金銘潮州粉麵

Open Now

Now Closed

金銘是我的食堂。對我來說，它是一間不論是專程去食，突然想食，還是 想不到吃什麼就會選擇去食的餐廳。一來它是24小時營業，二來它屹立了紅橋那麼長的時間，對我來說是間充滿回憶的老店，三來它的味道永遠都不會令我失望。今天非常晚下班，幾乎一整天都沒吃到什麼，剛好家人同時段在紅橋亦未吃晚飯，當然去吃金銘。每次來我都是會點魚蛋米粉或牛雜米粉（我不吃牛肉，但會吃牛內臟），視乎肚餓情況再點炸魚皮或腐乳通菜。今天好明顯都可以全點了！先來了炸魚皮，金銘的炸魚皮是很好吃的，就算不是即炸，都非常脆且香口。喜歡它比較硬身及完整一大塊，不是碎的或是小片的那種，而且吃下去一點臭油或油炸味都沒有。點炸魚皮會跟一碗熱湯，一點下馬上聽到滋滋聲。腐乳通菜，通菜非常翠綠及嫩，莖及菜葉的長度切得剛好，很易入口，腐乳醬濃稠度也很好，不會太稀，雖然有點鹹，但配上菜就變得平衡。今次的粉麵我點了牛雜米粉，因為很久沒有吃過了，味道一如以往，腩汁香濃，牛肚軟腍不黏牙，牛膀滑膩，牛肺爽口，牛腸煙韌，一碗粉可以吃到不同的口感。加上吸了湯汁的米粉，真的很滿足。牛雜裡我不喜歡吃牛腸，因為中間的油脂太肥膩了，雖然下單時可以走掉，但我還是別麻煩，所以

夜晚同同事山長水遠入屯門左見客 ，完左行過揾野食，想食普通啲 light 啲，就入左間粉麵店食。 一坐低 就見到笑口佛，心情好舒暢。見到有好多粉麵飯選擇，但我同朋友都不約而同地想揀蠔仔粥，佢地話係招牌蠔仔粥 咁就試下大約10分鐘 蠔仔粥到 34蚊 勁大碗。 一碗應該都夠2個人食，但就叫左2碗，本身都嫌多。但一食真係幾好食喎。 個粥煲得好綿 好傑身 粥底又有蠔仔鮮味，加啲胡椒粉 好野味。食下食下 都差不多食得哂食完唔口渴 冇味精。Surprise! 咁平又咁大碗的金銘招牌蠔仔粥我記住你

因應屯門區的特別活動，故此路過此地，最主要原因是因為金銘的招牌響亮，而且在良景分店吃過不錯，所以來到總店應該無伏。原來這種思維是大錯特錯，同一間店鋪可以有不同的體驗。在這虹橋分店，每位店員都是經理——經過唔理，我進店後多次舉手示意落單仍無人理會，正當想轉身離開之際，店員忽然注意到我的存在，馬上替我落單。落單後，以為店員親切地遞上單據，原來固有思維限制了我的想法，店員一野將單據轟落枱面，其實好多食客都唔知乜事，店員趕時間都不爭兩步啦，何必用咁既方式遞上？千呼萬喚，雲吞麵終於到，湯底完全無味，唯有後加辣椒油提升味道。麵底沒有咬口，估計是煮得太耐！？雲吞的糊椒粉味太重，好似食緊味精咁！？不曉得，只能說只有飲品是正常。

基本上一星期總有兩三天到這裡食午餐因為在巴士站旁🤪🤪🤪我多數食常餐或牛肚麵⭐️⭐️⭐️⭐️⭐️唔知點解呢度牛肚麵好吸引我成日有人話好污糟🙄我都覺嘅但眼不見為乾淨啦有要求就唔會食麵檔🤪而且屯間好難有一間24小時營業⭐️⭐️⭐️⭐️⭐️任何時間肚餓都有嘢食有時夜咗落機都會走來這裡食麵+凍檸茶不過一碗麵+一杯凍飲差唔多$50真係好貴！可能因為24小時營業成本上較貴吧😆😆😆😆就腳都係經常去食嘅原因

雙丸河+凍檸茶=$44有勁多烏蠅陪你食🤗 間野衛生好差，好多烏蠅周圍飛，員工開住後門，啲烏蠅就喺後巷飛晒入黎，但佢地完全唔覺有問題先好野。衛生情況堅係衰過街邊大排檔，真係反晒胃。求其食兩啖即刻埋單走人。當日係公眾假期，下午4點幾客人唔多，阿姐都可以漏單，仲問左我幾次落左單未。我話你漏單我就唔食啦！雙丸河味道好普通，連飲品夠膽收40幾蚊，唔好講出面，附近都大把選擇啦！唔明呢間野啲笑笑係點黎既，打手？總之勁垃圾！

小弟住紅橋30年，每當想食一間有齊粥粉麵飯的餐廳，我會首選金銘！兩公婆常常出街找食店，若意見不合都會去金銘餐廳！此餐廳味道並非特別好吃！只是相比起紅橋其他老字號十年以上既餐廳，我會推薦金銘！金銘的下午茶是我最常食，一碗粉麵 加碟油菜 共35元就可以飽肚！有那一間牛雜店會有此優惠價錢呢？我肚餓時首選 牛腩或牛根飯！永遠會要求侍應多飯 多腩汁！隨飯還會附送3舊蘿蔔及紫菜湯！蘿蔔 夠淋身 鮮甜，送飯一流！奇怪食很多次，小弟都未試過食到一舊硬身及有渣的蘿蔔顯然就是廚師用心經營挑選蘿蔔才會有此佳作！相比起附近兩間米線舖的蘿蔔，金銘已經贏了幾條街！紫菜湯 雖然是味精湯一碗，但食飯途中偶然品嚐一兩啖，亦有奇獨特的味道！豬潤米線 及 蠔仔泡飯 是我老婆的首選豬潤火喉剛剛好 不會煮得硬身 但缺點就是要盡快食用，否則好快便會變硬！米線 與其他店舖相比當然比較差，但味道仍然是可以的，我會比80分蠔仔泡飯 食過好多次，老婆話蠔仔粒粒都好似好新鮮未試過食到壞掉的蠔仔，而且蠔仔數目多，此價錢確實吸引！其他食物太多，很難一次過去逐一介紹但整體來說，我會比金銘85分！缺點就是 雖然金銘是24小時經營 但早上卻沒有牛雜

金銘老店，食左30年，個個都話牛腩正，我反而覺得最好食係雲吞。2每次去我都係食吞腩河，牛腩當然有一定水準啦，但雲吞先係最正，皮薄涵靚，粒雲吞細過乒乓球少少，當中有一半係蝦，配埋啲腌肉，一個字「正」

好多年前，問起屯門井財街有什麼好東西食，相信好多人都會知道《金銘牛腩》這一個名字。今時今日，屯門井財街一帶已經是美食多蘿蘿，有好多人說，《金銘牛腩》亦已經大不如前了。而這次一個人在屯門交車俾相熟車房維修，師父未到的一個人時間，我就決定去吃點東西，而時間尚早，而《金銘牛腩》又是24小時營業，所以，我決定來食碗傳奇的牛腩麵。 我經常出入這一帶，《金銘》不是沒來過，只是來的次數依然是單位數字。上次來，已經可以用幾年前來形容。也許，我上次來好似仲未結婚。而用我僅有既印象來對比，《金銘》好似搬過舖，以前大都這一間好似是同一品牌的飯店及甜品店，而麵店就在轉角位。如今，轉角位已經租了給其他的商戶了，而大舖就似乎重新裝修過，感覺時尚多了。 來《金銘》，目的只有一個，就是食牛腩麵。早上來，找好座位，牛腩墨丸麵，就是一個預計會令我感滿足的好東西。 牛腩，是有水準的。肉香，入口腍得黎亦有美妙的掛齒感覺。夾帶應有的肥肉同少許筋，而且充滿了牛肉同五香粉的味道。墨魚丸味道是好，只是這丸如果可以再爽口少少的話，會是更好。 早上，一杯奶茶是非常重要的，《金銘》的奶茶算是不差的，濃度，奶味都是適中的。是一杯合我口味的奶

普通粉麵都可以好出色！屯門真的有很多好食點。今次推介這家24小時營業的潮洲粉麵餐廳，除了是宵夜好去處，價錢相宜外，食物質素及味道亦令人喜出望外。環境: 雖然是普通粉麵餐廳，但內𥚃設計佈置現代簡約，令人感到舒服，地方亦寬敞清潔。服務員亦反應夠快。食物:酸辣魚腐魚蛋河。手打潮洲魚蛋爽口彈牙，再加上魚腐，這碗麵冇得彈！水餃牛腩麵我只試了一口牛腩，嘩，牛腩完全沒有牛羶味，亦不肥膩，從相片可見牛腩厚身切片，淡淡肉，沒有偷工減料！鮮炸魚片這個每次必點，皮薄炸得夠脆，浸入湯幾秒再咬簡直一流！腐乳通菜一碟通菜上碟都可以如此工整！總結，幾十元吃一碗麵，有如此好質素，真的物超所值

就算大個咗，成日周圍搵野食都好，偶爾都會好掛住屋企附近既金銘～難得呢日下午時份返到屋企，又未食野，就特登過黎食返碗麵！下就三點幾，人流唔多，即刻有位，如果夜晚就有排等啦！【片頭崩沙腩河】$60雖然片頭得三塊，但好多牛腩！塊崩沙腩好好食～～～～～～佢好軟淋，一d都唔un，好香牛肉味，利申定，我唔係牛腩專家。塊腩痴住一層油定膏，好香好香，食落口即刻融化，有種牛油既甘甜，好正喎！而且份量真係好足，勁滿足！另外，佢個片頭都好好味，好有魚味又彈牙，係我周圍食過咁多片頭top 3！總結，雖然加埋杯凍檸茶我不知不覺間食咗$70，屯門黎講都算貴了，但真係好味，所以！勁推！

放假日常都是早餐晏食，skip午餐，食下午茶😀 中午嚟到屯門紅橋區，看看錶已是3點鐘，正是下午茶時間，這邊食肆選擇多，都是以小店或茶餐廳為主，行了一圈，最後去了金銘，這家的牛雜牛腩都很有名，由之前街頭小店搬到這大鋪，裝修美觀座位舒服，仲要24小時營業。但我朝早吃了麵不想重覆，店員給我下午茶餐牌，估不到佢地既下午茶選擇有那麼多，一啲都唔hea😁 我叫了熱狗奶茶，非常有驚喜，奶茶好大杯，熱狗好味，個餐$28奶茶夠香滑熱狗個包略烘脆，如果條腸係脆皮就仲正。

第一次係屯門幫襯麵檔原來係連鎖店真係估唔到🤭鋪頭嘅裝修好有中國風味都放咗唔少心思唔似一般麵檔格局👍🏻✨食物種類多元化麵粥飯，甚至連常餐都有，勁👍🏻👍🏻👍🏻✨價錢亦都好大眾化☝🏻牛腩撈麵分量非常多，意料之外，42真係好抵食牛腩非常軟身，正！☝🏻番茄紫菜肉粒湯飯份量又係好多，最緊要啲湯ok，鹹度適中真係潮州麵檔，先會有東菜 🤣☝🏻腐乳通菜傳統嘅通菜應該會好味啲我覺得似樹苗多啲好少讚咖啡好好味這店嘅咖啡值得推介👍🏻✨

難得放下假入黎屯門搵朋友還掂要醫肚一於試下新野先😆本身個人比較喜好撈河🙌🏻一黎大熱天時食湯麵好辛苦🤕又鍾意爽口而乾身既感覺😆今次就叫左筋腩腩撈河另外再加腐乳通菜😆上枱嗰下自己都嚇親🙊個麵大份到係一個人未必食得哂🤣而牛筋牛腩就炆得剛剛好😋唔會話好硬身☺️而且都幾入味😋腐乳通菜就正常貨色🙈佢地用既係辣腐乳🙊所以唔好辣既人未必接受到🙊總結黎講50蚊有加埋咁多野又大份都幾抵食既😆😆

屯門最出名的金銘粉麵檔是通宵營業，今天收工收得夜，肚子有點餓，便去吃了一個金錢肚雲吞河，雲吞內有一隻鮮蝦加上有豬肉，雲吞是每日新鮮店員自己包起的 ，所以材料都十分新鮮，而蝦也很大隻，不會因為價錢便宜而縮水！金錢肚也很新鮮，完全值得一試！河粉也不會很油膩，面的湯也沒有味精，果然是宵夜的拍檔！

去屯門探朋友，經過一間粉面店就入去試。叫牛腩河，牛腩唔韌，有腩汁就好正！收得呢個價錢$32，有咁大碗，價錢算是性價比高了。裝修都幾靚，服務沒有發現有什麼特別了。