郭仔記粥麵專家

Open Now

Now Closed

好鐘意食車仔麵，因為我好鐘意好多好多送😂放工都吾知食乜好，呢樣又想食d，嗰樣又想食d，買吾同嘅嘢返屋企食就最好不過啦。呢間其實都食過好幾次，細妹好多時都幫襯佢買炒公仔麵。而我，就風雨不改，次次都食車仔麵(雖然同自己講左無限次要試下炒公仔麵，但無奈，次次唸食咩炒公仔麵嘅時候隻手又拎起張車仔麵點送紙🤦🏻‍♀️)!好啦講返嘢食，送來講我最鐘意叫豆卜，因為我好鐘意一咬入口，d湯喺口腔入面爆出來嘅感覺（有d變態🤣🤣），當然都要個湯底好味先得既，我叫既係清湯，味道尚算可以。再來紅腸，無技巧可言，張落單紙寫炸紅腸，但其實係烚既，不過咁啱我其實本身想食烚，不過想食紅腸所以唸住張就下。成件事好似整丄定咁，咁就算啦🙈大腸呢，又係我出親街食車仔麵同酸辣粉必叫，呢間呢，不過不失，不過記住我鍾意食大腸，所以下次都係會再叫。

餐廳座位擠逼。職員服務差，對客人不客氣，諸多挑剔。車仔麵套餐42元，牛腩魚蛋菜麵配汽水，牛腩惹味，魚蛋一般，菜嫩，麵軟咗少少，湯底少少甜。燒賣腸粉19元，燒賣肉質結實，腸粉滑，醬汁甜甜地。豆漿7元，不夠凍，豆味淡淡地。

午餐時同朋友行過大埔墟街市附近，見到郭仔記車仔麵，就入左去試下。傳統車仔麵真係買少見少，比好多連鎖食肆取替。而且車仔面準備功夫多，變相更少人做。今次呢間，除左車仔麵，仲有好多街食小食，魚蛋燒賣等。值得一試既當然係白腸粉。腸粉本身真係滑，食落仲有米香，入口即溶既感覺好正。如果中意食醬既朋友有福了。店家醬料落得好足，無論甜醬麻醬，絕對令你食得過癮。到車仔面，我叫左鯪魚肉豬軟骨米線。本身加左秘制辣汁，已經惹味香辣既湯底，食落已經好開胃。豬軟骨肉質剛好，嫩滑味濃，咬落陣陣鹵水香,証明事前準備夠鯪魚肉彈牙，打得剛好，食落又無魚腥味，值得一讚。另外一提，店家仲有提供辣菜甫比客人加料。建議大家一試，香辣之餘，菜甫脆口有咸香。而且店家份量充足，基本上幾十蚊就食得飽。所以我特別喜歡小食既用心製作。

一個人食個快既午餐，好耐無食車仔麵啦，原本打算試另一間，但時間太早，11點，未開門，失望之際，行到呢到門口，就入去坐低食個面。雖然河粉比較唔健康，但食車仔麵點都要配河粉，陳皮魚蛋，雞翼尖加生菜賣相好得食落魚蛋好辣，如果少啲辣好啲，雞翼尖稍為淡了少少，至於湯底唔錯，幾惹味，不過我就唔知咩湯底啦。因為原來我唔記得揀湯底，阿姐又無問我，不過幾好味就得三餸粉，餸的份量都算多，河粉都多，我比較大食，但都夠飽。

今日同朋友去火車博物館影下相，所以就去咗大埔一日遊。到咗大埔墟火車站發現食店都唔少，花多眼亂，最後入咗間人多既粥麵店。😆入到去坐，發現入面大部分應該係街坊，咁多街坊食一有保證！😯除咗粥麵外，仲有飯餐提供。見身邊左右大部分都係食粥麵就一於試下啦！ 首先上咗個車仔麵，一上枱發現佢地咖哩魚蛋係陳皮魚蛋好有驚喜。😍 陳皮魚蛋唔係度度都有，仲要份量唔少！生菜新鮮爽口，而個麵要咗粗麵，因為可以食到多啲湯汁，麵煮既時間啱啱好，彈牙唔淋，好食！🍜艇仔粥個粥底夠綿，份量唔少，而粥入面都有好多料，驚喜既係見到有埋豬腸係入面。叫粥加七蚊就可以有四條腸粉。腸粉軟滑，咬落唔痴牙，值得一讚。發現牆上有小知識，原來係街坊老店👍🏼👍🏼，值得支持！

位於大埔墟 街市附近 第一次行個邊 見到都好多人 就試下都喜出望外 其實味道都唔錯仲有小食 腸粉 碗仔翅推薦 車仔麵 冬菇 雞翼 陳皮魚蛋喜歡食辣可以加辣汁或菜莆店鋪坐位唔多 而且較為逼夾

今日同女朋友去大埔食車仔麵，舊墟大明里廣場呢一帶食肆林立競爭大，而呢間郭仔記居然可以係呢度屹立左十幾年，果然有返一定水準呢度車仔麵餸既款式又多選擇又抵食，平至8蚊，最貴都係13蚊，可謂貴極有限。我叫左碗加腩汁既蘿蔔貢丸紫菜金錢肚河粉。首先個湯底幾香牛腩味亦唔會太鹹，用黎配紫菜同河粉就最啱，因為紫菜同河粉都幾吸湯。順帶一提，呢度既紫菜都幾足料👍🏻而呢度既金錢肚炆得好林身又入味，貢丸彈牙得黎仲有陣陣既冬菇香。最後不得不提個雪白晶瑩既蘿蔔，煮得啱啱好夠林身之餘又清甜，食落亦唔會有渣證明揀得好，份量都唔少添。我女朋友就叫左個蘿蔔生菜牛孖根豬軟骨清湯河。牛孖根滷得入味林身，而呢度既豬軟骨比較有咬口，軟骨係脆得黎又唔會太硬。食完碗麵其實都唔覺太口渴，不過我地都照叫杯野飲濕下口。我叫左杯凍檸茶而我女朋友就叫左熱菜蜜，跟餐價9蚊。簡簡單單又係豐富既一餐👍🏻

今日同男朋友去大埔舊墟，咁啱想食車仔麵，於是就入黎試下呢到既車仔麵有好多材料選擇，由$8-$13不等，都真係好抵食!其中$8既款式最多，我叫左生菜同白蘿蔔。個人幾欣賞個白蘿蔔，軟硬程度剛剛好，而且好香甜，又不會有根，成碗仲有成五六舊另外我仲叫左牛孖根和豬軟骨,牛孖根可以補充骨膠原，而且熱量冇牛腩咁高，所以女仔食就至岩豬軟骨既質感不同日式拉麵果種豬軟骨，而家比較有咬口的，卜卜脆，好似食大排擋雞軟骨果種texture.但又唔會太硬另外，男朋友叫左碗貢丸，紫菜，金錢牛肚和白蘿蔔河粉，金錢牛肚做得很出色，軟綿綿的最後我叫左杯熱西洋菜蜜，天氣凍時飲就最啱。而男朋友就叫左杯凍檸茶，車仔麵加飲品都只係一律$9

今日同朋友上深圳，咁岩朋友係住係大埔，所以我就入左黎同佢食個早餐先走，佢推介左我食一間食粥粉麵既店到食早餐，佢平時都成日黎食野。呢到有好多唔同既粥品，岩哂我，呢排成日出街食啲重口味既野，終於可以食返啲清啖既野食清下腸胃。除左有粥粉麵之外，阿姐仲會企係店面都賣小食。入面係小店既設計，但唔會好逼。我地入到去，就叫左碗皮蛋鹹肉粥，加7蚊有四條腸粉。皮蛋鹹肉粥大大碗，入面好足料，唔錯！腸粉就要哂咁多醬，正常水準！咁多腸粉只需要7蚊，幾抵食！至於我朋友，佢就有啲肚餓，所以就冇食粥，食左呢度既車仔麵。呢度既車仔麵有好多餸可以選擇！我朋友就揀左粗麵、通菜同埋咖哩魚蛋！佢啲魚蛋都幾彈牙，同埋碗麵夠大碗，性價比唔錯。

住大埔既人一定有買過佢做宵夜，最為人所知係佢既車仔麵同港式小食。雖然牌匾叫粥麵專家，但其實最出名係小食同車仔麵。車仔麵以每個餸計算價錢，每份$8至$13，兩餸麵計埋只係二十幾三十蚊。食物方便選擇都多，當然唔少得有滷製食物。牛腩都算滷得幾入味，肉身紋理分明。牛腩雖然唔係燜到一碰即散，但入口無鞋口感唔會太乾。隨牛腩仲唔小心送左件牛筋，牛筋好冧比牛腩更入味! 下次揀餸一定要再試牛筋。呢度既菜浦唔會好辣，因為好快清完一罐refill快菜浦都特別爽口。豬軟骨係爽骨口感，骨較幼細唔難咬開，有點像嚼雞軟骨。味道無牛腩般濃味，配帶有陳皮味的牛腩湯就非常配合啦。點飯麵類食品再加飲品冷熱都係$9。檸檬茶茶底清新不乾澀，檸檬幾新鮮無苦味，可以拍住茶餐廳質素。經典組合燒賣加辣魚蛋每申串$9，外賣堂食同價，坐定定唔怕弄髒衣衫。陳皮魚蛋細細粒頗結實，陳皮味十足，辣度不太搶喉。環顧四周的小食店都只售魚肉魚蛋，陳皮魚蛋應是這間店的特色食品吧。燒賣有六粒，每次蒸內乾蒸燒賣的份量不多，所以出籠燒賣外表完整。燒賣皮薄蠻有彈性。只略嫌甜豉油少了一些，幸得桌上有頭抽自己取用。呢間野最好係幾夜都會有小食供應，而對手龍津10點半就

最少兩餸一麵—叫左蠔油冬菇 牛肚配紅薯粉牛腩汁湯底好香，因為紅薯粉唔吸咁多汁，所以啱啱好，牛肚都炆得夠平均同入味。蠔油冬菇好好食，好香蠔油味，又冇太難咬。紅薯粉都煮得唔錯，唔會好難咬。

今次喺郭仔記粥麵餐廳叫左三餸--牛孖筋，牛肚， 蠔油冬菇配紅薯粉，要牛腩汁，野飲就叫左凍檸檬茶走甜少冰。車仔麵最少叫兩餸一麵先講下鋪面，雖然唔係大，繁忙時間都需要搭枱，但都唔會錯得唔舒服，都有充足位置食野。店員多數係阿姐，佢 地都幾有禮貌。牛腩汁湯底都幾香，仲有d牛腩碎喺裏面，配紅薯粉唔會太咸 我幾鍾意。紅薯粉份量比我想像中多，餸嘅份量就一般。紅薯粉都煮得唔錯，試過食左d一係好硬，一係痴埋哂嘅紅薯粉，佢地紅薯粉起碼唔難咬同埋冇痴埋一嚿。牛孖筋同牛肚都炆得夠入味，夠咬口但係唔會一d硬一d諗。 另外，蠔油冬菇有驚喜，一開始見到冬菇咁厚身真係驚佢冇味或者好實，但冇呢個情況，反而一路食，真係有蠔油嘅味道。凍檸檬茶走甜少冰略嫌茶底唔夠濃，不過走甜都冇得返陣酸味，可以話係不過不失。

每次經過都會見到呢一間餐廳，今次同朋友就決定試吓，全部係有特色本土嘅嘢食，環境十分唔錯！以前冰室嘅感覺菜單方面，食物嘅選擇好多，由街頭小食到普通粉面飯都有，每一樣野都好，我哋都揀唔落手！我哋首先叫咗地道嘅小食煎腸粉車仔麵味道十分唔錯另外朋友都想試吓值得推介嘅仲有炒飯總括來講，今餐嘅體驗都相當好，推介果然冇錯，如果有機會都會再嚟試吓其他嘅食物，地點方面佢都幾方便，我哋都唔駛等好耐就有得入去，環境都唔錯，唔算太嘈，都幾適合一班朋友嚟聚會。

今日放工之後想搵一間好食嘅餐廳，之前都已經有聽過 唔錯，諗住今日黎試吓，地點方面佢都幾方便，我哋都唔駛等好耐就有得入去，環境都唔錯，唔算太嘈，都幾適合一班朋友嚟。嘢食方面，選擇都算多，我哋首先叫咗車仔麵味道十分唔錯另外朋友都想試吓豬扒炒飯，個炒飯炒得好香另外我哋仲叫咗一啲街頭小食飲品方面一般茶餐廳都有提供嘅，咖啡沖得都幾香總括來講，今餐嘅體驗都相當好，推介果然冇錯，如果有機會都會再嚟試吓其他嘅食物！

呢度有著民間美食，呢一間小店有菁極長久嘅歷史，依然屹立不倒 有一堆街坊街里幫襯。呢度有腸粉燒賣魚蛋炒飯炒麵粥品熱奶茶與咖啡熱檸蜜 可樂雪碧芬達，根本上可以講係應有盡有，款式多而不失霸氣。今次我就選擇咗一個車仔麵食，叫嘅餸就當然要多啲啦，因為我好肚餓。我選擇咗好好味嘅五香肉丁，黐孖筋嘅牛孖筋，肉質彈牙嘅貢丸，長長幼幼嘅通菜，兼且要河粉加腩汁。佢同一般嘅車仔麵唔同，腩汁特別濃味，河粉特別滑，加埋唔同嘅餸撈埋一齊，完完全全係食緊九大鬼咁款，每一款都好啱我口味，每一款都好鬼好食。雖然環境望落去有少少擠迫，但係呢一種就係民間嘅風味，喺出面感受唔到嘅！呢一種嘅民間小店一定要多啲去幫襯，支持下，因為呢啲就係我哋嘅歷史回憶，同埋因為佢好好食呀！！！！！！！