餃里 (宏輝大廈)

Open Now

Now Closed

今天放假和友人到炮台山的油街實現閒逛！ 剛想起附近有間很出名的餃子店，叫餃里☺️此店在炮台山宏安道2-12號宏輝大廈地下6號舖。 舖頭細細間，只設外賣自取！ 這裏主打煎餃和湯餃，其他還有上海湯麵和撈麵！或者可以外賣生餃子回家煮來吃☺️我們點了三拼自由選煎餃、田園四拼湯餃和餃里撈麵小辣🔥 跟住我們返回油街實現處有地方可以坐下進食！三拼自由選煎餃我們揀選了紫菜鮮肉、芝士粟米鮮肉及和風椰菜咖喱鮮肉, 每款三隻共九隻! 芝士味濃配粟米的甜味👍紫菜包餃子是新吃法。 和風咖喱不辣帶甜配上新鮮豬肉，好好味😋 還有煎得很香不會太乾👍田園四拼湯餃包括韭菜、椰菜、白菜和香荽的鮮肉餃！ 每款兩隻共八隻。 我們另選了住家蕃茄薯仔肉碎湯做湯底。 四款都很配搭，很好吃的，最喜歡的是這個湯，很足料，吃了很多蕃茄薯仔！真係有飲住家湯的感覺👍餃里撈麵採用粗條麵，加入獨家醬汁和辣菜脯，小辣都夠辣和味，很正！所有的餃子食物係即叫即做，既新鮮又好好吃！ 外賣盒是紙盒，環保又美觀😊 還附上餃子汁和自家製辣菜脯👍 下次會買生餃回家自己煮，真的好方便😘

《炮台山超鮮味湯餃煎餃😋》天后炮台山都有唔少餃子店，今次介紹嘅係位於炮台山嘅餃里餃子，價錢比起同區唔係最平，但係質素一定對得起價錢，不過炮台山分店冇得堂食。紫菜鮮肉湯餃(6隻) $52 ⭐️👍🏻呢個紫菜湯餃絕對足料，咬落去一半都係紫菜，紫菜味超濃郁，加埋豬肉餡肉汁Juicy，查仔讚不絕口，如果大食既話可以加多幾蚊有9隻。湯底得返蕃茄薯仔肉碎湯，薯仔煲淋晒，同埋個湯好足料，基本上有一半都係蕃茄薯仔😋芝士粟米鮮肉煎餃(6隻) $50 ⭐️煎炸野不嬲都要趁熱即刻食，所以一出餐，查寶已經忍唔住食左一嚿先，煎餃脆卜卜賣相好靚，芝士粟米配搭基本上唔會輸，香脆餃子皮加埋拉斯芝士，口感一流，不過行左10分鐘返到去正式開餐就已經淋咗少少，建議即刻食。餃里撈麵(跟餐) +$10寶姐唔食得辣，所以叫左唔辣，就咁食落去冇咩味，不過見佢配料俾咗柚子醋同埋辣菜脯，查仔覺得加埋落去食，好食好多。🍽️餃里炮台山店⁣📍炮台山宏安道2-12號宏輝大廈地下6號舖

今日同朋友去炮台山油街嘅藝術空間，經過見到呢間「餃里」主打香港小店自家製作一於試下😋 餐廳只有外賣自取，買完可以同朋友去附近嘅公園/酒店食👍🏻椰菜鮮肉煎餃🥟 6隻$40外皮煎得金黃酥脆，椰菜同鮮肉餡嘅搭配永遠都係最正🤤咬落好多肉汁！呢款一定要食🥰芝士粟米鮮肉煎餃🥟 6隻$50呢個煎餃好啱啲鍾意芝士🧀️嘅人食，滿滿嘅拉絲感😆配搭埋餐廳自家製嘅辣菜脯更加惹味😍！紫菜鮮肉湯餃 6隻$52湯餃湯底揀咗蕃茄薯仔肉碎湯，充滿着住家味道🫶🏻紫菜同肉碎餡料比例好好勁，每一啖都食到紫菜香味加鮮肉汁👍🏻整體嚟講餃子做到唔同嘅味道種類都幾創新😳同店員嘅閑談間知道餐廳秉承住用心自家製作，難怪一路食覺得好有住家感覺😆可以一試！

餃子店真材實料，全人手製造，餃子皮夠薄，睇到每隻都用料十足，除左做外賣，仲有急凍生餃，可以買番屋企自己煮。餃子可選煎餃或湯餃，份量有6隻或9隻，仲可以揀拼餃，試多幾種口味；煎餃款式有10種咁多，湯餃都有6種；湯底就有2款選擇，包括養顏無花果栗子腰果素湯或住家蕃茄薯仔肉碎湯，可分湯另上，好貼心。9隻三拼自由選：任選3款，每款3隻，我揀左3款只有煎餃既口味品嚐：芝士粟米鮮肉：芝士鹹香，粟米鮮甜。泡菜鮮肉：辣得過癮，非常開胃。咖喱鮮肉：咖喱香濃，好有驚喜。餃里撈麵唔辣：撈麵係粗麵，加左醬汁和自家製手工辣菜脯，滋味無窮。跟餐飲品可以優惠價錢加配，相當實惠。總結，餃子餡料豐富，大件夾抵食，新鮮好味道，令鍾意食餃子既我喜出望外。

餃里炮台山宏安道2-12 號宏輝大廈地下6號舖呢間餃里在屯門好峴名, 我以前冊屋企人住仲是在屯門, 都經常去買來吃, 而生餃就是買來邊爐, 可以放雪櫃冷藏一段日子, 非常方便。外賣餃子有煎餃同湯餃, 我夏天唔想太油, 叫了白烚餃子, 有6 底9隻咁ORDER, 大男人我以前都是9隻再加6隻, 那夠飽肚又可以試到2款唔同餡料的餃子。今日買物比女朋友, 2個人份量, 可以叫到3份一齊食, 我女朋友未食過呢間, 都想比佢多嚐唔同的口味。$54 椰菜鮮肉烚餃 / 9 隻 及 $54 韭菜鮮肉烚餃 / 9 隻, 睇住廚房收到ORDER, 把餃子在雪櫃中拿出。個皮好紮實, 豬肉饀唔會太肥, 肉都是偏瘦的, 符合現代人追求健康。調味也是很住家FEEL, 清淡健康少鹽份2。$46 白菜鮮肉煎餃 /6 隻, 煎餃其實沒有太油, 個皮相對煙勒可口, 每個口味好好食, 我地2個人共ORDER 27隻, 我一個人都食左成17隻了。 餃子是下了單才煎/ 烚, 新鮮熱乎乎的呢, 都幾多人行過, 街坊們買來, 等10-15分鐘左右。外賣包裝也很整齊, 餐具的調呆料用獨立的小盒盛好, 衛生又美味。有餃子沾汁同辣菜脯,

作為一個好鍾意食餃子嘅人，本身都好鍾意食屯門分店嘅餃里。最近竟然發現佢開咗嚟港島區，於是搵日收工即刻過去買。可以揀湯餃子或者煎餃，我為咗試晒佢嘅兩款湯，於是叫咗兩個湯一個煎餃。我覺得個湯真係冇味精，而且勁足料，可以望到真係真材實料煲出嚟嘅湯。覺得同某啲連鎖品牌嘅住家湯差唔多🥰個人鍾意粟米紅蘿蔔無花果湯多啲，佢係素湯，用腰果代替左肉類，可以中和返啲餃子入邊嘅肉，唔會太漏。我今次揀咗佢嘅素餃，由於佢入邊冇肉，所以整體比較鬆散。餃子入邊有紅蘿蔔翠玉瓜木耳粉絲，整體感覺好fresh而且同時都會有咬口。仲叫咗個芫荽豬肉餃子，咬落去係勁豐富嘅芫荽味，如果鍾意芫荽嘅人一定要食🥰除咗兩個湯餃之外，仲有一個煎餃子，我揀咗屋企人最鍾意食嘅咖喱椰菜煎餃子。個咖喱味非常濃郁，配椰菜嘅咬口中和返就啱啱好。覺得坊間都好少有呢一個配搭，係特別嘅口味。佢跟餃子會送菜脯，佢個菜脯比較辣，但係粵式會越上癮好想繼續食😂好開心，佢開咗去我返工地方附近，咁就可以成日買到外賣返屋企食😌

炮台山宏安道雲輝大廈地下有一間叫餃里嘅餃子店，雖然舖頭細細的，但有很多員工在裏面包餃子，肯定餃子是新鮮的。家人和我都吃喜歡吃煎餃，所以叫咗兩份九隻三拼自由選的水餃（62元）餃里嘅餃子🥟有好多款式，今次試咗韭菜鮮肉煎餃、白菜鮮肉煎餃、香茜豬肉煎餃、清新素餃、和風椰菜咖喱鮮肉煎餃、粟米芝士鮮肉煎餃，足足六種，真係好有滿足感。整體嚟講，餃子嘅皮薄餡多好飽滿，豬肉鮮甜，餃子多汁。椰菜咖喱餃少少辣，好香咖喱味。素餃清清淡淡有沙葛、韓國粉絲、紅蘿蔔🥕等素菜，好清新，喜歡食素嘅人會鍾意食。芝士粟米餃啲粟米好鮮甜味道好夾。韭菜、香茜、椰菜同埋白菜豬肉餃都可以保持到水準，菜肉比例適中，味道唔會太鹹，剛剛好👍🏻👏🏻👏🏻👏🏻佢嘅豆漿係少甜嘅，好有豆香，食餃子和豆漿一起飲，真係絕配😋😋😋

今日去左炮台山交文件，見到附近新開左一間餃子店，細細店但五臟俱全😋 店舖只限外賣，但都吸引到好多唔同嘅人買，特別好似我呢類上班人士😍佢地仲要即叫即煎泡菜鮮肉煎餃 ($60@9)呢個泡菜豬肉餃我最愛😍😍 煎得好香 d肉被泡菜包圍著😋 食到停唔到口咖喱鮮肉煎餃 ($60@9)第一次食咖哩煎餃，好香口，一啖食d肉汁咇哂出黎😋😋😋 大家一定要試sundrop 桔仔水($8)食左咁多隻餃子，緊係飲下吉仔水，等個口唔會太膩

餃里 📍炮台山小店只做外賣 除左湯餃煎餃仲有生餃賣！兩點過去但都有好多人購買，所有餃子新鮮即叫即煮，等左十分鐘係附近行個圈就有🥰 💕田園四拼(熟餃）韭菜2隻/白菜2隻/椰菜2隻/香荽2隻煎餃都好大隻！ 菜同肉既比例岩岩好🫶🏻 就算買左陣翻熱食都仲有少少脆😍💕紫菜鮮肉湯餃6隻 配無花果湯紫菜鮮肉餃呢個配搭真係第一次聽 但都好好食！皮薄餡靚！大大粒食幾舊都好飽肚！ 💕餃里撈麵 唔辣油麵都好食😍💕澱粉控最愛 配上少少調味！💕養顏無花果栗子腰果素湯無味精又足料既湯！湯底好清甜 加左巨量粟米同紅蘿蔔 仲好大碗湯😂 絕對有驚喜 岩曬無咩湯水又唔想飲味精湯既人士😂！

喺附近返工 聽同事講呢一間連啲湯係可以飲既餃子！ 位於油街重現附近 可以買完過去油街chill都得🤤 鋪頭乾淨企理 麻雀雖小 五臟俱全！ 有齊嘢飲嘢食，同埋配料😍泡菜鮮肉煎餃（6隻）$50必叫泡菜鮮肉煎餃😍 皮薄餡多！ 勁大嚿餡！ 超多豬肉同埋泡菜！ 煎餃佢仲配左特製煎餃醋 啲醋唔係普通醋 唔會d醋完全搶左餃子既味 咖喱鮮肉煎餃（6隻）$50超香咖喱味 鍾意咖喱嘅一定要叫呢一個 juicy 到好似會留d咖喱出嚟咁😋😋 一如既往又係超大舊餡料！ 真材實料 每一舊煎餃都勁大隻 女仔要咬2啖先食得哂！ 超推介煎餃😍😍紫菜鮮肉湯餃(6隻）$52嚟到我最期待嘅湯餃😍 佢有兩個湯底選擇！ 養顏無花果栗子腰果湯 或者 住家蕃茄肉碎湯😍 蕃茄肉碎一定係超正！ 但係因為我太耐冇飲湯，所以想飲啲有營養嘅湯！ 所以就揀咗無花果栗子腰果湯 佢係一個素湯 加左腰果會有肉湯既味🤣 超多料 多到食湯料都已經飽 隻湯餃重大隻過個煎餃 好似灌湯餃咁大隻！ 又係超多餡 紫菜鮮肉好襯個湯底 清清淡淡 好健康好fresh !

餃子絕對係我comfort food三甲之內，平時屋企唔知食咩既時侯都會煮餃子。 最近餃里係炮台山開分店，即使今日落雨都無阻我對餃子既熱愛，去左炮台山買外賣。炮台山分店只做外賣，店內完全無堂食座位。湯餃同煎餃種類好多，而芝士粟米、咖喱同泡菜味只有煎餃。餐廳既餃子係即叫即包即煮，肉餡係即日做，食材新鮮。- 和風椰菜咖喱鮮肉煎餃外皮煎到好脆，肉汁豐富，第一啖係微辣既咖喱味，然後食到爽脆既洋蔥餡，味道有層次👍🏻- 椰菜鮮肉湯餃湯底轉左住家蕃茄薯仔肉碎，味道非常清甜，飲曬都唔會口渴，好有家既味道🥰。湯餃外皮好薄，但仍然挺身同彈牙。每一粒湯餃都好大粒飽滿，證明餡料非常豐富，菜肉比例啱啱好。- 餃里撈麵撈麵幾粗身，袐製醬汁加上菜甫令平平無奇既撈麵變得出色🤩餃子既價錢好似有啲貴，但餃里一隻餃子既大小等於出面餐廳既兩隻，真係好足料，味道又出色，所以我認為幾抵食。

餃里 炮台山宏安道2-12 號宏輝大廈地下6號舖Shop 6, G/F, Wang Fai Mansion, 2-12 Wang On Road North PoinT包餃是項親子活動, 小時只要準備好餃皮同已預先調味的餃子餡, 圍在桌密密包, 通常會包過百隻, 因方便雪藏好, 日後小朋友沒有廚藝開滾水煮熟就可以食。以飽滿的餃子而出名, 路過見價位也是平民, 一於買些餃子回家吃,懷念一下以前的味道。有很多不同餡料, 以6/9隻咁ORDER, 最稱心是可以拼餃, 比人試多幾個味。 餃子的叫了 $48 韭菜煎餃(9隻)、$60 泡菜鮮肉煎餃(9隻)。除了煎餃, 店都有湯餃, 個湯底仲好健康, 有蕃茄薯仔肉碎同無花果栗子腰果素湯, 因我愛吃有口感香脆的,才點了香口的煎餃。個底真的有煎到小小焦香, 點辣醬很惹味, 餡料飽滿, 豬肉有慘了些許肥肉, 菜同肉的比例約是4:6。泡菜鮮肉有泡菜的酸辣味, 我自己很愛吃泡菜的, 比個LIKE 佢$42 6隻白洽椰菜豬肉餃,呢個是男朋友, 加辣油食, 好味, 有水準, 價格又親民, 一個人食十幾隻都可以。#香港探店 #香港美食 #hkfood #hkfoo

媽媽牌餃子由細到大不嬲都好鍾意食餃子，成日都會lur媽咪包餃子😆今日經過炮台山附近，想買啲下午茶返屋企食，就發現咗呢間餃子，試過之後真係好鍾意呀，佢啲餃子真係做到媽媽嘅味道！連媽咪都大贊好味😙😙舖頭喺銅鑼灣站附近，行到架咁囗就見到三個姨姨喺度包緊餃子，包得有板有眼咁，我同屋企人都鍾意食煎餃子，所以就試咗幾款煎餃子！每次食餃子都必食嘅韭菜餃！個皮煎到脆卜卜，個餡勁足料！好好食！店員會配埋辣菜脯粒，同埋一樽仔餃子醬汁，我以為係醋，試落似魚露又甜甜地嘅豉油咁，哈哈，呢個秘製餃子汁勁好味呀！之後就叫咗個芝士粟米餃，個皮又係煎得好好，個餡又係超級足料，芝士加粟米原來係可以做到咁好食㗎！絕對要encore呀！

趁放假想喺屋企懶，大熱天時想食啲輕食，諗起之前食過一次大大粒餃子既外賣店-餃里😋煎餃同湯餃都幾多口味揀喎！有比較特色嘅和風野菜咖哩鮮肉煎餃、芝士粟米鮮肉煎餃、泡菜鮮肉煎餃、紫菜鮮肉煎餃，仲有呢期最hit嘅香荽鮮肉煎餃😂🧀芝士粟米鮮肉煎餃芝士味好香濃，咬落去會見到啲芝士同肉餡包得好均勻，比出面買嘅芝士味鮮肉餃明顯出色好多👍🏻🥟和風椰菜咖哩鮮肉煎餃真係多菜多益🥬大量椰菜混合豬肉，配合咖哩既調味，食落唔會好dry，不過多咗一份健康嘅感覺💚🍜餃里撈麵份量好足，用咗特別醬汁調製，充滿香氣，配埋餃子食真係一流。順帶一提，如果點湯餃可以免費揀佢哋嘅無添加自家製湯做湯底，包括有養顏無花果栗子腰果素湯、住家蕃茄薯仔肉碎湯，上次飲過覺得好正，好有家既感覺，冇味精飲多啲都唔洗驚🤭另外佢煎餃或者湯餃都可以揀雙拼、三拼、四拼，自由度非常高，而且每隻餃子真係好大隻😱每隻都好足料！肉餡亦唔會非常多肥豬肉，都幾良心製作，所以想食餃子就會諗到呢間，食到飽食到滿足完全冇問題。👅味道💛💛💛💛💛👨‍💼服務💛💛💛💛💛💦衛生💛💛💛💛💛💯抵食💛💛💛💛💛

「餃里」一路都係朋友圈中相當有名氣，大家好鍾意叫既外賣今次終於到我黎試下啦！🥳「餃里」專做外賣，係炮台山既行三分鐘就到，好方便😛主要係食餃子，亦有D 小食／麵食可以叫😌今次煎餃同埋湯餃我都有叫到😝韭菜鮮肉煎餃(9隻)煎餃煎得好靚，每隻都係金黃色 唔會太焦 靚每隻餃子都大大隻 內餡仲要大大份！勁飽足⭐️⭐️⭐️⭐️⭐️芝士粟米鮮肉煎餃(9隻)粟米既甜味好突出，第一次食有芝士既餃，原來唔會好溜，有種韓式食物既感覺連埋D肉同粟米，出奇地夾⭐️⭐️⭐️⭐️⭐️紫菜鮮肉湯餃(9隻)配無花果湯，啲湯汁好鮮甜湯餃個湯底濃郁，老火靚湯，冇落味精紫菜量超多，一絲絲既口感係我好鐘意既⭐️⭐️⭐️⭐️⭐️皮薄餡靚，大大粒，超級值得ENCORE!💛仲送左環保袋 設計幾靚🧡喜歡！