金銘潮州粉麵

Open Now

Now Closed

睇戲睇到凌晨1點幾，意猶未盡，個肚又空空地，於是一行3人就去左紅橋24小時營業既金銘到醫肚。金銘最出名既係潮式粉面，於是我地分別叫左3碗：淨雲吞，水餃米，崩沙腩米。總結：足料，好味！每人都只係40蚊左右

話說有一日夜晚，男小編做做下功課覺得好肚餓😣夜媽媽2點幾都決定走咗落屋企附近買野食😎#牛筋河 ($32)😋好味指數：(7/10)啲牛筋嘅份量都幾多，而且都好爽口彈牙😘加埋腩汁就更濃味，不過就預咗有啲口渴😩河粉份量亦都唔少，食落都夠飽😎另外仲附送條菜，食落都健康啲😍.⭐溫馨小提示📌啲辣椒醬都比較辣，可以逐啲落會穩陣啲😋📌走蔥，走色或者多色都要主動同侍應講🤔

居住屯門已有不少日子，金銘是初住屯門認識的潮州粉麵店。在沒有其他選擇之際，光顧金銘的次數也不算少，隨着金銘的水準每況愈下，很快就轉投了新興的懷抱，漸漸便遺忘了金銘的存在。年初四是假期的最後一天，虹橋的食肆都在作最後衝刺，各家門外擺放了一張張食桌，即使是西式甜品店也不例外，整條街道變得份外熱鬧。即使剛在Marka House吃過晚餐，老公還是被眼前的熱鬧氣氛，即興走進金銘吃潮州粉麵去。多年後的金銘裝潢上更「金碧輝煌」，跟新興的老店形象有強烈的對比。大紅燈籠高高掛，風格浮誇得過了火，讓我想起元朗的嘉麗園，只是味道卻是南轅北轍。老公點了碗崩沙腩魚餃河($55)，崩沙腩確是正宗，連筋帶肉的腹膜部位，但由於冰鮮嘅關係，筋肉有點剝離， 蘸得尚算入味， 但整體未見出色。魚皮餃皮太薄且欠魚味，依然是味精感重的湯底，河粉有米香但偏鞋口。作為陪客的我只點凍奶茶($10)便足了，茶底算濃但愈飲愈苦澀， 但對粉麵店的水吧不可有太多要求吧！多年後的金銘味道十年如一日，既然虹橋有更好的粉麵店，下次再訪真不知會是何時了。

金銘老字號，唔洗講都知正飲醉左黎食返碗真係爽到暈辣油係出色，第二日菊花爛都要落！！墨丸河係我老死最愛，大碗仲要有一大堆紫菜我一定食腩粗 正正正正正正正正！！以前有得叫肥腩嫁，而家呀姐借下耳次次黎都話賣哂（試過十次以上），話想食滑d就牛坑腩、崩沙腩，吹脹！今晚叫左一大碗牛坑腩對，痛快！

倒數完肚子餓，經過見到24小時營業既「金銘潮州美食」，入去醫肚先！差唔多凌晨一點都仲好多人😮 而且裝修都幾有氣派haha叫左「魚皮餃河粉」，有五粒餃都幾多，河粉都幾滑！不過不失啦！下次凌晨肚餓都可以考慮再黎呀～

話說哥哥外地回來過中秋，❤️絲絲特意番黎食金銘牛雜。細牛雜係重頭戲！我地每次去都會叫翻一碗解饞！基本上牛每一部分都會俾3～4件，份量幾合適，可以嘗鮮又不會太飽。至於雙丸河就覺得普通，倒不如單叫牛丸或者魚蛋河比較划算。下次會再食！

到井財街怎能不吃金銘潮州粉麵這是我從小吃到大的味道雖然搬了新鋪, 總會感覺沒以前那麼好但情常在, 久不久就會想念這裡主打牛腩麵<-唔知煮左幾多年的腩汁今晚是腸肚河 (河粉無敵好吃, 滑到一個地步), 腩汁還是濃&少少鹹先吃一半河粉, 後一半配上店家的辣椒油~正再來我喜歡的雲吞雖然比坊間的雲吞胡椒味重, 但就是我回憶中的味道有時候吃的不只是食物的味道, 更是回憶的味道以前屯門沒發展得很好, 到處都是小店小店小店現在香港遍地炸雞放題翠華但在我們的內心深處, 最愛的除了家的味道, 就是回憶中的味道小時候媽媽偶然也會帶我們來吃小孩子不能喝汽水, 就點一樽維他奶下午的時間, 就為碗粉麵和一樽維他奶開心著

金銘其實開左係虹橋好耐，自從唔知幾多年前搬左新舖，大左靚左企理左仲多左好多野食。冇記錯的話，好似係開足２４小時，年中無休，就連打風都照開，亦都冇加價。諗返起，好似次次打風都係食金銘，我都估唔到佢今次十號風都有開。平時好鍾意佢個蠔仔泡飯，又平又好食。不過因為想飲奶茶，唔想成肚水，今次叫左雲吞粗，朋友叫左墨魚丸河，再加杯凍奶茶。雲吞雖然比以前細粒左，蝦同成粒雲吞嘅size都細左，但都數量都係返度，而且係好食嘅，雲吞餡有落芝麻，好好食。粗麵亦都夠彈口，湯底鮮甜，29蚊呢個價黎講都算抵食。墨魚丸河有埋紫菜，成個湯都好食左，份量都足，墨魚丸同紫菜各佔表面一半。仲可以加腩汁添！杯奶茶都好正架，茶濃香滑，次次黎都要飲。

今日早放工，因為掛八號風球屯門紅橋區嘅餐廳都幾乎關門了，但這間金銘茶餐廳仍然開門做生意，裏面有我喜愛吃的酸辣米線~ 於是走進去食我的晚餐了！金銘茶餐廳一年365日都開工，即使是八號風球仍然開工 服務市民！茶餐廳內的食物包羅萬有，最出名係佢哋的牛腩面，除了傳統的魚蛋、牛腩粉麵外，還有酸辣米線、湯飯和粥 非常豐富！"金銘"是我的飯堂

半夜三更成12鐘仲未食晚餐😭只唸到金銘咁夜仲有野食，就中咗入去叫碟牛腩飯，連埋凍飲成為$52錢都其次，個碟牛腩數埋唔知有冇6件，仲少過叫碗牛腩河，仲要好咸。唔知係咪太夜去食呢，所以d質素下降咗

我住紅橋30幾年，金銘未搬之前，一星期起碼食一兩次。。。搬左之後好耐無食，新春期間，唔多舖頭開，焗住去買外賣。叫左墨丸牛腩河。。。點個中伏。。。啲牛腩好似煲湯剩低啲豬肉咁，又鞋又無味， 咬一下仲有啲似洗唔乾淨嘅"蘇味", 成份牛腩無食到成碗湯清湯咁。。一啲腩汁都都無，我嗌牛腩河架。。。。。。。包魚皮仲要油lum lum..要用紙巾隔住開個袋。。。唯一入到口係墨丸，仲叫有啲彈牙。。。真係好失望。。開咁多分店， 質素差咁多。。。另外，價錢都貴左好多， 全完唔值40幾蚊好多粉麵都好過佢

今晚去左金銘外賣宵夜回家食，買左個牛腩河、魚蛋紫菜湯及蠔油菜芯。回家後一打開個魚蛋紫菜湯，啲魚蛋細粒左囉！我知有啲潮州魚蛋唔係圓碌碌，係不規則方形咁！但平時食開哩間都知唔係咁架嘛！今次啲魚蛋好似將原先嘅size切開左一半咁！我知現在食材成本高，加價係正常，但唔好加價之餘，食品質素無改善，仲要減質量，感覺好唔抵，唔想再來幫襯。縮左水既魚蛋🤔

見好耐無食過金銘，今日就去拜會下搬左新鋪位之後既金銘明顯商業化左，食物無以前咁單一化，會有飯同粥etc 食不過就無左以前既自製涼茶同豆漿，感覺好商業化order 左個牛雜米。份量以比前細左幸好入口，味道都仲ok 既，雖然形住以前好味d價錢唔算好貴，20幾30蚊一個粉麵不過d additional 野好貴，例如叫個菜都要20蚊。。。懷念我中學時的金銘

諗住佢專賣 牛雜粉麵 應該都會整得幾好味啦 ，可能期望太大。首先入到間餐廳已經好大陣味， 酸酸餿餿咁 ，屯門區食碗粉要40蚊 ，牛腩得嗰幾舊而且勁羶， 坐又坐得唔舒服， 個阿姐同你落單點野嗰陣時講野又大聲又急， 態度又唔好， 好似你睇多陣，諗下食乜咗佢好多時間咁 ，返工已經工作壓力好大啦， 連食個晚飯都食得咁唔舒服too bad

呢到呢間潮州食品餐廳 係屯門講到開到深夜既餐廳點會伍記得佢 主要高係食牛腩粉雲吞麵仲有老火粥 小妹今次推介既係豬潤皮蛋粥 豬潤份量足料 伍會過熟亦伍會伍熟 啱啱好粥底綿滑伍洗加胡椒粉都好夠味 伍食伍知以為呢啲餐廳平平無奇 但伍試伍知其實內裡都有好多你伍知道既美食