陳根記

Open Now

Now Closed

今日叫左一個花椒鱔片，麻麻地，一碟X0醬韮菜花炒蝦乾，尚可以，比較油，另外叫左一份椒鹽瀨尿蝦，份量小，味道可以，一份豉汁蒸排骨陳村粉，可以，冇特別，一碗西湖牛肉羹，可免則免，冇以前咁好食

第一次都石門叫左3個小菜，一個甜品咕嚕肉 外淋內凍 一早炸定，no good椒鹽鮮魷 即叫即整 熱辣辣 可惜皮比較厚蠔餅叫做最好味 但係都係粉多 蠔少甜品 榴槤拿破崙 榴槤冇咩味而餅皮太多糖令到成個甜品好似食砂糖咁😿😿個人感覺 😿😿吹到大晒😿😿

石門陳根記相信大家成日都聽到‼️轉咗去石門之後都冇食過一直都係去舊店依家用Gulu呢個app就直接可以攞飛實在太方便唔使嘥時間喺嗰度排隊實在太抵讚🙌🏻至於食物質素我想先講一講我最驚喜同埋最好食嘅一樣係冬陰功蜆❤️❤️佢個冬陰功湯底可以媲美喺泰國餐廳叫一碗冬陰功咁濃然後個底有粉絲同芽菜…直接sok晒成個湯嘅味🤤至於啲蜆…分量十足…重點係唔會剩係得個殼😂😂真心有啲想打包第二日再食…不過係怕啲蜆第二日會唔好食所以打消咗個念頭🤣🤣至於想講一講有個係芝士粟米魚柳一嚟到嘅時候，外表同粟米斑塊冇分別食落去亦都冇芝士嘅味😿😿不過其實唔知係嚟錯咗定係真係咁呢？同埋呢道菜如果味道濃郁返少少就更加好啦🙌🏻至於佢哋必點嘅Wasabi蟹籽手撕雞就依然都係中上嘅質素其他餸都係正常發揮再講一講個芒果一口脆都係每次去必點嘅❤️外熱內凍💛亦都算幾脆身味道唔錯…略嫌芒果未解凍得足夠會嚴重敏感牙齒🥶😂不過拎到返嚟影一陣相，應該大家就可以接受啦🙈😝

以前幫襯開禾輋嗰間舊舖，搬咗嚟石門都係第一次食。整體來講我覺得冇以前咁好食，但係都不過不失啦。應該會再過嚟食嘅，原因係甜品真係好好食好出色。.之前嘅Wasabi手撕雞係少少辣，有種攻鼻嘅刺激感。不過唔知係咪啲人話佢太辣，所以而家就係有少少Wasabi嘅味，但係完全唔攻鼻，反而冇咗佢最大嘅特色。.唔小心叫咗另一個都係Wasabi嘅沙拉骨，反而有我啱啱講嘅嗰種爽！但因為沙拉本身係一樣比較膩嘅口味，所以做唔到手撕雞嗰種效果。冬陰功蜆可以當係一個湯，比較港式口味。豉油王鵝腸就正正常常。.重點嚟啦！叫咗一個炸芒果，真係超級無敵好食，外脆內軟芒果又甜，非常正😋 仲叫咗一個榴槤奶露同龍眼冰，榴槤味好香加埋奶一齊唔算非常重口味，食落好舒服。龍眼冰就係兩樣都爽口嘅嘢，所以將啱啱食過嘅油膩感趕走。甜品確實比主食優勝🤣

當日入場時寫明限時90分鐘 咁我哋4個人話0 K 一坐低即刻點菜 明明都未夠鐘就已經唔俾再落order 同我哋講話我哋夠鐘 我哋明明都係坐咗一個鐘左右想加多支啤酒都話唔得，附近啲枱，全部都早過我哋入嚟 夠鐘都係人哋啦，你又唔叫人哋走

自從陳根記大牌檔由沙田禾輋搬去石門之後都未試過，因為就算搬去邊都好多人排隊，今次見唔使排隊就即刻入去食喇，但限時90分鍾，飲多兩杯啤酒想坐多陣都唔得😢椒鹽尤魚🦑雖然份量好足但味道一般，有點淡，炸粉比較厚，食完都唔係好覺食尤魚，下次唔會再點椒絲腐乳通菜🥬太咸，但無乜腐乳味，下次應該會點蝦醬通菜薑蔥魚腩煲🐟送到上枱熱辣辣，魚腩啖啖肉，連啲蔥都好多又好食，食到最尾成碟清晒，成枱最驚喜既一碟菜😝今次餐飯有啲失望，食既係回憶，希望下次再食會有改善吧🥲

今日我同朋友去搵食，一邊食飯同傾下計。我哋要左一個椒鹽魷魚、手撕雞同乾炒肉片河。椒鹽魷魚🦑同手撕雞味道好好味，值得推介。椒鹽魷魚既炸粉好薄同魷魚好新鮮。手撕雞有少少芥辣味，味道特別，但都好味最後係乾炒肉片河味道一般。但整體來說好味，PC值高。

【沙田區】【陳根記大排檔】自己生日又邊爐又西餐一大堆慶祝活動，今次係家嚴生日，本身應該一係麥當勞一係茶餐廳，點知家慈話去食大牌檔，好啦。一行五人去到，要人齊先入座，本身已經限時 90 分鐘，爭一個都唔得，非任食嚟講係有啲過份。首先叫咗 $230 嘅「黃金頭抽雞」嚟食，呢個價錢係一隻嘅價錢嚟，因為始終係五個人食，可以叫返大份啲，同平時嘅我有啲唔同。呢隻雞幾好食，雞有雞味，口感嫩滑，而且頭抽煮到入晒味得嚟又唔會好鹹，幾有功架。之後到 $85 嘅「生炒骨」，見到呢啲酸酸甜甜嘅就諗起女同事，一片黯然之下仲食到啲咁一般嘅肉，就更加憂鬱。不過之後 $85 嘅「粟米魚肚羹」令我精神為之一振，料足而味濃，幾好食。不過後來有少少生水，要食快啲。跟住有 $98 嘅「椒鹽鮮魷」，可以話係呢間嘢嘅經典菜式，喺禾輋年代已經好食，外層酥脆，裡面鮮嫩，正。跟住有 $88 嘅「時菜炒牛肉」，食通菜嘅，本身少掂農作物嘅我都覺得佢炒得唔錯，啲牛肉就正常啦，冇期望嘛。最後仲有 $138 嘅「黑椒豬手」，小心食中啲黑椒粒會好鬼辣，其他都係咁，正正常常。張單由家兄處理，但啲餸睇落都唔貴，性價比唔錯，難怪晚晚大排長龍。禾輋到而家

再嚟食陳根記，佢啲乳鴿好好食， 60幾蚊隻都唔錯。今次叫咗酸菜魚，雖然大排檔應該唔係做酸菜魚嘅高手，但出奇地陳根記嘅酸菜魚都唔差。入邊有粉絲，叫一個酸菜魚同三個餸都飽。同埋好多年冇食過椒鹽賴尿蝦，呢度$100一碟賴尿蝦係有少少細隻，同埋好似唔離殼。但都算過得去，而且味道都好好食依度啲夥計都算有禮貌，同埋好快就有位，地方又乾淨，冷氣又夠。所以間唔中都會特登過嚟石門食陳根記。但係Wasabi蝦就好似爭少少，食得出係雪藏蝦，同埋嚟到嘅時候已經有少少凍凍地，同埋都唔平，下次可以慳返唔使叫。

好懷念陳根記大排檔尤其係佢既甜品 芒果一口脆都係依然咁好食但唔記得左影相眼見其他食評 都話陳根記大不如前同服務態度差左未知係咪因為假日用餐既人好多我同朋友都專登提早左去食大約6:00左右叫左幾樣野 我覺得普遍水準差唔多依然都係覺得Wasabi手撕雞係必點埋完單天未黑見到出面已經人山人海心諗好彩早啲食我覺得未至於要等位去食陳根記如果唔係應該真係會等到炆有機會我都一定再黎幫襯

6點鐘用定手機app攞位，去到現場都已經排晒隊了，好彩有晨早攞位，等左5分鐘就入得。現場坐滿客人，好熱鬧。Wasabi手撕雞(例牌) 🐓$100 5/5當係前菜又得，當係主食都得，送飯又惹味，雞肉絲爽口唔淋，雞脾位既嫩肉索曬wasabi油，加埋爽脆既海哲絲火腿青瓜絲，一啖一啖咁夾落口😋😋。好快清晒，食到我好想再encore😝😝。川味腩肉豆腐煲 $98 3.5/5呢煲野等左好耐，等左半個鐘有多，原來廚房整唔切呀🧐🧐，等到頸都長，上菜都熱辣辣，辣得好過癮但過咸，腩肉唔肥有啲乾身，豆腐炸過索曬辣汁送飯一流🤪。地點:石門站京瑞廣場，附近都有唔少餐廳食飯，一直覺得石門好大陸feel🤣🤣，設計同裝修好似。環境:有冷氣吹既大排檔當然坐得舒服啲，坐滿左成個餐廳，同隔離枱都幾近無乜私隱度。價錢:人均100幾蚊，每個小菜都100蚊一碟，係咁上下。服務:有得手機落單既大排檔，有得揀辣度油度幾得意🤭🤭。

由禾輋時代既陳根記一路食到去石門叫小菜小炒依然都咁夠鑊氣煎炸蠔餅/椒鹽鮮魷🙋🏻‍♀️煎炸野香味可口一定冇得輸勝在唔會夠粉太厚份 足料魚香茄子煲🍆任何時候都係我嘅最愛👍🏻咸酸菜豬大腸🙋🏻‍♀️媽咪最愛🤓好特別 我平時唔多食豬大腸 但因為媽咪鍾意食而試左 發現又唔錯而且佢嘅鹹酸菜係用咗甜嗰隻酸菜 幾開胃上湯勝瓜魚肚雞雜🙋🏻‍♀️好耐冇食過咁爽脆嘅雞腎浸落啲上湯勝瓜度 有埋魚肚吸收哂精華👌✨煲油鹽水琵琶豆腐🙋🏻‍♀️多數食小炒都會叫紅燒豆腐煲好少食油鹽水豆腐 呢個豆腐外表有啲似鯪魚球 但係佢係似將豆腐同魚肉攪碎搓一團再煎 連埋個粉絲食 幾特別👏🏻#沙田#石門#陳根記#椰青#小炒#鑊氣#hkig#hkfoodie#hkfood#foodie

專程黎到沙田石門站試呢間好有名既陳根記大排檔其實係為咗個芒果1口脆而黎果然並非浪得虛名要堂食先好食 第一次食係食外賣 放到凍左今次食外脆內軟外面熱辣辣 入面凍冰冰口感非常鍾意❤️晚飯時間都要等一陣位 大概等左15分鐘 甜品需要自己去隔離舖頭到買係落左單等緊既期間過左去買叫左個油鹽水蜆$98 清清地芥末沙拉醬燒骨$85 無特別芒果一口脆$38 超正紅燒乳鴿 $54 正常水平比中上最有驚喜係個甜品應該會為左甜品再黎食多次呀

每次經過都見到很多人，而且標榜大排檔風味所以想試吓，我哋兩人叫了三樣餸，分別係焗魚腸，小炒王及椒鹽鱔。當吃第一啖焗魚腸，唔掂，真係唔好食再上小炒王，真係唔掂，有冇搞錯，小炒王明明係好好味，但呢見到賣樣已覺得《碎碎碎》 一食入口真心不知所謂。最後椒鹽冼更加大失所望，先唔好講鑊氣，連味道都唔掂，就好似煮完鱔再後加椒鹽上碟成個晚餐都超級難食，老公仲話嘥晒我地 quota 即時話呢間黑名單，以後都唔洗幫襯！！！

食物非常一般，但收費並不一般。唔計海鮮類，一碟普通小菜都要九十幾甚至上百，份量又少，味道又一般，真唔意欣賞。就算物價貴都唔會貴成咁。絕對不推介和冇下次。唔明點解仲有咁多人幫襯。