金銘潮州粉麵

Open Now

Now Closed

红橋金铭幫襯左超過廿年每逢肚餓，收工，半夜三更都会吃它原因樓面醒，快靚正自從搬左铺一日比日差有时樓面口交五次有3次落错单連鱼旦米都等十分钟算吧。失望盡頭永不回頭一路好走

買肉碎湯飯冇肉碎！ 不論堂食或外賣，都出現無俾肉碎嘅情況。之前一直都有幫襯開，都有食過肉碎泡飯，之後一次堂食，叫咗碗鯪魚球肉碎泡飯同蠔仔肉碎泡飯，都發現裏面冇肉碎，同店員反映三之後佢即刻去廚房攞返一碗肉碎俾返我哋，話師傅忘記咗放。今次外賣返屋企食，一打開入邊只有四粒鯪魚球同泡飯，即刻打電話去鋪頭反映，店方話下次去會補返一份肉碎俾我喎🥲🥲奉勸大家下次買外賣要自己檢查清楚先。如果唔係買魚蛋粉，冇魚蛋 ，咁就弊啦

早排上網見到屯門虹橋有間好抵食嘅湯河於是糧尾放lunch就同同事一齊去試食我叫咗個牛腩河38蚊勁大碗你冇睇錯，我冇講錯，係38蚊一大碗牛腩河！份量超多 無論男女都一定會食得勁飽牛腩炆得好入味 夠腍湯底睇落都算幾清飲落就比想像中濃加埋佢哋秘製嘅辣椒油都幾惹味不過舖頭店面坐得唔太舒服佢係傳統圓枱圓木凳嗰種潮州粉麵店放lunch時間好多客人坐得有啲迫不過整體而言真係大件夾抵食而且舖頭啲姐姐同師傅都好犀利記憶力超好 落單唔使寫低都記得仲要計數超快😂😂感受到香港人嘅效率同人情味

話說小弟深夜肚餓 諗住去金銘食碗牛雜河醫肚因為一向都有食開，有質素保證！點知入到去坐底 無厘頭見到個廣告寫住廚師推介 沙姜雞飯！試問邊個人會深夜走去牛雜舖入面食雞我就係果個傻仔 落左單係等待期間已經好後悔，好想改單........碟雞上到枱果然冇令我失望！生菜係底，然後斬到好亂既雞擺上面！最神奇既地方，佢居然放左好多沙薑汁落去！我係出面食沙薑雞，絕大多數餐廳都係另外拎個碗仔去放沙薑汁...... 否則碟雞只會咸到福街...其次就係薑葱油舖係面....呢個係咩食法....薑葱油係凍既，隻雞翻蒸 入面仲有小小凍...其次就係d肉太un......最慘係成碟雞跟本就食唔到，我食左兩舊雞真係頂唔順....d沙薑汁咸到我成杯奶茶飲哂...最終食剩大半碟，投降了！侍應收碗碟真係快！呢碟飯唔怪得餐廳，要怪就怪自己低能！居然會走入一間食牛雜粉面既餐廳內叫沙薑雞無厘頭就冇左60幾蚊...真係諗起都好笑

金銘潮州粉麵歷史悠久，今晚專登晚上8：30去了井財街那間買了三個外買，1.牛肚米、2.牛雜和3.牛雜粗；我見店內不算多人但都等了15分鐘，餐廳來說算等得耐。👇牛肚米他的外賣全部分湯，牛肚份量適中，牛肚好新鮮夠彈牙，湯底味道都夠濃，但米粉份量不算多，可以多一點就更好。👇牛雜河、牛雜河不夠餸，但牛肺牛肚牛腸牛磅味道算OK，湯底味道也合適不會太鹹溫度也很適中，河粉也不會太碎，不過蔥花就多了一點；粗麵面質也很爽口，邊菜粉量很足夠。

夜晚同老婆肚餓但冇乜胃口又想食粥，但附近傳統既粥店已經變左做眼鏡舖！食粥真係冇其他餐廳可以選擇最後去左金銘餐廳！牛肉皮蛋粥 及 牛肉魚片粥各一碗真心講句味道係唔差，但真係太細碗！d料又少44蚊食一碗粥真係太貴...食完都好似冇野落過肚咁真係好想有其他舖頭可以有粥食而家搞到金銘獨市生意就算加到50蚊都要焗住幫襯！離開金銘餐廳後感覺好空虛，好肚餓真係後悔自己點解會想食粥，真係抵死呢次之後我一定要學識點樣煲粥

金銘潮州粉麵 地址:屯門井財街15號金銘大廈地下紫菜四寶 $45麵質彈牙，好有口感。而且 @kamming_congee_noodles 啲料又多， 紫菜多，手打潮洲魚蛋爽口彈牙，不錯！金錢肚撈粗 $34粗麵份量多，一條條，醬油撈落麵到甜甜地，而且金錢肚都炆得入味，入口都軟腍，不錯。#nicefoodie屯門 

今日約左朋友食飯，等左佢成粒鐘先黎話飛機仲要出到屯門紅橋呢啲我唔熟既地方，成肚火既我決定搵野食填左肚先咁我就搵左呢間「金銘」，見到menu有東坡肉飯，心諗香港好少見有蘇東坡食，就一於食佢啦黎到估唔到個汁又幾香幾好味，東坡肉夠晒肥本身成肚火既我都無咁嬲，因為朋友既飛機令我搵到好野食，今次就算數啦！推廌！

想搵間黃店牛腩河食，見到呢一間金銘潮州粉麵喺社交平台都幾雀躍就去試吓。但見到黃page都有質疑過呢一間嘅立場（因為佢哋大部份員工都政治偏藍）🐮牛雜河-Hkd38湯底都重味精食完都幾口渴，牛雜所有嘢都係薄切，牛肚質地好奇怪，最勁係佢個豬腸唔知點解有浸羊騷味🤮成碗最好食既竟然係河粉。雖然我個碗味道咁奇怪但出奇地間鋪人流keep住多，而且分店都有三四間，所以希望只係咁係嘅牛雜係咁，但對我來講都冇下次。🤢

見大家都話好食，我就去試下啦，真係好有驚喜。叫左個推介，沙薑雞飯，啲飯落唔夠水唔在講，啲雞老到榮休之喜都過埋，我咬都咬唔入，防禦力高過一般既坦。飲啖好立克，成個人立刻想嘔，因為我剩係飲到糖水。金銘，靠害朋友俾必然選擇。

返工返得夜，附近都冇食市開門，聽同事嘅呢間係24小時，於是就嚟買碗食下。點左一個牛雜河，外賣佢係分湯上，份量正常。基於佢主打係粉麵牛雜，所以期望有返咁上下，但食落我就覺得普通啲，冇乜驚喜，牛雜唔會話好香入味但口感方面都煮得夠稔嘅。反而個湯底就有啲失望，因為食得出好重味精同少咸左啲，食完之後成晚都好口渴，飲左好多杯水。但要讚嘅係，衞生方面都算做得足嘅，餐具都係獨立包裝，堂食可以買筆自己畫唔怕會共用。

深夜肚餓點算去? 推介黎呢度食返碗雲吞麵啦! 湯底有用心做過，好濃味道，而且仲要比5粒雲吞甘多呀!記得要試埋佢地間店既麻辣醬，每次都必落! 女朋友就喜歡食呢度既白粥，白粥得黎又有啲味，而且唔會稀到好似水甘，大大碗都抵食!

話說都好耐無黎咯，入到屯門想食魚蛋粉又諗起金銘，呢到仲好似24小時添。環境夠闊落，坐得都舒服，都算乾淨。坐低叫咗個崩紗腩拼魚蛋河同那惡火腿芝士炸西多士崩紗腩有咬口,好味道第一次食西多士係有芝士火腿，估唔到又咸又甜都幾夾，幾好，唔錯整體來說，粉麵都大碗，抵食，其他野味食過，下次都可以试下，以往來，唔同時段都有人，生意都可以，人来人往的，以後經過红橋或在附近想食粉或宵夜，都可以選擇佢，間舖頭出面有得泊車都算方便

香港人喜歡吃雲南米線，往往忽略了地道的魚蛋粉，而最近這家超越了米線，成了我近期最愛！餐廳的門面平平無奇，但入面的裝潢卻是令人不自覺，感受到它的多年歷史。高樓底，再加上牆上的石雕刻，比起其他餐廳刻意的懷舊色彩，更具自然古樸美。招牌孖筋河$34 牛筋很大條，而且軟淋入味，滿口的膠原蛋白，美顏最適合，份量很多，起碼有7，8塊。靚金錢肚河 $34牛肚清洗得很乾淨，沒有肥油連在一起，非常好。牛肚同樣很入味，而且容易咬，不會過於煙韌。五香牛腩河 $34一上檯，就知道份量非常大方，差不多有一個碗的直徑大的肉，不過略嫌牛腩偏瘦，而且不夠入味。蘿蔔崩沙腩河 $51是最貴的，但也是貴得很有道理。崩沙腩肥瘦適中，軟淋入味，甚至做到差一點就入口即化，雖然誇張了一點，但對於這崩沙腩我真的愛了。自家制菊花茶 $10排除它可能更真材實料一點，味道上，跟平時喝的紙包菊花茶差不多。總括來說，平靚正香港人餐廳！

早排去咗屯門探朋友，經佢介紹之後走咗去紅橋搵食，聽講有唔同種類嘅餐廳：有cafe～有魚蛋粉面～有茶餐廳～亦都有拉麵等等。之前想食米線，但係嗰日肚餓得滯就揀咗間餐廳，叫做 金銘潮州粉麵，入面有幾個唔同嘅快餐，見到個梅菜扣肉飯好似好吸引，諗住一定可以醫飽個肚！但係黎到之後令我大吃一驚。。。入面嘅梅菜已經佔成個碗嘅份量，所謂嘅扣肉，等同米線入面嘅腩肉，薄薄地一塊塊，仲要得五塊。另外叫咗杯凍奶茶少甜少冰，諗住可以試到餐廳入面真正嘅茶味，但可惜杯凍奶茶係乜嘢味道都無，好難飲，我發誓以後都唔會再去喇