餃子皇 (Closed)

擔擔面，出乎意料的好味，加上脆卜卜，熱辣辣既雞翼同煎餃子，真系好味又抵食既一餐。老闆娘的服務都好周到，自動幫我地剪咗面，方便俾我同老婆share。好少在小鋪頭有這麼周到的服務啰。走果時總好熱情送客，又問咗味道岩唔岩口味~~總體來講，是又便，又吃的好滿足既一餐！還回來幫襯~~

等緊福元湯丸之際，又行過少少，到餃子皇外賣了一盒煎菜肉餃。今次比等湯丸更耐，因為師傅動作好緩慢，慢慢炸、慢慢夾同慢慢放入盒度。由於佢地手腳太慢，搞到我地搭唔到小巴，唯有搭的士。半小時後回到家，炸餃仲係好熱，仲好脆。隻隻餃都超大隻，真係食幾隻都飽。皮也很薄，而餡料就勁多，真係勁飽滿。餡料有韮菜豬肉或白菜豬肉，從外表係無辦法分辨到的。餡料也有調過味，所以不會淡而無味，菜肉比例均勻，肥肉不多，整體很不錯。

是日約了老友在理工吹水, 完事後專登向黃埔花園方向走, 老友想吃餃子, 先經過了飽餃店, 但沒有吉枱, 放棄了, 轉過彎就到這間小店, 店內三位店員, 據估計, 一位阿姐, 是員工, 另外兩位是老闆, 一位後生的與一位年老的, 應是父子關係, 是次進食經驗十分差, 不關食物質素問題, 而是兩父子的態度不太友善, 尤其是後生的一位, 付款時惡形惡相叫那位老人家收錢, 他自己計錯數, 又以為我們與老人家爭辯, 其實我們是想話比老人家聽, 收少了錢, 正一是小人之心. 說回食物吧, 兩人叫了兩個餐, 一個淨煎餃子 和 豆漿, 煎餃子八隻, 煎得頗香口, 顏色金黃, 皮不算太厚, 可惜太油了, 食落不十分舒服, 而且餃子本的味道亦不太鮮味, 友人叫的是煎餃子擔擔麵, 依照友人的表說, 麵的質感不差, 夠彈口, 可惜味道一般, 不及一般擔擔麵的味濃, 另外, 豆漿尚算有豆味但略為甜.

自從睇完 "公主嫁到", 亞4 勁食 "元寶" 之後,我就想食餃子喇.... 今日 Order 咗....... 咖哩雞餃.......好豐富,好香咖哩味.. 蕃茄餃.......多蕃茄, 好fresh..!! 香芹餃......又係另一freash 之作~~ 韮菜餃.....其實都好好味,菜肉比例均衡.!! 不過以上 3 種較有"新鮮感"... 上海排骨.....oh...呢樣真係唔掂~~ 厚粉,冇味..!! 上海麵....ok 啦, 配有雪菜 & 椰菜 豆漿....一般,不太甜總結: 不愧叫做 "餃子皇"....

24/05/2010 晴天今天我和嘉豪去了紅磡逛街, 之後看了埸戲, 後來也是充飢的時間,同時經過"餃子皇"也有不少客人光顧, 我們都食番碗麵輕鬆一下, 想起餃子,我都好久都冇食餃子了我和嘉豪兩人都選擇了湯麵套餐, 嘉豪想食湯餃, 而我選擇了食煎餃子客人的流動都不斷, 可見也頗受歡迎, 也是大眾化的食品款式眾多, 我們都想了一段時間才決定食什麼餃子店內都不少餃子的款式, 例如白菜鮮肉餃,菠菜鮮肉餃,蕃茄鮮肉餃,咖哩雞鮮肉餃等等, 看來真是非常吸引, 真是每款都想食除了餃子, 店內更有擔擔麵, 炸醬麵, 蒜香雞翼.....多元化的食品先來了一客白菜鮮肉餃,湯底都不會太油膩, 也不會太多味精, 上海粗麵都好彈牙爽口, 也是香氣四溢, 總共有四隻大大隻餃子,皮薄餡多, 肉味香菜夠爽口,豬肉不會太實, 菜肉份量適中, 清淡之選等了大概10分鐘也上枱了, 後者的煎餃子是香芹鮮肉餃,也是一共是四隻也是香噴噴, 煎得火喉剛好不會太燶, 金黃色香脆美味好香芹菜的味道不會搶走肉的鮮味, 點了一些帶甜甜酸酸的醋可以減輕油膩的感覺, 夠香口不過頗多油一點,從索油紙可看到不少油滲出餃子套餐$22也包括了豆漿

週六中午時份，相約同樣嗜辣的細佬來到餃子皇，正式向「辣」名昭彰的披著羊皮的狼(指天椒餃)下戰書！ 這裡的餃子麵餐有米線/上海麵一碗，五隻餃子(可自選一至兩款餃子，香煎或放湯皆可)，再贈送冰凍豆漿一杯。我和細佬有共識地各叫兩款不同的餃子，再互相交換。結果，出現在碗內的有白菜鮮肉餃、咖哩雞肉餃、蕃茄鮮肉餃及羊皮狼餃。清湯由豬骨及鰂魚熬成的，但上海麵條略硬，宜再多煮一會。 先吃家常的白菜鮮肉餃，菜肉餡鮮嫩中略帶某牌子的鮮醬油味道。接著是蕃茄鮮肉餃，咬開餃子皮可見切粒蕃茄伴以絞肉，細嚼肉餡時有淡淡微酸的蕃茄味道，清新可口。菜單上寫咖哩雞肉餃內應有雞肉、薯仔及洋蔥，可我的味蕾被濃郁的咖哩味佔據，沒能偵察到洋蔥及薯仔的蹤影(同行細佬力證餃內是有薯仔的)。 我讓羊皮狼餃壓軸登場。身先士卒的細佬咬了辣餃後，露出一副慘遭伏撃的樣子。我懷著戰戰兢兢心情咬了羊皮狼一口，驚見餡內的絞肉除了混和著鮮紅的指天椒絲外，還有大量的辣椒籽，正是羊皮狼辣得令人嗆喉的元兇！當我嚥下辣餃後，一股來勢洶洶的辛辣感由食道反攻上來，在口腔內纏繞不息。滿滿一杯冰凍豆漿給我一飲而盡，但這救援也僅維持了短短數秒。辣得火燙的口腔根本不容許

之前朋友帶我去食過一次, 可能本身極愛餃子, 未食已經墊底30分好感, 加上當時老闆娘坐鎮, 有傾有講有推介, 雖然味道未至於出色, 但街坊生意都so far so good....點知禽日再去食就衰咯, 服務+食物都差!叫咗碗餃子担担面, 當時得個女工+阿伯係舖(1) 個女工好無禮貌咁大聲叫我 "要唔要辣呀"....當時我睇緊書, 要過3-4秒先意會佢係問我 (2) 但又唔問我食咩餃....佢自把自為每款一隻, 仲要大大聲同我講"你唔同我講要咩餃!", 當時間舖得我一個人, 問一句真係咁難(3) d餃雪過夜, 疊埋d皮煮極都係硬嘅, 番茄餃雪完好難食, 唔好話無鮮味, 連味都無(4) 激死我! 我同女工講d皮好硬唔熟, 佢竟然同我講雪完d餃係咁...連阿伯都幫佢口...嬲到我即刻唔食埋單比錢, 佢先話"咁我整過兩隻比你啦"....可惜再黎兩隻都係超難食呢區大把嘢食, 咁嘅服務咁嘅食物, 下次一定唔幫襯!

我叫左煎餃麪餐~~有幾樣你揀~ or 湯餃亦可... 蕃茄肉餃同菜肉餃~~ d麪都有d配菜ga~~總之好抵食!! $2X~~重會送杯豆漿!!!

其實 本身響附近番工, 差唔多樣樣都食過....依間餃子皇食過幾次, 次次都同自己講 下次唔想再幫襯,但結果都係因為本身極愛食餃子... 所以 又再次番來食...個人推介, 如果真係食得辣.. 一定要食佢地既 披著羊皮的狼 (勁辣餃)依隻勁辣餃，可以話係一絕, 食既第一啖, 會食到濃濃既指天椒味, 然後忽然開始就感覺到 "來料"既感覺... 開始辣出來, 不過 其實如果食開辣椒既, 應該還可以接受到佢既辣味.. 不過 一次過食完8隻既結果就係連續3日另一個地方都會覺得辣辣辣.... 個人會極力推薦一定要食煎既 唔好食湯既...至於其他餃子.. 就如其他食評所言, 佢既皮真係厚過日本藝伎塊面果層粉底如果食煎既.. 因為煎到有少少脆又香香地, 都還可以接受... 但係如果做成湯餃, 就真係嚇死你.. 有時都唔知自己係唔係食緊舊粉團.. 雖然本身肉餡都多, 但完全係冇咩味既感覺.. 就算勁多人推介既咖哩餃都係如是... 或者本身個咖哩餃就真係麻麻地... 我會覺得比食一般麵包店既咖哩包差d囉...其他的餃子就真係不值一提了... 因為都係果個字.. 皮厚.... 就完全失去左食餃子

今晚特登去試下, 九點多唔駛等位, 一入舖己好大油煙味, 未坐低就發現枱底有隻比人踩扁左既小強, 印象分大減!!! 我地叫左8隻菜肉煎餃, 一碗湯咖喱雞肉餃8隻菜肉煎餃 - 個皮煎得幾好食, 不過有幾隻爆開左, 食晒啲餃子後隻碟全部都係油, 睇黎佢係用好多油去煎啦湯咖喱雞肉餃 - 如果大家鍾意食咖喱既話就一定要叫呢款啦, 因為佢係湯版咖喱角, 味道都唔錯既埋單$48 店內環境衛生真係唔太好, 食完成身油煙味

細細的店子, 入內得4, 5 張摺檯;門口的大叔和幾個阿姐好努力地在包餃子呢~坐下, 叫了30蚊10隻什餃.可以係煎或清湯; 我地叫左湯.10隻真係乜都有, 但大叔放底碗都有告訴我們邊隻係"披著羊皮的狼"!一咬 - 係好似食辣椒咁, 得10% 肉, 成口辣椒, 馬上噴火 <- 我當時的樣子其他的餃都好好食, 但口已麻, 係大豬女友說都係ok 的,比較特別的係咖哩薯仔餃, 真係未食過, 似係 清湯 samosa~一路食, 見兩位阿姐笑住包餃子, 自己都食得好閞心呢, 完全忘了噴火的痛苦~

又是與女友在紅磡找吃的，最後選擇吃在上環吃過的餃子皇，與女友入內找了個位置坐好後，也來點吃的了，兩個人吃，也是隨便的點上數款食物好了，最後點了煎雜餃八隻，再加點錢加餸，付多十一元吃多個排骨，另也點了酸辣湯麵，再加店家送的豆漿。先談談那十一元兩塊的上海排骨，但說穿了其實只不過是炸豬扒，我真的看不出也吃不出這為何不是炸豬扒，新鮮炸出來的豬扒，非常之熱騰騰，但就乾得如吃豬肉乾，肉質很嚡，嚴重懷疑店家是翻炸一塊之炸好的醋扒罷了。吃罷失望的上海排骨，也來吃煎雜餃八隻，由店家自行取數款不同的餃子一至兩隻，餃子煎得很熱，但也很油膩，整張底紙也吸滿了油，從來北方的餃子就如是，餃子皮都是過厚過多，可能放湯的話會較好，但用來煎的，就好像不太好吃了，個人認為最好也是蒸餃是最好的，先選了粒咖哩雞肉餃，內部有雞肉、洋蔥及薯仔，雖然材料切得很細粒，但都挺香咖哩味，很惹味的；白菜豬肉餃的白菜不太多，而豬肉佔了大部份，而豬肉過度腍身，沒口感可言，是機打免治豬肉之弊病。芹菜豬肉餃的餡也是沒甚口感，但就多了芹菜濃烈的味道；蕃茄豬肉餡是稍不留神，也不知道原來是在蕃茄在內的，按道理以微酸的蕃茄中和了豬肉的油膩，應是一個不錯的

已經好耐冇執筆，趁我仲有記憶寫返我既食評先！係餃子皇食過兩次，首先要一讚佢真係好抵，一次食$21，一次$25，好飽，再加埋免費既豆槳（雖然好淡，但好過飲水啦）$21係食湯麵加四隻餃子，我選左煎餃，可揀米線，上海麵果啲，我揀左上海麵不過上海麵好硬，同埋個湯好淡，所以不太欣賞湯麵的部份至於餃子的確不錯，有好多款揀，我兩次食都係煎的，喜歡蕃茄同咖喱口味，好特別，尤其蕃茄配煎好夾！另一次食既係擔擔麵很不錯，好香花生醬同埋肉鬆，個人喜歡佢多過詠X園！同埋個湯底非常"杰"，所以食完係非常非常飽的！

dec 05, 09, 2人嚟dinner,叫咗 : 1) 淨菜肉餃子8隻 (hk$23)-店員話可以拼2隻味,經爭取後可以有3款味-要咗湯餃-我揀咗香芹鮮肉餃 (2隻),咖喱雞肉餃(3隻)同番茄鮮肉餃(3隻)-好有香芹味-咖喱雞肉就好少中式餃子會創呢隻味,好特別,味濃,有少辣意-番茄鮮肉,清清哋,juicy-整體覺得d餃子個皮腍咗少少,不過好抵食 2) 5色餃子湯麵 (hk$23)-友人叫了煎餃子-揀咗番茄鮮肉(2隻)同墨魚餃子(2隻,+咗$2)-試咗友人各1隻-個皮小脆,但都幾油膩吓-墨魚餃子唔多覺墨魚肉,亦食唔到墨魚味,似豬肉餃多d-仲有豆漿送 (不過我無影到)

星期六收左工唔知食咩好, 想食平平地熱熱地清清地既野, 諗諗下好耐無食餃子, 最後去左附近既餃子皇 之前已經幫趁過幾次, 最愛佢既咖哩雞肉餃, 上年買左幾次返屋企打邊爐, 今年仲未打過邊爐喎, 我一諗起咖哩雞肉餃就興奮~馬上興沖沖走入鋪, 本來無晒空台架喇, 個包餃子亞姐準備收檔走比張台我地時, 有位好心的小姐主動移入已經坐左三個人既四人台讓張二人台比我地, 謝謝~ 一坐低我已經決定好要上海麵咖哩雞餃, 諗諗下又心大心細想試下香辣餃, 最後決定雙併, w要韮菜+白菜餃上海麵, 又加左個八隻什煎餃, 本來我想要三隻咖哩餃兩隻香辣餃, 落單的亞姐再三聲明香辣餃好辣好辣架, 我話咁試下喇, 亞姐話咁試一隻先啦, 而家回想起個亞姐真係救左我!! 10分鐘左右D麵上台, 湯底都係一樣咁好飲, 我飲唔出係唔係豬骨+鰂魚煲出黎, 只係知有陣胡椒味好香好好飲, 配埋椰菜又係好好食, 其他餃子唔講了, 最想講下個香辣餃, 上台時亞姐已經指名呢隻係香辣餃, 其實唔洗佢講我都知, 因為隔住層皮都見到佢入面係紅色, 既然亞姐咁示警我都會認真看待佢, 先食晒其他野食剩隻香辣餃攤凍D先, 真係食時我先咬左佢一角咬