雲川小鍋米線

Open Now

Now Closed

突然心思思想食酸辣米線，但又唔想去譚仔呢d咁common既，於是俾我上網搵到屋企附近既雲川小鍋米線。未食前見到負評都係話態度差，抱住受氣既心態去食，點知咁好彩見唔到嗰個金髮女侍應😂整體黎講唔錯，雖然侍應落錯單，但都有轉番俾我地。雲川米線 ($47)有墨魚春卷，墨魚頭，同麻辣腩肉。我仲加多左豬大腸😍墨魚春卷比較扁身，亦唔彈牙。墨魚頭好爽口好味😋腩肉煮得過熟咁，有d老不過味道唔差。大腸比較硬，唔推介。最鍾意佢個酸辣湯底😍😍又夠酸又夠辣。可惜米線份量較少，食曬成碗都唔飽。另外仲叫左個蒜香鷄翼尖。推介! 好食過B仔，雖然好多人話b仔根本唔好食🙈辣得好過癮，最後要專登叫杯可樂😂

金頭髮女侍應態度前所未有咁差，米線份量少啲餸少得黎味道又唔好食，肉丸未見過咁細粒，新年期間仲開聲提醒客人比利是，客人唔比就十問九唔應，要個樣無個樣，一句講晒，下次唔會再幫襯。

一直好喜歡食雲南米線，依間米線店前前後後幫襯10幾次，每次都幾乎叫一樣食物。今次同樣叫左酸辣湯底+墨魚春卷米線，酸辣湯底叫左小辣都唔會食到出汗，酸度適中。腐皮墨魚春卷有咬口，而且有少少香甜，中和湯嘅辣味。不過呢度有樣嘢不可不試，因為對X仔嘅雞翼尖相當喜愛，所以都係度叫左蒜辣雞翼尖試下，食過一次番尋味，蒜味十足，雞翼尖入哂味，加埋青指天椒，香辣程度爆燈，不過每次食都有唔同辣度，要睇師傅手勢，如果怕辣就要叫定杯凍飲啦！

一心來這裹吃米線， 點知嚟到門口要排隊。眼見店內大部份客人在吃烤魚鍋。因為平時只是吃米線， 沒有留意原來有烤魚鍋。 令我們也心動了，改為點了酸菜烤魚鍋。因為烤魚要等15分鐘，但店員可以在我們等位時先下單。這樣有位就可以馬上上菜， 十分好。👍烤魚很香吃下是明顯吃到有烤過的香氣， 而酸菜湯令到大家更開胃。 這個餐包了雞肉和米線。是二人餐，兩個人食的話份量都好足夠。再追加了墨魚春卷，這十分彈牙好味。我們另外還點了雞翼尖，這個每次來都會點。 因為雞翼尖都很淋很入味。 他們用了青辣椒令到有一點點酸味十分正。 店員都很親切！很滿足的一餐。

米线的超级粉，在哪碰到米线店都要尝的。这家店是在香港吃过最好吃的一家，一周一次。米线粘软不失韧劲，恰到好处。但汤底功劳最大咯。超好喝的大骨汤。不过服务确实需要改进才能做大最强哦。

食物質素還好，但係短金髮女仕應超冇禮貌，我地有人吾食辣，叫左個好多辣油嘅魚自辯吾辣，吾認錯，又叫埋個廚師出黎回應，根本冇好好面對問題。希望服務質素百所改變，守^_^否則以後不會再光顧。。。

湯底可以，其它叫餸食物就一般，但金短头发女侍应服务态度10分差，唔知以为佢系老板娘，其实应该叫佢老板先生应该叫佢改善下服务态度，比的笑容，咪口黑面黑對客人，这样对客又点会有返头客呢！

依間野我前前後後幫襯左幾次，嘢食唔錯米線都唔差，好食過集團式米線多多聲，唯一唔係甘鍾意就係放狗入嚟，服務態度不錯，尤其是係有個金髮妺妹好喜歡人讚佢靚女好過癮。加油繼續努力。

每次到新蒲崗都禁不住去雲川，每次去雲川都禁不住點佢招牌既雲川米線。它已經成為我在新蒲崗的飯堂，已數不清幫襯了幾多次⋯雲川米線有墨魚春卷、墨魚頭同麻辣腩肉，墨魚春卷味道好，墨魚頭食材新鮮，麻辣腩肉不會太辣，湯底鮮甜，味道一流。推介！其實還有其他款式的，只是走不出招牌米線的魔掌。下午茶時段還會送飲品呢！之前猶豫左好耐要不要寫食評，因為怕小店生意好了就要排隊和服務態度變差(有太多類似經歷了)。但還是寫下來，支持與鼓勵一下小店。

之前巳食過幾次， 湯底是不錯的， 不過餸就普通及都唔係平。 最大問題是收銀的金短髮女士， 永遠要由佢安排位置， 都明白， 始終店舖空間有限， 只係2張枱要坐3人平排坐就很迫， 有客說冷氣唔夠， 金短髮女士就講未得閒開冷氣， 雖知食麻辣要夠冷氣嘛， 點解會唔得閒開冷氣？ 新浦崗有很多同類食肆， 如果只想做學生生意， 不著重回頭客， 那麼是成功了。 因為唔想貼錢買難受。其實店內其他小姐態度是不錯的， 唯獨是負責收錢的金短髮女士要好好的改善服務客人的態度， 除非佢係老闆娘就唔會介意沒回頭客。

有時候想比個肚休息下，食清清地嗌碗清湯米線🍜無辣不歡嘅人士就可以揀酸辣\麻辣😊配料都有廿幾款比大家選擇！清湯有肉碎，芽菜，韭菜，芫荽，蔥⋯湯底都算係幾濃郁，似用魚或者豬骨製成🐟米線偏幼而且口感硬身，幾有咬口！不過份量就唔係好多，男士們建議加底💁滷水雞翼有兩隻但就比較鹹，不過不失啦！鍾意食小鍋米線嘅都可以黎試試🙂

尋晚OT左成晚，決定去食米線~~叫左一碗肥牛清湯米線，一碗雲川米線（小辣），仲加左麻醬雞絲粉皮同蒜味辣汁雞翼尖肥牛米線我覺得都ok，不過係啲米線較硬身~雲川米線招牌菜。好多配料！！又有得揀要咩辣~~個湯真係幾好飲！！雞絲粉皮之前一開初真係麻醬，嗰陣我就覺得有啲「鞋」（原諒我有啲字真係唔記得同唔識打），但今次一上發現係胡麻醬！即刻滑左好多.....而且涼涼的，夏天食真係一流蒜味雞尖不得了！！入味到一個極致！！不過對我黎講就好辣囉（利申：我唔食辣的）就係咁，完成左今晚既晚餐~~

我幾鍾意食辣嘢，包括烤魚，我住喺新蒲崗附近，開咗間烤魚啱哂我，我食過唔少其他地烤魚，不過都覺得整得麻麻地，但呢間整得唔錯，個湯底好啱我口味，次次食都忍唔住要北啲辣湯飲，另外佢地用“魚甘”魚，冇咩魚骨，可以淡淡肉食好正，之外大家可另叫配料加，我鍾意食牛，啲滑牛唔錯，仲有暫時叫烤魚食會送1碟肥牛（送嘅就麻麻預左），烤魚夜晚先有得食，平時間嘢主賣米線，可以試下，都係同一個湯底

食左個自選米線, 麻辣湯底配兩個六蚊餸: 滑牛肉和墨魚丸. 湯底非常濃郁, 麻辣辣勁幾夠, 飲起來非常之香, 不錯!可惜相較湯底, 餸就麻麻地, 滑牛肉極腍又冇味, 墨魚丸亦唔彈牙, 而且叫兩樣餸都不是很夠飽.

雲南小鍋米線，新開張不久，我想不超過一個月。是近來新開張而又頗具水準的餐廳之一。這次晚上去食，食左個清湯肥牛米線，外加一杯凍奶茶。凍奶茶先到，務必記住要自己攪勻，否則就會好似我甘飲左杯上面甜都痴線，最後幾啖苦到飛起既凍奶茶。$42 一碗麵，在這區算是略貴。其實它另有自選米線，一樣餸既話，30零蚊就有交易，但佢啲餸既份量不太夠，所以我今之先叫左個非自選既肥牛米線。肥牛份量岩岩好，夠我食飽。米線和一般魚蛋粉麵鋪的米線不同，較為粘軟，嚼時較韌。反而湯頭很有特色: 乳白色，非常香濃鮮甜。我之所以成為依間野既回頭客，十有九成係因為佢碗麵既湯頭，真係好好飲。