雲川小鍋米線

Open Now

Now Closed

今日放假去到新蒲乾食米線🍜黎到雲川小鍋米線我地個日係鑽石山地鐵行過去 大概10分鐘左右店內位置唔算多 如果午餐時間要等位鮮竹卷雞翼麻辣少辣米線鮮竹卷有3大件 塊腐皮會吸哂麻辣湯汁😋鮮竹卷入面有蘿蔔絲木耳絲甘荀絲♥️米線口感好煙韌 配埋佢獨特麻辣湯底會忍唔住食哂成碗同飲左唔少湯👍🏻係一間會返轉頭嘅米線小店

在這家店吃了很多年了，從2017年開始到現在，雖然一直因為味道不錯光顧。但是真的對這家店的服務忍無可忍。非晚高峰時間去吃飯，裡面空蕩蕩沒有幾個人，不讓我進去讓我在門口等朋友到齊才能進去。即使在我跟她說我的朋友幾分鐘就到了，我餓了想早點吃，我進去就點2個人的餐不會耽誤。就是不讓我進去！！！！！也是因為米線的味道不錯堅持疫情期間都來支持！！！以往服務生也總是臭臉愛答不理！！！一生黑，再也不會去光顧的店了。

食左好多次 堅好食湯底 比較鍾意酸小唔會好酸 岩岩好配菜好食之選！ 腩肉！豬紅！滑牛！小食 皮蛋同埋雞翼尖都無得頂比起譚仔更好食！店成日都好多人排隊外賣都好食！平時可以打定去，之後拎

新蒲崗工廠區🏭有好多隱世高手，多數專做平日嘅午飯時間，永遠人頭湧湧。反而收工去可以坐得舒服同可以慢慢品嘗，呢間米線🍜有自己嘅特色，餸料選擇都多，服務親民☺️———————————————————————————🥢豬大腸🐽、腩肉🐽、豆卜。米線🍜💬麻辣腩肉🐽嘅汁🌶已經好夠惹味，所以配上清湯已經好足夠；大腸炆得幾腍唔韌又夠入味，豆卜係索湯嘅好選擇🤭.🥢雲川米線🍜💬即是招牌特選組合，當然有最受歡迎👏🏻嘅腩肉、春卷、墨魚鬚🐙，唔想用腦嘅可以直接揀呢款☺️

今日放lunch同事介紹黎食呢間米線，話大推薦🤣位置比較偏遠，由鑽石山地鐵站行過去大概要20分鐘😮‍💨一到門口已經見到有人等緊位，門口安排咗凳比客人坐住等 唔洗企得咁辛苦👍🏻餐廳要齊人先可以入去，好彩同事一早黎攞定飛🤭我哋一齊人就入得去啦！米線店來講佢環境好乾淨企理，好闊落，有好多卡位，坐得好舒服😌米線我叫咗酸辣湯底，餸方面同事話必叫麻辣腩肉🤣再加咗貢丸米線好幼細，質地係偏淋身，幾掛汁，吸晒啲湯辣辣地好過癮，唯一缺點係有d偏咸。大推麻辣腩肉💯💯💯💯 咬落好爽口好彈牙，加埋少少辣味點綴，呢味餸滿分！貢丸都大推，一咬落非常有咬口，好彈，有驚喜！！同事叫左清湯墨魚春卷米線，墨魚春卷味道不錯👍🏻清湯睇落好似好普通，點知食落帶點奶味，好濃郁清甜🥰 整體黎講唔錯，有機會會再encore😝

一直都幫襯，但今晚係最後一次幫襯。我哋一行三人特登走入去新蒲崗食米線。入坐後，我哋坐兩張雙人枱中間有一塊透明膠板隔住。由於膠板可以拆落嚟(其他客人枱全部都有拆)，我哋為左方便傾計就照樣將膠板拆落嚟。侍應即刻走埋嚟拎返塊膠板上去，隔開我哋張枱。我見其他枱都有將塊板的拆走，同埋我哋都唔過限聚令上限，就好有禮貌咁問侍應一陣係咪會有人搭枱所以唔畀我哋拎落嚟，佢話:「一陣冇人搭枱，不過我哋店舖地方淺窄所以將塊膠板要放喺度。」我同朋友聽到呢個答案，都覺得莫名其妙，仲以為自己聽錯就再問多一次:「但我哋冇過限聚令喎？我哋得三個人咋喎?」另一個侍應又走埋嚟話:「我哋地方淺窄。」我冇理到佢哋，繼續將塊板拆落嚟，因為人哋隔離枱都係坐兩枱人但中間冇塊板隔住。佢哋先話:「你哋要叫小食，我哋先可以將塊板拆落嚟，你哋唔叫小食呢板打唔拆得。」侍應又話老闆娘都喺度，佢哋都話唔到事。當下我哋都覺得好無理，好谷氣。打算叫埋老闆娘嚟理論，費事難為啲侍應。但難得出街食飯都係想開開心心啫，所以最後夾硬吞咗啖氣。我哋食到一半，發覺真係傾唔到計，決定都係屈服，叫咗一個皮蛋小食。皮蛋係酸嘅，我食咗一件已經食唔落去，白白畀咗22蚊買塊板

因為唔使等位+順路，就入左去食，點知伏到癲⋯湯底：史雲生豬骨湯+花椒粉+辣粉俾啲誠意好無？，麻辣湯底仲要加$2😮‍💨餸：芫荽+麻辣腩肉芫荽得幾條….加左$7，腩肉係腩片，有5片，份量都算夠，但係薄切切既，麻辣味欠奉米線：好幼身，我叫左少米線，如果得二三「煮」⋯ 譚仔少米都多過佢男友果碗無叫少米線，但都係好少麵，成碗嘢根本係得個碗大同埋湯多食完之後諗住攞罐可樂走，仲有2/3，個阿姐諗住幫我地掉左佢。我以後都唔會再幫襯呢間嘢後記，食完成晚都勁口渴

新蒲崗呢間隱世高質小店真係值得推介！雖然佢鋪位唔大，而且都有點點難搵，但係佢其實都要排隊先食到，特別係Lunch Time。我都嚟咗第三次先成功排到，仲要係早咗嚟。佢嘅雲川米線好值得一試！$51一碗，有三個餸: 墨魚春卷，墨魚頭，同埋麻辣腩肉。墨魚頭超級好食，爽脆，唔會Overcooked，好香墨魚味，會想加碼食！麻辣腩肉都醃得好入味，不過都小小辣。我本身叫清湯，都會有啲辣油浮面，但係係容易食嘅BB辣程度。湯底都煮得好惹味！米線淋度適中！會想再番嚟食呢！

朋友推介此店，時常要排團隊才可願望達成~點了酸辣湯墨魚春卷米線加麻辣豬肚絲， 麻辣湯底好惹味，由於是小辣, 吃得特別開心。墨魚春卷好有口感，入面仲有墨魚粒粒，米線煮得幾淋，好推介; 麻辣豬肚絲是冷盤，在雪櫃預備好，點了餐才撈麻辣醬汁，所以入口仍有D冰的感覺，幸好味道還好，雖然要扣分，但仍可接受，如果可以改善，就更完美啦~簡簡單單的一餐 ，飽了好幾小時，同時也回味無窮~ 

📍 新蒲崗 雲川小鍋米線［新蒲崗衍慶街35號地舖］偶爾去新蒲崗，見到網上面d人話新蒲崗好偏僻好隔涉，但係其實好多巴士小巴都可以去到，大家唔好過分依賴地鐵啦🥺🥺，search #新蒲崗美食 搵到呢間米線，openrice評論唔多，似係街坊小店🫰🏻 叫咗雲川米線（$51+2麻辣）+肥牛米線（$49+2麻辣）+涼拌皮蛋（$22）👍🏻：湯底應該係用魚煮，奶白色湯底稍稍可以聞到魚味，非常鮮甜易入口🤤🤤米線超級！滑！係我食過咁多間米線入面最滑！墨魚頭唔腥爽脆，都叫得過🤤👎🏻：芫荽草青味太重，就連y我呢個芫荽愛好者都搞唔掂🥲腩肉略嫌有d柴，皮蛋個汁醋味太重，我就麻麻小辣可能只係其他米線舖嘅bb辣，建議叫中辣😉😉真係街坊人氣小店，平日2點都要排下隊，湯底同米線真心出色，我會為咗佢哋encore

🇭🇰雲川小鍋米線·彩虹真係無咩野食 我地最後都係要行翻去新蒲崗 不過近排疫情比較嚴重 好多小店都唔開 所以我哋都係買外賣翻去食🥲·雲川米線$49 l 麻醬雞絲粉皮$29佢個米線湯底都唔錯既 未到超有層次 但係都幾好味😎佢啲餸份量都幾多 我自己最鍾意佢個腩肉 肥瘦比例幾好 唔會淨係得肥膏 之後個墨魚頭同魚春卷都唔錯😌反而佢個雞絲粉皮我自己就覺得調味單調啲🤣🤣·📍新蒲崗衍慶街35號地舖

作為一個可以一日三餐都食米線嘅米線怪 呢間係其中一間最愛米線店😗雖然對我嚟講好隔涉 但因為太鍾意 都係會專程去食 已經數唔到食過幾多次🤤湯底我每次都揀酸辣大辣😆🔥夠酸夠辣係重點 就算大辣都唔會有層厚油喺面👍🏻忍唔住飲咗好多亦唔會好口渴😛米線偏幼身 但口感好好 軟身得嚟帶韌性 好嗦湯 份量都好夠🤰🏻．餸方面 三款餸都好味 墨魚春卷好鮮甜 腐皮包住彈牙嘅墨魚膠 同時亦咬到墨魚粒粒🦑墨魚頭爽彈 腩肉肥瘦分佈均勻又入味😚另外 個人好鍾意佢成碗肉碎同韭芽嘅份量啱啱好唔太多 唔會阻住我食米線🤣．小食蒜辣雞翼尖辛香惹味 煮得夠腍又唔散 一妹就離骨😋．嗚 寫完又想食了🥲🥲🥲🥲🥲

叫左雲川米線，味道正常，米線算滑。不過我會建議你地唔好去食囉，費事無啦啦比人鬧。不過有個侍應勁勁勁無禮貌，朋友見隔離枱放左卷廁紙就拎左黎用，點知個侍應勁串咁行過黎話，’卷廁紙我地買嫁’。行開之後仲加多句，’當正自己屋企’。如果你卷廁紙係鑲金既，麻煩你收起佢或者寫清楚唔比人用。你放係張枱到，我普通一個客人，唔知啲咁普通既野都會唔用得，仲會得罪你地，串到咁樣。食野食到成肚氣，咁多篇食評都話個侍應冇禮貌趕客，都唔知點解個老闆會忍。

見呢間好好評今晚就黎試下呀點左~豬紅生菜酸辣湯米線豬紅幾好處理得OK無怪味之餘都有入味既酸辣湯底我略嫌酸左DD米線係較幼既我幾鍾意仲要煮得幾淋下我好OK~三拼(墨魚頭,辣腩肉,墨魚春卷)麻辣湯米線墨魚頭爽口呀幾讚墨魚春卷都好推介入面有粒粒墨魚好有口感麻辣腩肉就正常呀有少少肥肉都可以一試既麻辣湯幾惹味麻既感覺NOT BAD下次我會揀麻辣湯呀~口水雞翼唔記得走芫茜呀好彩都易拎走晒口水汁算小辣呀少少麻又唔會過辣同埋雞翼開左邊比較易HANDLE呀~手拍青瓜呢個正常呀想食D蔬菜佢個汁都係少辣有D芝麻幾香口呀

建議： 如果多人一齊食，可以試下烤魚套餐🐟之前睇 #米線關注組，都幾多人講過雲川小鍋米線。上次路經實在太多人，決定下次再試。終於今次去終於無咁多人，直接行入去就有位😋入到去店員會問係食米線定烤魚？！如果揀烤魚，應該會安排比較闊落既位置放爐。見到後面都有一、兩枱人食緊，份量都幾大🐟今次試左：▫️雲川米線 (HK$51 麻辣湯，小辣大麻)一碗已經有哂3️⃣款人氣配料：墨魚春卷、墨魚頭 同埋 麻辣豬腩🐽 湯底本身係清湯，如果想轉酸辣/麻辣就加HK$2，仲有冬陰功就要加HK$5。另外，如果想加埋野飲都唔係太貴。熱飲加HK$2，凍飲/汽水加HK$4😌落完單，等左陣就有得食。因為見有人講過大辣都唔係太辣，所以揀左小辣但大麻。麻味都算足夠，不過算係平時食中麻既口嘛，重點唔會成個面都係辣油👍 食落米線比平時米線舖既幼身，唔會太淋，比較爽口👍 一碗份量都算係岩岩好，如果大食少少既可能要加底🤣 因為湯底真係幾好味，好快就食哂 (又可能真係太肚餓)🤓