仲有飲品區同任拎雪糕。呢度啲雪糕係本地品牌，但用既都係意大利原材料製造，仲係輕盈低脂，食多一兩杯都無問題啦。揀左泡椒酸湯味烤魚，要微辣，湯底酸酸地越食越開胃。配料有菇、 萵筍同娃娃菜。條魚有煎過，好香、魚肉又嫩滑。其他食完烤魚可以轉湯底邊爐，但我地都覺得呢個湯都好正，所以就真接打邊爐啦。佢呢度可以點較少見牛肉部位，例如黃喉同毛肚👍。呢度啲小食都好味，麻辣串串，yummy。炸饅頭都超正，外脆入面又超鬆軟，我地仲食左兩轉添。今餐真係食左好多野，我個肚都無位置食雞煲同其他鍋添。

在OpenRice 無意中找到這餐廳，見好評不少，價錢又唔係貴，又有想食嘅烤魚同雞煲，就專程一試。6:45去到，餐廳未滿，即時入座，餐廳只有一種嘢食……就係任食。除咗個海鮮拼盤之外，任何嘢都任叫，有別於一些同類餐廳，雞煲同魚只能選一樣，呢間你叫幾多樣都得。先上了刺身，但因為友人試過在其他火煱店食生嘢全枱勁痾嘅經驗，對火煱店刺生好有戒心，不敢多吃。我有食，冇事，正常嘢。樣樣都想試，不過每樣野份量好大，兩個人食完烤魚同小食都飽咗大半。放棄雞煲，叫了個五指毛桃雞湯食牛肉。值得一讚係牛肉部位選擇好多，連牛胸爽都有但牛肉色水麻麻，比較瘀黑，但食落又正常。厚薄亦適中。限時2小時，加一後接近三百元一位，一大班人要傾計一定唔夠時間，係就適合咩都想食下嘅大胃王。

今日去左深水埗食飯，今次食呢間係烤魚、雞煲、三文魚刺身、邊爐任你食既蚊蚊豬老火鍋。價錢268，食兩個鐘，仲有野飲、啤酒、清酒任食，雪糕任食，真係好抵食。晚市放題送海鮮同刺身拼盤，而其中三文魚刺身仲可以encore添。呢度啲牛好靚仔，prime 級，我係咁食係咁食。我地先隊條烤魚先，大大條清江魚，泡椒酸湯口味，個湯底好開胃，魚肉好滑。食完魚，我地轉個煲打邊爐啦，呢度啲鍋同湯底都可以係咁轉，其他地方真係未試過，鍋同湯底加埋仲有成十幾款揀，真係正。呢度啲自家制一口雲吞同餃都好好味，叫左幾轉。我地幾個食完烤魚同打完邊爐已經好飽，無戰鬥力再挑戰雞煲啦，下次要再叫多幾個人一齊食，試多啲鍋先。

妹妹生日，一齊去咗深水埗食蚊蚊豬老火鍋慶祝。👏呢間幾抵食，二百幾蚊食足兩個鐘。有四川烤魚，雞煲，多款火鍋湯底，仲可以揀埋紅酒牛尾鍋，選擇好豐富。🐟烤魚揀咗泡椒酸湯口味，少少辣，清江魚肉厚鮮甜。一坐低店員就送上牛肉拼盤，刺身拼盤同海鮮拼盤。牛肉好靚，非常高質。💯🥤飲品任飲，仲有清酒，好驚喜。最後食埋甜品，係本地品牌意大利雪糕，容易回本因為平時買都唔平㗎。有四款口味，香芋/曲奇脆脆/雲呢拿同柚子雪葩，開心💕💕

係一間專食火鍋•烤魚嘅店舖入面見到佢個下午茶Menu好平🥰🥰入去試吓好有驚喜喎⋯⋯因為太肚餓😇兩個人叫咗四個餐💃🏻💃🏻💃🏻飽到捧住個肚走🤪🤪呢間餐廳性價比好高🤙🏻🤙🏻🤙🏻⭕️鮑魚豬手撈粗麵 $42💢必食💢兩舊大大嚿嘅豬手🐷,再加兩個鮑魚，超多嘅粗面底😋😋加入甜甜嘅蠔油汁，味道配合得好好👍🏻真覺得好抵食⭕️生炸雞全翼 (2隻）配 胡麻沙律 $30超好味嘅生炸全翼，食咗第一啖仲有熱出🤤🤤🤤油溫控制得好好👍🏻所以成隻雞翼顏色均勻，再加埋胡麻醬配新鮮沙律菜🥗⭕️蚊蚊豬手湯烏冬 $38佢哋嘅豬手好好味😋夠軟熟，非常之入味，而且豬手處理得好好冇其他雜味⭕️奶油豬配炸雞翼 $32 脆卜卜嘅豬仔包，加上適當嘅奶油🥰🥰奶油豬永遠都係邪惡但美味🤪🤪再嚟多三隻生炸雞中翼👍🏻👍🏻滿足仲有好多嘢都好想試😊下次試火鍋😄😄😄

————📍深水埗嘩 好耐都冇出過食評啦🤤🥲🤣我回歸了 偷左懶咁耐🫣🫣🫣🍃 最近又落雨☔️ 天氣又凍番 搞到好想去打邊爐🍲🤤🤤 雞煲又都想食🐥🐔 所以搵左間咩都有得食嘅鋪📌 #蚊蚊豬——————————————————✨呢間鋪真係比一個價錢咩都係任叫任飲任食 #烤魚 #雞煲 #邊爐 #清酒🍶任飲 #手切牛肉 🌟 晚市 $268 @ 1 ⏰限時120分鐘❏ 鴛鴦鍋：粟米豬軟骨鍋 + 蟲草花鮮雞鍋🤤個日叫左個鴛鴦鍋打邊爐清清地 鍋底味道都好足夠 夠鮮甜 可以自己再加雞件❏ 麻辣燙 😂冇諗過連麻辣燙都會有 係手機落單會煮熟咁送上黎 味道都有7成似大陸原味 過下口引❏ 必食：🪄手切安格斯PRIME 級🪄封門柳PRIME 級🪄牛板腱PRIME 級🪄毛肚（黑柏葉）牛肉切到好厚😍一口食大滿足 冇諗過放題都會有黑柏葉食 👍🏻———————蚊蚊豬老火鍋 (深水埗)深水埗荔枝角道240-244號寶興樓地下A-C號舖

甚少同家人出去食火鍋，見母親節就同家人食個火鍋慶祝。依到烤魚，雞煲、火鍋都係任點任食，真係任點任食，食完可以再食，同埋依家餐廳做緊期間限定，每枱會包一鍋燴牛尾煲。但我家人少食肉，唔洗咁浪費，所以直接點左泡椒酸湯底嘅烤魚。外面都有食材俾大家自選。海鮮拼盤，有花甲、青口、海蝦等。吃火鍋前先食d刺身，件件新鮮，有甜蝦，三文魚等，三文魚肉質肥美。烤魚份量十足，鍾意食鱸魚嘅人一定食到津津有味，同埋依個湯底非常夾娃娃菜，少少酸，有點微辣，勁正。安格斯、封門柳、牛板腱，款款都係PRIME 級，牛肉味勁濃。依到重有其他即點熱食，有雞軟骨和甚少係火鍋店見到嘅炸饅頭，入口酥脆，沾上煉奶更為滋味。食完一輪都勁飽，要留個肚食雪糕和飲清涼爽。