鎔記潮州飯店

Open Now

Now Closed

琴日一心諗住到九龍城食潮州菜，因為聽聞好多間都好好味，咁就嘗試用Openrice搵下邊間好，就搵到哩間好評如潮，但係就無詳細咁睇個內容係真係假。如是者，入到去個環境都可以接受，安排左我地兩個人坐係一個門前面，被逼要兩個人坐格離，無得面對面坐，因為就係要就佢地上落，咁點解係度要放張長方枱？真心唔明白。無所謂啦，咁就叫左個蠔餅，滷水鵝片，麻辣田雞煲。首先講下蠔餅，講真未食高咁厚粉，完全無香味蠔餅，未食過咁難食。第二講下鵝片，講真好似食緊豬肉咁，完全搞唔掂。第三，麻辣田雞煲，田雞味 同辣味是分離，田雞係新鮮，但係煮出黎個味，個個都煮到。食唔曬打包，店員問點解食唔曬，就答翻佢難食，咁當然佢會維護翻自己鋪啦，都明白既，無下次。

［繼續懷緬過去嘅晚市堂食］.呢間【鎔記潮洲飯店】都幾出名，疫情下6：00前都好易坐滿，6：00外賣都不少呢。香港提早去到2047，突然老左27年，身心都感覺疲憊！香港變好還是變得越來越差？誰人不知道，所以都需要適當慰藉一下受傷疲憊既心靈，唯有食下美食吧！門口位置開放式廚房，放滿滷水食品，已經即刻想Order滷水食物啦，相當吸引呀！餐廳面積唔算太大，小巧但夠Warm，除左地鋪個層仲有二樓喔，店員由頭到尾都好熱情招待，抵讚呀。Menu在牆上都可以睇到喔。▪️韭菜豬紅 $58好多潮州菜打冷都有呢道餸，就係韭菜豬紅啦，平時都有好多人鍾意食，呢間真係做得相當唔錯呀，一口接一口都食左好多嚿豬紅，質地煙煙韌韌，又面層又滑，最緊要係入味。韭菜又新鮮，份量都好多，點埋潮州辣椒醬，會有一返小驚喜，呢個絕對值得一試。不會淡而無味。好快就食晒啦。▪️滷水拼盤 $‌118 細滷水拼盤顧名思義就是指滷水製品的拼盤，入面都有好多款，種最少要達到4-5種先叫得上滷水拼盤吧！入面有、墨魚、鵝片、豆腐、鵝腸、鵝腎、吊片、粉腸、豬耳等等另外鵝腸不得了，非常好吃，入面非常多膏，粉腸同墨魚口感扎實爽口，一個拼盤食到好多唔同口感既小

我係潮州人，從前常常食祖母煮的潮州菜。現在祖母90歲了，間中我都很懷念潮州菜的味道。九龍城美食多，其中有一間我很喜愛的潮州打冷菜館，今天特登同家人去食。潮州打冷首先一定要叫滷水鵝拼盤。滷水鵝片肥瘦剛好，啖啖肉。加上秘製滷水汁，色香味俱全。拼盤仲有鵝腸、鵝腎、紅腸、豬耳、墨魚、豬頸肉、豆腐等等，好豐富。韭菜豬紅 : 無諗過咁大碗，好好味。豬紅竟然比韭菜多很多，豬紅鲜嫩美味，但又有點結實，口感一流。韭菜新鮮。不過有點辣及油，如果係食得辣的朋友就值得挑戰下。潮州蠔仔粥。又係潮州菜之中好吸引的美食，超足料蠔粥大大碗，蠔仔都係大大粒，新鮮肥美，唔會煮得過熟。蠔仔帶出成碗粥的豐富海鮮味道和獨特口感。啫啫通菜炒得超爽口又無渣，加埋大大隻蝦乾肉碎好惹味。酸甜咕嚕肉酸酸甜甜，肉質嫩滑，小朋友好中意食。唔記得左講，一坐低仲有碟餐前開胃小食，酸菜同花生，落左單慢慢嘆返下Ｄ小食，一家人傾下計，真係好開心。

六月二十九日老公生日，潮州人當然安排吃潮州菜，九龍城是最多選擇，今次有別以往，不選出名的那間，而選擇了小店子，有意外驚喜😍我們一行三人晚上六時半到達小店，因為是星期一，所以店內的食客不多，老闆娘熱情招待，給我們三人安排坐了一張比較大的枱子，好讓我們坐得舒服些。我們選了五味小菜，第一樣當然是招牌滷水鵝片，鵝片滷水味不錯，滷水鵝片底下的滷水豆腐味道更佳，第二味當然是招牌菜煎豪餅，蠔仔大大粒極之新鮮，味道是我食過咁多次潮州菜最好的。第三味是椒鹽豆腐，這味餸十分有驚喜，豆腐外脆內軟，而且碟頭很大， 好抵食。第四味是香煎牙帶魚，除咗稍為骨多外無可挑剔。最後一味是沙嗲牛肉炒芥蘭，沙嗲嘅醬汁同牛肉十分陪配色香味俱全食了五味餸再加汽水都是$450落樓，三個人都食唔晒還要打包，真是超值之選

如果不是疫情關係，呢個時間應該會去泰國休閒一下，放鬆一下心情，難得這日係九龍城就過去望下有咩泰國小食買，買完就找朋友食晚餐有位住在九龍城的地膽朋友，朋友就正正住係打冷舖對面，這晚晚餐決定過來試下，價錢不算貴 滷水鵝滷水鵝底下更有豆腐同花生一碟份量不少，可說上色香味俱全，鵝肉鮮嫩滷得入味，豆腐更滲出滷水香味去潮州打冷一定會叫的韮菜豬紅入味又夠嫩滑，好滋味啫嘟菜煲菜夠脆綠，吃起來無渣天氣炎熱，一定要來支啤酒消一消暑

揸車經過見到門口都擺埋枱、覺得佢生意唔錯好旺、於是去OpenRice check 吓食評, 見到個個讃好、於是去試吓、叫咗人氣㠙餅、 椒鹽九肚魚和京都骨、前兩者一般、㠙餅D粉好多好厚、九肚魚我覺得ok,但老公話麻麻、京都骨前所未有咁難食, 從未食過京都骨係炆林哂先煮、食落口感覺好怪、冇牙都食得、骨肉分離、仲有嘅問題係上菜慢到飛起、如果大家要試就要有心理準備等。唔係剩係我話、其他枱都吹單。如果要試的話、就試吓其他餸、鹵水嘢應該ok、冷海鮮就有所保留喇、眼見有人投訴隻花蟹、本來我哋想叫大眼雞、但最後都冇叫。

難得老公幫忙湊仔梗係要同媽咪去撐吓枱腳啦，媽咪最鍾意食中菜，今日我哋去九龍城搵間打冷食下店舖唔算好大，全場爆滿，一坐低呀姐即時遞上餐牌、滾水，幫我地洗乾淨杯碗筷。當然唔少得潮州鹹菜，佢哋自家製鹹菜好好味，臨走我哋都買咗返屋企。韭菜豬紅，好大碗好多豬紅，豬紅好滑，煮得好入味，少少辣好惹味。滷水拼盤，雖然冇滷水鵝，但係其他滷水都有齊，豬腸、墨魚、鵝腸、豬耳、豬頸肉、鵝腎、紅腸、豆腐、芽菜，滷得好入味又唔會太咸。潮州炸蠔餅，呢個真係好推介👍🏻非常大件，好多蠔，而且粒粒都肥嘟嘟，口感非常鬆脆不油膩，呢個一定要趁熱食啊，記得點魚露蝦醬煲仔芥蘭，好夠鑊氣🔥未上枱已經聞到味，口感爽脆，芥蘭合時冇苦澀味，配上大大隻蝦乾，岩哂鐘意濃味既我

今天再到九龍城覓食，我們到了泰國街的潮洲食店，鎔記潮洲飯店晚飯。雖然我們入座是9:00，餐廳非常熱鬧，差不多滿座！一入店要先量體溫，門口位置就是開放式廚房，放滿滷水食品及冷盤，相當吸引！我們點了韮菜豬紅、滷水鵝、蠔仔餅及蒜蓉油麥菜。韮菜豬紅非常入味大碗，豬紅滑口但唔會一夾就散，少少辣相當惹味。滷水鵝亦入味，配合花生及墊底豆腐好好味，肉質剛好有咬口。蠔餅大大塊，香脆好味，唔會好多炸粉，蠔仔鮮香，點了魚露更好味！蒜蓉油麥菜夠火候，爽脆好味。店員服務好，一坐低便送上滾水洗碗筷及杯。價錢大衆化而且大碟好味！

九龍城除咗泰國嘢之外，亦有好多潮州菜駐紮喺度。今次就同朋友隨意揀咗呢間黎食，估唔到都有驚喜呢間餐廳除咗有潮州菜，仲有得打邊爐，選擇都幾多一坐低之後就俾小食我地，員工幾nice，做野幾快手我最鍾意就係食呢道豬紅，醬汁香料味重之餘仲帶點微辣， 好開胃，配飯食最啱滷水鵝肉質唔錯，切左薄片方便進食。下面嘅豆腐都不容忽視，索哂滷水汁幾好味滷水三拼啱晒唔知食咩好嘅朋友，款式夠多如果驚啲餸菜太重口味嘅話，可以叫個雜菜粉絲煲黎中和下口味。入面有幾款唔同蔬菜，都幾新鮮。重點係入邊有啲魷魚仔同蝦乾，所以成道菜都好鮮味。最後又點少得炸蠔餅呢！炸得相當酥脆但唔肥膩。蠔仔份量適中，配埋魚露食就最好。

放工行左去九龍城食野 呢邊除左泰國菜多之外仲有好多潮州菜一去到好有潮州既味道 門口放滿鹵水店員好快手就上左小菜同埋茶韭菜豬紅非常大碟，有好多豬紅而且好夠味同滑，湯汁辣辣地。呢碟係我地全晚最愛鹵水拼盤(大)鹵水如鵝腸、鵝腎、紅腸、墨魚、豬頸肉、豬大腸等都有，一碟完全滿足到我想食打冷既心炸蠔餅炸粉岩岩好，唔會食落去成口粉而食唔到蠔，蠔味亦夠鮮。我同朋友都覺得唔使點魚露滷水鵝鵝肉厚薄適中，而且夠滑。墊底的豆腐吸收晒滷水嘅精華!粉絲雜菜煲入面仲放左少少蝦乾，令個煲更添鮮味

上次喺九龍城 城南道食嘢見到對面有間鎔記潮州飯店 燈火通明排哂隊 心諗下次哩開要試下 機會哩啦 今日出咗嚟九龍城行下 買d泰國糕點同泰國拳油 晚餐就一於潮下啦餐廳嘅招牌滷水款式好多 亦都有其他嘅潮式傳統菜及小菜等等 我哋兩個人叫唔到好多嘢食都係叫番啲熱門潮式小菜 再配返碗潮州粥韭菜豬紅 $58 哩個豬紅好得呀 簡直係食到兒時嘅味道 豬紅爽滑 韭菜嫩 潮州炸蠔餅 $68蠔餅抵讚 蠔肉大大粒又多 炸起身又唔會好多油 食落香脆惹味大蝦乾芥蘭煲芥蘭新鮮翠綠 爽甜冇苦味 加埋大蝦乾嘅鹹鮮味 熱辣辣上枱 正鹵水鵝 $98鹵水鵝呢度經典潮式菜之一又點可以唔叫呢 雖然我片啖啖肉 但朋友鍾意有骨落地 所以我哋冇叫我片 鵝肉軟滑有彈性而且非常入味 鹵水汁係靈魂 顏色唔可以太深 如果唔係鹵出嚟唔靚 簡直係色香味俱全鎔記潮式打冷 價錢抵食又唔使加一 下次晚飯宵夜都可以再哩食

今晚約了前同事去九龍城食潮州菜，唔好以為得泰國菜，其實潮州菜都有好地方韮菜豬紅真心正，啡色小方磚好吸引，豬紅補血，而且很滑口，仲有韮菜很翠綠，新鮮，湯汁辣辣地，好惹味鹵水細拼都很豐富，熱上的，鵝腸很多很爽口，大墨魚片切花，豬大腸夠肥美，豬肚切件很厚身，豬耳亦都不容錯過，很有口感，點上 鹵水汁很正。炸蠔餅很大份，出色的是蠔仔分佈平均，每一口都係蠔呀，炸粉鬆脆，一定要襯熱食，蠔仔非常飽滿結實，富蛋白質，點上魚露即時提鮮。煲仔芥蘭成煲上，滋滋聲，芥蘭很新鮮翠綠，切成不同條狀，食落得爽口，鮮甜無苦味，加上咸鮮的蝦乾，令到煲仔菜生色不少，蝦醬味濃，極具鑊氣

九龍城食肆臨立，要係呢區打響名堂真係要落苦工💪🏻上次黎食過泰國嘢，走的時候見到呢間潮州店，比光鮮的門面吸引到我，所以今日就決定一試入座後店員即刻攞一碗熱水比你洗碗，不竟疫情底下不能鬆懈👍🏻點菜後先上兩碟小食，花生🥜 + 酸菜 兩樣都令人好開胃，食唔停🤭韭菜豬紅 $58 豬紅好入味，仲帶點微辣，韭菜好鮮嫩整碗係略略油左少少滷水鵝片 $138鵝片肥瘦適中，切得厚薄均勻，墊底的豆腐吸收左滷水嘅味道，好正呀😋酥炸珍珠蠔 $108勁力推介👍🏻👍🏻👍🏻👍🏻👍🏻因為炸粉唔多，又勁多珍珠蠔，仲要炸得超鬆脆點少少魚露簡直係Perfect match🤤麻辣田雞煲 $88田雞好滑，洋蔥青椒吸收左D辣味再加埋炒得好爽，所以成煲嘢清哂😆😆呢間潮州茶館暫時係我心中排頭幾位👍🏻👍🏻因為價錢公道，味道亦都好好。係等上菜+食嘢的時候，聽到店主對每個細節都好有要求，指導店員如何做得好D，亦都好關心食客的感受，會同食客傾下計，令我覺得呢間小店好有人情味🥰

今日同個老友嚟到九龍城城南道，呢條街泰國菜館林立，泰國菜平時就食得多。今次嚟到呢間鎔記打冷，主要賣潮州打冷嘢，例如滷水，另外都有一啲香港大牌檔常見嘅菜式。一坐低有兩小碟前菜，開胃一流。今日兩個人，好胃口，總共嗌咗四個餸，分別係豉椒炒蜆、滷水鵝、鎔記小炒王、韭菜豬紅。豉椒炒蜆：呢味嘢平時去到大排檔食飯成日嗌，事關大排檔廚房先夠鑊氣炒到咁香、咁入味。今日呢碟收晒貨，肉質鮮美，蜆肉唔會話太細隻，份量亦唔少，對得住價位。滷水鵝：擺碟靚仔，滷水滷得非常入味，鵝肉厚薄適中，唔會話切到太薄搞到冇晒肉味，肉質夠晒軟滑，仲有少少豆腐同花生墊底，呢碟滷水鵝色香味俱全，作為鎮店招牌當然有返咁上下水準。鎔記小炒王：另一道大排檔經典菜式，一試便知龍與鳳。韭菜花、蝦乾、腰果缺一不可，師傅炒得相當有鑊氣同入味。韭菜豬紅：潮州打冷必食菜式之一，平時老婆唔食豬紅所以去打冷都唔會嗌呢味野，今次同老友就可以食返夠本。豬紅嘅份量非常多呀，水準正常，夾埋韭菜簡直係最佳配搭。

今日小編黎到九龍城搵好野食，平時黎到都係食泰國菜，今次一於食潮州菜。呢個大熱天時，一啲食打冷一邊飲啤酒，簡直係人生一大享受😂。。芽菜炒豆卜雖然打令，但係都要叫個菜黎既，普普通通，不過豆卜幾入味。。雜錦滷水拼盤嗰滷水汁係餐廳特製同出面食嘅唔同，味道恰到好處吾會太鹹，而且滷得好入味😋。拼盤好豐富，有豬腸鵝腸紅腸腎豬耳等等，煮得好軟淋，另外仲可以沾少少酸汁食。。滷水鳳爪鳳爪好夠淋，入面仲有d花生，送啤酒一流。。韭菜豬紅豬紅好有咬口，而且好彈吾會一夾就碎，再配上韭菜，簡直絕配😛。。涼瓜炆倉魚涼瓜吾太苦，連吾點食苦瓜既小編我都食左吾少。而倉魚好有驚喜，魚身煎得岩岩好，好好食👍🏻。。潮州炒麵線潮州麵當然有潮州食法，本身已經有味可以就甘食，亦都可以起食之前可以加d醋或者糖，食落幾特別😁。