蛇王如蛇店 (Closed)

今日冷峰來到香港, 元朗夜晚的氣溫只有21,2度趁秋風起, 梗係去整碗蛇羹先啦去的蛇王如, 人客唔多,一碗細蛇羹 $28, 比起舊年只係加左一蚊, OK啦但碗野一到, 唔多掂, 蛇肉大約有一半, (上年有七成)多左雞絲冬菇絲, 而且稀左, 唔再係啖啖都係蛇肉, 加上, 今日無薄脆, 成碗野即刻失色左另外, $17一碗腊味飯, 但腊味唔香, 碗糯米飯又軟又硬即係有些就好軟, 甚至可以講係變左糷飯, 有些就好硬好明顯係將新煮既同舊既撈埋一齊, 但撈唔均勻算啦, 當仲未係時候去大啖蛇羹啦, 下個月再來過

3Dec2007 1935多年前幫襯工聯會的蛇宴，到今時今日先至有緣在蛇舖食蛇宴，主理人安排我地在擺放部份雜物地方享受，以免滋擾其他食客。首先上場的是蛇羹，完全足料到乜野係叫展示實力，份量足以每人兩碗仲有剩，唔駛冬菇扮蛇肉，伴料如薄脆唔係好夠，我地無意中發現佢地成批十幾大袋放係附近，要幾多有幾多；炒龍衣其實就係蛇皮，要好食本身就要爽滑，這裡能做到了；蛇起完了肉及皮後，剩下骨段，這裡會用來炸，然後再落椒鹽炒，這就是五蛇碌，這裡炸得不夠徹底，否則連骨都可以食埋；在這裡食酸辣松鼠魚唔會有任何其物，但總算炸入入型入格，汁多一點及炸得再鬆化會更好。除魚外，與蛇宴最無關的食物便是黃油雞，但係最快搞掂的一味，嫩滑加雞味甚濃，人人皆愛；另一道令人有高潮的菜式就係差不多到尾聲的佛跳牆，別名叫蛇龜竹絲雞燉蛤蚧，又一實力之作，不只暖身，女食左聲都大的，男既就強身健體，主持人還將殘骸黎左幾幅大特寫。當晚唔夠其他人快冇食蛇腩、還有其他食物如郊外灼菜心，糯米飯及蛇酒，都差不多掃清，大家都盡興，最後還要多謝「beeleebala」及其伉儷請搭的士回巿區。

下午茶成日黎叫親都係27蚊細蛇羹好多蛇肉 元朗其他蛇店完全係少蛇肉lor得呢間係多 而且仲好好食食一碗可以溫哂全身 入面好多料黎到一定要加d餅同香草落去 脆脆地d蛇羹甘甘地 真係好正 有時會叫龜湯 一般啦我認為可能係我唔識飲 XD 店後面勁多大補酒 D蛇樣可以驅鬼XD怕蛇就唔好望啦

團拜後我地走先,其實好想約媽咪,不過實在太趕急,唯有下次先尊誠約媽媽.搭輕鐵出返元朗,嚟食想食好耐既蛇.要一個A餐一個C餐,分別在一個雞飯(海南或白切)一個臘味糯米飯,及有蛇羹同蛇湯.蛇湯好濃藥味,因苦苦地.雞飯飯多雞少,寫明清遠走地雞(食得出).但都好夠食.臘味糯米飯好細碗,又係幾好食.最後蛇羹,真材實料,好多蛇肉,唔,(脆脆草草)任落,好味!食完暖笠笠!

今年初三,去了元朗食蛇羹叫了個飯餐\蛇湯+蛇羹(細)+海南雞飯$60不過,如果唔要雞翼,要在落單前提出唔知係咪水尾關係,我呢碗十分足料~~好好味我媽叫了蛇腩飯,都好好食!

講係元朗最佳, 確實無誇張的蛇羹內大部份係蛇肉, 而且有鮮味唔似其他蛇舖的雞絲冬菇絲多過乜而且湯底非常清甜, 食完全身暖晒$27細碗, $38大碗, 視乎大家既食力有幾強啦不過老實講, 雞飯同腊味飯只係一般般大家都係將注意力放係蛇羹就好啦

自蛇王如屏會街分店結業，好久沒有吃過蛇羹。趁天氣仍凍，上星期去買cheesecake前順路來了一碗。　細的太史五蛇羹要$27，大一倍的大碗則才賣$38，只是胃納有限都不能得計那麼多。別看它份量小小，由於蛇肉十分之多，我又喜歡加上大量的薄脆增加口感，食落又飽肚又勁暖胃!　說起來，店內有個套餐我覺得好吃又抵食的，是細蛇羹+蛇湯+腊味糯米飯，賣五十多元。不過我曾試過與龍兩個人都食不完，會有人可以獨力完成嗎?

秋去冬來,正是食蛇的好季節,在元朗蛇王如的蛇宴,名乎其實,蛇腩蛇碌蛇衣等等,應有盡有,絕非那些"左仔公會",有盅蛇羹就當蛇宴之貨色可比.因為Maxine的一句好想食蛇王如,就即刻來一圍.一行十三個人,齊齊擁進蛇王如的"廂房"內,與蛇共舞.今年的蛇宴比往年貴,$2800一圍,落訂時看看菜單,變化不大.但多了條松鼠魚.先來幾支自備餐酒,蛇酒太"掯",留待最後才開.蛇羹仍然大堆頭,深不見底.十三個人,平均可分到兩碗或以上.啖啖新鮮蛇肉,非常足料,無論在味覺同口感上,也很富足.因此,又不客氣地喝多了幾碗...其他的之前已吃過,蛇衣蛇鱗分明,有些很稔,亦有些較爽口,是否不同的蛇,其蛇皮的口感也不一?炒蛇球口感幾鞋,蛇腩煲暖笠笠,吃罷慶合合.之前在新漢記吃走地雞吃到一口血,蛇王如的清遠雞,雞味濃,肉質亦嫩,雖然在菜單上份屬"豬頭骨",但這頭骨,也迅速清碟.酸辣松鼠魚賣相如龍舟,魚肉炸得香口.肉質較結實.兩截色的糯米飯,沒有去試,再下來的,佛跳牆便上...這盅同樣深不見底的大補湯,真真正正大龍鳳,蛇龜蛤蚧共冶一爐,味道清澈鮮甜,火路十足,有強身健體之效,甚至乎對某些功能有正面作用...K兄未喝已說上

很久前已聽說這裡的蛇羹很足料又好味，可惜不是約了人就是有事發生，兩次也沒有到來，實在可惜；見天氣轉凍，便立刻約了朋友，一行四人來一試。本來想叫的食物，因人數太少而放棄了(下次再來試過)，只好每人各自叫一個套餐。最後選擇了(A)太史五蛇羹、蛇湯、海南雞飯；(B)蛇羹、金錢龜湯、白切雞飯。太史五蛇羹- 很多蛇肉、真材實料，味道都算幾好、但蛇肉偏韌，而且還有少量骨在；如比起桃xx、蛇王x就一般了點！加上檸檬葉和薄脆自落，以價錢來說，都幾食得過。蛇湯- 帶有少少苦味，可能加入了蛇膽吧，味道幾特別，而且飲完立刻全身都熱了，相信都真係幾補暖的，凍凍的天氣飲都算幾適合吧。海南雞飯- 雞肉很有雞味，相信應該係新鮮雞吧；但油飯就只有點點油味，和白飯分別不大，飯比較失望。白切雞飯- 真搞笑，和海南雞飯完全沒有分別，只是醬汁唔同，個飯完全沒有油就當是，真係你說是什麼就是什麼。金錢龜湯- 味道幾苦，感覺幾似二十四味，龜味唔多覺，有幾多成係金錢龜就真係唔知，但看看價錢都不用點想了吧。油菜- 又爽又新鮮、還很菜綠，但可惜落得很多油，影響了口感。店鋪幾細間，四個人都要等一陣才有位，都算幾多人幫襯，相信和最近的天氣有

我成日都o黎食蛇羹ga, 一年四季都o黎~真材實料ma, 蛇肉仲係低脂食品, 食多d都唔怕啦~今次食o左大蛇羹($36)同生菜($12).但我未試過全蛇宴喔, 遲d唔知會唔會有人再搞飯局呢?

因爲位置不錯，很多時候冬天回家時落了巴士，都很自然的買一大碗蛇羹回家吃，真材實料，有很多蛇在裏面，其他料都很足，例如豬肉，雲耳，另外，我也會多要一些檸檬葉和脆卜蔔，吃完後會很滿足。

Having traveled for over an hour on the MTR, West Rail and the Light Rail, I finally reached this small and old restaurant situated at the busiest street in Yuen Long, that you would easily miss. Greeting me were loads of different kinds of lively snakes, squeezed inside some transparent containers. Hopefully, the “security level”was high there.Being there for the second time, I went into the “secret VIP room”directly, where was the only place in the restaurant that could accommodate our eleve

2人要左2大蛇羹.雖然都不算特別大碗;但勝在湯底冇乜味精;蛇肉亦不像一般蛇羹咁一味啖啖肉.仲有幾重藥材味添;感覺是比較正宗的'五蛇羹'.諗住行過試一試而已;但有驚喜!

歐遊歸來，喜見天氣漸凍，有什麼比約一班朋友，圍檯吃蛇更好？今年又在這裡訂了一圍，出席的朋友也跟上年的大同小異，還加上幾位具「食力」的生力軍，大家又吃蛇，實在高興。已熟地頭，大家都各自鑽進舖面後的小房子，一張圓檯，沒有餐單，只放了一盒薄脆、薄荷葉絲及一支五蛇酒。除了5 蛇，當然還會有幾支自酒，分別是kkk兄的靚法國紅、師姐的花香白酒，與及Boris兄的54度的貴州茅台，有餚有酒，樂事，先在此謝過幾位。其實事先在落訂金時，也沒有仔細的去研究餐牌，只知也是例牌的蛇羹、蛇衣、蛇腩、蛇碌等等就可以了。先來蛇羹一大盅，照舊的真材實料，啖啖是比尾指更粗的蛇肉，吃得在座各食友都相當滿意，這一味蛇羹，維持水準；跟著幾味也是熟口熟面，炒蛇衣爽口彈牙，燉蛇腩肥美鮮嫩，炸蛇碌香口好味，相信一心來吃蛇的，都應該會幾滿足。少不了的，還有那隻清遠雞。雞隻雖大，但肉質不鞋，嫩滑有雞味。雖然在之前的幾碟蛇菜過後，大家已八成飽，但邊讚邊吃，又聽著在座靚女食友在說著之前人家留給她的雞件趣事，也都完全清碟；雞雖好，菜及糯米飯都較往年失色。油菜賣相嫩綠，但吃落多筋又有渣，菜已老；糯米飯白白的，跟臘味粒相互沒相干，完全沒有味道，

前幾日凍凍地,唸住食返碗蛇羹補一補,叫左個蛇羹+蛇湯+海南雞飯套餐. 個蛇羹D蛇肉硬而無味而且D蛇羹仲有D苦,個海南雞飯D雞真係認真唔掂. 舊年蛇羹都好味,D雞飯都無咁差(都係唔多好食嫁la),不過今年真係食唔過.