順發粉麵

Open Now

Now Closed

呢間嘢喺啲街邊嘅舖頭，外觀睇落去就普普通通啦，冇咩特別嘅裝修，不過入到去感覺都幾乾淨企理嘅。加上成日都去食。講下嘢食啦，嗰奶茶真係幾正喎！顏色金黃金黃，好似秋天嘅落葉咁靚，望落去就已經覺得好吸引。飲落去，茶味濃郁到爆，同奶嘅比例啱啱好，唔會話茶味太淡或者奶味太重，真係好似喺舌尖上跳緊舞咁，同啲連鎖茶餐廳嘅奶茶相比，呢度嘅奶茶真係有過之而無不及呀！再講下嗰雞扒飯，雞扒炸得金黃香脆，外皮好似薯片咁脆卜卜裏面嘅雞肉又好嫩滑，一啲都唔會柴。個汁就有啲似茄汁，但又唔係普通嘅茄汁味，帶住少少嘅香料味，同雞扒搭埋一齊簡直係絕配呀！不過呢，個汁有少少偏鹹，如果可以淡啲就更加完美啦。同其他茶餐廳嘅雞扒飯比，呢度嘅雞扒勝在夠新鮮，炸嘅火候又掌握得好好。食呢啲嘢，真係會諗起以前細個同屋企人一齊去茶餐廳食飯嘅時光，嗰陣時覺得能夠食到雞扒飯同奶茶就已經好幸福，而家食返呢啲，好似返番去以前咁，有種好親切嘅感覺。總括嚟講，呢間餐廳雖然唔係咩高級餐廳，但係佢嘅食物真係有佢嘅獨特之處，值得一試呀！埋單嘅時候，見到兩樣嘢加埋都係五十幾蚊，價錢都算合理啦，畢竟味道咁正，環境又乾淨，下次有機會都會再嚟幫襯嘅！

今日嚟到呢間小店，舖面唔算大，不過人氣超旺，成日都係滿雲吞麵喂啱啱捧上枱嘅雲吞麵，賣相都幾吸引喎！個湯底先講，清澈見底，好似隱藏住無窮嘅鮮味力量。一試，鮮味即刻喺口腔爆發，應該係用咗大地魚、豬骨等食材精心熬製嘅靚湯，同啲隨便用味精調味嘅湯底完全唔同，呢度嘅湯底真係夠晒真材實料，好似一位內斂嘅高手，用實力征服你嘅味蕾。再睇下啲雲吞，包皮薄到好似一層紗，裏面嘅蝦肉同豬肉若隱若現，好似啲害羞嘅小精靈。輕輕咬開，蝦肉彈牙到好似會彈起身，豬肉鮮嫩多汁，兩者嘅鮮味喺口腔裏面開心共舞，正到爆啊！不過呢，雲吞嘅數量有啲少，好似一場精彩嘅表演，正睇得興起就結束咗，真係令人有啲唔夠喉。至於麵，傳統嘅粗麵口感爽滑彈牙，咬落去粗麵特別好食，好似武林高手嘅輕功咁飄逸有力。但係可能煮嘅時間稍長咗少少，少咗啲粗麵應有嘅煙韌口感，有啲可惜。同啲連鎖店嘅麵相比，呢度嘅麵勝在夠傳統，不過火候嘅掌控就差咗少少啦。但係都算係有料到奶茶旁邊嘅奶茶，顏色呈誘人嘅琥珀色，望到都想即刻飲。一飲落去，茶味濃郁醇厚，同奶嘅香甜完美融合，一啲都唔會有茶嘅澀味或者奶，茶底應該係用溝咗嘅嘅紅茶，同出面啲茶餐廳用茶粉沖嘅奶茶真係差天共地，呢杯奶

今日因為工作關係黎到呢一區餐廳選擇比較少😅唔想幫襯連鎖店就走咗入呢間茶記😂 環境比較迫仲要搭枱衛生情況一般🙂‍↔️ 見到前面有食評推薦叉燒滑蛋飯就試吓佢既質素🤪 整體味道稍嫌有點失望👎🏻⭐️ 叉燒滑蛋飯 🥩先講叉燒份量合格但係口感比較乾同柴😔切得太薄同埋味道欠缺焦香🔥滑蛋既份量夠多🍳 但係欠缺蛋香同埋整體入口太過油💛 基本上只係靠豉油調味 可能Expectation太過高 但係只係一般茶餐廳質素呢

係香港三點三就係要食個下午茶high個靚Tea先啦喂同朋友黎左呢間街坊茶記下午茶黎個西多士加杯熱茶走心靈大滿足呀！！！炸到金黃色既西多士再搽上牛油同蜜糖 🍯 係最Good ge matching

食過咁多間茶餐廳真係覺得呢一間茶餐廳嘅叉燒滑蛋飯係最好食！！👍🏻👍🏻將白飯擺喺底，再鋪上一層層嘅叉燒，然後再po上一層金黃色嘅滑蛋，跟住再用少少香香嘅雞油伴碟！真係好鬼好食！最重要係佢嘅滑蛋非常滑非常嫩，口感非常好👍🏻👍🏻👍🏻佢嘅叉燒亦都非常之有叉燒味叉燒汁濃濃的！！👍🏻👍🏻👍🏻最重點係佢嘅鼓油醬汁同埋雞油撈埋同啲飯一齊食真係一啖叫一啖嘅邪惡🤤🤤🤤，整體嘅份量都非常足夠，當作午餐抑或晚餐亦都令人滿足👍🏻👍🏻👍🏻

滑蛋叉燒飯唔錯，豉油同蔥油嘅味道好入味，但係油太多，食完有d肚痛。另外發現大部份嘅枱都冇清潔乾淨，下一位嚟嘅人要自己抹先得。佢哋有提供紙巾俾客人，但都建議佢哋要改善下清潔問題。令餐廳整體印象更好啲。如果你鍾意食麵/扒類飯可以黎試下。

青筋， 馬友， 黃立倉 ，係咩嚟㗎 ？貓星人🐱就當然知道係魚🐠啦。 三個貓星人， 打完波🏸 ，筋疲力盡， 要搵啲貓糧🐠補充下。 地膽貓話知道邊度有魚食， 三個覓食貓星人 ，浩浩蕩蕩來到這裏， 果然是有魚餐食 。於時， 每人點了一個魚餐 ，分別是， 梅菜蒸馬友 ，清蒸鹹鮮青根， 豆豉蒸黃立倉 ，加一碟腩汁菜心， 各點了一杯飲品 ，貓星人的大餐開展了。梅菜蒸馬友 ，鹹香的梅菜 ，令肥美的馬友， 更加出色， 魚味更上一層樓。清蒸咸鮮青筋 ，用鹽醃過的青根魚， 肉質爽滑鮮甜 ，配搭薑蔥 ，正好是鮮入為主。豉汁蒸倉魚 🐠，大大條 ，啖啖肉 ，三個貓星人， 差點連骨都食埋。🤣🤣🤣馬友同青筋， 雖然比較多骨 ，但魚味豐富 ，遠勝其他無骨嘅魚 ， 識食的貓星人， 當然係揀有魚味嘅魚啦 ，有魚食， 最啱香港人口味 ，有魚🐠即是有餘。🥳🥳

冬天嚴寒好過。夏日炎熱難堪街頭不宜久留。回家勝在好近廚房炎熱無比。外賣才是養生六十有幾重臨。三十年前湯粉阿爸愛吃蛋米。愛它口味清新叉燒幾片胡混。閤家無人認真結局攞去餵龜。下場淪落陪襯魚蛋瘦身彈牙。潮州優良產品老哥難忘牛腩。牛味專攻宅男油花雖多豐富。雜碎太肥高卡港味首選細蓉。阿妹重視雲吞蝦子沒有蝦味。豬肉缺少質感個頭太小無癮。散尾難怪有渣河粉條條碎塊。吃落未免過淋瀨粉啖啖爽口。食完牙骹太乏湯底不宜講究。味精反正通行份量讚揚夠大。share分享更親

政府啱啱宣佈暫停晚市堂食14日，搞到放假連出街嘅意欲都冇乜，瞓到黃朝百晏先起身，所以都係屋企附近食嘢就算啦！今次介紹呢間粉麵店由我細細個就已經出現，係近期搬咗舖位，所以裝修風格都比較新。裏邊售賣嘅粉面都係比較傳統港式風味嘅，另外仲有柴魚花生粥煎腸粉同埋一啲傳統嘅快餐例如雜扒飯蒸魚飯等等。對上一次食已經有一段時間，所以我今次叫咗一碗雲吞叉燒河粉食返懷舊嘅感覺。我記得細細個嗰陣見到餐廳嘅職員坐喺舖頭包雲吞，今次食到嘅味道同細個食到嘅一樣，每一粒雲吞都好大粒之餘，亦都可以清楚見到佢哋裏面嘅豬肉餡了同埋蝦仁都幾抵食㗎。另外叉燒就不過不失啦，唔會話好乾，不過最重要係佢哋嘅河粉，佢哋嘅河粉晶凝通透而且好滑嫩，如果冇記錯嘅話，我記得係來自香港仔嘅本地品牌有記粉麵廠架，呢一類型嘅街坊式粉麵店喺現時已經買少見少，大家如果經過嘅話不妨可以試吓啦！

o係海怡呢個飲食沙漠裏面，最多既就係連鎖店餐廳，大家樂大快活美心m記kfc譚仔，總有一間食到你厭。還好行遠少少有間比較陽光既茶餐廳其又名叫粉麵店，o係呢個時勢仲堅持唔做晚市六點後只做外賣，點可以唔支持（其實真心想佢做埋晚市，老細考慮一下）。成日捧早場，$36蚊既雞扒早餐，大件夾抵食，唔係一隻蛋係一雙蛋，完美的早餐，街坊一定要試下，好易成為飯堂。午餐除左碟頭飯仲有粉麵同小食，大把選擇。地方乾淨，職員都好有禮貌，好野黎架

呢間小店我已多年無幫襯，聽講老細已轉左人，今日即管試下味。粉面套餐 $50 ，包一個面，一碟油菜，同一杯飲品。推介豬扒面👍🏻大大塊，炸粉又少，唔會食到一口粉，反而係啖啖肉，好有驚喜！個菜都好大碟，唔係是但整幾條就算。飲品我要左樽裝可樂🥤唔係度度有得飲㗎！

住了鴨脷洲這麼多年，都未有發現到這裏有一間粉面小店。就是很少往內巷跑進去。圍住停車場兜一個圈，發現隱世小店在幼稚園對面。裝修當然一般，也可以説是屋邨地道小店特色吧！當然不可能食裝修，算是吃懷舊風。坐下來一碗牛腩魚片米粉。特快時速送上。瑤柱炆牛腩，味道濃郁，牛味重。魚片雖然不是自家製，但也是香港仔區的特色吧！值得推介是湯底，喝出來也應該是多年坳制的珍品。非常好味！食品質素算是不錯看到傍邊幾枱食客都叫了燒鴨湯瀬，相信是馳名之作。從傍邊看到，份量不少，燒味質素可靠。下次光顧必定一試！

有一日腸胃不適，老公就帶左我落街去食啲清淡嘅粉面舖到食。原本想叫粥嘅，可惜下午茶時間冇。叫左個雲呑米，清清地食左少少，味道普普通通，可能胃口唔好，食咩都覺得冇咩味甘。老公就叫左個牛腩飯，佢話鐘意啲牛腩煮得夠曬淋，啲汁又夠濃味，好有兒時嘅味道咼。

我係鴨脷洲居民已經差不多30年，呢間鋪頭我一直有幫襯，食物質素不錯價錢大眾化亦有長者優惠。但係呢位女主管嘅態度真係令人睇唔過眼，她無論對客人或者對自己嘅員工都係粗聲粗氣，今日我同媽媽去食晏，成個過程甴點餐到食完都係大概半個鐘頭既事，入到鋪頭已經見佢黑口黑面，連個飯煲蓋都好似得罪佢咁，乒鈴乓啷咁喺度裝啲飯，連我哋坐喺度嘅食客都不知所措，說時遲那時快，好快就聽到佢鬧緊個男員工，又話佢做錯野又話佢整亂晒啲單，鬧嘅聲浪仲要係全間餐廳都聽得到，仲要唔只鬧一兩句就夠，我諗足足鬧左起碼5分鐘，想食餐安靜同愉快既午餐都唔得。其實我真係好唔想堂食即坐喺度食，因為見到佢副黑口黑面既尊容再加上不停咁鬧人，真係咩心情都冇晒，真係唔明今時今日既服務性行業點解仲會有一啲咁唔文明嘅人做主管，要令下屬按照你要求嘅方法或者需要教導員工既時候，其實真係有好多方法，難道只係破口大罵就能解決問題？真心希望俾一個忠告比呢位女主管，俾多啲笑容俾多啲耐性，因為客人就係你嘅老闆，員工就係你啲手手腳腳，希望你懂得多㸃尊重別人，人品好生意自然好！

家住鴨脷洲這裡已經多年，若果以居住環境來說的話，鴨脷洲是不錯的。可惜的是一到晚上，食肆的選擇並不多，若果再夜一點的話，可選的只有這裡。其實這裡的食物也不錯，以吃過的來說，這裡應是鴨脷洲區和香港仔區比較好的一間粉麵店。這晚夜了一點回家，所以來這裡吃個牛腩撈麵，另加上一碟腩汁通菜來做晚餐。牛腩撈麵帶有幾件牛筋，牛腩及牛筋都炆得夠淋及入味，這裡的牛腩除了用上柱侯醬來炆，還會用上一些香料如花椒八角等來提昇香味。麵煮得比較淋了一點，可能是一時失手吧，但配上這個牛腩汁來吃也不錯。大部份時間這裡的油菜都只得兩款選擇，多是生菜加上通菜或者菜心等等。這裡油菜有一個缺點，就是煮得太淋，絕大部份時間這裡的油菜都是煮得過了火的，可能是配合邨內的老人家的口味，而這晚吃到的腩汁通菜也一樣。這個清湯加了點蔥粒及炸蒜粒，用來清一清喉嚨也不錯的。另外這裡的辣椒油也很不錯，吃來夠香口，是他們自製的。這晚看到他們剛炒過的芝麻，因為他們自己包的雲吞內是有點芝麻的，吃來會覺得更加香口。