豬仔糖水 (Closed)

不止女人愛吃甜品，身邊有群男生也喜歡吃飽飯後去「食個糖水」，這麼多年多來，和我吃得最多糖水的大概就是這班體格精壯的「甜心幫」吧 這晚自家邊爐打完，吃過最後的公仔麵後，友人們提議找間甜品店坐一坐，來點滋潤的糖水。友人在附近泊好車後，便一起走到這間小小的糖水店。以鮮色為主，光猛整潔的裝潢，感覺蠻清新的，這店看上去不大，但還有張長檯坐得下我們一行7人。其實這裡還有提供室外座位，但這天天氣不太穩定，我可不想在雨中心呼喚糖水... 店內Menu上印著一大堆連照片的糖水，「格格脆雪山」、「PP島」、「花兵1號」… 光看名字實在猜不出個所而，幸好menu是圖文並茂，還附上了簡單的材料介紹。每位甜姐兒看上去都好誘人，最後被這個大堆頭的「太空漫遊」吸引住了，朱古力布甸+朱古力脆米+珍珠+牛奶，再配上個雪糕，全都是我這個Chocoholic愛吃的東西，簡直比Kinder出奇蛋更加滿足！ 我很怕那種半濃不淡的「半朱古力味」食品，幸好這個布甸的朱古力味非常香濃，配上相對地味道較淡的牛奶，兩種味道混合起來甜而不膩。這布甸有三種不同顏色的層次，但因為實在太幼滑，一入口就融化在一起，實在分不開每層是什麼…另

之前無做功課就嚟咗, 唔知有咩特別,見個淡忌廉紫米豆腐花,幾得意,應該第二度無,就試一吓啦簡單嚟請,依個係淡忌廉+紫米+豆腐花,可以當3個食甜品食本身個豆腐花都無咩味,但係個淡忌廉打到個口感有啲似豆腐花咁。豆腐花撈埋啲淡忌廉嚟食,都唔係好分得開邊樣打邊樣,死未…,再撈埋個紫米,都幾得意。但可唔可幾收2/3錢呢~!唔知係咪而家唔興食甜嘅甜品,定係佢真係唔記得落糖,依個係我咁大個人食過最唔甜嘅甜品, 雖然超淡但我都比笑,因為都算幾有特色,有幾會再試多次,希望唔好比我發現佢真記得落糖

大角咀區內口碑不錯的甜品店數量不少，當中包括自己曾多次到訪的「水記甜品屋」、還未曾幫襯過的「木子甜品」和這次介紹的「豬仔糖水」。其實這間「豬仔糖水」，自己在去年情人節的晚上，也曾和太太前往「撐檯腳」，想不到事隔一載，到了今年，情人節過後的數天，在太太的建議下，我們又再拍拖前往吃甜品。這次我在這間小小的甜品店所吃的甜品，是繼前次所吃的店中招牌甜品「格格脆雪山」和「太空漫遊」後，另一道店中招牌甜品「椰林燉奶」。這「椰林燉奶」是以原個椰皇連水加上鮮牛奶和去黃蛋白清燉的一道甜品，口感滑溜，除有蛋白燉鮮奶的幼滑外，更帶有一陣椰香，別具特色。除此之外，椰皇內攏的椰子肉，也十分幼嫩，用隨這甜品附上的鐵匙羹一刮，幼滑的椰子肉便能輕易地被舀出來，把椰子肉放進口中，那淡淡的清甜椰子味道，也不錯呢！至於太太吃的，則是較為傳統的中式甜品「老薑蕃薯糖水」。這經典的中式糖水雖然較為普通，這裡可也做得不錯，薑味辛辣濃郁，糖水清而不膩，加上軟腍的黃心蕃薯，水準不俗。這一夜，我倆在吃過兩款甜蜜的甜品後，才攜手漫步回家。這一晚，可是個甜甜蜜蜜的夜晚呢！

椰林燉奶、味道一般,奶味唔足,格格脆雪山: 賣相靚仔,格餅好食,但等候時間長,客人除時走原因等太耐,當日見到有人發生有待改善店內裝修算ok,但留意到一般改用 LED 做燈如果吊燈改用LED 燈 會把店緊光電費成本減

在奧海城看完了電影，友人建議去大角咀吃糖水當宵夜，她有好介紹，就是豬仔糖水。在大角咀左穿右插，不用花太多時間就可以由奧海城走路過來大角咀，入到黑漆漆的杉樹街，一看就很易找著豬仔記，因為門面很光猛的。坐下不久，友人很快就有心水了，是「太空漫遊」，名字很玄，原來是牛古力布甸+牛古力脆米+珍珠+牛奶+芝麻雪糕，份量十足，味道就不得而知，也忘記了為它拍照！而我，看見有很多選擇，真是三心兩意，此時友人就推介「椰林燉奶」，原來是以椰皇來燉鮮奶蛋白，自己不想吃得太「生冷」，而又想吃來潤一點，此糖水正合心意。等候需時，椰皇載著滿滿的燉鮮奶蛋白，吃來牛奶味極度濃郁，不太甜，質感柔滑清香，很好味的一道甜品。而且，附上一雙匙羹，膠的用來吃燉奶，鐵得用來刮椰肉，很貼心，所以，之後刮了很多椰皇肉來吃哩！

甚少踏足入大角咀，因為唔係自己活動嘅範圍，今次走咗嚟依區嘅豬仔糖水搵食，原因係晌奧海城食完飯，過嚟大角咀極之近，其實主因係得到張$50現金券，梗係要用埋佢啦。大角咀杉樹街，都算一條小型「食街」，火鍋店都幾間，又有出名賣龍蝦粥嘅煲仔粥，另一間賣甜品嘅水記，又有燒烤專門店……。所以，豬仔糖水開晌度，咁多晚飯、宵夜客，相信有得做。鋪內裝修較似快餐店咁，白枱有椅背橙凳，感覺幾醒目，而且枱凳無松記、綠林嗰啲拍得咁迫，好坐好多，至少唔會迫到插針都插唔入。選擇方面都有幾多嘢揀，湯圓、紫米露、西米露……依類基本嘢都唔少得，佢仲有時下幾吃香嘅綿綿冰呀、台式嘅芋圓呀，又有啲特色飲品如焦糖咖啡撞奶，荔枝玉露……，仲賣埋小食，好似黃金薯粒、炭燒雞腎串……，算得上應有盡有。最後兩公婆，心大心細，左揀右揀，卒之決定揀咗椰皇雙星：椰林燉奶（$27）同椰皇甜蜜湯圓（$23），啱啱好$50用晒！椰林燉奶原個椰青燉，原個上，餐牌嘅介紹係椰皇+鮮奶+蛋白，燉鮮奶蛋白唔算滑溜到「sir」一聲滑過喉嚨，但奶味就絕對勁濃，而且甜度啱啱好。食完燉鮮奶蛋白，再食椰青肉，肉質燉過已經腍晒，加埋店主提供了鐵匙，刮椰青肉變得輕而易舉，食落

今次是第2次到來,跟老公一樣都是點了格格脆雪山第一次的格格waffle是衣衣un un的,今次是脆脆的waffle格格+2個雪糕球+杏仁片+香蕉士多啤梨+cream and 古古漿dry聽已很吸引,買相跟menu一樣,見到真身時兩眼發光,份量不少啊我點了綠茶併荔枝雪糕,這個配搭不賴吧如無記錯只是$22,呢d就係叫平靚正另外2款都忘記是什麼名字,但都是平靚正之選,單是名稱根本不知是什麼東西我問店員,說是用雪糕加冰再打的東西,我覺得似smooties,古古力smooties+古古力脆米smooties都幾滑,配以脆米,好似食緊坊間乳酪雪糕+配料個d咁不過見到人人個個婉都大豐收咁,呢杯就略遜一籌,幾單調疑似麻布咩房個d宇冶金時甜品咁,呢個都好勁,都係$二十頭咋綠茶雪糕+紅豆+綠茶果凍+小丸子+椰汁底綠茶的就好香綠茶味,紅豆又夠林,仲有小小丸子,簡直開心死人,勁中意食綠茶+紅豆第3次第4次第5次我來也!

這天教會活動前有一點時間身體又有點不適想找個地方hea一下就找了教會附近這間甜品店叫了一個椰林燉奶等了一會就來了不知是不是身體不適的關係這個燉奶的味道很能夠打進我的記憶中濃濃的椰子味~~!!!很熱的喝進去很潤很舒服完全安撫了我不適的身心連椰子內的椰肉我也吃掉吃完後很飽很滿足~~~味道真的很好27蚊不太貴~!!!!有機會會再試~!!!!!!!另外應該是家庭式經營收銀的太太帶著自己的兒子兒子3歲左右?幫忙收錢找錢還會說謝謝~~~~很可愛~~~~~家教很好呢~~~~~加油~~~你們的食物美味~~~要繼續下去哦~!!!!

新搬黎大角咀住左2-3個月,收工經常都十一點幾十二點,但今天終於可以同女友可以一齊食到佢地既招牌糖水“椰皇鮮奶燉蛋白”,因為店員話之前天氣凍,又要燉好耐耐,每天只能限量供應,所以天氣凍時好早就賣晒...其實十一二點都唔算好夜姐~~首先見到店員把椰皇燉奶拿過來我,一D煙都冇,女友正在奇怪,點知我用手幫女友一打開椰皇蓋,一陣撲臉而來既椰皇蒸氣非常清香,即時令我食指大動,不過我叫的是格格脆雪山,第一淡既"椰林燉奶"始終係奉獻俾我至愛既女朋友仔啦! 這個椰皇鮮奶蛋白,入口非常嫩滑,熱騰騰得來並不盪口,估計加入了不少的椰皇水才能做到這種清甜不膩的味道~ 我女友吃了一半,要我到openrice讚揚一下,所以吃了一半才拍,請見諒~然後便是我的至愛,格格脆雪山(呵~這個不是限量供應,但要等10分鐘),格格餅依舊脆口,加上雪糕一起吃,又脆又熱又凍,正是令我著迷..每次黎必食！而且,很多其他客人都是吃這個啊~~ 証明我眼光不錯吧~ 呵~

由一小妹妹推介, 一派街坊小店格局糖水舖，做的是街坊熟客生意, 店東店員全是年青人, 年青人創業, 值得豉勵.脆脆米 + 荔枝味雪糕: 清新的荔枝甜味令味蕾大開特濃白汁芒果意粉: 芒果味濃, 意粉煙韌, 類似 “ Jelly “物體, 但可惜芒果跟意粉不能搭配, 沾不上味

我好少寫食評, 不過今次真係好嬲。我於晚上21:06 叫了2個甜品, 一個是花冰一號, 一個是鮮果珍珠。等等等, 等了又等, 等到部IPHONE都比我玩到沒有電。21:36 來了鮮果珍珠。又等又等。我便問職員, 我已經等了半小時,眼見遲過我地來的兩枱客都已經差不多食完了D職員竟然沒有什麼吹促廚房, 又沒有道歉, 佢仲話" 花冰一號, 係耐D, 你轉唔轉其他野? "我想, 我已經等了這樣久, 你現在叫我轉, 我咪又要等多半粒鐘。於是我叫他取消。以後都唔會再來浪費我的青春, 整一個甜品要超過半粒鐘, 你地考慮等唔等得過先去食LA !!!

我最鐘意周圍食甜品, 見大家話豬仔糖水好食咁我前幾日就去試下^^呢排喉嚨痛痛地, 叫個川貝雪梨蘋果試下啦 味道還不錯, 不過就淡左d同水d...跟住決定叫椰皇燉奶試下, 因為知道唔係間間都好食一食真係好開心, 好香, 奶又滑, 椰肉又嫩!!! 唔錯!!! 值得去試下!! 抵!!!!

情人節的晚上，只得11度的天氣，沒有外出與一眾情侶爭吃情人節大餐，在家中吃過溫馨的住家飯後，兩口子決定外出，到這間離家不是太遠但又從來不曾幫襯過的甜品店「豬仔糖水」吃碗暖烘烘的甜湯。誰不知來到之後，兩口子竟被這兒甜品餐牌中色彩繽紛的甜品圖片吸引住，齊齊改變初衷，一起改吃凍冰冰的新款甜品。這其實只是一間地方不太大的店子，環境也只是普普通通，一派街坊小店格局，做的是街坊熟客生意，不過甜品餐牌圖片印刷精美，甚為彩色繽紛，惹人好感。[天花上掛著不同款式的燈，風格雖不統一，都幾得意有趣。確是的，原本我倆是想叫熱蕃薯糖水或者芝麻湯圓暖暖胃的，可是當看到這裡餐牌中的各款賣相漂亮，味道似乎也應該很不錯的新款甜品之後，立時被吸引住，幾經思量之後，終於揀選了兩款最最吸引的「太空漫遊」和「格格脆雪山」。其實這裡的甜品名稱，好像「香芒出浴」、「PP島」、「愛玉凍花釀」、「黃金海岸」等都蠻有創意，就以我這次叫的「太空漫游」為例，要不是看過餐牌，知道它的食材是「朱古力布甸 + 朱古力脆米 + 珍珠 + 牛奶」，我一定想不出原來這些食材的完成品便是「太空漫游」。這「太空漫游」的味道還真不錯，浸在鮮奶和朱古力脆米當中

大角咀呢間豬仔﹐試左幾款雪花冰都好正喎﹐質地係一片片﹐唔會碎濕濕嘅乳酪冰河‥用益力多打成的冰﹑伴芒果醬﹑棉花糖﹑西瓜;喜歡飲益力多的我們﹐絕對會覺得超good!榴棉冰王‥榴槤味相當濃郁﹐伴台式珍珠﹑香蕉﹑杏仁脆米。芒果冰塔‥芒果味fresh﹐一啲都唔假﹐我愛上了士多啤利果醬﹐同芒果冰超match!豆茸冰島‥好攪笑的味﹐我唔係好覺係豆腐味﹐我反而食到煎餃味﹐又有啲鹹鹹地﹐但又唔係唔好食喎!好得意!椰皇甜蜜湯丸‥有唔同色的湯丸﹐但餡都係芝麻﹐五顏六色都係超吸引!椰皇加椰汁撈埋的糖水﹐好鬼香呢!!以後又多了一個食冰的好地方了

收到佢地既Coupon, 先知道原來骨煲皇斜對面有間糖水舖見有小便宜, 就跟住佢地張傳單上面個地圖去試下見呢排又凍又乾燥我叫左個川貝雪梨蘋果諗住潤一潤食落好足味又清甜，唔似出面好多糖水舖咁糖加水，得個又淡味又得個甜家姐就叫左個桂花芋圓，話去台灣食芋圓冰就食過，呢度係熱食覺得幾特別加埋個店員話係新出品所以試下... 桂花糖水清香，d芋圓又幾好咬，淡淡地都食到蕃薯味同芋頭味，但係配愛玉凍食就麻麻，好快溶晒都食唔到... 佢就覺得配豆腐花可能會好d阿媽叫左個椰皇燉奶，食到" lam lam 利" 首先個椰皇一出佢已經話好香跟住d奶又燉得好滑，d椰肉又嫩~~~埋單都係幾十蚊真係幾抵~值得去試下