蚊蚊豬老火鍋 (Closed)

今日行開深水埗，發現新開左蚊蚊豬老火鍋，決定入去食下$268一位好抵食 超多種類既火鍋料同飲品一開始就上左個刺身拼盤，海鮮拼盤，同埋牛肉拼盤，兩個人食都夠哂 份量好多 三文魚可以任點牛肉有幾種手切安格斯肥牛、牛販腱prime、牛胸爽、封門柳全部都好有牛味，肉質爽口脆鯇魚片好新鮮，叫一份都有成10舊自家製雲吞皮薄餡靚可以叫一串串既麻辣燙毛肚、金錢肚、火雞腎、陳皮魚蛋、豆卜串每樣試小小，辣得好過癮仲有幾款新鮮熱辣即點即炸既炸物椒鹽雞軟骨香脆唔油膩炸饅頭外脆內軟，做甜品一流自助吧有多種蔬菜同丸類 超級豐富Gelato雪糕都有幾種，最愛曲奇餐廳期間限定每枱包一鍋燴牛尾煲1鍋

開返堂食梗係要食打邊爐🍲啦，等左唔知幾多個月無出去打邊爐，今晚同事介紹呢間好抵食又多野食，$268/人另加一，無醬料茶芥錢，任飲任食120分鐘。除左打邊爐，仲可以無限次轉換湯底，例如：雞煲/烤魚/火鍋….一坐底會先黎個刺身拼盤，但刺身拼盤係一次性，只有三文魚可以refill，之後會黎一碟牛肉拼盤，有幾種唔同種類既牛肉，同埋海鮮拼盤，有鮑魚、青口、蝦。.大部分菜/丸都係自助吧自取，醬料都係自己拎，種類都算幾多，而且擺盤整潔乾淨。其他食物，例如：牛肉/豬肉/魚片…等就QR code落單，幾欣賞佢仲有麻辣燙、炸物、等小食食，種類真係多到食唔完。.成晚最精華真心係個「手切牛」，首先切得夠厚身，咬落牛味十足得黎又無筋，豐富口感真心放題黎講好高質！剩係食牛都覺得回本，反而其他款式既牛就無手切牛黎得咁出色👍🏼👍🏼.性價比極高既任食打邊爐🍲，如果唔限時仲正🙈🙈 期間限定仲有每枱包一鍋燴牛尾煲1鍋，不過同行朋友麻麻地，所以我地無要到。

呢間真係好食又平，碟牛真係超靚超好食，超級高質，但重點係條魚🐟🐟🐟兩個人比左半邊魚，但超級大條，個皮外脆內嫩滑，唔算好辣，食落帶麻過癮，超入味！同朋友淨係食魚都食到好飽！仲試左牛筋牛肚🐂佢預先鹵左，所以好好食好入味，個湯底配埋咼旬，蓮藕，真係超夾。

今日去咗深水埗到掃貨 順便食餐好嘅 眾所周知深水埗有好多好大眾化嘅餐廳 今日就同大家去呢間蚊蚊豬老火鍋度打邊爐首先就有一個海鮮拼盤 有白鱔青口鮑魚同埋蝦 全部都好新鮮 尤其是係白鱔 非常有魚油 食落又爽口 鮑魚竟然一啲都唔硬 但係就富有海水味 值得一讚跟住就食咗個雙冬羊腩煲 睇下就知道非常足料 有冬筍又有馬蹄等等嘅配料 全部都好入味 加上主角羊腩炆得非常軟非常滑 又有羊味唔太騷 好易入口 就算唔鍾意食羊嘅人都會一食上癮之後就食咗個手切牛頸脊 非常有咬口 鮮嫩嘅牛肉令人上癮 牛肉味非常重最後就要食埋個花膠雞鍋 花膠好補身 加上雞肉軟滑 為今餐劃上完美句號

知道蚊蚊豬老火鍋開左分店，太子店食過幾次，開分店當然要一戰啦！不過深水埗分店同太子唔同，除咗四川烤魚同四川雞煲之外，每枱包一盤海鮮拼盤，冬天仲有期間限定嘅羊腩煲，牛肉方面就多咗牛板腱、封門柳、刺身、雪糕、飲品都係任飲任食！今次就揀咗香辣四川烤魚，條魚全部都係大骨，非常容易食。個湯又好夠辣，連埋個魚食就完美啦！之後加湯打邊爐或者係再另叫一個湯底都得！ 牛板腱同封門柳都好有牛肉味，輕輕燙一陣就食得，好嫩滑，忍唔住一片接一片。另外每枱都會送海鮮拼盤，有鮑魚、蝦、青口同鱔，每樣都好新鮮，可惜冇得一點再點啦～部分火鍋料係出面自己拎，有啲就用QR CODE嗌，款式都有好多種。其中個響鈴好唔錯，真係即炸，再乾身啲就更好啦！

蚊蚊豬開分店啦上次無意中發現呢一間非常高質嘅任食邊爐，係深水埗到開咗分店但係分店當然就有分店嘅特色啦。雞煲烤魚，火鍋邊爐一樣有，期間限定羊腩煲繼續出色，咁有咩特別啫安格斯牛肉唔洗講啦，肥瘦均衡，嫩滑有油香。佢仲有任食嘅prime grade 嘅封門柳同牛板健，聽到都流口水啦牛板健厚薄啱啱好，輕輕焯一焯，牛肉味濃，口感有咬勁，但一咬就會開，唔會好韌。封門柳雖然細細塊，但佢又好滑，牛肉味都濃烈，非常靚。個人鐘意食牛板健多啲，有咬口呀👍🏻👍🏻仲有仲有，一坐低先送你一個海鮮拼盤，有蝦有青口有鮑魚。樣樣新鮮，啲蝦殼熟咗都好難搣殼，而肉質爽口清甜，鮑魚就好嫩而唔會硬，鮮甜‼️仲有仲有響鈴係即叫即炸，佢鬆脆之餘，浸湯又唔會一下吸哂啲湯汁，可以掛到係付皮上面，唔會咁易浸到軟哂。另外，佢刺身方面都唔差架，三文魚，甜蝦，八爪魚...仲有小食豬耳，雞翼尖，雲耳，等緊鍋底嚟嘅時候食就一絕啦配料同飲品方面，佢選用自助形式，攞幾多食幾多，款式又多，見到個櫃都已經夠開心，仲有呀仲有呀，佢個青酒都係任飲架，食啲惹味嘅雞煲，飲番啲清酒，清一清啲味蕾又再食過，爽哂😂😂

天氣咁凍就梗係打過邊爐啦 去到深水埗嘅呢間蚊蚊豬火鍋店 餐廳比起太子店闊落勁多 而且仲好光猛 座位坐得非常舒服竟然仲有冬天限定嘅支竹羊腩煲 雖然唔係任食 但份量一啲都唔細 羊腩炆得又淋又入味 入面仲有唔少馬蹄 支竹 筍等等嘅配料 同散嗌冇分別刺身同樣係大堆頭 入面已經有三文魚 鮑片 魷魚 象拔蚌等等 全部都幾新鮮食完羊腩煲就可以揀另外一個湯底打邊爐啦 我哋就揀咗蟲草花雞煲入面嘅雞肉都幾多 而且幾嫩滑重點推介必食嘅手切牛頸脊同手切安格斯牛板腱 睇相都知肉質紅潤肥瘦均勻啦 食落肉質軟腍而且牛肉味濃郁 呢個質素仲要係任食超抵呀食飽飽仲有意大利杯裝雪糕 味道有驚喜

天氣咁凍就梗係打過邊爐啦 去到深水埗嘅呢間蚊蚊豬老火鍋 餐廳比起太子店闊落勁多 而且仲好光猛 座位坐得非常舒服竟然仲有冬天限定嘅支竹羊腩煲 雖然唔係任食 但份量一啲都唔細 羊腩炆得又淋又入味 入面仲有唔少馬蹄 支竹 筍等等嘅配料 同散嗌冇分別刺身同樣係大堆頭 入面已經有三文魚 鮑片 魷魚 象拔蚌等等 全部都幾新鮮食完羊腩煲就可以揀另外一個湯底打邊爐啦 我哋就揀咗蟲草花雞煲入面嘅雞肉都幾多 而且幾嫩滑重點推介必食嘅手切牛頸脊同手切安格斯牛板腱 睇相都知肉質紅潤肥瘦均勻啦 食落肉質軟腍而且牛肉味濃郁 呢個質素仲要係任食超抵呀食飽飽仲有意大利杯裝雪糕 味道有驚喜

今日天氣凍凍地，朋友又話想打邊爐，喺OpenRice嗰度一搵底下就見到呢一間蚊蚊豬老火鍋，睇落好似好正咁，就決定試下😛😛😛其實我之前都試過佢哋太子嗰間分店，質素非常好，呢間深水埗分店仲正，每台都會多咗一個海鮮拼盤，同埋封門柳、牛板健等高質牛肉任食😍😍～～～ 期間仲限定每枱送一煲羊腩煲😋😋😋😋 呢一間餐廳真係好多選擇，如果你又想食烤魚，又想食雞煲，又想食羊腩煲嘅話，呢間餐廳就可以一次過滿足你三個願望😙😙😙 佢每一個煲嘅味道都係好出眾，非常惹味，食得出大廚嘅真功夫，呢個價錢好食得來仲要任你食，性價比好高🤪🤪🤪🤪最勁嘅就係佢哋竟然仲有埋日本刺身任食，三文魚、甜蝦、魷魚等等😍 仲要係好新鮮～～ 仲要連小食都冇得輸呀，例如有我最愛嘅尖椒皮蛋，同埋竟然仲有炸饅頭配煉奶🤪🤪 仲有佢啲牛肉係好高質同講究，會有唔同嘅部位，食得出佢嘅來貨價錢唔平，新鮮而肉質鮮嫩，脂肪分布剛剛好😍😍 而火鍋配料嘅選擇都非常多，佢哋設有出面嘅自助區，亦可以用手機點餐，一啲比較特色嘅配料，例如鴨血、毛肚，竟然都有齊曬！😍飲品都係任飲嘅，佢哋都有好大個飲品櫃俾你任攞，而雪糕方面佢地都安排左gelato 雪糕🥰🥰😋😋 味道仲要有好

近排天氣開始轉涼，梗係要食D可以暖下個身嘅野，所以就約咗幾個朋友去食烤魚雞煲。呢間餐廳其實之前都去過，上次去嘅係太子嘅分店，出品我哋都好滿意，今次試吓呢間深水埗嘅分店。深水埗呢間分店位置上面都係好好搵，我朋友搭巴士嚟，到站直到門口，而且店面都算大，夠光亮，坐得好舒服。上次我地就只係打邊爐同食烤魚，感覺不夠盡興，橫掂任食，今次打算通通試勻佢，又烤魚又雞煲又羊腩煲，超級豐富。呢度會先上個刺身拼盤，基本嘅刺身都有，有甜蝦，三文魚，墨魚，八爪魚等等，任食黎講都算係咁，都算新鮮鮮甜。到主角烤魚，呢個烤魚用嘅係皖魚，非常大條肥美，肉質上可能無咁嫩，但會更緊緻D，而且勝在魚味會比其他魚年，所以食起身除咗有麻辣湯底嘅香味之外都食到魚本身嘅鮮甜味道。最好食就係個魚皮，應該係炸過嚟，而且索晒啲湯汁食起身非常香口。食完啲辣野，就試吓玩下口味食你個羊腩煲，呢個羊腩煲都真係有啲出乎意料地好食，因為佢個醬汁調校得啱啱，十分惹味，而且羊食起身唔至於太騷，而又品嘗到羊肉獨有嘅香味，點少少腐乳食更為過癮。而且肉質好好，唔柴唔韌，仲有少少彈牙嘅感覺，我超級中意。最後就係麻辣雞煲，水準以上，肉質都算嫩，都唔會話好鹹，最抵讚

放工後約男友來蚊蚊豬，點知男友去錯太子分店，好彩行過來深水埗新分店都唔遠，但佢做事咁大意都忍唔住嬲嬲佢。$268 有羊腩煲（餐廳期間限定一鍋）或者烤魚之後可以轉火鍋湯打邊爐，更有刺身、雪糕、飲品等刺身有三文魚、八爪魚、鮑片、魷魚、甜蝦等，而且都幾新鮮。每台送一台海鮮拼盤，有鮑魚、帶子、青口同埋蝦。自己最鐘意食鱔片，夠鮮味~自己和男友就驚眼寬肚窄，加上好耐都未食過烤魚，於是先點了泡椒酸湯味，有需要時先再叫羊腩煲。烤魚好大條，上面鋪滿芫茜，香濃酸辣惹味，外脆內嫰魚肉。火鍋料用手機QR CODE 自己落單，牛肉都有幾款選擇，有封門柳prime、安格斯肥牛、牛板腱prime等 ，牛胸爽，牛黃喉等等任食，且幾高質。睇落花紋不錯，牛肉嫩滑牛味濃。炸饅頭外微脆內軟淋仲有雪糕飲品小食，選擇好多，美食當前怒氣也消。

又到佐2021年既尾聲喇，見今日天氣凍凍地，最岩就係放工約埋另一半去食暖笠笠既打邊爐。今次就食依間係深水埗既火鍋店，望下個餐牌，仲以為自己眼花。依間店竟然有多款火鍋選擇，羊腩煲（期間限定一鍋）雞煲同烤魚選擇，仲要係比一個價錢就可以係兩小時內任叫任食各款煲底同魚生刺身，一次過滿足晒你多個願望，直頭係大胃王同吃貨既天堂。今次就點佐條萬州烤魚配上泡椒湯底，魚肉外脆內滑，湯底又唔會太辣。除佐鍋底外，佢d火鍋料同飲品都可以任食，唔單止有近年好有人氣既封門柳同牛板鍵而且佢竟然有我至愛既鴨腸鴨血任食，真係好有驚喜！最後埋尾緊係唔少得嘆番幾杯雪糕解下辣，餐廳有一款叫Gelato既意式雪糕，有多個口味任你拎，我自己就最欣賞佢個黑芝麻味，非常香濃。

一次超級滿意的放題，新店又大又亮堂，食物水準比起舊店有增無減，環境升級之後更適合家庭聚餐了。點了泡椒烤魚，端上來整個驚呆，超大一條魚，滿滿當當都是肉，酥脆香烂，刺也不多。不同於平常的鐵盤烤魚，它是有湯底的，泡椒味鮮香濃郁～涮高質安格斯牛肉和脆皖魚都好出色。刺身是每日新鮮到港，三文魚甜蝦等任食～還有一盤海鮮，有鮑魚、鰻魚、大蝦、生蠔最離譜的是，如果烤魚食完還有肚子，可以再點雞煲！！哇，要不要这么抵！200多蚊可以食到火鍋、烤魚、雞煲三重奏，真是絕了。黃喉最適合配這種辣辣的湯底，好入味，越熬越香，吸收了滿滿的湯汁。自助蔬菜吧是任取的，各式青菜都新鮮，配上美味的湯底，最后一涮，差點把湯都喝完。飽餐之後來個意式雪糕，有香芋、抹茶、黑芝麻、朱古力味，幸福的一餐就是這麼簡單～

先來一個重慶麻辣雞煲，記得這裏的辣比較輕微，所以點了大辣、果然辣度夠，非常惹味，麻香辣香二者恰到好處，令雞件味道更上一層樓冬天期間限定雙東羊腩煲，羊腩味道比較淡，連不太接受羊羶味的好友也吃得入口這裏的任食套餐除了雞煲，羊腩煲，還可以點烤魚，吃完也可以轉其他火煱湯底，最啱喜歡多元化的人刺身也是任食的，有三文魚，甜蝦，八爪魚，墨魚，赤貝，鮑魚片火鍋配料有的是自助，也有落單點的，肉類就點了手切安格斯牛肉，封門柳、牛板腱，不過要數始終安格斯牛比較滑嫩，其實二者和牛味偏濃鵝腸值得一試， 煙韌彈牙又爽口自助的火鍋配料區拿了豆皮串，吸收麻辣汁後，非常爆辣，蓮藕淮山，爽口美味還有足料羅宋湯和中式湯炸小饅頭即叫即整，外脆內軟，點上煉奶，非常好吃

叫老公在 自助餐/飲食群組 揀聖誕大餐， 他就揀咗任食火鍋， 佢話睇落最抵食又好似唔差咁喎，第一次去呢間火鍋店， 感覺又幾光猛 整潔 闊落， 新鮮羊肉鍋肉質都係嫩啲， 唔會死實實， 味道都唔太濃，可以食多兩嚿 。 每人仲有一份海鮮送有鮑魚 青口 斑腩白鱔各一件。 跟住叫咗個 小辣雞煲打邊爐 ，可推介食物 安格斯牛 封門柳 牛板腱 質素非常好 仲係任食添。還有 刺身 墨魚丸 花支丸 魚腐 都唔差， 最後食埋甜品雪糕🍨， 都叫滿意嘅聖誕大餐🍻。 祝各位 🧧新年進步🎁🧧