雞蛋仔專門店

Open Now

Now Closed

要去大埔食野，真係要出D腳骨力🐾離地鐵站都吾近，行左好耐，終於去到😭一黎到就食個金莎朱古力格仔餅😍仲同個店員講要多醬添一打開😍Wow！好多醬😍格仔餅食落綿綿的，外邊帶點脆😍但朱古力味吾算濃😈金莎朱古力醬就好正，中間仲有點花生粒，榛子味都好濃，仿如食緊金莎👍🏻👍🏻不錯喔

金莎朱古力格仔餅即叫即整, 等了約10分鐘, 👌🏻不算等太久, 朱古力格仔餅本身味道較淡, 靠榛子醬來填補不足餅內有超多榛子醬 & 花生, 好足料...榛子醬味濃但不會過膩, 花生太大粒, 如果將花生整碎, 會更加似金莎

格仔餅平時食得多，但金莎朱古力格仔餅真係第一次食，超好味！朱古力漿味道濃郁，即叫即整熱辣辣，咬落會咇左啲漿出黎😍而且裏面充滿花生碎，咬落有口感，好吸引！朱古力雞蛋仔，不過朱古力味唔濃，完全比下去，建議各位朱古力必食金莎朱古力格仔餅！

又是為冷糕而來,之前係九龍城食過,今次又去大埔試下,懷舊一番,賣冷糕的地方,原來就是以前常經過的小店,順便試埋金莎朱古力夾餅。冷糕,$15。口感外脆內軟,餡是花生碎、芝麻及椰絲等,味道好甜,不過當懷舊下呀。金莎朱古力夾餅,$15。朱古力味的夾餅,是淡淡的朱古力味,入面是金莎朱古力醬,果然好甜呀,要幾個人開心些牙了。味道普通不過當試下都好呀。

「花生夾餅-冷糕」真係好想試,even入到大埔都只係淨係食一樣野,我都要試!但真係好遠呀! 等左五分鐘就有,外層好脆 ⋯入面有椰絲 ,花生 ,砂糖!我自己覺得係可以試下既,畢竟呢啲夾餅真係好小地方食到!價錢都便宜呀,聽閒佢個金莎格餅 都超讚好,但我喉嚨痛!冇得試呀

在大埔晚飯後回家途中，路過雞蛋仔專門店便買一份雞蛋仔一路行一路食，此店在大埔都幾出名，每次經過都總有食客買野食，除左雞蛋仔，仲有格仔餅，冷糕，台式飲品等朱古力雞蛋仔，$13，會問鐘意暖定熱食，如果想暖食就有現成既，天氣凍凍地就梗係食熱啦，即叫即做大約等3-4分鐘，粒粒雞蛋仔都充滿朱古力味，不算甜，入面軟綿綿，只嫌外皮不夠脆

繼上次試完佐敦榛子雞蛋仔， 今次要試埋網民極度推介的榛子格仔夾餅了， 但揾來揾去， 竟然港九都冇分店， 得大埔......， 冇辦法， 郊遊都要了！(其實只喺係大埔超級廣場附近)， 同女友中午入去， 諗住當埋午餐， 去到大埔超級廣場再揾昌榮中心， 諗住有指示唔會好難揾， 但慘了， 經過客戶資詢姐姐， 兩個途人及兩個保安的指示， 我跟女友只是不停在大埔超級廣場ABCD區不斷兜圈， 但都冇辦法揾到， 攪到好似尋找隱世美食咁...........結果， 都係信科技， 用菇高map導航， 結果揾到了， 揾咗半小時......去到， 好多人圍住， 好多人等緊， 我即刻二話不說order, 三件金莎醬格仔餅， 要朱古力皮， 老實， 都要等幾耐， 因為太多人， 好在喺係商場裡面唔係街邊等， 係等緊途中， 我雙眼發光見到寫住醬料都多少可要求， 我即刻話唔該三件都多多多多醬吖， 我跟他們說我兜來兜去先揾到舖頭， 要盡試😁， 到我拿上面手， 嘩！ 榛子味香到呢， 又極多醬超足料， 個皮又脆， 但當咬第一口仲驚喜， 原以為只是某N牌榛子醬， 但估錯了， 個一啖隨了榛子醬外， 但又好多碎榛子粒， 真如食金莎朱

友人提及的傳統花生夾餅，聽說香港沒有幾多個地方有得賣，剛巧經過買來試試。雖然不是即製，但皮面仍脆，可惜我不喜餅料的質感，好像實了的雞蛋仔，食完一份牙都軟。餡料有椰絲、花生碎、芝麻。同角仔D餡料一樣。好乾身，只可以話這款傳統野唔啱我囗味。

星期日，任務是到外婆家接阿仔回家，在接仔之前，我同太太決定先行在大埔中心行行才去太和。然而，下午茶同小食時間到了，太太想起了小食，在當我們路經昌運中心時，見到這曾經被網友捧紅的《雞蛋仔專門店》，就決定買年黎，試一番。雞蛋仔，即烤即食才是最好的雞蛋仔，可是，我們的雞蛋仔是即叫即有，亦即是早早做定的幾底，脆還是脆的，但我只可以說脆脆地，入口感覺已經有少少通風，口感不太行，甜味雖好，也是內心帶點軟綿，但當日食到的，已是風乾到通晒風，不脆的雞蛋仔，已經扣分。食雞蛋仔，我要的是即叫即做，而不是即叫即有......

因為剝牙而要返去樓上o既牙診所拆線所以有機會去大埔，當然要周圍行下。行行下見到呢間店睇下餐牌，見到金莎朱古力格仔餅，梗係要試下啦。揀左朱古力皮，要等六分鐘。泥到聞到好香，一食原來裡面夾榛子醬同果仁碎。又香又唔流，正呀！

在樓上飲, 未開席前先找點吃吧, 又回來這裡了, 但這次吃的不是雞蛋仔, 而是格仔餅.格仔餅 $12: 7分, 新鮮做起的, 自然是熱辣辣, 如果能夠香脆一點會更加好. 不過加上花生醬, 煉奶以及牛油之後, 還是相當美味的小吃.其實在美那麼多年, 最想念的食物還是這些街頭小食.

首先，我是一個很懶惰的人，從來也沒興趣寫食評。可是今天實在是廿五年來第一次遭到這種事！今天經過看見雞蛋仔，想吃一個，但是我不喜歡吃凍的雞蛋仔，所以我先問老闆，雞蛋仔還熱嗎？老闆邊說熱邊已經把雞蛋仔包好了給我，咁我俾錢啦，承惠十二蚊。整個交易短短不夠一分鐘，我轉身邊行邊食，你估雞蛋仔熱嗎？室溫廿八度的雞蛋仔囉⋯ok fine!不熱也不要緊，其實我也不太懂得細緻形容，總之係＂雞蛋仔版本的明將＂，根本難以咀嚼，我估計應該放置了好一段時間，我真的沒想過世界上有吃不下的雞蛋仔！重點係，我吃了幾口，忍不住要回去反應不滿，我不是要他們換另一個，只是希望告訴他們雞蛋仔放很久了，希望他們注意一下而已。誰知道我到舖時看見，老闆正在把大概五六個雞蛋仔丟進黑色垃圾袋！！！原來他心知那些雞蛋仔根本已經不能賣！既然已經準備丟棄的食物，即使垃圾！那麼為何甚麼要說成是新鮮的品質賣給我？明知不行又賣給我？我又沒說過趕時間，為何要把現成的食物但又不合格的食物賣出？而且他們自稱是雞蛋仔專門店？我認為不配！這麼沒良心！！當時在他面前，放下了手上的雞蛋仔，丟下了一句＂很難食。＂，然後離開了⋯⋯無良食店，把自己眼中的垃圾賣給別人

由中學時已開始喜歡吃這檔的雞蛋仔﹠格仔餅～～上個月第一次帶老公來這裡買巧克力味雞蛋仔他說比起他吃過的巧克力味雞蛋仔好吃得多,,,因為這檔賣的有香濃的巧克力味！他吃過翻尋味,,,所以今個月又買來吃咯XDDDD

飲宴等待中, 四妹跟四妹夫買來這裡的雞蛋仔讓大家分吃, 再次先謝過.雞蛋仔: 7分, 這裡的雞蛋仔, 蛋香足, 新鮮做起的, 熱辣辣, 是幾香脆的, 加上等到就埋席的時候, 真是特別肚餓的, 大家你一粒我一粒的吃, 自然兩三下手勢就清掉了.大家族的緣故, 真是分吃兩客雞蛋仔也特別熱鬧.

三月一日 (星期二)肚仔餓了回到大埔後,就到了昌運中心買雞蛋仔吃店員說要等多五分鐘才有一底新鮮的要熱辣辣的雞蛋仔,幾耐都要等呢外脆內軟的雞蛋仔,充滿著蛋香再配一杯珍珠奶茶珍珠煙韌而奶茶香滑為辛勞的一天注入能量!