雲川小鍋米線

Open Now

Now Closed

雲川小鍋米線米線關注組成員今次試試sanpokong既雲川小鍋米線 叫左麻酸辣但係湯底比想像中水狀太稀身麻酸辣味都唔突出 唔夠濃味 墨魚春卷亦都好普通 比起同名既tuenmun雲川實在差太遠了~~~不過佢個腐皮卷係好大份好足料嘅！

啲野食幾好食都好，吾會再幫襯！門口個中長髮職員啲安排都離晒譜！光明正大叫排後面個3位插枱打尖以前個短髮職員不嬲都會好聲好氣咁問下會吾會分枱 同埋落得晒單就可以比枱我哋坐住先我哋系有3個已到 只系欠1人 我哋次次食物到之前都一定齊到人。但係尼個職員完全吾聽我地講野 我哋已經系咁系旁邊話我哋可以分枱 但都系比其他人就算我哋未齊人 都有3個人 可以入2個先仲要聲大夾惡咁話 你哋4個嘛 未齊人嘛系咁入1人落已坐3人既4人枱咁樣點會有4人枱出現？間舖又吾系大得個4張4人枱 入左3個1位去4人枱 個3張枱都就食完 仲有張岩岩開始食齊人同佢講返佢仲話返公司規定要齊人 仲話我哋無講可以分枱 ？？？！！！！！ 嬲到爆炸！ 啲態度差到無朋友！ 會吾會系你無問啊！已經系咁系隔離講喎仲要話 咁無枱都要等架！即刻吾食囉！好食又點喎 咁既態度 一定要食你架咩！1111啦1人先會食到3人或以上都吾洗諗架啦！人哋堅持3人系要3人一齊架仲要分吾分枱 系要自己提出吾提出系我哋吾岩啊！仲諗住去食既睇路啦！！

利申：真係唔係打手，就算你覺得我誇張都好，我真係幫襯咗呢間米線店10年都有。香港冇一間米線店嘅米線係令我一落機就想食嘅，呢間係唯一一間！睇到好多其他食評話服務態度差、份量少，想講我差唔多每兩個禮拜去一次，我係 從來 冇遇過/ 覺得服務態度差，啲姨姨都好friendly，每次見到都叫細佬細妹。而佢哋真係等齊人先入得座，都係餐廳規矩姐～ 同埋講份量少，我從來冇試過離開呢間鋪頭嘅時候覺得唔飽，就算男性朋友叫兩餸米線都夠食，何況我係女仔每次都叫三餸（叫埋嘢飲都係$60）。有次晚市去到，叫完之後被姨姨吿知冇哂冬菇，以為佢哋會就咁比我叫淨返嘅兩餸比我，食食吓先發覺老闆送多咗兩隻雞翼比我🥰真心覺得呢間小店好有人情味，係我無論幾時都想再食嘅米線店！問過佢哋鋪頭嘅人，原來佢哋湯底係用豬骨雞骨熬出嚟嘅，飲佢哋嘅湯嘅時候係冇味精湯嘅感覺，只係覺得啖啖都真材實料，好濃郁。唔係講笑我有好多次去都飲哂啲湯。酸辣湯米線(少辣) - 雞翼🐔、麻辣腩肉🥓、冬菇 🍄+ 凍檸水🍋我每次嚟到都叫嘅米線：發現呢三個餸+酸辣湯係最夾～雞翼🐔 - 夠哂入味，肉骨分離，帶微微鮮甜嘅肉味，夾埋酸辣湯嘅味道超balanced！麻辣腩肉🥓

其實都食開呢間，野食質素都OK 但係服務態度幾年黎都係咁差，下午茶時段間舖得幾個人用緊餐，已經同職員講朋友行緊過黎都堅持話要人齊先，如果舖頭係繁忙時段我理解 但係舖頭用緊餐嘅人寥寥可數，真係有必要做到咁咩。 呢次都算，有一次夜晚食烤魚，等太耐，朋友去隔離超市行陣，咁啱有檯，我已經叫朋友即刻過黎，10秒鐘已經可以行過黎，職員都唔show我，話唔齊人就要讓比第二個，真係攞命，跟住讓比第二個，另一位顧客都係未齊人，話泊緊車，但職員都比佢地入，究竟係咩意思…？真係嬲左，以後都唔想去食，幫親左咁耐態度一樣都係咁西，做得街坊生意其實可以唔洗做到咁盡！仲有一次食烤魚 我地唔食肉 諗住將烤魚餐入面嘅肉轉菜，跟住又係唔比，但我真係唔明，冇人食其實都係浪費，我換碟菜，你仲賺左添啦，真係有必要咁死板咩其實，服務態度惡劣到咁，就算食物幾好食都唔會再幫親啦，食到一肚氣。尤其是嗰個短頭髮戴眼鏡嘅員工，長期西面企係度，忍左佢好耐啦，成日都巴之閉咁款！街坊生意都做到咁嘅態度！

呢間米線味道尚可，服務好過以前嘅，可能有老闆娘坐陣，但份量連我一位女士都覺得少，我唔肥唔大食㗎！佢收嘅價錢唔係平㗎喎！如果男人食，佢嘅份量當佢下午咁食就可以，正餐一定唔夠飽！

上網見呢間多人介紹，尋日見未到12點半已勁多人響門口等位，於是今日放飯早啲出嚟，12:03左右到舖頭。想一次過試幾款餸，揀咗雲川米線($53)，已包括墨魚春卷(2條)、墨魚頭、麻辣腩肉，酸辣大辣(+$2)，熱檸茶(+$3)，合共$58。酸辣湯底既辣度係辣過譚仔三哥大辣，個辣有少少後勁，但食幾啖慣咗就唔覺辣。墨魚春卷：兩小條，無乜特別，不過不失。墨魚頭：量少，好碎好散，墨魚頭在湯中散開暢泳，要用筷子去撈底去揾。麻辣腩肉：師父好刀工，好薄片，極細塊，似一隻麻雀長方形size或稍大少許既麻雀，應該有3至4片左右(?)，好似食咗陣風咁呢間啲米線得辣度吸引，但湯底好口渴，返到公司飲咗好多水，除咗辣係值得可取，其他都好一般，啲餸咁既份量直頭有啲昆水，SPK咁多餐廳選擇，未必會再嚟

嗌咗三碗米線，一打開其中一碗就發現舊蘿蔔上面有一條攣嘅毛，覺得勁嘔心。即刻影相，申請退款。點知商家話證明唔到條毛係佢哋。。。本身已經有唔好嘅觀感體驗，食物入邊有條攣嘅毛真係好嘔心。已經唔係頭髮咁簡單，都唔知係格肋底毛定係陰毛。如果想呃退款，咁不如三碗都話有毛，或者揀價錢最貴嗰碗，何必為咗嗰幾十蚊又影相又剩。一句無法證明條頭髮係咪你哋嘅就拒絕退款，咁唔係堂食如何證明條毛係你哋。又冇喺你哋廚房裝cam，我都唔知點樣證明條毛髮係你哋。。。令我覺得商家態度好惡劣衛生也冇做好。

平時經過都會聞到呢間鋪傳出嚟嘅香味，今日終於的起心肝嚟試，因為平時總見好多人喺門外等，所以一直無試，近排趁凍凍地就試吓！老公叫咗個雲川米線，包括有墨魚春卷、墨魚頭同麻辣腩片，可揀大中小辣，小辣都已經好夠味，一次過可以試哂3樣餸，都好抵食！墨魚頭爽口，墨魚春卷彈牙有口感，非常唔錯，腩片肥瘦參半，好味！我唔太食辣，所以叫咗個清湯墨魚春卷米線，雖然話清湯，但湯味都好濃好美味，見到佢奶白色就已經知，唔似有d小店淡而無味！小食我哋叫咗個口水雞翼，本來想叫烤魚腐，但原來烤類要4點後先開爐，所以要食就要晚餐先食到！呢個口水雞翼看似好辣，但連我呢個唔太食辣嘅人都食到，所以絕對可以一試，雖然唔係好辣，但都夠味，有8件單骨雞翼，方便客人食！鋪頭排隊總有原因，價錢合理，老板娘有禮貌，食物質素好，就係赢嘅原因！

雲川的米線一向出色，這次試試他們的麻辣烤魚。烤肉有火爐熱着，除了一般麻辣湯料，較特別是醬汁加了豆鼓調味，提昇了香味和濃度，魚也算滑，加套餐包了的豬肉和牛肉也很入味。最重要當然是放米線入去煮熟，米線非常彈牙，沾上麻辣濃汁比平時更掛湯更濃郁，這個烤魚非常推介！

平日lunch time 1:15 到都要排隊仲要張張大台清湯湯頭奶白色好好飲 好夠味不過今日覺得咸左啲但不減對佢嘅喜愛墨魚春卷 唔係普通街外貨真係有墨魚粒係裡面有4舊，好好食 又彈牙米線係煙靭口感唔會煮過淋*之前食過一次酸小但小辣已經好辣，我本身都唔係食得辣對我就太刺激，但酸辣係好香喜辣可以去試試我都係飲返奶白清湯算😂

今日第一次食呢間米線，叫咗一碗麻辣小辣嘅餸蘿蔔，辣腩肉，墨魚春卷，個人覺得腩肉無咩味，蘿蔔好霖好好味，墨魚春卷都好味又有口感，湯底小辣已經好夠，所以唔錯，另外朋友叫叫咗一碗麻中辣，大腸，雞肉，墨魚春卷，大腸嘅味道好特別有啲中藥味好好味，又唔會有啲臭味，所以値得推介，至於雞肉都OK好滑，中辣嘅湯底比較辣，所以只可以食小辣就夠，下次會再試其他嘢。

呢間米線店真係有好多選擇！你可以揀清湯、麻辣、酸辣或者冬陰功嘅湯底👀👀，而且配料都有好多唔同選擇，有豬大腸、腩肉、豆卜同春卷。佢哋用QR code落單，如果你想走青、走韭菜或者走芽菜，都可以自己揀擇😗😗。⭐️ 墨魚頭米線 配蘿蔔，麻少少 $61墨魚頭份量真係幾多㗎，有六至七塊，蘿蔔都有三大塊😄😄。蘿蔔煮得好清甜，真係好開胃。墨魚頭爽口，特別有嚼勁。你叫咗麻辣，所以見到都有啲辣油浮面。米線嘅淋度剛剛好，好滑又彈牙🤤🤤，真係好好食。⭐️ 自選小鍋米線，配豬紅、麻辣腩肉、芝士芝心丸，酸中少，凍檸茶。$60豬紅同埋腩肉細細地一嚿，但係味道都好足夠😚😚，唔會令你失望。份量都唔少㗎，飽肚！酸辣味道好特別，唔係咁嘅嚟，而係酸得剛剛好😆😆，仲有少少清甜嘅味道，真係帶嚟驚喜👍🏻👍🏻。加埋個芝士芝心丸，口感鮮嫩😎😎。凍檸茶就係一個清涼又解渴嘅選擇🤪🤪。🧚‍♂️🧚‍♂️可能晚市嚟到嘅時候，人流會多啲。我哋七點幾嚟到，差唔多食完嘅時候，姨姨就會好快收走我哋啲碗筷🙈🙈。未必有時間可以坐得好耐。📍雲川小鍋米線新蒲崗衍慶街35號地舖G/F, 35 Yin Hing Street, San Po Kong

🐱相信新蒲崗街坊都有食過呢間小窩米線🤭雖然呢間唔出名，但我覺得佢係好食過啲出名/排哂長龍既米線☺️酸辣同麻辣口味一樣出色😍屬新蒲崗必食店舖之一！酸辣小鍋米線（雞肉、牛肉、豬紅）：$52🌕🌕🌕🌕🌗/5 想食酸菜所以今次叫左酸小😉湯底用豬骨雞湯，我見在場唔少人叫清湯🤣酸辣湯底超香濃，但唔會過咸亦唔油膩👌配上少量芫荽、芽菜、蔥花🥰米線屬幼身，硬度適中😌而雞肉係用雞柳，同牛肉一樣都好滑😜係有醃製過😍而豬紅都好有味同香滑🤪呢三個餸係每次必點🤗下午茶時間係下午2:30開始，會另外送一杯凍/熱飲品🥤更加抵食🤩溫提一下，小店逢星期日休息，千祈唔好摸門釘呀🤓

朋友推介嚟呢間試吓呢間個清湯底係豬骨湯叫咗麻辣中辣試試依然食到濃濃嘅豬骨湯味雖然食落唔係嗰啲川味麻辣風但有少少似日式crossover麻辣幾有特色，係有記憶點嘅米線小店通常去食米線，第一次我都會叫中辣因為驚小辣唔夠味呢間嘅中辣，真係中辣等級大家跟返自己食開嘅辣度揀就可以米線軟硬度啱啱好而且佢選用嘅呢款口感幾好唔錯唔錯配菜方面叫咗墨魚頭同海藻分量幾多，墨魚頭大大粒冇腥味總括而言，又抵食又好食小店有呢個水準，真係好難得見佢平時好似仲有烤魚嗰啲食有機會可以去試吓

作為喜歡食辣嘅人，當然對於麻辣米線亦都係有要求，大集團米線老實講我唔敢飲啲湯，但係就係呢度可以搵到夠香夠麻既湯底，亦都試過飲埋大半碗湯，都唔會覺得有口渴嘅情況～我每次嚟到都會點墨魚春卷麻辣米線，而老公就會揀肥牛酸辣米線，我自己對於酸辣湯有點卻步，因為好多地方嘅酸辣湯都整到好難食（得種酸味無辣味），但係我都有試過幾啖酸辣湯，酸辣度比例啱啱好～自從疫情之後我都好少堂食，每次都係外賣，佢哋外賣會分開湯同米線，至少回家半小時後食都係好味嘅～