金樺餅店

Open Now

Now Closed

一向好澱粉質的我也非常鍾意食蛋糕曲奇麵包之類的東西，因此會周圍搵好味曲奇，近年開了很多貴價曲奇店，但還是最喜歡傳統麵包店的曲奇，奈何現在傳統麵包店買少見少，因此金樺的曲奇實在是不可多得的平靚正之選這是牛油曲奇，上面有些少朱古力，曲奇是很鬆化的，不會很重牛油味，吃多幾塊也不有很膩的感覺。這麼一盒也只是$22，路過太安樓總會忍不住買一盒來吃。

是日，路過太安樓的傳統家庭式經營的金樺餅店，被櫃窗中展示的三角形朱古力彩針西餅所吸引，駐足觀看，又想起那些年在筲箕灣成安街木屋區成長的點滴片段，艱苦中，有著彩虹般的期盼。是的，該買些回憶回家，與爸媽細嚐，回味那些年的日子……推門而入，一陣連綿不斷「隆隆隆……」的巨響引起了小妹的好奇。原來，是一架極為殘舊而古老的切方包機。只見店員把一長條、剛焗起的麵包放下機內，機的一則就自動吐出厚薄均一的薄切方包了，蠻有趣的。小妹興致勃勃地舉機狂拍，不禁引起店員及其他顧客投以奇異的目光。唉，習以為常了﹗老爸喜歡合桃酥，迷你裝一袋五件，一口一件方便也。嘩，蛋撻新鮮出爐，香噴噴，熱辣辣，怎可錯過呢？三角形朱古力彩針西餅$5母親大人素來不好甜膩之物，西餅與其無緣了，買兩件好了，一件小妹，一件老爸。回到家後，因阿姐把西餅放在蛋撻盒內，蛋撻的熱情，把西餅上的朱古力融化了。印象中，當年的西餅較為大件，眼前的這一件似乎瘦身減肥了。咬下，西餅餅身較為乾硬粗糙，旁邊的朱古力既不香濃又不好味。回憶，總比現實為美、為甜。老爸，似乎也忘記了我倆共同回憶中的三角朱古力西餅，只吃了蛋撻，對西餅不聞不問。合桃酥$7一包五小件的合桃酥

今朝同勤子落街買野食,咁岩係6點鬆d~勤子話金樺既蛋撻岩岩出爐所以忍唔住走左去買左半打@v@買完就返上樓即食,望落好似都唔係好熱啫~點知一咬落去d蛋仲係好熱咖@[]@d蛋好滑好熱好好味>v<我足足食左4個,真係超正!!不過3蚊個就略嫌貴左dddddd@_@

今次買左合桃麥包, 佢既合桃唔係好多(如果多d就更好). 個賣相亦都唔靚, 但我鐘意佢既主要原因係佢有好重既麥香! 食過好多款麥做既麵包, 呢款都算係好好食既其中之一! 不過如果鐘意食鬆軟既麵包果d 人, 呢款就未必岩食! 個包既size 好大個gar, 有成一隻半手掌咁大都只係賣$6.5. 平時三分之一個已經可以係我一份早餐!麵包6 點後有買二送一, 買三個都係13 蚊 超抵~~~不過呢款包係6:00 之後好難買到!

我吃過既蛋糕店, 都覺得呢間既紙包蛋糕係,最好吃 = 不太甜, 有蛋味, 外形大, 最緊要係鬆軟!!!!! 價錢仲要係$3.0 (已加咗價,之前係賣$2.50啫~) ; 佢係我既早餐首選!另外, 佢既蛋撻都OK 架~

病咗兩個星期, 都今日先有返精神寫返之前嘅食評...雖然病咗, 但仍然都要搵好食嘅野, 唔好日日都白粥米粉咁清吖...個日請咗病假, 睇完醫生, 我習慣會順便去麵包店買d麵包送藥,途經金樺, 見到有d好似scone嘅物體, 好奇心驅使, 就入去看個究竟... 香芋酥 $3/件 , $5/2件 : 希望我無記錯個名, 因為我個日真係好唔舒服無咩精神... 食落又無scone咁實淨, 裡面有d似蛋糕, 比scone濕d, 唔太甜, 入面真係有幾粒芋頭粒架, 不過我覺得返屋企用焗爐低度數翻熱5分鐘, 乾身返d會好食d, 唔錯!! 香蕉蛋糕 $7 :見到剛出爐一大盤嘅香蕉蛋糕, 真係好吸引呀...忍唔住買埋返去!! 買咗盤邊個件, 個邊比較硬, 裡面就好鬆軟, 香蕉味略嫌薄弱咗d... 不過就好大件, 返到屋企度一度, 件蛋糕竟然有成2/3罐汽水咁高呀!! 我分開三次食先食得晒呀~ 真係好抵食!! 哈哈!! 我仲有試埋香芋酥另外兩個friend : 南瓜酥同蕃薯酥...不過三款當中只有香芋酥合如其名, 有芋頭味, 試埋另外呢兩款, 食咗都食唔出咩味, 好怪, 所以各試一口就唔再食...其實我

9.15 (sat) dinner零胃口，但要送藥就點都要食ｄ野。又經過太安樓，唔想食格仔餅雞蛋仔呢ｄ熱氣野就入左呢間麵包店曾經有位朋友介紹我食呢間既香蕉蛋糕，但我都係要左個十字包同合桃切蛋糕失望…十字包…我一向都係幫襯車x哥夫，佢地ｄ十字包真係無得頂，但呢個就…一咬落去就碎晒，而且唔香口…合桃切蛋糕…我一向都係幫襯檀x，所以食唔慣呢個唔係太香，而且好少合核既蛋糕…原本見到d老婆餅想買d返去俾阿媽，好彩冇買，都係唔試為妙。下次一於食格仔餅。