貴香園

Open Now

Now Closed

天氣變冷了，又是置裝的時候，其實我已經好幾個月沒有買衣服，反正上班都不用穿得太漂亮，星期一到五都是重覆穿著那幾件衣服，根本就沒有人會記得嘛。在商場血拼了不足兩個小時我們已經很累了，肚子又餓，所以就去找一些熱熱的東西吃。本來有想過去譚仔吃米線，不過同一條街上好像也有幾家賣米線的，所以我們還是選未試過的。雖然已經九點多，不過人來人往的太子還是很多人未吃晚餐，進店的時候剛好有位置。這家店以四人方形檯為主，前後檯之間的空間很窄，所以出入的時候都比較麻煩，而且店方安排客人打對面坐，如果坐在裡面的客人要先走，那麼坐外面的客人就必須要起來讓位，其實都挺麻煩的，既然出入不方便，還是坐在同一邊會比較好。通常如果米線店裡有薯粉我都會選薯粉，我比較喜歡那煙煙靭靭的口感；而麻辣和酸辣當中我比較喜愛麻辣，因為我不太喜歡酸菜，不過每一次我都忘了要走酸菜。川味紅薯粉的配料有肉碎、芽菜、酸菜、韮菜、芫茜和蔥花，辣度分七級，不過平日盡量不要吃太辣，否則晚上會痛到睡不著覺，所以我選了中小辣。自選配料由$3至$6不等，不算貴，就要了腐竹和竹笙。麵碗很大，而且滿滿的，上面鋪滿了腐竹和竹笙，看起來相當抵吃。先喝一口湯，辣度剛剛

腐皮角、木耳、生菜熱拌紅薯粉，由於本身已加入肉碎，加上要了小辣，幾惹味！最啱現在不冷不熱的天氣食。豬腸、豬頸肉、木耳酸麻辣紅薯粉，要了中小辣，麻、酸、辣三種味道平衡得極佳，真的有齊三種味。友人表示至翌日早上還感到咀唇有麻的感覺，抵啦！餸方面，豬腸好入味，不會太肥。木耳很爽。豬頸肉係店舖推介，但比預算差，太腍，沒有豬頸肉應有的爽脆度，味道也不是太特出。腐皮角有點彈牙，好味。每種餸均有4-5大件，十分足料。個人喜歡食紅薯粉多於米線，認為較有質感，不會像米線般過於腍。湯底有多種選擇，餸菜選擇亦算多，只是環境較迫，但D侍應都算有禮貌。一句到尾，抵食，比譚仔還要好，會再惠顧！

今日與皇太后出巡, 見呢間米線未食過又無咩人就去試下....因皇太后想試薯粉, 但又唔想太辣...唯有問清楚....娘娘: 川味同小窩米線湯底係咩?侍應(無耐性地) : 咪一樣, 只係一個米線一個係薯粉 ()娘娘: 咁川味即係咩湯底?侍應: 食薯粉就要個喇! 食唔到辣就要清湯! (完全無答咩湯底)最後見態度不良, 又唔知有幾辣, 所以只叫了少少辣, 4餸2份食就算......豬潤 ~ 好味蘿蔔 ~ 無味豬頸肉 ~ 不錯豬大腸 ~ 好味最好味係薯粉, 彈牙又不會咬不斷般, 幾好口感至於湯底.......似沙爹兼而一點都不辣按餐牌川味湯底有肉碎, 酸菜等! 但d肉碎又少又勁細粒, 而酸菜.......食完都搵唔到

一直好鐘意食米線...去開太子都係去黃色招牌果間...譚仔都OK...不過都係喜歡黃色招牌果間o既風味多d...點知有日路過發現開o左貴香園...好多人食...望到人o地碗粉個樣幾吸引...於是乎走入去試吓~己經食過三/四次...依家先o黎寫食評...試過米線...亦試過薯粉...兩樣我都覺得好食...米線煮得剛剛好...唔會發賬哂淋吱吱...而佢哩度隻薯粉煙un得o黎好有咬口...粗幼適中...正!而且佢個湯底都好好味...我通常會叫雲耳,蘿蔔...都有食過豬大腸...雲耳切到一絲絲...成個碗都係...好足料...好好味...食過佢之後...我都好少走去另外兩間食啦~仲成日心思思走去食...好味!

今日行開太子區, 睇完D貓狗店, 諗住搵個地方食下野一心都係諗住食米線等東西, 見到附近幾間都好多人行行下見到間貴香園, 唔係咁多人抵襯, 入去試一試都係一般叫法, 麵底加配料, 叫左一個薯粉, 加豬肚, 朒肉, 雞絲, 清湯底, 另加六元叫多杯凍飲都唔洗等一陣, 好快有得食!!!D湯好好味, D薯粉質素唔差, 特別係D豬肚, 好爽口, 反而朒肉就冇什麼驚喜食到連湯都飲埋, 埋單合計都係34元, 三樣餸連凍飲, 唔差, 可以番頭再來

同朋友行完街揾地方食野, 兜了成條街都唔知食咩好, 行反轉頭是但食一間而揀了貴香園, 舖內環境不過不失, 但枱面有 d "痴立立" 咁, 我叫了酸辣小鍋米線加雲吞小辣($ 24), 我朋友叫了炸醬薯粉加雲吞中辣($22), 可能原先是但揀呢間, 所以咩期望都無, 但我朋友既薯粉先到, 一放下己聞到香味撲鼻, 忍不住叫朋友給我試食, 真係幾好味道, 雖然係中辣但其實不太辣, 但佢既炸醬好濃香開胃, 薯粉又軟硬適中不會像"橡筋" 一樣咬不開, 但雲吞就麻麻地不太新鮮, 而且又細粒, 但加 4 元己有 3 粒小雲吞了, 所以都唔可以太苛求吧, 但炸醬薯粉係乾拌的(即無湯, 所以鐘意有湯既人未必鐘意) 我個碗酸辣小鍋米線遲過我朋友個碗成 5 分鐘先到, 但都係好好味道, 我叫了小辣不太辣, 所以我下次會叫辣 2 級的, 我呢碗有好多配料, 酸辣都調得剛剛好的, 而且配料配搭得好, 令到成碗米線都有唔同口感, 有芽菜, 九菜, 肉碎, 莞茜, 酸菜, 腐皮等, 佢既酸辣同譚仔既係完全不同既口味, 但各有各特色啦, 飲品我地無試到, 因為食完碗麵打算再食糖水 , 下次再去

$18。沙嗲米粉：一d都無沙嗲味，完全唔夠味，何後惟有自行加味，失望，淡而無味的沙嗲湯底！粉煮得剛好！$4。魚皮餃：先得兩粒，感覺是''四X''，味道可以接受，但意猶未盡$4。雲吞三粒：大細適中，好滑$6。豬頸肉：四塊，微煎炸過成捲曲的豬頸肉，其中一件咬左一啖已掉了，超硬但幾入味！$20。川味薯粉(勁辣)：平時都係食開中辣，今次唔知發咩神經，一嗌就嗌最辣！但真係好鬼正！辣得刺激，全身發滾，雙唇麻目，一食已變孖潤唇！薯粉有咬勁，通透滑流$4。豬大腸：肥大但好淋。醃得入味$6。腐皮角：約五件，好好味，炸得好均勻，但又不會好油膩，不會很咸，味道不錯

第1次人地帶我去食感覺唔錯佢果個唦嗲湯底超正...平時我係一個一d辣都唔食得既人..但佢有種辣香向度又唔會刺激到我辣既味蕾.good而且佢廿蚊個麵唔算貴,份量都算多!加6蚊就有杯野飲一個麵+2個餸+多杯野飲都係30$島.又食得飽食過番尋味!!!讚

天氣有點凍,最好食辣.由於譚仔雲南米線太多人等位,有幾十人咁多,所以走到附近的貴香園,同樣要排隊,但少過10人.等了約15分鐘就有位,坐在餐廳最後一張枱,環境麻麻,有點迫,不過大部份旺角的餐廳都差不多.我點了雲南小鍋米線+豬大腸+腩肉+雞翼.小辣.湯的酸味夠,料好多,豬大腸夠淋又大件,雞翼香脆又熱,正!朋友點了酸麻辣紅薯粉+豬大腸+肥牛+金菇.大辣.我試喝了一口湯,整個咀即時麻起來,持續很久.酸味較少.朋友一邊食一邊流汗,吃完整碗粉,用了4張tissue抺汗. (但朋友說會再幫襯)加肥牛要加六蚊,但份量極多,在超市要十多元才買到這個份量.正!加7元可選咖啡,檬茶...,不過剛剛喝了豆漿,所以沒點任何飲品.

原本打算去台灣美食，不過見呢間野新開，大家決定一試。有薯粉同米線，餸菜款式多。不過menu 幾複雜，如果叫薯粉就A呢個名，叫米線又第二個名。配對就差唔多，酸辣湯底有肉碎同酸菜、芽菜、韮菜。初嚐，所以最安全叫少少辣，但turn out 係完全唔辣。要了酸辣雞肉豬潤米線, $27。夠熱，份量ok,女生夠飽， 男生或許唔夠。米線幾淋，不會碎濕濕；不過米線始終譚仔嘅靚d，有彈性d。湯底雖然唔辣，但都好夠味同惹味。酸菜夠酸，又夠多芽菜，不錯。雞肉嫩滑，豬潤都彈牙，唔會太鞋。吃後有少少口渴，都預咗，尚可接受。應該會再黎~

冬天凍冰冰，當然想食煲仔飯暖番下，咁個日就約埋男友一齊去食。周圍搵下去邊度食好，係女人街見到呢間貴香園好似幾得咁，就衝左入去食了。我地叫左一個北菇滑雞煲仔飯，再加多個豬扒炒河粉。先講個北菇滑雞煲仔飯，d雞都幾多，有成十舊八舊，仲幾滑添，而煲仔飯的精髓飯焦仲可以成塊成塊鏟出來，仲要好鬼脆，值得一吃。而個豬扒炒河粉仲得，豬扒點左蛋汁來煎，好鬆軟，最緊要係佢連條芽菜都爽過人，再加埋係個河粉上面灑左d芝麻，誠意可嘉。至於河粉係幼河來的，都幾滑，我下次來食的時候，應該都會再叫呢個。而最令我地驚喜既係，佢連杯凍奶茶及凍檸茶都做得好飲過人，非常難得，依家好多茶餐廳整d奶茶同檸茶好苦澀架ma。食完好味的煲仔飯同炒河，再加埋一杯好飲既餐飲，真係好滿足呀！內在環境算光猛，還有電視看，等食飯時可看電視打法時間。附上煲仔飯價目表給參考。