餃子屋

Open Now

Now Closed

又係出ward發掘地區美食嘅時間～今次嚟到呢間超出名嘅荃灣地區餃子店～估唔到十一點半都全場滿座，平時長期都要排隊，所以對佢都有少少期望🤣餃子即叫即煮，所以上枱時熱辣辣，咬落去都幾熱🔥每隻餃子都好大粒，相當足料，塞滿晒肉餡，個皮嘅厚薄啱啱好，自己覺得皮同餡嘅比例都幾唔錯，而煎餃外皮煎到金黃色，香口脆邊🥟今次試嘅係風味三拼 ($56) 分別有芝士豬肉煎餃、紫菜豬肉煎餃同香辣豬肉煎餃，自己覺得芝士豬肉煎餃最正，因為佢係帶少少芝士味，唔會太膩又過到癮🧀紫菜豬肉煎餃就比較食到豬肉香，香辣豬肉煎餃係有啲辣，但係辣得過癮🤤Order完餃子店員會送一小碟香辣菜脯🌶 菜脯微微嘅麻辣，配餃子食一流👍🏻而嗌煎餃就會送一碗佢哋個標榜無味精嘅魚膠淮山煲豬骨湯底🍲湯頭係足料老火湯底，熬至濃郁嘅乳白色，飲落去好足料好滋補嘅feel，飲完其實飽到上心口😝 另外都係朋友到偷食咗粒香菇木耳雞肉湯餃都好正，勁多冬菇同木耳所以食落有口感又香🤪其實呢排都食咗幾間出名餃子店，但係呢間係最令我滿意～推介所有餃子控一試🥟❃注意❃呢間午市/晚市通常都爆場，想食嘅話要預留時間等位，而且舖頭逢星期二休息～

我唔知道原來呢間餃子屋咁出名，只係經過呢個商場，行曬所有食肆，見呢間舖頭人流最多，所以好奇心之下就入咗去坐低食啦。我鍾意食餃子，所以對餃子有一定嘅期望，餃子質素算係中上，但係餐廳的座位比較狹窄，而且都等得耐，所以沒有那一種「哇！一定要食」的感覺。除了堂食之外，即使是下午3:00的時候，也有很多人叫外賣，所以我相信它也是附近街坊經常支持的一間米線餃子鋪。餐廳本身沒有洗手間，所以要找附近商場的洗手去使用。

餃子屋2023年第一篇食評，繼續食勻全港，輪住食，下一間就輪到你，無無障礙設施就請準備，放寬入境隨時有大量旅客投訴，到時唔關我事啦！🤣🤣🤣琴晚屋企人去咗荃灣買餸，準備夜晚打邊爐，經過餃子屋就買咗生餸外賣拎返屋企，阿妹話排隊都排咗差唔多20分鐘，非常誇張！1.粟米香菇豬肉餃12隻$52（8/10）呢個餃子非常大粒，豬肉貴唔會將貨就價，入邊好多豬肉，粟米同香菇都唔少，味道又調教得啱啱好，怪唔知咁多人排隊去食啦！😋😋😋地址：荃灣西樓角路202-216荃昌商場1樓58號舖#餃子屋 #餃子 #水餃 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

餃子屋絕對是荃灣最受歡迎的餃子店不論外賣還是堂食都總是大排長龍一坐下店員就會送上一小碟香辣菜圃單看這些金黃色的餃子已非常吸引每隻餃子都大得像平常普通餃子的兩倍咖哩薯仔豬肉餃$44/6隻香濃咖哩非常惹味可口建議煎餃雖然有些熱氣但真的很美味韭菜豬肉煎餃$38/6隻真心最好味就是這款韭菜豬肉煎餃外皮煎得香脆可口而且滿滿的韭菜餡料非常推介不得不提是魚膠淮山煲豬骨湯底如果湯餃就可直接享用煎餃亦可另外附上一碗魚湯湯頭魚味鮮甜濃郁令人想整碗喝完加$8可加米線保證吃得飽粟米香菇豬肉餃$44/6隻這個配撘想也知道必定材料十足而且充滿肉汁沙茶金菇肥牛餃$44/6隻試試不同口味正常沙茶肥牛的味道配合餃子味道也不錯不竟不是所有食物也能配合有些太奇怪的餡料就盡量避免了餃子種類有十多款全都可選煎餃或湯餃可選六隻或八隻也可以雙拼

員工態度惡劣出食物超慢，嗌八隻餃子等成個鐘，以為有幾好食，其實都一般炸到個餃子皮超硬，老實講真係唔抵食，最慘係日日見到門口咁多人企喺度等等等以為有幾好食，仲有西口西面，食咗都背脊骨落，真係建議大家唔好再去

呢間餃子屋成日都排晒長龍，見冇咩人即刻入去坐低試吓，聽聞呢間嘅餃子都大件夾抵食，我就即刻叫咗個雙拼湯餃 - 芹菜豬肉餃同咖哩豬肉餃。餃子的確好大件，係正常餃子份量嘅兩倍，芹菜餃就比較清新，芹菜味好香，咖喱餃就比較特別，出面比較難食到。而個湯底好濃郁魚味，好好飲，佢個香辣菜蔔都好出色，送餃一流。

之前睇過條片幾好評所以嚟幫襯下，唔算近鐵路，對唔熟悉荃灣嘅我係有啲難搵，星期六大概6點嘅時間都幾多人，舖細細，不過我一心嚟買生餃，喺屋企有時煮下麵食咁，所以無位就無乜影響，餃子款式都多，有西洋菜餃…一打HKD48, 我就要咗韮菜半打同芹菜半打，雙併係唔需要加錢，先俾錢，攞個號碼牌等叫number每隻都好飽滿，好大隻，皮有少少厚，韮菜不過不失，芹菜肉汁好juicy 好正👍

大家買這間餃子屋外賣要諗清楚，買一碗湯餃要等成30分鐘，阿姐又悪又唔理你，唔知如堂食要等成30分鐘，又咁少位，間舖唔知會點呢？所以諗清楚，趕時間就唔好買，餃返到屋企又林晒，影響味道！非常劣評！

你有沒有這樣的一間餐廳🍴在心中有個特別位置？當你想不到吃什麼的時候、夜闌人靜的時候，總會心思思，想念餐廳的美食？餃子屋位於荃昌商場，這個商場的人流並不算多，但是無論你什麼時候經過餃子屋，餐廳門外總是有很多人在排隊堂食或外賣。這是一間小店，環境不算寬躺、座位比較擠迫，用餐體驗不算很舒服。⭐️食物的質素無可挑剔！價錢合理！ 由$38-$52，可選6/8隻，加$8可加淮山麵😍從小吃到大，無論堂食或外賣，一樣like 爆😍吃了很多年，由學生🧑‍🎓到工作，仍然在吃！ 基本上除了羊肉餃，我全都吃過了，為大家一一點評！ 先為大家介紹幾款我的例牌：韭菜豬肉餃🥟（首推煎餃）韭菜的香味以煎餃的形式出現是最好不過！餃子大大隻啖啖肉，每一啖都充滿肉汁！🤤芹菜豬肉餃🥟（煎/湯）是男朋友的all time fav! 芹菜很爽口，用料絕不馬虎，煎或湯餃同樣出色，非常清新解膩！棷菜豬肉餃🥟 （煎/湯）是我的all time fav🕰️ 椰菜和豬肉的味道特別夾，配知店家自家製菜甫和辣椒醬🌶️令人回味無窮！ 皮薄餒靚，正！ 小孩才做選舉，大人全都要！所以我向來點傳統四拼，有齊白菜🥬、椰菜、韭菜、芹菜，每樣兩粒，煎餃還會跟湯！

到 荃灣必食咁濟。一向鍾意食餃子，平時都買餃子煮，呢間唔單止個餃好味，選擇多，係個湯底仲吸引，係真係老火湯，飲落去，有骨膠原，仲明顯feel到煲左好耐，真係不得了。每次去到，有選擇困難嘅我，唔知食乜餃好，所以通常食雙拼。仲有好出色嘅辣菜脯，真係好正，我覺得好辣，食前夾走辣椒先食，都辣，但夾埋麵同老火湯，就啱啱好。其實我覺得煎餃抵D，不過我鍾意湯餃加上剪餃就燥熱左少少囉。佢嘅咖哩薯仔雞肉餃，咖哩味好濃，薯仔夠林得黎唔會散，齋食都好足味，係濃添，要配返個上海麵中和下更佳。跟住通常食下粟米三色椒豬肉或者香菇木耳雞肉之類嘅餃子。而且再配上海麵除左因為咖哩太濃，仲因為佢麵夠彈牙爽口，又係不二之選。食左好多年，味道仲保存到。五十零蚊，咁有手準嘅麵，雖然唔包飲品，座得又迫，都覺得值得一去再去。

次次去餃子屋都係好鬼死多人，我諗個個都係貪佢啲餃子大大隻。同埋佢個湯底真係成碗餃子嘅靈魂，今次叫咗京蔥羊肉餃同埋香荽馬蹄豬肉餃，佢啲餃子真係好大隻好多料，加埋辣菜脯食真係一絕。

好鍾意食餃子🥟，試咗好多間覺得呢間嘅湯底係最正！我平時你一定會呢個粟米豬肉餃，濃郁嘅魚湯底配搭甜甜嘅粟米感覺在昇華左個鮮味，餃子每一隻都好足料大大隻，如果女仔嘅話六隻都已經好夠飽。平時兩個人嚟嘅話，會配揀埋三色煎餃，煎餃好香口脆邊，而且有三隻味唔會好單調，我最鍾意係其中嗰隻芝士味，一入口好濃郁嘅芝士味。而且煎餃都會額外送一碗🐟湯既。雖然每次過嚟都要排隊，入邊座位都比較迫，今次都排咗半個鐘以上，但係都覺得值得嘅✌🏻

除非你好多時間 唔係都唔好嚟食 之前試過一次堂食 嗰時lunch time好多人 等咗20分鐘先入得 入面啲人已經食緊 以為好快有得食 點知都係要等 lunch time嘛ok fine 餃子淨係得個大字 冇話特別好食 偏甜 唔係個個會鍾意食跟住之後有日我未有車 所以買外賣攝時間 嗰陣11點冇乜人 唔洗排隊 以為好快有 dllm等咗成20分鐘。。 中途催過下但店員冇禮貌回覆 無論有幾多人都好 等嘅時間一樣 *煎餃要等 double時間😉又唔係好食 唔值得等咁耐

好耐冇喺荃灣消費, 諗唔到食乜, 睇返之前keep咗嘅資料, 即管試吓呢間出名嘅餃子店. 星期日一個人下晝四點幾嚟到, 好彩即刻有位唔使排隊. 如果係兩位, 當時情況都要排15分鐘以上. 未嚟過嘅朋友記得要喺門口攞飛排隊, 門口排隊係冇隊型, 好容易企錯呀姐以為你買外賣. 冇辦法小店經營, 自己要主動啲睇清楚.由於唔算好肚餓, 坐低睇完餐牌, 就叫咗出邊比較少見嘅京蔥羊肉水餃（走湯）再加左兩個小食：涼拌萵筍同皮蛋豆腐京蔥羊肉水餃（走湯）水餃皮中規中矩唔厚，京蔥羊肉份量好好，最緊要係有咬口，唔係用攪拌機搞到爛晒嗰種。羊肉唔算騷，啱啱好。水餃size每粒都算大，千祈唔好貪心一個人叫12粒！涼拌萵筍同皮蛋豆腐唔知點解呢兩個小食嘅味道係一模一樣！ 估計係廚房用同一個汁整！ 餐牌上仲有涼拌木耳、手拍青瓜…估計都係用同一個汁撈。如果諗住叫小食就唔好嗌呢四款，因為上到嚟四碟係一樣味嘅😆小店裏面有見到8位姐姐返工，如果工作分配得好啲，相信小店生意可以再好啲！

呢間餃子店真係幾時去都係咁多人店鋪唔算大 所以去親都見到周圍都係拎咗飛等緊位嘅人要推薦一下啲湯揀咗 魚膠准山煲豬骨 真係好入味餃子每隻都好足料唔少人都有外賣生餃返屋企煮價錢亦都好抵🫶🏻