金山粥店

Open Now

Now Closed

星期日一早起身出發去西貢食粥，之前睇其中一位網紅介紹過「金山」，試唸下去西貢食海鮮正常過正常，來西貢食粥！？非常有心和為食才能能做到吧😋喜歡橫街窄巷的小店，早上有很多街坊來排隊買早餐，我還看到有街坊帶埋個粥壺來，彷彿回到七、八十年代買粥和油條作早餐，這種情懷仍然保留著，多好。我們看過餐牌點了皮旦魚腩粥、艇仔粥、炸両、油炸鬼和豬潤腸，老闆娘還笑笑口懷疑我們到底是否能吃得下，確實有點誇張，但老遠來到這裡，當然希望能試多幾樣嘛。老實說食物沒有很驚天動地，我估計都是做街坊生意為主，偶爾有遊客試過，比較外面的粥鋪，這裡就像小社區的老店，照顧老街坊，反而更喜歡這裡的情懷，街坊街里打招呼、過日晨又一日。LIKE還有老闆娘超勁，又要煲粥、又要整腸粉、又要顧樓面、又要睇埋數，少d記性都唔得，一人身兼幾職，犀利！總結：如果我是西貢的街坊，一定會來這裡外買腸粉回家吃，金山就是有這種魅力，老情懷。

🇭🇰金山粥店·我哋個日去行萬宜水庫 本身係想食lets jam架 但係佢實在太多人啦😭我哋驚我哋等得黎食埋就會遇上最多人行山既時候 所以我哋就去咗食呢一間地道嘅粥舖仔😎我覺得都幾適合行山之前食 唔會太heavy得黎又飽肚 大家如果去到西貢又唔知食咩好嘅話都可以試吓😎·豬潤肉丸粥$24佢個粥底都幾好食 係幾綿嘅粥底 不過可能佢煲既時候無落其他材料 所以個味單一啲 但係都好唔錯既😎佢啲豬潤都洗得幾乾淨 而且好彈牙 個肉丸就不得了😍😍個質感超好 而且超大粒 可惜佢一碗得兩粒 我係就咁嗌一碟齋既肉丸🤤🤤·#rbyeat#rby港式#rby西貢·📍西貢西貢舊村西貢正街

小妹住西貢，所以成日都會同男朋友瓹窿瓹罅去西貢搵食，今次帶左佢去「金山粥店」～「金山粥店」開業多年，係小妹以前每日返工早餐嘅好選擇，街坊價錢，大大份，好抵食。每日朝早六點就開門，腸粉未到十二點通常就會賣晒，所以我地今次十點左右去到，仲有得食！呢到嘅腸粉係每枱食客必點之選！蝦米腸（大）（$13）即叫即拉，香軟幼滑，加上大量蝦米、香蔥、芝麻，啖啖香口美味。😋叉燒腸（$17）連叉燒腸都嘅腸粉皮都係用蝦米腸，好正呀！叉燒半肥瘦，份量都幾足。呢到仲有牛肉腸、豬潤腸、炸兩腸其他選擇，豬潤腸而家買少見少，炸兩都好出名，男朋友食完仲話下次要再黎試！😏豬潤粥（$24）粥底都算軟綿幼滑，食得出米香，不過豬潤切得有啲薄，口感唔係好夠軟滑。小妹我就食開鹹瘦肉粥（$22）自家醃製嘅鹹瘦肉，鹹香味美，滲入肉汁嘅粥底更加美味，值得一試。營業時間：星期一至五：6:00-14:00星期六、日：6:00-17:00

很想吃腸粉。專程來到西貢。差不多45分鐘的車程，吃到這個腸粉都算值得。上一次來，吃完午餐經過，見到關五點，打算逛一會再來。怎料未夠五點，已經準備關店，原來食物已經賣光。先來個齋腸。好滑，又軟，富米香。現在很難找到這樣的腸粉了。碎牛粥，清清的，白中有點透明，不是很厚稠那種。沒有半點味精味，味道清清，不會太濃，但很夠味。也是不容易遇到的質素。炸兩，薄薄的腸粉皮，包著超脆的油炸鬼，脆得咔嚓咔嚓地響。還有蝦米和蔥調味。兩個人吃得飽飽的，才$50， 抵到爛。

令人上癮既小店即拉腸粉簡直係我食過既最好食加埋特製豉油另外炸兩都係我嘅最愛但因為我收早既關係成日食唔到佢整嘅炸兩（炸兩預08:30左右開始供應）我未試過食一間店既炸兩係擺咁耐都仲脆卜卜😍

一個鮮牛油雞尾包+一碟大蝦米腸(早餐$20有找)就是我早上的原動力。今日就跟大家介紹另一「好西」蝦米腸！稍移玉步到西貢舊墟那邊，有間紅色底黃色字招牌——金山粥店。腸粉做得非常出色，並且水準穩定。走到店前，不用害羞，叫粥叫腸粉就可以了。兩位靚姐都好Nice😄👍🏻我都算半個熟客仔，雖跟她們甚有交情，但評論絕不有半點偏私的😉我只會推介腸粉，特別是蝦米腸。我不吃粥的，有時才會勉強吃一碗。粥底味道偏清淡，即叫即煲的，有興趣可以一試！手製布拉腸粉👍🏻蝦米正、蔥粒香建議配搭：八成麻醬、兩成甜醬（按個人喜好加少少辣醬）此外豬潤腸、牛肉腸也是不錯！炸一/炸両沒太特別，本人建議吃炸一。好吃的炸両在柴灣，下次有機會再介紹。粥店的油器偏重身，尤其是牛脷酥，所以影響酥脆度，不吃也可。大家有時間來西貢不妨前來試試！！

以前的西貢老牌粥店，「金山粥店」只有一般粥品提供，想食「生滾粥」的「西貢友」 ，只能夠等到深夜，等候在西貢小巴總站旁邊的宵夜生滾粥檔小販開檔營業，才能食到「生滾粥」粥品的滋味。那檔生滾粥檔賣的生滾粥粥品，最有代表性的食材配料包括有牛肉跟田雞，以前我每次光顧那粥檔，都是非食生滾牛肉、田雞不可。至於粥底，就包括有菜乾豬骨粥底、豬骨粥底等等。可惜現在西貢小巴總站旁邊的宵夜生滾粥檔小販，已經因為個別我還未搞清楚的原因，很久沒有再售賣生滾粥了。有時去到反而見到那小販，除了已經很少賣生滾粥之外，有時甚至會改賣中式糖水。相反地，現在在舊墟裡面的「金山粥店」，反而擔當了即場製作「生滾粥」食品的專門店。現在的西貢食街裡面雖然也有粥店，但是食街裡面的粥店，是不會售賣「生滾粥」給食客的。所以我一發現到，原來我可以在現在的「金山粥店」裡面，購買到即場製作，新鮮滾熱辣的「生滾粥」，想不食「豬肉類」粥品完全不成問題的時候，我彷彿看到一絲曙光。恰巧最近的某個星期一的早上，需要早上返回舖頭開工的阿媽，忽然想在開工上班之前，食一碗粥加一碟手拉腸粉之後，再食家裡面自家炒米粉後才正式出門，於是叫我走去「金山粥店」買外賣。由

一早起身見陽光普照就決定去西貢行吓，入到西貢真係好多選擇，但係每次都必到嘅就係金山粥店做首站，第一時間來個平靚正嘅早餐先，今次叫了魚腩粥，艇仔粥同埋炸兩，魚腩粥D魚腩好新鮮完全冇魚腥味👍，艇仔粥就勁多料，跟住就係我最like嘅腸粉，腸粉即叫即整，呢度D炸兩係有蔥花同蝦米😋，如果鐘意食炸兩又鐘意食蝦米腸，簡直可以同一時間滿足晒，雖然天氣好熱食到成頭大汗，當你諗到呢度嘅嘢食咁好味又扺食，老闆娘又咁好人，成頭汗都冇所謂啦😀

聽朋友講話食呢間既蝦米腸好好食, 就一於黎試試佢先, 果然名不虛傳，我好鐘意這個米漿的配方, 葱香,蝦米香!!但是你要有耐心....等, 因為制作真係需時. 就好似慢工出細火咁. 價錢超直!

今天放假特意到西貢食，要用geogle map 找找，叫左「及第粥」、炸兩、蝦米腸。 炸兩及蝦米腸是即製，新鮮熱騰騰、及第粥亦十分足料。食完沒有口渴。小店經營 良心制作

平日的西貢少了一班行山客及遊客，街上顯得格外清靜。左逛右逛來到巷子裏頭，是一間店面不太起眼的粥品店。朋友說這間粥店應該有相當的歴史，店內裝潢還保留着舊式餐廳的格局。老闆站在大門口負責包腸粉，手起刀落把長長的炸兩砍成數十塊。大大碟炸兩只需15元，滑溜的腸粉包着鬆脆油條，沾上豉油及辣椒醬令味道更加討好。這就證明普通的食材只要加點心機，都可以變成好吃的菜色。滑牛魚片粥 ($23)粥底本身經已預備好，客人下單後老闆娘便會加上材料一起滾熟，然後一碗熱騰騰的滑牛魚片粥便誕生了。粥底綿滑，味道偏清淡，吃得出沒有添加多餘的調味料。滑牛依舊嫩滑，可惜牛味欠奉。而魚片則煮得剛剛好，肉質不鞋口也沒有碎骨。邊吃邊看，發現老闆跟街坊非常熟稔，對他們的口味都瞭如指掌：這位阿姨不愛吃蔥，那位阿哥喜愛蝦米腸，老闆把這些小事都一一記在心裏。來這兒不單止吃到美味的粥品，還能嘗到獨有的人情味。

今天特意又來到西貢金山粥店，目的又是吃其馳名的手製蝦米腸粉和炸兩。早上十時許來到，店內已坐滿了客人。每個食客都好有耐性地等候著新鮮即製的腸粉。這𥚃的蝦米腸粉材料豐富，腸粉既軟且滑，難怪遠近馳名。炸兩更香、又是滿佈蝦米蔥花，外軟內脆，份量頗多，絕無欺塲。這店非常貼心，一個人吃的話，可點炸一（即是半份炸兩）；油器如油炸鬼和牛脷酥也可點半條。今天要特別介紹的便是金山的粥品，它們絕不比腸粉遜色！粥底已準備好，有客人要某些粥的時候，店家便準備一人份量，並將材料加到小鍋內，即時烹調。我們今天叫的是及弟粥和豬潤肉片粥。及弟粥材料豐富，綿綿的粥內有豬潤、肉片、豬肚、豬心和豬肉丸。各樣材料都醃得和煑得恰到好處，味道適中。豬潤肉片粥的豬潤既滑又不腥，肉片亦醃得淋滑，浸在熱騰騰的粥內，吃的時候，確有一點䁔意。真想不到二十三元的一碗粥竟是如此高質數，值得再讚！

今日又來開西貢，個人冇乜胃口，又諗起有朋友話西貢有間粥好好食，於是就搵到黎金山粥店啦！你到嘅時候大概一點，但睇返openrice 原來佢平日兩點就收工!嚟到嘅時候都幾多人㗎喎！好多人都會叫佢哋白粥再加油炸鬼！我就叫左我最鍾意食嘅皮蛋瘦肉粥，見到佢有細嘅蝦米腸價錢又唔算貴，所以叫左個！講下個皮蛋瘦肉粥先，粥底好麵，瘦肉都有咬口，而且都足料！再講埋個蝦米腸，有驚喜喎！腸粉脹卜卜，包左好多蝦米同埋蔥！正呀！

目前為止，本人食過最好味嘅粥舖。朋友介紹下第一次幫襯，食了一碗白粥和一碟細蝦米腸。原本期望不高，因為現在粥舖多數用米粉溝米煲粥，樣樣嘢都越來越求其，卻不料這裏有驚喜。我喜歡食粥，而逢胃口不佳、食慾不振，更是只想食粥。去粥舖我食白粥便知水準如何，呢間白粥吃得出有大粒開花的米，有濃濃的米香，我不敢肯定冇落米粉，但可以肯定，即使有落，也絕對係好少，至少大幅少過其他粥舖。白粥10蚊，比中環福滿源貴1蚊。福滿源的白粥也是一流水準，綿滑有白果的清香。相比之下，金山的白粥米香更勝一籌，食得出係靚米煲的。一大碗白粥份量十足。蝦米腸的蝦米有香味，熱辣辣新鮮出爐的味道。粉皮柔軟，超多白芝麻，咬落口特別食得出一粒粒芝麻。想問老闆，芝麻係唔係唔洗錢。但嫌老闆豉油淋得太多，下次會要少豉油。另外見炸一腸、炸兩腸都好吸引，老闆手起刀落只聽到索索聲脆卜卜。下次再試有味粥和炸兩。本人不常寫食評，這次寫咁多，係因為香港趕絕細舖的大勢所趨之下，真材實料、實實在在的粥舖絕無僅有，簡直頻臨滅絕。希望呢間西貢粥舖可以長長久久。

金山的位置相當偏遠，如果唔係有朋友帶去，真係唔知有依間店。講埋正題，師傅係門口用傳統方式拉腸粉，生意忙到未停過手。店內非常多人，加埋本身有d飽，所以只叫左腸粉拎走。腸粉嫩滑足料，而且分量很多，新鮮是最好食的，味道剛好，唔會太油膩同重口味。誠意推薦炸兩，油炸鬼脆身但唔會太硬，口感一流。叫左3碟腸粉都係Hkd44,性價比極高。下次再去會試埋金山嘅粥。