魔麵 (Closed)

見到之前的食家激讚此家新店, 今天襯自己一個人lunch就來試一試, 店舖在二樓全層, 裝修簡簡單單, 沒有特別........坐下來首先送上一杯凍開水, 我問服務員姐姐可否要熱茶, 姐姐說"我們店是沒有茶供應的, 祇有凍水或熱水". 嘩! 收得成68蚊一碗麵, 連一杯茶都沒有.........點了最基本的豬骨拉麵, 下單時就像普通茶餐廳搬點了就算, 沒有像之前的食家說會問客人對拉麵的軟/硬度要求 亦沒有提及送小食呢樣野. 一心來試麵的, 沒得送就算了吧!!!麵來了, 湯底味道不錯, 可惜不夠熱. 半熟蛋唔夠入味, 拉面普普通通冇乜特別.加埋一要75蚊, 感覺不值, 一定要會再來.

服務：基本上個員工個都俾心機介紹，不過只係介紹啲食物嘅味道同質感，如果可以專少少，講到咩叫做好嘅拉麵，佢地又同人地有點唔同，會俾人感覺Pro少少，印象分亦會増加。價錢：一碗麵要$75(已加一），第一感覺就係好貴，因為主菜只有一塊叉燒、一塊豚角煮，同半隻溏心蛋，眼睛實在有不能滿足的感覺。食物質素：叫咗一個豚魔，一個辣魔。基本上個湯底做得都幾好，有過咸及味精嘅感覺，甚至有啲鮮甜，入口又有少少膠口的感覺，幾正。但其他嘢，對我呢個唔係食開拉麵嘅人黎講，就全部都係一般般，唔係話唔好食，但唔會覺得特別好食。塊叉燒同豚角煮，只係兩塊比較肥嘅豬肉，平時自己買塊豬肉都食到咁嘅味同口感。隻溏心蛋本身幾好食，但切開一半嘅原固，大部分嘅溏心流咗唔知去咗邊。整體黎講，都可以啦，但唔會特別返黎再食。

睇到飲食雜誌介紹, 特登到呢度食午飯. 叫左個豬骨拉麵 <<讚>> 個湯一D都唔油, 充滿豬骨0既鮮甜味, 而且好有膠質, 個半生熟蛋好溏心 食完冇口渇, 應是原汁原味. 男侍應好有禮貌咁介紹湯同麵0既質感<<彈>> 個麵冇乜料, 塊叉燒好薄 (只係得0.1~0.2MM). 如果食慣濃味, 會覺得唔夠味. (我食慣減淡口野, 都覺得味較淡). 但要成$68加一($75), 覺得唔值. 雖然間鋪一D都唔多人, 但D侍應服務唔好, 要加水, 最後食完走人都冇加. 0係樓下睇到叫任何拉麵有小食送. 但係我叫左個麵之後, 佢地冇提有小食送. 但係一定唔係唔記得. 因之前落單0個個都有小食. 眼見場內有D人叫左拉麵都冇小食, 深信係你唔提, 佢地就唔出聲. 今時今日咁0既態度真0係唔得. 0的裝修有D似乾淨D個種茶餐廳, 一D日式0既FEEL都冇如果要吃又好又平0既拉麵, 會去銅鑼灣 CITYSUPER 入面0既拉麵檔, 或者貴D去中環EXCHANGE SQUARE食, 起碼覺得值回票價.應唔會再幫襯呢度.

有時候看到雜誌或電視,會用上神,魔等名字比喻如何厲利,在尖沙咀拉麵店又的確少之有少,火頭山,八八八等,當然還有味千拉麵在內,一眾食友連番去嚐吃,令我吸引到來吃一碗久留米拉麵.大家有沒有去過久留米?我曾經路經此地,不過已經是3,4年前的事情,近來香港開的拉麵店都以九州風格為主,以魔為名字的拉麵店,真的想看看能否成之路?店內頗為寬闊,麵的種類分為五種,都有魔字為名,侍應說豚魔為推介,那麼就選擇這個啦,反正自己不太喜歡辣味拉麵,豚骨拉麵看一看如何,再來一客小吃蟹肉海綿蛋!侍應服務都不錯的,相比烏華,達磨等做得好!值得一讚.稍等一會兒就奉上這一碗豚魔,六十八蚊包括有豚肉,叉燒,半熟蛋等,論價錢稱得上便宜,先一來一口湯,其濃郁程度不及達磨,可以飲得出豚骨味道,都叫合格,但欠缺了豬油這樣東西,在達磨固然少了,作為久留米拉麵,應該添加落去,用的是幼麵,在日本喜愛稱為極幼麵,湯底比達磨略為遜,但其拉麵,豚肉以及叉燒也比達磨做得好,豚肉吃落略為瘦,但味道補救了不少,起碼不是淡而無味,半熟蛋煮得還好,真的稱得半熟,六十八元有附送半熟蛋,還要煮得不差已經不錯,不過其後在鳥華吃到蛋更加好,雖則這碗不是我吃過的

小弟在尖沙咀工作經常路過此新建的飲食buliding除了牛陣及魔麵其餘都已嚐過剛巧昨天早點下班,見此大廈外有一人龍便排隊一試食後念念不忘其味道今天lunch再訪此店先講一下昨晚免費試食的辣魔太座點了一碗豚魔與在下的辣魔看樣子沒兩樣但一嚐湯頭豚魔的湯是比坊間豬骨濃漿開水好多了店方打旗號以150公斤豬骨淆製而成一口喝下濃稠的豬骨湯好像忌廉湯的口感幼滑豬骨湯的味道充滿口腔由於辣魔乍看與豚魔沒兩樣沒有心理準備情況一口呷下比看上去辣多了吃了三份之一後把附贈的辣料倒進碗中香辣味更甚但有了此辣味刺激味蕾不消五分鐘幹掉了整碗麵碗中的一片叉燒比坊間的叉燒鬆軟除了欠缺了火灸後的香味以外肉質香滑亦可口一片豚角煮此五花豬腩比起各位在沖繩食的角煮soba及在日本的居酒屋的豚角煮來得入味及稔身小弟不願意的一口吞進在下的五花腩溏心雞蛋一讚木耳夠爽蔥夠香今天lunch再試豚魔湯頭比昨晚試食的還要好雖沒那麼濃稠但其香味俱在麵亦比昨天的掛湯此外今天附送的小食雜菜魚餅連薑蓉很好此店食物給在下的滿足感有點把小弟帶回日本的感覺可以肯定的是九龍區再找不到一家比此店好的拉麵希望過些日子不用大排長龍才可再光臨及希望臨時餐牌的價格與將

地址都幾難搵，不過環境清靜，確實是一個談天、講生意的好地方。14:30開餐，卻只有兩枱客......心感不妙!但老闆看見客人，馬上放下碗筷，熱情招待。這種服務態度，確實遠勝「豚王」要你等兩個鐘，食完「身水身汗要趕住走」的好。睇MENU倒不如聽老闆的即場介紹。因為老闆是個十分細心的人，懂得照顧不同人的需要。相信我，如果你有甚麼特別要求，他都可以給你一點具體意見的。辣魔 $68+加一湯底是豬骨湯，膠而不膩；辣而暖胃據老闆透露，辣魔的出現實在非廚師所願。只不過因為有些客人較喜愛濃烈的食物，所以老闆就只好在廚師和客人之間取之平衡。老闆不斷鼓勵我加少少辣椒醬試味，結果卻把一碗日本拉麵變成中國麵團......很奇怪！PS. 老闆對客人的細心，從一杯水便看出來了。在這個炎熱的時節，他特地為年青的客人沖一點凍水；年長的客人便為他們提供暖水。這一份照顧是我從未在任何一間食店中可以感受得到。對於一眾忙碌又疲於奔命的上班一族，找到一間環境清靜又體貼的食店，這確是人生快事。但願這種氣氛不會因為客人多了又漸失吧！

尖沙咀厚福街近年變化頗大，十多年前在巷仔賣小吃的檔口不見了，年前旁邊開了一間年青人商場，想與利時看齊。街上的新商廈"H8"，亦已落成，食店商號陸續進駐，在二樓的"魔麵"，開業了好幾天。當KENT兄相告又有新拉麵店開業的時候，轉眼間奔天人已經射進首名入球，可見新一代的資深食家，對飲食的資訊觸覺非常敏銳，實在值得一讚。這一批資深食家，可說是貴網的未來之星。來到商廈門外，店員正在派發傳單，將小弟一指就指上二樓。二樓麵店的門外，大大隻"魔"字在牆上，氣勢磅礡。又要引用高登之語言，面對這麼大的魔頭，如何不失霸氣？中午時段人流不多，可能麵店尚未廣為人知緣故。此拉麵店主打久留米風味，我對這個地方完全陌生，聽說是以豚骨湯為本，又是與近一年開張的拉麵店，如達磨，豚王，秀拉麵風格相若。拉麵全部以魔為名，現實上稱之為魔，例必負面，哈利波特內的佛地魔，是最可怕的巫師。最大忌的，還是被人稱之為色魔。此麵店一共有五個魔頭，有鹽魔，豚魔，味魔，醬魔，辣魔。既然是主打豚骨湯底，當然來一碗豚魔。拉麵的賣相與外面的差不多，紫菜，叉燒，溏心蛋，荵等等。但是多了櫻花蝦，我吃了多年拉麵，也是第一次見到日式拉麵，用櫻花蝦來入饌。

上次到厚福街新食廈拜會天之月後，已被樓下一個巨型魔字招牌吸引，當時餐廳仍未開張，所以未知呢個魔字背後到底代表乜野。直至早幾日路過先知係一間日本拉麵店，不過發現時剛食左另一間新拉麵店鳥華，只好等下次到訪機會。剛巧識食之人奔天人兄早前已到來試食，聽他說整體評價甚佳，更令我到來前先打下強心針...當升降機門打開，一個極具氣勢嘅魔字出現在眼前，旁邊亦寫住久留米粒麵。據知本店大廚曾遠赴久留美研習拉麵製法，同時亦邀請日本師傅親自調教出濃厚豬骨湯底。負責人之一靚仔老闆Ken解釋說，佢地嘅豬骨湯以150斤豬筒骨熬製10小時而成，所以湯頭比起其他店子更豐厚濃郁。魔麵有五款拉麵選擇，分別為豬骨湯底「豚魔」，醬油湯底「醬魔」，味噌湯底「味魔」，辣味湯底「辣魔」同埋鹽味湯底「鹽魔」，同樣定價為$68，價錢方面合理。Ken非常細心地解釋每款拉麵有咩獨特之處，而且更先了解我對拉麵要求及喜好，再作出推介，實在非常貼心。其實當時我倆五款拉麵都覺得吸引，一下子決定唔到，所以最終交由Ken替我地發辦，連拉麵也可以來個Omakase！拉麵送來後發覺外觀分別不大，但心諗Ken無理由俾兩碗一樣我地，Ken隨即解釋一碗係辣魔(上

星期三晚上到訪尖沙咀, 原來是想試吃食友kent介紹的新拉麵店"鳥華", 但路經厚福街看到新食廈H8門口放滿了開張誌慶的花牌, 好奇心驅使下走近一看, 過半數是屬於2/F的拉麵店"魔麵", 名字起得蠻有氣勢, 吸引了兔和我立即乘搭電梯, 勇闖魔麵重地!!推開大門進入店內, 沒有想像中的詭秘懸疑氣氛, 也不是型格潮店設計, 反而是走平易近人的親民路線, 帶點像高檔茶餐廳的裝修, 客人能放鬆心情吃拉麵. 我們選了靠窗卡位入座, 可以看到厚福街夜景. 店員給了我們小小一本餐牌, 無論封面設計和紙張的素材, 感覺更似PS3的遊戲說明書多一點, 猜測老闆可能是頗喜歡打"電玩"的朋友~ 店員另外還給了我們一張傳單, 原來5月16日至22日期間, 每日的下午5:00開始會派發100碗免費拉麵試食卷, 先到先得. 噢... 我們是不是早來了一些呢... 之後店員耐心地為我們講解每一款拉麵不同的味道特性, 很用心的服務態度!! 餐牌除了拉麵之外還有二十多款小吃供應, 能滿足不同顧客的需要.這裡的湯底以150斤新鮮豬筒骨熬製超過10小時而成, 麵的選擇共有5款, 分別命名為"豚魔"(豬骨湯), "醬魔"(