香港腸粉皇 (Closed)

有時候想吃得清少少,大多會家中附近的好幾間有味粥,吃碗艇仔粥便一餐,自從腸粉皇在譚公道出現後,每次在附近食粥,差不多一定來此.月前的食評曾經批評過其粥不夠火路,現今已經有好幾個月,無論是柴魚花生粥,菜干鴨腎,抑或是蠔豉豬骨粥,也仍未夠火喉.粥底是偏杰,但食落又好像未夠味.雖然如此,總好過四周的有味粥店.起碼,店內的腸粉是即拉.當然,這是腸粉皇嘛,全店最有水準的,就是細細件,收你$7的臘味蘿蔔糕.當你在外面用平少少的價錢,換來好像磚頭的大小,但吃落無味的蘿蔔糕,那種空虛的心情,可想而知.腸粉皇的蘿蔔糕很足料,淡淡蘿蔔絲,非常香甜.臘味的味道融入蘿蔔糕,加些濃甜豉油,十分好吃.街坊K兄同樣對這個蘿蔔糕大讚,如果店方將蘿蔔糕原底外賣的話,說不定會大受歡迎.

昨晚由師傅家出來, 已經是晚飯時間. 見不太肚餓, 路過這裡見幾多人, 於是入去試下.見每枱客人都點腸粉, 又說是即叫即製, 當然要試試, 另外又點了鳳爪排骨飯 ($13) 一盅. 翠瓜雜菌腸粉($10) 等了一會就做好, 一碟三條, 賣相不俗, 腸粉算滑也夠熱, 味道ok. 鳳爪排骨飯看上去只是一般, 吃下去時, 飯實在很不濟, 像加了太多水煮的飯, 太"淋"了! 鳳爪排骨也吃不出鮮味, 又是雪味重, 唔得!見很多人點粥吃, 大概比蒸飯好, 下次還是吃粥+腸粉穩陣點!!

這裏的腸粉種類真的很多，共有十種，計有：蜜汁叉燒鮮味牛肉翠瓜雜菌草菇雞絲薑汁豬潤蔥花蛋蝦米芫茜鯇魚片梅菜腩肉皮蛋瘦肉火鴨絲我點了鮮味牛肉 $10 及柴魚花生豬骨粥 $10，豬骨粥很多花生及兩件豬骨，真真正正是骨，沒有半點肉碎黏著，粥的味道不錯，店子標榜腸粉是即叫即蒸，所以要等一會兒。腸粉端來時，因要先拍照，前後左右的擺放移動，發覺凸出腸粉頭的牛肉顏色微紅，連忙告訴店員未蒸熟，店員看過亦表同意，再蒸一會送來並向我道歉。腸粉屬厚皮的，在我來說，厚皮和薄皮的也一樣喜歡。吃了一小件，又發覺牛肉仍未熟，祇好將牛肉放入豬骨粥底淥熟，但食趣大減。雖則我吃燒牛排是愛 Medium Rare ，但腸粉則不敢。做食物店，最基本的也做不到，雖則服務再好，也無補於事，因人客主要是來吃食物。

天氣忽然轉涼，吃一碗熱粥下肚，當堂暖笠笠又再次來到這兒吃碗菜乾豬骨粥。除粥以外，當然要叫點小吃送粥。今次不吃招牌腸粉，轉而吃件蒸蘿蔔糕....糕很足料 ，吃到一條條的蘿蔔絲之餘，也有很多的腊味粒；而且吃上去也沒有那種很削身的感覺，比上次在太子西記吃過的出色得多了。但是豉油下了頗多師傅，大煞風景粥身偏稀，不是小弟杯茶；豬骨只得一件，吃落鹹香不足，菜乾反而頗多，而且下了點大菜粒去吊味，叫做聊勝於無。總體水平只是普通....下次再來，一件蘿蔔糕加一碟腸粉，夠矣.....

同媽媽兩個人食左63蚊..叫左3個腸粉,2碗粥同1個蘿蔔糕..媽媽話牛肉腸好味,,牛肉係滑牛唔係免治牛 ..草菇雞絲腸就唔係好食到雞絲但係都幾多草菇下..差燒腸都唔錯,可能因為我鐘意食啦..最緊要係啲腸粉皮好滑 <3 好好味 ..粥我食左菜乾粥,ok,,不過佢落左啲有味既菜乾落去我唔係好鐘意..不過似乎無味精 , 因為食完1啲口渴都無 蘿蔔糕較差 , 比較削呀 , 雖然真係有1條條蘿蔔絲 ..

好彩臨去學車前上黎睇一睇, 唔係都唔知原來土瓜灣有咁多野食不嬲都鐘意食蒸蘿蔔糕, 見到人地食評d相咁鬼靚, 專登走黎試下叫左個菜乾豬骨粥, d粥幾綿喎, 足料又夠味, 份量又適中, 我幾鐘意腸粉有成10種, 一律十蚊, 要左6號仔香葱蝦米腸, 即叫即拉, 又香又滑, 印象中真係未食過咁既腸粉的2樣野埋單先係20, 食得開心又滿意, 加上老闆四萬咁既笑容同有禮貎既服務, 我一定會再番黎囉~因為..我坐低後居然唔記得左叫蘿蔔糕呀...哈哈哈, 真係白痴

星期六本打算到大埔遊樂,但另一部路經九龍城的巴士先到便跳了上去,途中又突然改變主意到很少踏足的土瓜灣覓食,好一個雙子座本色!!之前也略略看過地圖,從法國醫院一直走,看似很遠的土瓜灣原來很快就到,真好!!左轉右轉下發現這間腸粉皇,喜吃腸粉的我當然不會錯過!快速地點了蘿蔔糕($7)和叉燒腸粉($10)後,不顧形象的站著冷氣吹風口下涼著冷氣等吃 鋪了蔥花的蘿蔔糕先到,外表看似實淨的蘿蔔糕原來軟得不能夾起,店方也體貼地連湯匙奉上,進食就方便得多!糕身軟綿綿也算軟滑,要是用作煎製,的確有點難度。蘿蔔切成粗絲混進糕身裡,在軟滑的糕身裡吃到不同感覺和帶點甜味的蘿蔔條,有著雙重口感,不俗!份量不多的臘味絲為糕點增加香味,面層的蝦米本不是我所喜歡的,不過今次一點也沒抗拒,皆因那些蝦米竟是有點脆卜卜感覺,又沒有蝦米那些怪怪味道,跟蘿蔔糕的味道十分配合,好吃!叉燒腸粉外皮是偏厚和顏色白白的,從外表看是不太吸引,但這才是舊式腸粉樣子呀!粉身軟趴趴的有點難以夾起,但吃進口裡卻是軟軟滑滑,最重要是夠熱!叉燒混上香茜同蒸,叉燒質素一般,以$10的價錢也難求用上蜜味叉燒了,以個人而言香茜份量略為不足,雖然現在的芫茜香

15/8(五) 2:30pm定期的面部護理前,到這家生力軍小試牛刀.小店企理光鮮,予人良好印象.察看菜牌上的食物選擇,板斧不多.粥品加上盅頭飯,選擇不足十款.這點子倒不錯!淺嚐了菜乾鴨腎豬骨粥$10及蒸蘿蔔糕$7.菜乾鴨腎豬骨粥--超足料的豬骨粥;粥底綿綿,雖則鴨腎不濃味,但豬骨肉滑而香,吃罷肚皮相當滿足!蒸蘿蔔糕--雖則顯見絲絲蘿蔔乾,唯糕身絕不挺身,難以夾食之;最後要整碟拿起扒入口!畢竟,糕子裏還是滲透著一份蘿蔔的清香!老闆及服務生招呼還不賴,可為其即拉腸粉作回頭客!

同屋企人想have a quick lunch...於是去咗腸粉皇...驚喜呢度D嘢唔差, 价錢平, 份量適中...D粥好住家feel, 無セ味精...腸粉都幾好, 連D豉油都唔馬虎, 甜味適中...略嫌腸粉D料少咗D, 同埋包得唔夠實..個蒸蘿蔔糕值得推介, 好多蘿蔔, 加上佢D蘿蔔切粗條, 所以好有口感, 個糕底唔多粉, 好軟...好好味!!

呢間野賣宣傳左好耐, 大大隻字寫住腸粉王, 今日終於走去試左, 其實粥方面, 我覺得都OK, 不過話棉就唔可以講得上, 腸粉裏面D餸都係多既. 每樣野都各$10, 都底食既. 不過我身為女仕都覺得粥既份量實在太小, 如做$10碗, 我令願你加多$5, 比多半碗粥我.另外叫多支豆漿, 呢個唔洗講, 超唔掂, 佢係獨立成支豆漿比你, 但係一D味都無, 睇下你自己鐘唔鐘意令甜野啦.但可以講佢地既服務係一流既.

現今大多人吃腸粉,也要求皮薄,晶瑩.反而皮厚,口感模糊的腸粉,並不是現今大多人的口味.在土瓜灣譚公道,新開張不久的"香港腸粉皇",正是走後者之路線.這店除腸粉之外,亦有豬骨粥,盅頭飯供應,但前者的蠔豉菜乾豬骨粥火路不夠,後者的排骨,肉味有點點霉,飯粒亦蒸得不夠筆挺.既然叫得腸粉皇,就吃腸粉吧.古老當時興,年青人去幾十年歷史冰室飲奶茶視為時尚,而懷舊點心亦如波鞋一樣地逐一復刻.連腸粉也不執輸,也要來個中古口味.小時候上酒家,腸粉不是即拉,全部放在車仔上,想要就拿.倒汗水溝豉油,一樣吃到津津有味.而這間腸粉皇的腸粉,是即叫即拉.吃過其蝦米腸,叉燒腸同梅菜腩肉腸粉,蝦米不算咸香,叉燒用外來貨,腩肉是先將其剁碎,再混口梅菜一起作餡.口感爽,有肉香兼充滿梅菜的香甜味.腸粉皮呢?厚而口感有點糊,又可以說是有點散.同現今很多即拉貨色大為不同.豉油極為濃甜,下得很重手,慌死你嫌少油.所有腸粉,不論蝦米叉燒,一律$10.吃慣晶瑩通透腸粉的你,可能會嫌"腸粉皇"的又厚又散,同那些吃慣港式西餐的人,走去正宗西餐廳,大罵Risotto很生,意粉很硬一樣.其實,如果將人和事,看多一點,知多一點,個人的接受能力,

旅程歸來，腸胃極度疲倦，要吃吃粥來中和一番。朝早吃完太座嘅愛心粥，下午已消化得幾至殆盡，故此再來一餐粥，亦是末嘗不可....一間新開嘅小店，竟膽敢稱自己為"香港腸粉皇"，實在太有guts....餐牌只得三款豬骨粥，十多款腸粉及蘿蔔糕可揀，都算是簡而精。價錢亦算相宜，各十大洋一份，以後可有多一個選擇了...小弟吃豬骨粥，必定要配菜乾及陳腎，這兩者跟豬骨粥底，絕對係天仙配....粥底不算十分綿滑，但米粒份量足之餘又煲至開花，而且師傅味不重，又下了頗多嘅榨菜粒去吊味，是一碗極度家常嘅粥；菜乾及陳腎粒當然不是甚麽頂級貨，但勝在滿佈整碗粥。只是十大洋一碗，不可以有太多要求了...."腸粉皇"又怎樣 ? 米香不足，而且豉油又下得太多，但質感頗滑，又勝在即叫即拉，上桌時熱騰騰；牛肉並不是用常見嘅碎牛，而是整片牛肉放入去，感覺上沒有偷工減料。吃落牛肉亦頗鮮甜，雖然應該是下了一點點鬆肉粉...新開張，少許甩漏一定少不免，但見老闆語重心長地教訓員工，可見是一間有heart嘅食肆。於食肆林立競爭激烈嘅土記，望佢哋能更進一步la