隱世貳館 (Closed)

今晚收工喺沙田同honey搵野食，我不嬲都吾相信食評，見到間野叫隱世貳館，比個名吸引，了解後原來食重慶燒烤，$138任食，加$100食埋海鮮，見個魚池d海鮮都ok,呢個價錢可以食到生猛鮑魚同遊水魚，可惜honey 對海鮮有敏感，無奈睇住其他客食，口水留到落枱底，最後一提d夥計同老闆都好nice,一定有下次。

去完沙田行街，上網睇吓有乜食，係討論區見有人介紹，影埋相有蠔有鮑魚任燒任食好似好抵，又話佰幾蚊任食，就決定試吓，由市中心專登行約二十幾分鐘去到，一望8點未到係黄金時間但四份一客都無就心知不妙，心諗一場行到嚟就試一下，坐低先知$138只係任食串燒，$238先係任食海鮮，同每人只包兩包/枝飲品(無乜選擇：可樂/枝裝水/不知名芒果汁，啤酒要加錢但我哋唔飲所以唔記得加幾錢)｡心想$238會有鮑魚同蠔又算數照樣幫襯，結果行去自取魚池就只有蝦、各種蜆貝類東西、幾條活魚同幾隻半死水蟹…鮑魚同蠔就無，見到比我哋早嚟嘅客枱面有鮑魚殼，應該要第一輪先有之後就唔使諗有得食，我哋食到十點埋單都無再出過，真係懷疑網上有人影到各種海鮮擺齊晒話任選係自已人擺拍，串燒食品又係幾串幾串咁補，串燒食品種類已經唔係乜貴嘢都咁孤寒，海鮮類更加唔使諗會補鮑魚或新鮮貴嘢俾你，最後見到得死蝦同反肚魚，係剛入座時攞咗一條唔知乜名嘅活魚去俾佢哋即劏即燒之後，第二次再攞條魚去之後就一去不返，追問全場唯一一個哥哥仔伙計，都係機械式回覆"好快，就有"﹐結果一粒鐘後我埋單都無劏到出嚟，我見之前劏魚個位人兄就坐係大排檔出面食煙，根本無心再劏魚俾

238蚊任食兩個半鐘海鮮，雖種類不多，海鮮夠新鮮，隻隻活生生，魚蝦蟹，扇貝，鮑魚任食，汽水啤酒任飲，另外還有好多燒烤食物選擇。雖話限時，但無人趕我哋走，服務態度幾好，值得再去！係秋涼或凍天去，圍住個火爐，傾吓講吓，好好氣氛。其實交通都幾方便，鄰近馬鐵站，一出就到。

係要人哋寫幾十個字以上。其實簡単講平,靚,正。咪得囉。不過唔明呢度又係ㄧ間幾好但冷清嘅食店?員工街坊得親切,串燒就跟其它地方差唔好,最可爱係海鲜都任燒,新鲜,有啲乜請睇相。 唯ㄧ弾係佢選既铺位風水唔好。幾年内執幾間,今日星期五都冷清请。如果執咗就可惜。 二百字至可以評分又幾粒星會員至可以放埋相,攪到即慶ㄧ評多多限制, 但唔寫夠又心有不甘,我呢啲字都唔識多隻真幸苦,弾可以千字文,食物贊尤其對實而不華嘅,可以点寫呢。咪又係ㄧ句平靚正咯

話說小妹，係打八號波嘅第二日，係沙角收工，想搵地方同一位將要轉去第二分店嘅同事食下嘢，飲下。樓下雖則有打邊爐，但我地已經係個度成日食，有人話業對面博康有獅威仼飲，咁就去馬啦！但係一上OpenRice 睇有負評，但係又有人留言係誤會，就等我地呢班小鬼去查證一下先🤔🤔去到原來做緊2週年優惠，98一位，普通重慶燒 。原來呢個價只係一至四，到左五六日，都係108一位，都幾抵！但係海鮮就5係呢個價囉，一至四就198，五六日就218，但係聽講都係仼食海鮮。不過我地5好海鮮，所以無試，入到去，第一樣係問。獅威仼飲！！！？係，好，即刻開爐5該！食食下諗返起篇負評，想搵個伙記8下啦，但佢地又好忙，跟住見到有個𡃁妹，以為佢係伙記未問佢囉，原來佢5係不過佢知成件事嘅真正原因，所以佢就話哂俾我地知。想回應返篇負評，個三位青年人真係唔係伙記，佢地並不是有心5理你，至於粥鍋啲粥一開始就擺落去，其實會燶囉。。。所以見人見至啦。但呢間重慶燒又5係貴，又有酒飲，其實都全自助咁濟啦，使乜理員工服務態度，既然人地都覆你有誤會，咁係咪理解清楚先出食評呢⋯⋯

下午打去說訂夜晚4位吃BBQ，他們說沒問題，問我會否訂海鮮餐，我說不知道，沒試過，過來再說。到步後，因有bb關系，當然選擇有空調的地方，來的時候約1930，空調的地方內有一抬客人(約8位+1bb) ，另有3位年青人坐在一起玩手機，沒理我們，我便出外找職員開爐，職員說有空調的地方不能BBQ，只能粥底火鍋，那沒辦法，我們之前溝通可能有問題吧，我說OK , 就點每人 $180左右的海鮮鮑魚粥底鍋吧。先講當時環境，BBQ的地方最少能容納150人，當時約有3-5抬客，我們粥底這邊連我們的話有兩抬客，是有點伏的味道，但為了BB，不轉場了。叫啤酒，要步行找餐廳職員，職員集中在大約20步的距離吧，找到後他們說幫買，啤酒有收費，我沒問題，然後我說普通飲料怎計，職員叫我過去自助那邊自取，ok，啤酒兩支，$30一支，勉強接受，然後他們說其他飲料要收費，我說不是凍櫃上說明包每人兩罐嗎? 他們說是寫給任食BBQ客人的，我說ok，但是否如紙上說額外的收 $5 一罐，回覆說收$10一罐 ， 好吧，雖然你們真沒有說明過或有寫在餐牌上，但不情願地接受好了。抬上的膠抬布黑黑的，沒辦法，再出去找人換了它，然後發現3位年青人

琴日約左班friend去沙田食重慶燒，點知去到🈶️大驚喜，坐底職員問我地食5食海鲜燒，每位加＄70就連海鮮都任燒，當然去睇下有咩啦，加＄70甘平，都應該冇咩可選擇，但出奇的有手板甘長嘅 聖子，扇貝，蠔，蝦，青口，倉魚，多款蜆，我地就決定海鮮燒，我怕死，都多口問多兩句，D倉魚游水中，點燒？只要now.得到比職員，會有人湯。每位＄198連肉類，海鮮，咩都可以？職員回答 重多左雪糕添，😁😁好心急。原來佢地個機燒爐係日本訂返黎，所以好大火又快，燒海鮮好快，一陣就有得食，佢地有一款細細粒嘅蜆，，職員話叫珍珠蜆，食完想再食。但到焼肉個火就太大，提提大家，燒肉類記得較反細🔥，燶灑。整體肉類好味，海鮮新鮮，＄198全包，香港已冇甘平嘅野食，重要有大排檔風味值得一試。

係沙田打完波想搵個地方同班FD坐下一路吹水一路食,又記得電視介紹詔附近有間唔算貴嘅大排檔,所以就走去試下位置唔太偏僻好易搵到,離遠就見到個招牌  可能係星期一,唔係放假,所以唔算好多人,一入去就有位坐  一入去就有人幫我地開爐,講埋收費(平日128,假日138)同一人2種飲品仲叫我地要幫個爐加水個陣要小心搶火一開始就燒左腸仔,但係燒左好耐冇咩氣息,點知老闆娘就行過泥話先燒肉名多油少少食物,咁個火就會大D.點知唔夠縛分鐘個火就好大有陣時個老闆娘見我地唔識燒,佢仲昶洛手洛腳幫我地燒,仲同我地講先因自己口味加佢地D醬汁食物種類話多唔多,話少唔少,尼尼去去都係豬牛羊雞,但係都有牛排豬排雞排樣樣食物味道好夠燒起上泥又有陣陣肉香其中有個自家制芝士薯容批,味道好特別,比想象中好食放食物個櫃都比想象中整齊,乾淨有蓋係上面間野整體唔算差,收費平質素高,值得再試

好耐之前朋友話沙田都有一間係食重慶燒烤仼食既，沙田博康村既大排檔，地方都尚算乾淨企理。 頭頂上都有好多風扇，所以燒個時候都可以降吓溫冇咁熱。呢度有啲海鮮就另外收費，而其他大部份嘅都係飲食，而每人都係有一個飲品。呢度嘅食物全部都係用竹籤吉好，咁樣就可以好方便甘用樣燒，省卻咗啲程序。店舖所提供嘅醬好惹味，有啲似沙嗲醬嘅味道， 令到串燒嘅味道生色左唔少。其實普遍嘅材料質素都唔錯，所以我就集中講幾樣比較好嘅食物。雞軟骨好好味，燒到好香脆再加上啲醬汁，我真係無話可說！我同朋友都食左好多串😍😍豬肉串都唔錯，醃得好入味。雞翼都唔錯，好惹味，而且我地燒得啱啱好，另外隻雞翼外脆內軟，入邊好juicy，正！燒菠蘿我都推薦！好多汁同埋好甜雖然唔係好大舊，但食完有得在再拎唔緊要。墨魚丸大大粒，好香墨魚味，食落好彈牙，牛丸都唔錯。墨魚咀好大粒，都好新鮮，食落好彈牙，咬到中間仲有汁咇出黎，我好鐘意食，食左好多粒。就算有醬汁提供，店舖好多肉類都已經醃左，好有誠意！😋而且食物質素仲要唔差，值得推介！

上網見到人介紹呢間bbq，好似幾抵咁，就同左幾個朋友去試下，百零蚊包2罐野飲，再任食兩個半鐘，係抵嘅，不過個爐就成日冇火，換左幾次gas，d野食勁耐先熟，但野食都多選擇，百零蚊我都唔會太高要求 有相睇

吾係睇到東張西望介紹，都吾會千里迢迢到沙田呢間咁嘅野試，其實決定去之前已收到吾少好友警告，你一定會後悔啊！但抱著不妨試試和介紹得吾會太差啩！好了⋯⋯去試間大牌檔一D都吾難搵，一般大牌檔格局，但枱椅老實講確實好污糟！本人都去過不少大牌擋，但都比它企理，佢標榜係$118去到變了$138，由三小時變二個半小時，都算！個所謂燒烤爐弱過弱鷄，所謂串燒食物很多未解凍，相信放上爐上解凍都成個鐘，食物又粗又冇味道，雖然$138吾會期待有什麼好貨，但也未致於此吧！二個半小時只能夠食到幾條腸仔一、兩隻鷄翼，到半個小時前會有個類似社團丫頭來大喝，夠鐘吾交枱便要再比多一份錢，嘩！嚇鬼死人！你吾冼喝我都冇鞋挽＂劇＂走，吾飽又難食，今次實在中伏得太厲害，不吐不快！

見電視介紹過呢間重慶燒烤，咁岩同朋友係附近行完山，開開心心諗住去食餐好既，點知就咁中左伏。首先，個爐完全唔夠火，啲肉已經唔算厚，但燒左大半個鐘都熟唔到，個爐既火力可想言之，叫店員換爐，啲店員態度好差，一個二個都燶哂面咁，完全無人理我地。好多食客都要自己搽牛油上個爐到先整旺個火，後來仲連牛油都俾人拎哂，要等佢煮牛油，真係好離譜。我地最後都直接放棄左，出去搵野食醫肚算。其實間店的食物種類算正常，調味算不錯，但啲野食都燒唔熟，唔通生食咩?! 話就話任食兩個半鐘，其實咁細火根本燒唔到啲乜，食到一肚火就有，呢128我寧願跌左佢算，真係十萬個嬲！對我黎講，絕對無下次！正一垃圾，完。

見到Facebook 介紹又見到openrice好評好多就諗住同朋友去試下串燒。食物唔多，兩個櫃放曬。而且串燒的肉細粒到癲，有些細粒到自己跌左入個爐度。燒左成半粒鐘，D肉一d動靜都無，就叫他換爐。 他們就只係叫我地放牛油，無幫我地換。我地放左勁多牛油，咩野火都無。到後來連牛油都比人拎曬。到埋單$128一位，我地5個人都好似無食過野，要去附近老麥再食。我第一次真係忍唔住要寫劣評。一個字，廢。

點心美味，價格合理十三元有包類:菜肉、雞包、蓮蓉、奶皇.....蘿蔔糕，煎腸，炸點。十五元有蝦餃，燒賣，雞札等蒸點十六元蒸飯類，蝦腸......還有不加一，免茶。一切自己動手，自己沖茶。不過有熱心員工幫忙老人取食沖茶，抵讚！

之前同朋友食過呢間隱世貳館—只係睇個名，又真係唔知佢係賣咩。原來係間自助串燒餐廳，由於一到夏天就係BBQ既好時節，我唔搵BBQ，BBQ都會搵著我。(雖然我真係唔明白，唔熱唔燒呢個概念係點黎)呢到既選擇都唔少，平時B開既野食都會有，肉類總係離唔開丸、雞翼、扒同多春魚。菜蔬類就有菇、茄子。而講起串燒既生果就一定係燒菠蘿。等左半年先黎既第一次BBQ，當然要要B返夠本，於是，我地幾乎燒勻哂咁多款野食。不過講野食之前，差D唔記得講飲品。對於長期處於火堆附近黎講既我地，補充流失既水份係相當重要。而呢到飲品選擇都幾多，同放題差唔多，總揀到枝岩你心水。另外，呢到仲有錫紙、紙盤同餐具提供，同自己BBQ咁差唔多，不過自己咩都唔洗拎，又唔洗頭痕買咩、咩野買幾多好，方便度同舒適度真係多好多。講返野食拉，肉類食物都醃得幾入味，班食肉獸都食到好開心。而丸類既質素都唔差，開頭幾驚係粉丸，好彩丸又幾彈牙，味道又正常。而多春魚真係每一條都脹卜卜，咬落好有滿足感。