雲川小鍋米線

Open Now

Now Closed

一間lunch hour成日都去食嘅米線！假如有豬扒，一定要試佢嘅豬扒！雖然要等10-15分鐘，但即叫即燒，夠juicy同份量剛剛好！但有時lunch太早佢未有，所以我就會點墨魚春卷米線！先講湯底，唔食辣嘅同事話清湯一樣好味，因為係魚湯做湯底！而個人就一定+$2轉酸辣湯！有得揀大中小辣，又有足夠酸菜去帶出酸味，所以真係一流😋而我又喜愛墨魚春卷，單選一個餸一定揀佢！假如鐘意多餸，可以試佢嘅雲川米線！同樣高質!!

由於本人是一個米線控，所以經常食唔同嘅米線，今次就搵咗起新蒲崗嘅一間小店，唔好睇間餐廳門口好似咁細，但係成日都排長龍㗎，尤其係lunch嘅時候😜😜我哋今次就趁佢啱啱過咗lunch，條人龍冇咁長，即刻衝番入去食返個下午茶，下午茶仲免費送飲品，凍熱飲都得😎😎1, 墨魚頭米線$48🤩🤩我今次就揀咗墨魚頭米線，仲揀咗酸辣湯底。一上枱，熱辣辣，仲有好多煙，好好味呀，一睇就知道即刻煮出嚟嘅😛😛2, 墨魚春卷米線$47😌😌而我個朋友就嗌左墨魚春卷米線，大家嗌唔同嘅嘢食可以share嚟食，啲墨魚春卷都好好味，好正啊，全部嘢食都係即叫即煮，夠新鮮😆😆

食過香港好多間推介米線，荃灣、葵涌、長沙灣，始終最愛呢間，因為湯底超入味，無論麻辣定酸辣都咁好味😋麻辣腩肉都係十分推介，冇食過咁好食腩肉，入味之餘又唔會食唔唔新鮮嘅豬肉味重點加2蚊就有熱飲，4蚊凍飲，價格誠懇

呢度出名食烤魚 上一次去啲人都係叫烤魚多 但本人較喜歡食米線 所以今次都係食米線 今次我叫左雲川米線(有墨魚春卷、墨魚頭、麻辣腩肉) 呢三樣餸都好好味 而佢個湯底雖然係稀稀地 但佢係好足味 完全無影響 水準穩定！最後想講一講 由於我去嗰日係星期六晚 我地有3個人 由七點三等到八點先有得入 仲要係分開坐先有得入 所以最好平日或早啲去會好啲

今天在經過新蒲崗，諗起附近有間好味既米線餐廳，所以餐廳來到新蒲崗的雲川小窩米線食米線食下午茶。叫了一碗腩肉雞翼中麻米線。要了杯凍檸茶。下午茶冷熱飲品是免費附送的。米線很快來到了。湯底顏色都好靚，面頭唔算好多油，而且麻度十足，米線都好爽口，份量都唔錯，味道很好。配料方面，腩肉肥瘦適中，唔會一口肥肉，同個湯都好夾，雞翼有醃過，都好入味，幾好味。飲品係用金屬杯裝住，可以長啲保持溫度。感覺幾好，下次會再幫襯。

食左6年每次都麻辣中辣走韭菜朱紅鴨胸蘿蔔❤️以前每個禮拜都要食兩次宜家搬走了但都係偶爾都會為左佢返黎新蒲崗係回憶中想念既味道٩(˃̶͈̀௰˂̶͈́)و 我的最愛米線有佢 我自己係唔食譚仔的

這一間需然店子不大，但係煮得很好的米缐，我很喜歡一個酸辣米線，酸酸辣辣的味道令夏天胃口大開可以食得更多，另外一個清湯米線湯底味非常之濃郁，有點用魚熬製的上湯配以雞肉嫩滑真的滋味無窮，下次再試試其他口味。

一心諗住食烤魚，揀左重慶麻辣味，但係勁淡，一d麻辣都無，剩係得個咸字，條魚都唔係太新鮮，套餐包埋既滑牛肉仲有陣怪味，真係食到一肚氣，以後唔會再黎呢間食烤魚，同我係屋企煎香條魚放落辣椒油煮無分就

尋晚聽完講座成8點半，搵食得黎9點！去左一間烤魚！佢地收10點！問我地1個鐘食唔食得切！我地4人，心諗應該食得切既！我地叫左個麻辣中辣既烤魚！佢個套餐包一碟牛肉，豬肉同米線！我地就再加左個魚皮餃同墨魚條！仲有一份唐心旦！個味道調教得幾好味！不過唔知係咪趕收工，條魚炸得唔太夠脆其他配料都好味！同個麻辣好夾但個唐心旦就有一種唔識形容既味，但個心係夠溶！口感好好最重要埋單都係$360

呢排無煮家飯食，唯有夜晚果餐買外賣返去屋企食。今晚突然想食米線，又唔想食譚仔，所以揀左呢間雲川小鍋米線食，我叫咗鮑片、蘿蔔、豆卜、雞肉、叫左個清湯米線，先講講個湯好清甜，真係好想飲多碗🤣，蘿蔔豆卜都好入味，雞肉份量正常，鮑片有三片。而且好用心咁分盒裝湯同米線餸。之前有朋友食過話佢隻酸辣湯同麻辣湯底都幾惹味，今次食完清湯都好正，我下次會試埋另外兩個湯底。而且送款都有大概要20款揀，對於鍾意食小鍋米線嘅朋友仔揀餸方面可以有多啲選擇，另外晚試呢間餐廳有烤魚水煮魚食。所以頭先入到去店內都已經坐滿曬人。

很久沒有食米缐了，聼朋友說這間的米線湯底是非常特別所以就來試一試，當來到這裡時發覺人氣好旺的，已是中午1時多了還需要等位，需然等了十五分鐘，但朋友說是值得期待，當進去時看見餐牌上有幾個好特色嘅米線，但我選擇了他招牌米線試試，這個招牌是用新鮮墨魚嘴同埋其他嘅配料仲有腩肉添，而且個湯底真係非常有豬骨嘅香味還有淡淡的奶香好像有忌廉的感覺還有些紅油又香又辣真的好味。

如果住係新蒲崗﹑黃大仙呢區, 好多街坊都會識得連一間店舖!而我, 食完1次之後就已經愛上, 已經變左我的飯堂!基本上1個星期我可以去食2-3次!雲川小鍋米線, 主打當然係米線! 佢地有分2類比大家揀...1) 自由選配料2) 雲川推介湯底有分幾種...1) 清湯 - 豬骨雞湯2) 酸辣 3) 麻辣 4) 冬蔭公 而我每次都會揀唔同的配料食, 但我一定會揀麻辣大辣!佢地的辣係自己調配, 同出面好唔同, 係完全食唔到呢隻味!如果大辣都唔夠的, 可以同佢地講, 佢地會整一個特辣比你!雲川米線 - 大辣(墨魚春卷﹑墨魚頭﹑麻辣腩肉)墨魚春卷 - 扁身, 有咬口, 仲可以吸下D辣汁墨魚頭 - 超爽口腩肉 - 唔好以為腩肉會好多肥膏, 其實呢間比例岩岩好, 食完唔覺得肥另外仲有2款自由配米線1) 大辣2) 清湯除左食米線, 另一真心推介就係蒜辣雞翼尖呢間可以話超越左B仔的雞翼尖, 蒜味重, 再加上青指天椒, 雞翼尖原全入哂味!!!!另外, 晚市佢地都會做烤魚!係原條魽魚 - 附送 滑雞柳﹑滑牛肉﹑娃娃菜﹑米線/飯湯底有分4種1) 雲南酸菜湯底2) 蒜香風味湯底3) 雲川麻辣湯底4) 冬蔭公湯底麻辣

新蒲崗呢間雲川小鍋米線唔好以為佢淨係得米線食 佢仲有烤魚食 而且係親民、足料又好食佢推出既烤魚 只有二人餐可以嗌 但呢個餐相當經濟 除咗有一原條烤魚之外 仲跟埋滑雞柳、滑牛肉、娃娃菜同米線/飯 即叫即整 落單、條魚上枱到食得大概十五分鐘烤魚既湯底酸菜/麻辣就見得多 蒜香反而少有 所以我今次叫既係蒜香風味湯底 跟餐要米線(米線有驚喜!!!)條魚一到就見到足料多款配菜係魚上面 有芫茜、芹菜、大蔥、原粒蒜、蒜蓉、芽菜同埋金菇 滾起既湯底食落有濃郁既蒜香味 不過千祈唔好心急係咁食條魚 因為個湯底愈煮得耐條魚愈入味 等佢滾多陣食落更滋味 食到中間個蒜香再出多d蒜辣味 嗰時就最好味喇跟餐既配菜都唔細份 加上我同我朋友好鐘意食金菇 另外嗌咗份 黎到好似俾咗2包金菇我咁 真開心 自問唔細食 食完都真係有棒住個肚走既感覺不得不大讚呢間鋪既米線 因為真係好煙韌 放係最後先煮 出哂味既湯底加煙韌米線 為成餐飯畫咗個完美句號呀

經過新蒲崗，女友推薦了這間米線鋪，所以便來一試。店鋪一般裝修，沒什麼特別，但燈光挺光猛的，空間感也很闊落，坐得也挺舒服的。叫了個雞翼和兩碗米線，雞翼先來，吃了味道不是太特別，但份量挺多的，總共有6隻。之後來了兩碗米線，一飲湯底，驚喜出現了。湯底非常鮮甜，而且香濃，最重要一點也不咸，吃完也不感口乾。米線份量充足，足夠一個大男人吃用，而且價錢也很合理，是間非常不錯的米線鋪。

安排坐位極差，一入去問我幾位，我話3個，門口已經安排左較大的4人座，入到去就被另一個短髮人員轉坐較細的4人台，跟著我後面入黎2個人，就按排坐較大4人台，我問個人，我3個人，佢同我講個張坐5個人，我完全唔明白點解2個人坐張大既4人台，仲要同我講咁坐「岩」，又冇5個人入黎，我真係覺得好搞笑，成場個個大既4人座都係坐4個人，點解個張咁特別要坐5個人，仲要係冇5個人入黎，最搞笑係我們打算食烤魚，佢仲搵多個人黎搭台，雖然佢有權利咁做，我地都未叫，個個客人聽到我地叫同埋另一個朋友黎到，都食快啲，搞到我地都好唔好意思，個個短頭髮店員真係好特別囉！