鎔記潮州飯店

Open Now

Now Closed

今個新年留港消費，四出辦年貨，陪阿媽去以前老街坊潮州店打冷，九龍城新店，地方企理乾淨，食得舒服，價錢經濟實惠！大門前櫥窗掛滿各式各樣的潮州打冷滷味，最吸引我眼睛的就是鹵水鵝，這是必吃的！《餐前三小碟》食潮州打冷從餐前嘅小食，就可以睇得出店舖師傅嘅功力，簡簡單單嘅菜莆、酸菜、花生；大排檔風味回來了！《招牌滷水鵝》長輩們喜歡有骨落地，沒有選擇鵝片，滷水鵝肥瘦剛剛好，有啲脂肪更好味；鹹香美味， 肥大肉厚，肉質爽滑；滷水汁夠醇厚，滷水花生入味，豆腐豆味鮮。《豉椒炒蜆》跟大排檔一樣有鑊氣的小炒， 豆豉、洋蔥、椒粒全部炒得香噴噴，味道濃郁入味帶微辣，夠曬惹味，蜆肉粒粒脹卜卜，肥美無沙，味道確實吸引。《蒜蓉蒸海蝦》真係估唔到海鮮類一樣出色，蒜蓉份量慷慨， 蒜蓉開邊蒸蝦，海蝦隻隻圓潤飽滿， 味道夠新鮮，肉質彈牙。《韭菜豬紅》韭菜豬紅個人覺得潮州打冷整得最好食，韭菜極之惹味，滿滿的豬紅又是一個經典菜式。潮州鹵水打冷食物之外，還有很多大排檔小炒，價錢非常合理， 免收茶及免加一，抵食晚飯宵夜，兩個人吃得飽飽。

約朋友晚飯，大家都想吃潮州菜，行經九龍城城南道見一間名叫鎔記潮州飯店，廚窗掛滿各式各樣的潮州食品，非常吸睛，店內裝潢整齊清潔，便入內一試。店員熱情招待，讓客人賓至如歸，也會介紹店內招牌食品，如潮州打冷菜式，款式甚多琳琅滿目。韮菜豬紅 $58店員告知這道菜是店內最受歡迎的招牌菜，每晚很早時間就買清。果然美味無窮，韮菜鮮甜，豬紅爽口，菜汁惹味，份量十足。南乳花生雞腳 $68南乳味濃，花生淋甜，雞腳炆得夠火喉，拾回兒時味道。椒鹽九肚魚 $88表皮酥脆，魚肉嫩似豆腐，配上醋汁，停不了口麻辣田雞煲 $88未上枱已飄來一股香麻辣味，令人食慾大增，啫啫煲內的洋蔥、青紅椒、田雞熱到燙嘴，惹味無窮，加上潮州白粥，簡直是絕配，正。

朋友介紹了九龍城這間新開的鎔記潮州飯店，位置方便很容易找到。一進門口，地方不算很大，但食物應有盡有，立即拿手機拍照。餐牌上的菜單種類很多，除了潮州菜、粥外，還有小菜火鍋等，最後還是決定先試一試打冷必點的菜式韭菜豬紅上菜時已經聞到香味，豬紅很入味，有咬口、嫩滑沒有怪味，配上韭菜十分開胃滷水鵝件師傅刀工很好，啖啖肉，不會像外面的有很多碎骨，滷水汁的味道也很正宗，配上醋來送飯一流田雞鍋這個超香，大量炒香的香料，配上滑溜的田雞，咸淡度控制得剛剛好，濃味得來又不會太咸，正！這次人不多試不到太多菜，看到別人在吃火鍋，那些牛肉也很新鮮，下次可以再來一試！

每次講起九龍城，第一時間想起泰國菜，原來在密集的泰國餐廳中，隱藏了一間主打潮州菜的餐廳ヽ(*´∀｀)ノ環境與一般的潮州菜館差不多，雖然較細但也有大枱，適合一大班朋友來聚會喔。第一個熱辣辣上菜是芽菜豆卜，芽菜與豆卜是完美的配搭，豆卜吸滿湯汁，與芽菜一口吃下去，很多湯汁，味道清新又健康。第二個登場是潮州菜必叫的鹵水鵝件，肉汁豐富，鹵水汁入味，但鵝件有點難咬開，而底下的豆腐反而覺得不錯很入味。椒鹽九肚魚，外脆香口，肉質嫩滑，但吃時要小心骨頭喔。鳳爪豬手，很大的一碟，豬手和鳳爪很淋不難咬口，但味道有點咸。原來有火煱的～下次可以試試

好耐無黎九龍城，諗住行下買下泰國野咁，途中發現有間新開嘅潮州菜館，就睇下呢間啲野掂唔掂先!打開餐牌一睇，有好多款潮州菜式揀，價錢都好相宜。我地今次叫左五樣野，其中一樣係外賣拎走嘅。第一樣就係滷水拼盤，呢碟拼盤真係乜都有，平時係其他地方都未必有咁多樣野你食，而且份量又夠，性價比好高呀，滷嘅野又夠入味，唔會有個種滷過龍太鹹嘅感覺，好掂呀!緊隨其後嘅有韮菜豬紅，唔會好辣，直頭連湯汁都飲埋，豬紅同韮菜都好入味，唔怕食豬紅嘅話就十分推薦呢個。跟住豉汁炒蜆都唔錯，多肉唔會得個殼，炒得好好。我地仲叫左螄蚶，相信呢樣野唔係咁多人夠膽食，但呢個真係好正，吃個不停，店員會提供埋工具方便你開黎食。最後我地仲叫埋個反沙芋拎走，真係整得好靚。呢間下次要再食過先得!

平日去九龍城，一定係食泰國菜多，或者有一間日本菜又係食到好熟，原本都唸住係去食呢兩間，點知行行下見到有間潮州菜，平日行過唔多覺眼，甘就入去坐低食，原來傾開老闆娘話新開無幾耐，唔怪之得😂睇睇餐牌有乜食，款式多，價錢公道地方都幾闊落，亦都乾浄衞生，坐落亦覺得舒服感覺咁就叫D潮州首本菜，老闆娘推薦涼瓜枝竹倉🐠魚✌️潮州菜非鹵水鵝莫屬😉鹵水鵝件——鹵水味道夠，不會過咸，味道適中，鵝肉嫩。韮菜豬紅又係潮州之寶，豬紅鮮甜爽口有口感，平日大多地方食韮菜都很老，又有根，成口渣，呢到既韮菜好幼嫩😊大豆牙豆腐卜——-豆腐卜入味，大豆牙又爽脆，但又不會過硬，煮既時間啱啱好。大豆牙又鮮甜。涼瓜支竹炆倉魚🐠——-呢個涼瓜鮮竹倉魚🐠真係做得好出色，涼瓜鮮甜爽脆，鮮竹約味夠腍，倉魚炸咗之後再煮，食落更加惹味⋯⋯招呼周到，老闆娘又客氣，員工又有禮貎。九龍城中的潮州菜👍

呢日來到九龍城，行經城南道街口，見到個易拉架，介紹鎔記正宗潮州美食，諗起有一排冇食潮州嘢，咁就呢個啦。擺起菜牌，見有招牌滷水，煲仔菜，海鮮，精美小菜和火鍋，今日天氣唔會吃火鍋嘅，嗌D小菜，滷水好D。『韭菜豬紅』好耐冇吃，我同朋友都鍾意，豬紅好入味好滑，好快吃晒一大碗，满足。『滷水鳳爪』鳳爪也好腍，仲有滷水花生也唔錯。新開張之故，每日都有特價嘢吃，今日特價係蒜蓉粉絲蒸開邊蝦，好大一碟，勁多蒜蓉同埋新鮮蝦，吃到舔舔脷。椒鹽九肚魚外皮香脆可口，内裡雪白魚肉好腍好食。下次有機會再試第二D好味嘢。

其實每次去九龍城都係食泰國野，今日有個朋友約食潮州打冷話好正，咁就試下啦！入到間鋪頭細細，直行入去右邊放左好多碟唔同既潮州小食，超吸引，打開左我為食黑洞😂再行入去大慨有七到八張枱，好光猛，企理乾淨，個感覺不錯一行四人我地都叫左1）韭菜豬紅：有微辣，放底入面啲韭菜好幼嫩，唔痴牙。豬紅煮到好入味，一啲腥味都無。2）滷水拼盤：鵝腸，紅腸，豬頸肉，生腸，豬腸，墨魚，豬耳，鵝腎，芽菜特別一提鵝腸好爽口，無肥膏；生腸同豬耳：好爽脆入味；豬腸：好入味，小肥，送酒一流3）元朗烏頭有元朗獨突兼附安全認證既標籤，食得安心哦！喱條魚好黃油又好香，我就習慣唔點汁，食到佢既黃油鮮甜味4）避風塘炸蝦成隻我地連頭食勁脆口！啱哂餸酒份量又啱啱好！5）鳳尾魚第一次食，連骨食趣卜卜！又野味今次個個都食到飽飽！差唔多走時都見到坐滿哂，記得來之前預先book位啦！

咁啱黎開九龍城，見到有間新開潮州野，於是同屋企人試下！餐廳乾淨企理，坐得舒服唔會覺得逼。首先黎左個鹵味拼盤，好大碟，有鵝片、生腸、墨魚、紅腸、豬頸肉、豬耳、豬大腸，非常豐富，而且滷得好入味!!😋😋椒鹽九肚魚，熱辣辣炸到酥脆，皮脆肉嫩，送酒一流👍🏻魚香茄子煲，好香好好味，配碗白飯食，十分正！沙嗲牛炒河，好有鑊氣既濕炒河，沙嗲汁好濃味。最後嗌左個反沙芋，芋頭味好重好粉，配埋甜甜地的脆皮，而嫁好少地方可以食到咁正嘅傳統甜品，值得一試！

來到九龍城吃晚飯，很多人都會選擇來吃泰國菜，其實這裡有很多臥虎藏龍的潮州菜館，特別是這一間，鎔記潮州飯店。這間店是最近新開張的，平常去附近創某的潮州菜館有時都會悶，就試一試這間新店的實力是否到位。說到潮州菜式，當然少不得潮州打冷吧。在店外已經看到很多打冷常見的食材高高掛著，進入店內更是不得了，你會看到不同的煎魚、蝦等海鮮已經準備好隨時大派用場，望到都不禁吞了一啖口水。這次我們點了不少傳統潮州菜式，現在為大家逐一介紹。首先，韭菜豬紅很多店鋪都能夠吃得到，但要煮得入味而又好吃的，相信為數不多，這間店用的湯汁我以為是很辣，原來不是，光是喝都已經很好喝了，煮得恰到好處又夠入味。接下來就是滷水拼盤，內有不少食材，例如鵝肉，墨魚，紅腸等等，份量夠多，而且滷得入味，性價比超高。另外特別要提的就是涼瓜炆倉魚，這道菜令平時不吃涼瓜的我都敢去吃，而且吃個不停，倉魚的油脂香真的回味無窮，真的令我對涼瓜改觀了。據了解，原來這間店的廚師是煮潮州菜式的老師傅，經驗老道，令客人吃到正宗潮州好味道。

今次三個人來到九龍城想找點好吃的，剛好看見一間新開的潮州菜館進店後看到擺了一碟碟的潮州菜式,感覺挺地道的，便決定一嘗潮州菜韭菜豬紅一大碗韭菜豬紅，滿滿的😋湯底感覺有少許藥材味，愈吃愈滋味既感覺每次食潮州菜，都一定會點一碟滷水鵝，滷水鵝係店舖嘅招牌小菜！上碟真的有成大半隻鵝，鵝髀位置 肉質相當鮮嫩😋 而且仲系豆腐底，分量十足哈哈！點對了菜🥰椒鹽九肚魚外表炸成金黃色的，入口外脆，而最讓人驚喜的是裡面的肉口感非常幼滑，口感像綿花般在口中溶化開去，食完第一件就已經停吾到口😍 值得推薦給大家！椒鹽豆腐，豆腐一粒粒炸到金黃香脆，香口嘅豆腐粒，配啤酒🍻一流蒜蓉炒油麥菜，蒜香味重，重點是真的好大碟, 三個人點了5道菜～吃得飽飽的。

最近黎到九龍城, 本身諗住食泰國菜, 不過好多間都試過~~見到有間新開既潮州飯店, 朋友話不如試下, 所以我地就入左去!!食潮州野, 點可以無韮菜豬紅~豬紅淨睇賣相已經知道好入味，色澤深紅，而且豬紅粒粒都大粒, 唔會碎小！韭菜非常嫩口，咬落去無渣，唔錯～芽菜豆腐份量好多，芽菜爽，豆腐又嫩口~椒鹽九肚魚炸至外皮香脆，入口好似食炸薯條一樣咁爽脆，而且魚肉很嫩滑，又冇骨。麻辣田雞煲，呢個都好得；田雞十分嫩滑，入面既洋蔥都好入味，價錢又唔貴～OVERALL 坐得舒服, 價錢非常合理, 下次可以同屋企人黎!

平時去開九龍城食飯，多數都係食泰菜，其實潮州菜都好好味，所以今天決定揾潮州菜館醫肚。行到鎔記門口，見佢非常光猛，而且是新開的，即管一試。坐下即刻招呼，夥記問你飲茶定水，計而介詔菜式，原來這位係老闆娘，話招牌菜係韮菜豬紅，就好，就要一份，另外唔少得梗係要鹵水鵝，元朗烏頭一條。本來還想叫，但老闆娘話唔好叫咁多住，怕D餸會凍，慢慢食完再叫。餸菜上得都好快，而且份量十足，好彩只叫了3樣，真係要慢慢食。首先韮菜非常嫩滑，完全無渣，直得一讚。條烏頭起碼一斤重，鹵水鵝例牌差不多有1/4只咁多，而墊底的豆腐都非常滑。差不多食完，老闆娘話不如清清地炒個菜，佢話我們食得太多肉，要食菜平衡下，咁佢揸主意幫我們炒咗碟荷豆，食落清甜爽口，直得一讚。最後我們還試了潮州出名的綠豆爽，多料唔甜，正。