見見面 (打鼓嶺道)

Open Now

Now Closed

今日同老公去左九龍城探親戚，之後就去左食晚飯。天氣凍凍地，不如食吓川菜暖暖身。餐廳充滿中國色彩，以木系雕刻作屏風，橫樑掛上紅色燈籠。空間幾大，好寬闊，環境舒服乾淨。呢度用QR code點餐，電子餐牌已分晒類，種類都幾多，除左一般嘅雞煲同烤魚外，仲有小炒同乾鍋等。我哋就點左小炒、乾鍋同招牌菜各一，另外兩款川渝粉麵。值得一提，每款份量都好多，足料。而唔食辣嘅人，都可以揀辣度，甚至唔辣都可以。前菜：有鹹花生同雲耳，鹹鹹地，微辣，幾好。糖醋里脊：里脊薄薄粉漿炸得脆口，食落唔覺得話好油膩，腍得黎偏瘦、軟熟。味道酸酸甜甜，甜酸度中和得剛剛好，開胃菜之選。乾鍋田雞：原鍋仔上，下面有火keep住熱。田雞鍋較乾身，唔會話好多油。配料有洋蔥、蒜頭、豆豉、青椒同翠肉瓜等同炒，田雞肉嫩，越食越惹味，有水準。酸湯肥牛：招牌菜之一，肥牛唔算肥偏瘦，湯底清澈無油，味道唔覺得太酸，泡椒味較濃但唔會太辣，底部原來仲有萵筍同紅薯粉，紅薯粉連湯食好入味，整體豐富。四川擔擔麵：麵條滑口、彈牙，湯底有花生碎加埋麻醬，味道香濃，足料。肉末酸辣粉：配料有肉碎、花生碎同雪菜等，辣度揀左極少辣同少麻，湯底偏酸少麻，唔太辣，紅薯粉口感煙

在九龍城這個充滿活力的地區，見見面這家川菜餐廳以其地道的風味和獨特的菜式吸引了不少食客。走進餐廳，濃厚的川菜氛圍讓人感受到一種家的溫暖，這裡的菜品選擇豐富，每一道都令人垂涎。首先，必點的酸菜魚例牌是一道經典川菜。魚片鮮嫩，搭配酸菜的酸爽，湯底濃郁卻不膩，令人一試成主顧。這道菜的湯汁香氣四溢，隨著一口口的品嚐，魚肉的鮮味與酸菜的清新相互交融，讓人感受到舌尖上的火花。特別是湯底中那一點點的辣味，既提升了整體風味，又不會過於刺激，讓人吃得過癮。例牌魚都幾多，足夠兩至三個人份量。接下來是四川擔擔面，這道面條看似簡單，卻蘊含了四川的靈魂。面條筋道，搭配香濃的芝麻醬和花生碎，口感層次分明。可以選擇辣到，小辣都足夠辣豉椒花蛤花蛤新鮮，搭配豉椒的獨特風味，讓每一口都充滿驚喜。豉椒的香氣與花蛤的鮮味完美結合，吃上一口，讓人忍不住想再來一碗白飯，將湯汁全部吸收。這道菜的調味恰到好處，既能突出海鮮的鮮美，又不會掩蓋原有的味道。蔥爆牛肉則是另一道不容錯過的佳品。牛肉片切得薄而均勻，炒至剛好熟透，保持了肉質的鮮嫩。蔥的香味在炒制過程中釋放出來，與牛肉相互襯托，讓整道菜充滿了香氣。這道菜的色香味俱全，無論是配飯還

最近成日食川菜，確實系有種吸引力，見見面於九龍城已開業數年，有相當人氣，平日都吾少人幫襯😳環境古色古香，充滿中國風味🏮炸饅頭大家都愛，外皮脆炸至金黃色💛外脆內軟十分滋味😋沾上煉奶香甜美味🤍外皮酥脆，內裏豬里脊肉則保持鮮嫩多汁的口感。糖醋醬比例恰到好處，酸甜適中，吾會過於甜膩，醬汁輕輕包著每一塊肉🐷酸菜桂花魚系呢度人氣菜式🐟仲有得揀少麻同埋少油，感覺比平時健康💪🏼睇酸菜魚個湯個顏色都知道正💛魚片口感嫩滑細膩，毫無腥味。魚肉充分吸收湯底精華，酸味之中帶著淡淡甘甜，酸菜發酵風味同金湯甘甜交織，再加上微微辣度同花椒麻香，整體味道層次豐富。

今日黎到九龍城竟然唔係食泰國嘢，係食川菜因為朋友介紹呢間川菜抵食又好食，所以過黎試下，餐廳裝修都好中國風，座位都幾闊，完全唔會有逼夾嘅感覺，係幾好坐既，餐廳係用二維碼自助落單，有部份嘅菜式可以自選麻辣度，配菜等等，食物價錢大部分係一百蚊內有交易炸饅頭叫咗個炸饅頭做餐前小食，呢個係一口饅頭，啱啱炸起，外脆內軟，點煉奶黎食真係一絕椒鹽魷魚鬚呢個要左小辣，加蒜，多蔥，所以味道好香口，好岩餸酒，魷魚鬚岩岩炸起，食落熱辣辣又酥脆，配上少少辣同蔥蒜嘅味道，有少少避風塘嘅風味😋😋酸湯肥牛食物上枱時都嚇一跳，份量多賣相好，$128蚊真係抵食，肥牛仲要有少少肉香，肥瘦比例大概八成瘦兩成肥，湯底係似金湯酸菜魚既味道，個底仲有唔少粉絲同萵筍，索晒湯底味好好食手撕包菜呢個暫時係我喺香港食過最好味嘅手撕包菜，用左少少辣椒同花椒去炒，個菜又炒得好有鑊氣，真係可以媲美大排檔嘅風味，可以食到少少麻辣味既同時又食到包菜嘅甜味川辣牛肉炒米粉牛肉肉質唔錯，米粉炒得夠乾身，加上少少麻辣嘅風味，令人食唔停口桂花冰粉食完咁重口味嘅晚餐，食一個冰粉去中和下係一個唔錯嘅選擇，而且冰粉都好香黑糖味道，但又唔會太甜，有好清新嘅感覺👍🏻

近日與朋友相約於九龍城敘舊享用晚餐。店內裝潢古典優雅，充滿濃厚的中國風情，營造出舒適的用餐氛圍。餐廳主打正宗四川小菜，值得一提的是，大部分菜式均可調整辣度，讓不同口味的食客都能找到合適的選擇。 首先，手拍青瓜清爽開胃，微辣的調味搭配蒜蓉，既能解膩，又能提升層次感。水煮海螺令人驚喜，花螺肉質飽滿鮮甜，搭配大量豆芽與薯粉，充分吸收香辣湯汁，每一口都極具滿足感。豉椒大蜆亦是亮點，蜆肉鮮嫩多汁，豆豉與醬汁的完美融合，使味道更添濃郁。 主菜方面，胡椒豬肚雞煲湯底濃郁帶有胡椒的辛香，雞肉嫩滑，豬肚軟糯有嚼勁，入口暖心暖胃。孜然魷魚鬚炸得香脆不油膩，孜然的香氣撲鼻而來，帶來獨特的異國風味，十分出色。 整體而言，這間餐廳的食物質素極高，無論是食材新鮮度、調味層次，還是環境氛圍，都令人印象深刻。這次用餐體驗十分滿意，必定會再訪！

餐廳內外都好有中國特色氣息門口用左古色古香既木門旁邊展示魚缸與魚店內高掛紅色既中式燈籠只有一款茶/ 水小食配有大碗醃製花生仲提供wifi唔見有實體menu直接用QR code落單 方便快捷仲可以揀埋配料同其他要求大 中 小 走 極少 - 麻/ 辣度走/ 少/ 多 - 蒜/ 蔥/ 芫荽少油/ 少咸User friendly!酸菜桂花魚 例牌$288例牌上枱大大盆 絕對夠2人份量食飽飽酸菜魚既主角用左桂花魚嫩滑魚片冇骨 啖啖肉加入左大量酸菜同埋其他配料 菇、萵苣等等湯底調制至金黃色因為點餐時揀左少油 所以大大減低左罪惡感 呢到既酸菜魚口味偏酸 我鐘意❤️本人必定會加寬粉 +$30滑溜又帶少少煙韌 係酸菜魚既好朋友上湯娃娃菜 $88面頭加左條狀午餐肉份量充足下次有機會想試埋佢地既雞煲～

今日嚟到九龍城買完嘢，經過呢間見見面，入去食咗晚餐，餐廳主打雞煲烤魚同埋各種四川麻辣菜式，夠晒鑊氣！🔥🔥🔥麻婆豆腐香辣可口，送飯一流，豆腐滑嫩，搭配的肉末和特製醬汁讓整體風味更加層次分明。麻辣的味道讓人一口接一口，正！ 😎😎😎酸菜魚酸菜魚的湯底鮮美，魚肉鮮嫩，酸菜的酸味和魚的鮮味相得益彰，讓這道菜品充滿了清新的口感，除咗魚肉之外更加有大量酸菜酸蘿蔔等配料， 10分開胃🔥🔥孜然炒羊肉香氣濃郁，羊肉炒得恰到好處，肉質鮮嫩且充滿了孜然的獨特香味，讓人食欲大增，唔會太辣，正！🐒🐒東北地三鮮土豆、茄子和青椒的搭配讓菜品看起來誘人。炒至恰到好處，保留了蔬菜的鮮甜，口感豐富，是一道非常受歡迎菜。

位於九龍城嘅川菜小館見見面，食物份量足而且定價公道，味道仲要幾好！最正就係可以自選辣度，連弱過十小辣嘅極小辣都有，照顧到唔同朋友嘅口味！口水雞（半隻）$98雞皮、背脊、腿肉勁滑嫩，連胸位嘅肉都係軟嫩，必點items之一！豉椒花蛤 $128花蛤僅熟，粒粒飽滿無沙，索晒豆豉同埋醬汁嘅香氣！糖醋里脊 $98甜酸平衡之餘，仲可以加辣balance返個膩感，愈食愈開胃！孜然牛肉 $88充滿大漠風味嘅炒牛肉，爆炒好惹味！炸饅頭 $38外脆內鬆軟嘅炸饅頭！

見見面九龍城打鼓嶺道80-82號地舖初頭睇個名以為係食面類相關原來係食川菜 裏面亦都好中式菜館設計價錢合理 每碟都好大份港鐵宋皇臺站B3出口, 步行約5分鐘九龍城搵嘢食嘅話，呢個係一個好選擇牛油黃金蝦 $168外層包裹著香濃牛油同鹹蛋黃 蝦肉大大隻 實肉整出嚟唔會好油膩 川辣牛肉炒米粉 $88每份都可以揀蒜蓉香蔥多少想健康啲少鹽少油辣味適中 香口 米粉又唔會黐埋一舊野山椒牛肉 $98以野山椒為主料，帶來獨特的香辣風味牛肉切片薄厚適中，肉質嫩滑，搭配山椒的獨辣鍾意挑戰食辣嘅人可以揀呢個

主打抵食正宗四川菜🌶️店內裝修古典優雅，富有中國特色🇨🇳碗碟也很精緻，很有心思😃梅菜扣肉賣相吸引，口感鮮嫩多汁💦滑溜醇香，肥而不腻，梅菜帶點辛辣，送飯一流🍚羊肉用上孜然、鹽及胡椒等調味料烹調🥘煮出獨特的香氣🔥羊肉肉質細嫩，有咬口，蛋白質豐富😋薑爆鴨熱辣辣上枱🍲味道微辣乾香，炒得好有鑊氣😍鴨肉夠煙靱，鴨架夠入味，皮夠爽🦆魷魚鬚香辣爽脆，份量好多好大碟🐙入口彈牙，新鮮惹味😙

今日在九龍城收工後，跟同事一起咗位九龍城打鼓嶺道嘅「見見面」食埋lunch 才回家，之前已經經過，不過未有機會今日就一於入去🤭🤭「見見面」四川菜座位都舒適而且午餐都好似幾抵🤤不過望望吓餐牌就叫咗個豬肚雞煲同埋個炒豬腰😂😂午市套餐酸菜魚可以有飯麵薯粉揀…魚片份量都OK而且口感夠滑…薯粉煙煙韌韌不錯！胡椒豬肚雞煲例牌168個湯味好濃郁👍火爆腰花⋯⋯鹹鮮嫩滑冇腥味👍小食麻辣爽脆魚皮同埋皮蛋都好好味！

之前經過九龍城見到有間川菜館裝修得幾有特色，呢排天氣涼涼地想食下辣野，今晚就約埋朋友試下，見到餐牌好多菜式選擇，而且好多都可以揀辣度麻度，食唔到太辣嘅朋友都可以食奇味雞煲雞煲有個爐興住，一上枱就香氣撲鼻，雞肉煮到啱啱好，口感鮮嫩，配料有洋蔥同青椒增添咗口感，醬汁微辣中帶少少甜，濃味得黎好惹味酸辣雲耳酸辣雲耳爽滑帶韌，味道酸酸辣辣，醒胃得嚟清新，而家作為涼菜份量都多，幾抵食麻辣牛肉麻辣牛肉薄切得非常均勻，入口柔韌，牛肉味濃，麻香辣度剛好，幾好味清炒萵筍絲萵筍絲翠綠脆口，清炒得啱啱好，口感爽脆，味道簡單清淡，為整晚嘅菜式調劑一下手撕雞涼麵手撕雞涼麵同樣份量十分，雞絲鮮嫩多汁，麵條彈牙，醬汁係川式嘅麻辣口味，帶少少甜味，非常開胃花臉啤酒 $50/3支

🌸烤海鱸魚(紅薯粉)勁大條海鱸魚，熱辣辣，好正！我地叫左極少辣少麻，香料配菜都好豐富！海鱸魚皮脆肉嫩，啖啖肉，碎骨又唔多，食落口仲好入味，肉質細膩而又鮮嫩可口，越食越惹味，配埋彈牙嘅紅薯粉，紅薯粉仲吸滿晒湯底嘅香辣味道，好味🌸四川擔擔麵上枱就聞到香噴噴，湯底好足料，勁多肉碎同埋花生粒，充滿麻醬香郁味道，擔擔麵口感彈牙爽滑！🌸鹵水雞翼，雞翼肉質嫩滑，雞翼索滿鹵水醬汁，鹵水汁甘甜惹味，好入味🌸涼拌手撕雞份量好多，手撕雞肉滑嫩而又有彈性，味道好清新，口感好有層次，越食越開胃🌸咸柑桔餐廳舒適寬敞，上菜速度快，餐廳店員服務態度好友善，抵讚

冬天天氣實在太熱，最啱就係食辣野刺激下食慾啦！所以我哋去到見見面，以川辣作為今晚嘅主題。開心涼粉食甜嘢會令人開心，望住對方食辣食到標晒眼水都同樣開心。呢個開心涼粉其實係麻辣涼拌涼粉，涼粉上灑上芝麻蔥花。涼粉爽口滑溜，涼粉掛上麻辣汁，不失為好好嘅開胃菜。麻辣牛柏葉索晒麻辣汁嘅牛柏葉絕對夠驚喜！牛柏葉口感爽口，雖然切得幼身，但就索盡麻辣汁。麻辣比例啱啱好，非常有層次，不過略嫌份量偏少烤海鱸魚+萵筍今晚嘅主菜就揀咗烤魚，魚類選擇有桂花魚、海鱸魚同青江魚。呢道餸絕對係誠意之作，因為魚身有事先略為煎左，魚肉不會散碎，亦吸咗唔不少湯汁。海鱸魚雖然無桂花魚咁滑，但肉質相對彈牙，而且魚骨唔多，啱晒怕骨嘅朋友。至於烤魚嘅另一個精粹係啲配菜，呢度嘅配菜有魔芋、雲耳、芹菜同比較少見嘅馬鈴薯寛粉。不過個麻辣汁愈煮愈濃，越食越鹹又麻又辣，需要加湯稀釋一吓。我哋另外加咗萵筍，切得厚薄適中，唔需要煮太耐就已經軟身，食得！

在九龍城的中菜餐廳「見見面」，我食左幾款好正正既川菜，我覺得味道十分正宗既中華美味。1.酸菜桂花魚的魚肉鮮嫩，酸菜的酸味與魚肉的鮮甜完美結合。2.酸辣土豆絲則以小辣為主，口感脆爽，搭配微微的酸辣味，十分開胃，讓人一口接一口。3.孜然鱿魚鬚的勁香口，孜然的香味與鱿魚的鮮味交織，讓人愛不釋口。這道菜的調味恰到好處，讓人感受到一種獨特的風味。4.竹蔗茅根的飲品清新解渴，適合用來化解辛辣的口感，搭配加多寶，增添了一絲清甜感覺。總體來說，「見見面」的中菜不僅味道