野郎Stone Ya Rou Stone

Open Now

Now Closed

見到網上食評話呢間餐廳係隱世餐廳😆當然要去試下好唔好味啦！去到地方唔算大 座位有限 岩岩好 去到既時候得番最後兩個位 唔洗等！餐牌上面有幾款肉俾你揀 同平時啲石燒餐廳一樣 可以俾你揀要幾多g😝- 美國精選肉眼200g- 牛板腱300g一分錢一分貨我個人黎講 係覺得美國精選肉眼好食啲比較淋身 不過有啲肥相反另一個係比較硬身同啲肉好鞋另外加$30可以轉做套餐 會有一杯野飲😝仲可以任食沙律、飯、同麵豉湯- 💕到8點30有人問仲可唔可以點餐職員已經話last order左了如果想去食既話 就要早少少去啦💕

北角一田超級市場food court 入面呢間石牛燒，其實都已經食過幾次，每次嚟到我都會攞住點菜紙問廚師哥哥或者姐姐，有咩好介紹，邊個最邊個部位最淋，次次佢哋都好細心解答我所問嘅問題👍仲會同我傾吓計😺佢嘅石燒牛，就不嬲都保持水準，通常我會帶牛板健或小牛排，加$30有白飯沙律（可refill )仲有一罐汽水。今次我要介紹俾大家嘅係西班牙黑豚豬，我次次嚟到牛肉，今次我見到隔籬位哥哥嗌嘅豬，好似幾好味，我就跟住佢嗌🙌🏻，呢個西班牙黑豚豬個人覺得好食過牛呀，豬味濃郁，有多肉汁，又唔鞋口，我嗌咗200 g，真係好好味。值得推介。

係一田節掃貨前要先填飽個肚 但冇乜頭緒食咩 就轉個圈 行到呢個位就俾啲香味吸引住 一陣洋蔥同煙燻味係咁飄過尼 就決定食佢 睇返餐牌 竟然有原條牛舌芯 $148 仲有85折優惠🤩🤩🤩 估唔到真係原條牛舌芯上 勁大份 絕對物超所值 食落爽口彈牙 好濃郁既煙燻味 有少少似煙燻鴨胸🤣 食哂成份好飽 仲有啲濟咁😅 未試過食牛舌可以食到飽 好crazy🤪🤪🤪另外+$30 仲有沙律+湯+扁意粉/薯條/飯+汽水 湯係好濃郁既蕃茄湯 好味😋

每次想食燒肉都會諗起喱間Ya Rou 野郎 Steak & Stone，今日同朋友過嚟北角做嘢，無理由唔食埋先走😜交通好方便，出咗北角站行幾分鐘就到，落到北角匯一田就好易搵到👍🏻店內啲位闊落又乾淨，師傅喺你面前整，仲會教你點燒先係最好食，好有氣氛😚👍🏻最鍾意喱度係好多嘢都可以自己揀，鍾意食牛有好多唔同部位可以選擇，唔食牛嘅話有羊、豬、雞可以揀。鍾意食咩份量可以揀唔同嘅Gram數。生熟度可以喺熱石上面自己調教😚👍🏻美國上級牛小排 (200g)200g 男仔食就會啱啱好，加錢轉餐可以任添白飯，仲會有沙律同飲品。牛小排嘅油脂比例啱啱好，唔會食到成口油，好多肉汁，兩次嚟都係食喱款，個人至愛🤤牛柳 (200g)我自己都好鍾意食牛嘅肉質，油脂感無咁重，更加食到牛嘅肉味，而且肉質好腍😋

今日相約住在港島區的朋友去北角匯逛逛，一田超市裏面嘅《野郎stone》實在好吸引，行過香噴噴，石燒板上的肉吱吱聲響，未食已經垂涎欲滴。全是吧檯位，即點即燒，絕對好新鮮。石燒板加熱然後放上肉，熱力足夠烤熟各種肉類。大家可以揀自己喜歡的肉類，牛小排、西冷、牛柳等等，我哋揀咗牛舌心，店員特別推介新返嘅伊比利亞黑毛豬，跟套餐可以任吃飯、薯蓉、椰菜沙律及麵豉湯。牛舌心好值得推介，外脆內軟，爽口彈牙，肉汁豐富，味道冇其他部位可以取替，勁正！伊比利亞黑毛豬，餐單上都仲未見有，店員果然冇介紹錯，肉質鮮嫩，咬落有口感得嚟唔會韌，烤香的豬油脂特別香口。

餐廳係一田入邊，就餐環境相當open, 食緊時候唔少人會八卦中埋嚟睇吓你食緊乜(我去嘅時候唔係食飯時間，所以得我哋兩個人)講返主菜牛舌芯，$168而家有85折，➕$30套餐有飯，沙律同湯仲有汽水…牛舌原條上，3成熟左右，之後自己食嘅時候再切開煎到自己想要嘅程度就可以食啦。本人就覺得原條上自己再切比較論盡牛舌非常爽口之餘完全唔韌又冇筋總結嚟講可以encore ！！！！！！！！！！！！！！！！！！！！！！

自從去完北角匯之後，果然對成個北角都大大改觀，始終喺港島區要搵到大型嘅商場就真係得太古城銅鑼灣灣仔中環呢一類旺區，其餘地方都只係得小型嘅舖頭，感覺顯得有點悶。🥺慶幸而家北角碼頭呢一邊開始變咗做繁忙嘅商業區，單單係北角匯都已經雲集左唔同嘅品牌同埋餐廳。 🤪不過今次走入一田超市裏面發掘到嘅係己有融合環境特色嘅餐廳， 野郎蒸。😆眼見而家好多牛扒，餐廳已經推出咗用高溫熱石嚟燒，想牛扒幾熟就自己控制，呢一個熱潮已經滲透全港18區，😏通常都係以一間餐廳形式存在彈呢一度非常特別係喺超市裏面出現，非常之有新意。牛柳— 🥩呢間餐廳雖然格局就細啲，但肉類嘅選擇就絕對唔馬虎，基本上可以迎合到每個人嘅口味，🥩而我就最鍾意啖啖肉嘅牛柳，第一次幫襯就當然要大飽口福叫個300 g， 🥩只要係肚餓少少都可以輕而易舉K.O.咗佢。 牛柳每一塊都見得出非常之厚，切嘅時候都係唔太厚，🥩方便自己控制熟成度。牛味一如以往嘅香濃，即使脂肪相對就好少，但係每一啖肉都唔容易食得出韌嘅感覺，🥩控制大約五至七成熟咁就係最好嘅質感，肉質細膩之餘，亦都不乏濕潤嘅滋味，🥩畢竟牛柳是由臀肉及腰肌肉嘅一塊軟肉，所以就係牛隻身上最幼嫩部份，🥩我燒完

在這店吃蒸籠飯多，今次初嚐牛舌，原來5/11-30/11做推廣有85折（牛舌及橫膈肌），yeah，加$30轉套餐，兩位職員態度友善。當端上食品後，看見原條牛舌芯，簡直是令人垂涎三尺，在鐵板燒一會才吃，口感非常彈牙，十分惹味，她們的配菜也美味，看似簡單，可是飯加上飯素卻很好吃😋配菜是可以再添，添加了薯蓉，肚子十分滿足，由於是下午四時，所以堂食只得我一名顧客，吃飽當然前往一田超市購物，下次一定再光顧，今次用餐大滿足呢！

牛舌芯 $148原條牛舌芯厚切，有十幾舊，份量超級足！而且入口非常爽彈，有口感，絕對唔靭唔乾，大推❤️西冷 300g $218西冷厚身，切開剛好粉嫩色，肉質軟腍，完全唔會靭，好juicy~〰️〰️〰️〰️〰️餐廳喺一田超市food court裡面，環境同服務都冇咩好追求，正正常常。但牛舌芯真係好出色，平時係燒肉店靚少少嘅牛舌都要百零蚊，呢到原條牛舌芯先係$148，超級抵食，而且口感好好又彈牙，性價比超高！👍🏻但牛舌可能比較多油份或者份量太足🤣，建議可以配白飯或者2個人share食，否則食到最後會覺得有少少膩~石板溫度好高，上菜後可以拎起咗塊肉先，食一舊燒一舊，咁就可以避免舊肉熟得滯會變柴😋〰️〰️〰️〰️〰️食物: 5/5消費: 2/5 環境: 3/5服務: 3/5Revisit: Yes

早幾日去咗一田入貨，買嘢買到好攰，諗住搵間餐廳坐低食，先至發現原來一田入邊係有好多餐廳有得坐低食。行過一間聞到好香鐵板燒嘅味，我哋二話不說就揀咗佢黎試😍😍😍一睇餐牌，已經比牛舌芯深深吸引左😍然後我哋再叫左一個牛小排！我地唔係食peak hour但都唔算少人，所以等左陣先有得食！應該真係好好食😆😆😆😆一直好期待咁等牛舌芯！黎到一望，嘩，勁大條！岩岩到果時係半生熟，比客人自己選擇燒幾耐就食！😍😍😍牛舌不得了，口感非常爽口！而且佢做得好厚，都唔會太過難咬，食落真係好爽。佢有好多隻醬料可以點，連埋醬料同飯，簡直可以食兩碗飯🤣🤣🤣另外，試左少少老公既牛小排！真係超值既餐廳！個牛好juicy，牛味濃！😍😍😍而且最重要係唔會過韌，即使我燒到全熟。不得不提既係每個餐都同埋一d洋蔥配料一齊，鐘意既可以自己係個鐵板燒上炒幾炒😆撈埋一齊食。絕對要再返黎食牛！！性價比好高，而且比$30就可以任添飯同菜。

野郎 Ya Rou Stone突然想食燒肉就同朋友嚟咗位於北角嘅野郎Ya Rou Stone，北角站A出口過條馬路就到，之後嚟到北角匯落一層電梯見到一田就好易搵到👍🏻座位雖然唔多但每個位都好闊落乾淨👍🏻好似Omkase咁，廚師煮完就即刻擺上枱俾你食，仲會同你吹下水介紹下咁☺️好鍾意喱種感覺今次同朋友就叫咗兩款唔同嘅肉交換食下，我就叫咗美國上級牛小排，佢就叫咗牛柳，大家都係200g，食完就覺得男仔應該叫300g再加碗飯先完美，女仔200g我朋友就話好夠食😜美國上級牛小排（200g)油脂比例我諗大約係7比3，唔會過份油膩，肉味亦都超濃，叫200g有4大條咁多。好推薦大家試下😚牛柳(200g)超腍超腍，用喱4個字形容喱舊牛最適合，牛味亦都食到，雖然唔係最濃，但鍾意食軟腍牛嘅朋友一定要食😜👍🏻

原本是想去一田買東西，被一陣陣的肉香氣吸引住，聞著就知道是美食，光是香味就令人垂涎三尺，源著香味一直行，便發現了這間燒肉店。店員十分親切地招待我們坐下，還介紹了一定要試牛舌芯，店內主要都要吃牛的，簡直是為了我這個牛魔王而設，朋友不吃牛，也有豬可以選擇。我們便點了兩個套餐，有飲品，還可以任添麵豉湯，沙律，白飯或薯蓉。燒原條牛舌芯店員先在鐵板上燒至3分熟，接著放上石板上給我們，再燒至5-7分熟剛好，另外再有一隻碟給我們先放出來，不會放在石板上過熟影響口感，十分體貼，外表燒至金黃色，內裡粉粉嫰嫰，肉心不見血水，就是入口的黃金時間，咬下去，牙齒划過嫰肉，咬斷纖維，肉汁緩緩滲出，肉香越來越濃，極好的嚼勁，再沾點醬汁入口，脂香淡淡，肉汁豐盈鮮甜，特別欣賞牛舌芯的口感綿密爽脆又多汁，獨特的口感，再配白飯吃，好味到震😋西班牙產黑豚厚厚的一片，一經板燒，香味難以抗拒，咬落肉汁香甜四溢，油花細緻，特別鮮甜及富有彈性，肉味之香濃絕非一般的豬肉可相比，無須添加過多香料，豬肉味濃郁。當太膩的時候，沙律菜清新鮮甜，減低了全肉的油膩感，一碗接一碗，吃下了幾碗沙律菜，十分開胃。麵豉湯也是十分出色，濃濃的麵豉味，一點也

每次行過北角匯嘅一田 都會聞到由野郎stone嘅香味 係好香嘅燒牛味呀🥹今次終於頂唔住 喺度食返餐先雖然呢度係超市入面 不過坐得都好舒服 因為我地係下午4點幾食嘅 同另一組客人可以一人坐一邊 店員都話呢個時間少人啲可以坐得鬆動啲 午飯同晚餐就多人啲喇🤪另外最緊要當然係冷氣夠啦 就算係燒牛肉 食完都唔會成身味餐牌顯示清晰 有唔同部位嘅牛 另外仲有羊架/黑豚/雞扒選擇 想要咩gram數都係自己決定✔️夠晒彈性▫️美國上級牛小排(200g)▪️牛柳(200g)兩款都揀咗200g 份量算係好適中 我係女仔就食淨少少 男朋友就食完就覺得爭少少🤏🏻我食淨嘅比埋佢就啱啱好上級牛仔排好靚 油脂分布較為平均 口感一絕 喺結實同軟嫩之間🤤我鐘意燒到表面金黃色 帶少少微焦 食落有咬口 一咬落去好多肉汁 夠juicy牛柳相對無咁多油脂 肉嘅紋路細緻清晰🐂質感十分軟稔 牛味濃郁 香氣十足呢度提供嘅熱石 熱度持久 但又唔會令到牛肉太快過熟 我就算慢慢切慢慢食 最後幾件中間依然係呈粉嫩顏色👍🏻另外我地都散叫加埋白飯同汽水 如果係大食鬼 可以加$30轉套餐 無限refill薯蓉/飯/湯同沙律🥗🍚

太久沒有去北角了，一出地鐵站竟然多了個新商場，就像凌空變出來一樣😂既然新商場就行一行，看看有什麼好吃，去到一田發現這間不起眼的開放式餐廳，看到其他客人點鐵板牛利，剛剛上碟很香很吸引，決定坐下來試一試😂一坐下侍應立即推介牛脷心，我本身也是牛脷控，想也不用想就叫了。原來這間餐廳不是鐵板燒，而是煙燻石燒，真的很特別。😋原條石板牛脷芯-上枱時廚師話牛脷心是三成熟，之後可以放在碟上慢慢切，冷了可以放回石板燒返熱，感覺很爽，可以見到自己想要的熱度，又熱辣辣不怕冷了不好吃。🤣跟平時串燒牛舌感覺不同牛脷心可以燒到外脆內軟，又滑又嫩，十分juicy,而且十分彈口，加多少少鹽更加野味。😝而且有兩大條， 加上轉套餐，白飯沙律任添加，這個價錢合理😊

剛從海外歸來，發現歐洲有各式各樣的日式料理，就是沒有石燒牛！一放監便立刻到家附近的專門店一解鄉愁只是離開了一段時間，原本餐廳已改了名字，並從餐單內抽走了蒸品！但無損我的興致，因我一心前來就是要吃石燒餐點非常簡單，就足不同部位的肉品，價位以重量計算親切的店員會將一成熟的牛扒上讓我們於攝氏400度的火山石上自行煎烤至喜好的生熟度西冷是牛隻後腰脊柱兩側的後腰脊肉，由於靠近腿部之運動肌肉所以肉質嫩度適中，有彈性而且肉味濃郁只須另加三十元便可無限添加沙律、餐湯及白飯！日本米粒飽滿，灑上紫菜飯素，令飯更香套餐包汽水1罐，緩解了油膩感又可以降火