鳴 Fusion (Closed)

和男朋友提早慶祝聖誕，我們去了尖沙咀亞士厘道的鳴Fusion食日式放題。上次去過覺得味道不錯，款式又多，今晚再來一次。我們訂了晚上七點，任飲任食兩小時。坐下侍應遞上餐牌，選擇食物，寫下食物號碼和數量，然後入單。最值得一讚是落了幾次單都沒有漏單。先叫前菜，要了芝麻菠菜，蟹子沙律和中華沙律。芝麻菠菜毫不油膩，加上日式芝麻醬，令本來平平無奇的菠菜更添美味。日式放題當然少不了壽司和刺身，每款都叫了些，這裡有花之戀壽司，肥美三文魚厚切大大片，好好味。這裏也有供應赤貝壽司，通常任飲任食都不會有赤貝這類高價貨，赤貝雖不是很大片，但吃下去也很滋味。串燒類我最喜愛甜蕃薯，男友則說燒蝦最好味。蕃薯個子小小，一口一個。燒過後有蜜汁流出，甜甜的很惹味。另外又叫了檸檬雞翼和炸紫薯波波。最喜愛這裏可以單點數量，可以只叫一件。因為男朋友不喜愛炸物，所以我可以只點一件，太好了。檸檬雞翼和炸紫薯波波上枱時熱辣辣，雞翼燒得蜜甜香脆，而紫薯波波則煙韌可口。男友覺得不夠，又點了餃子湯烏冬，吃完就覺得非常滿足。今晚我倆吃得捧著肚子離開，其實很多款都想再番叫，無奈肚子容量有限實在吃不下。下次再過來吃吧。

見之前好多篇食評都係講刺身今次著重講熟食多啲~推介呢幾樣1. 炸物 雞翼、天婦羅、芝士年糕炸得好酥脆好薄，食多左都唔油膩2. 蒜香茄子茄子變成橫狀，係面頭加上蒜粒，再配上餐廳獨有醬汁3. 青口好鮮味同乾淨，唔會有沙4. 燒菠蘿恰到好處既甜，可以係放題食下水果5. 雜菜餅用紅蘿蔔、薯仔、其他雜菜炸既，好特別，之前未試過甜品: 雪糕、牛牛樂好耐都冇食過牛牛樂雪條啦 我的童年回憶飲品: 都有11款飲品任君選擇環境 樓上舖，地方唔算大，但餐廳間隔好，都可以容納10枱以上

食物選擇少，漏單，刺身冇冰又唔新鮮，真係好難食，甜蝦完全吞唔落，上枱甩皮甩骨。烏東上枱個湯有D白色物體浮面，賣相好差，完全放不落口，第一次食放題食得咁唔滿足，十級伏冇下次。

下課既鐘聲響起了，我又出動我既小雲腳去搵位啦！前幾日見到易拉架推介上樓日本菜，仲記得間餐廳我食過架tim！於是就推介d同事一齊去幫襯∼午市佢無做放題，全部食Set，我叫左個壽司拼烏冬餐，本來都知道烏冬不會是大碗的，唯有期望下壽司啦，壽司難食的精況是不能用筆墨黎形容。壽司d珍珠飯係硬架，係放入冰格冰過個種硬，咬落去真係牙都辛苦了！完全無味，無醋味，刺牙係完全感受到佢唔新鮮，同埋硬！三文魚唔滑唔肥美，仲要可以無味架，食左一半已經唔想再食...烏冬最正常，超市無味烏冬無得輸！野飲真係把鬼，吹三次都唔黎，最後埋單走話減兩蚊比我地？想點呀？呢間...從此黑名單！

又係星期五⋯係時候發掘吓新嘢食👍一行八人踏上不歸路🙈因為第一次試，我都係叫一啲穩陣啲既嘢食啦（我好容易肚仔痛），叫咗滑蛋吉列豬扒飯。真係好穩陣，因為佢起碼啲餸係新鮮整既，食得到蛋係熱既，但係完全無味🙈係一粒鹽都無落嗰隻，啲飯食得出係隔咗夜既，食咗啲餸同少少飯我就放棄咗啦。俾起其他同事叫既⋯其實我都算好彩🙈有同事叫咗壽司拼烏東⋯目測壽司係過夜既，放咗好耐抽乾晒水⋯另外一個同事叫咗刺身定食，佢真係黑仔，刺身既薄切程度可參考爭新既三蚊壽司上面舊魚生⋯飯又係一致過咗夜既⋯有同事話之前有黎過試晚市放題係OK質素，可能黑仔選咗午市黎試🙈仲有⋯如果你係食lunch時間得一個鐘⋯可能會食唔切，人手得三四個⋯得一個妹妹由頭到尾由佢幫我哋落單、送餐、跟未齊嘢食都佢一腳踢⋯見佢跑黎跑去好辛苦⋯茶水慢到一個點🙈張張枱都摧嘢飲。我哋呢啲趕頭趕命返公司既打工仔⋯都係唔適合呢間餐廳既節奏😑

我原本對平價放題及團購餐飲都不抱太大期望，雖知道男朋友好想食放題，但我呢排又無乜胃口，所以就上團購搵下有無抵食放題，點知見倒108晚市放題，睇倒食物款色都👌🏻，再睇埋openrice食評都唔錯，所以就決定一試，食物質素嚟講都算唔錯，厚切牛舌最好，雞腎👌🏻其次是燒大蝦同甜蝦刺身都唔錯，美中不足係油甘魚一坐低就賣晒，仲有臨走last order可能我地太耐都無入單，之後原來已截單，最後last order無入倒，臨尾唔知係咪老闆走左，啲員工有啲似趕收工，趕人走😤其實service做好啲，食物又唔算太差，應該可以多啲人幫襯囉

臨近中秋🌝，舊同事相約兔小妹飯聚。這次，同事選了尖沙咀的鳴Fusion吃放題👅，一來尖沙咀是大家的中間點，方便前來出席; 二來，放題的食物選擇多，能迎合不同人的口味。😉同事預約了晚上七時，我們便相約在尖沙咀L出口等，再一同出發。餐廳位於亞厘士道，於L出口左轉走2分鐘左右便到達。我們一行六人乘電梯上6樓，甫出電梯門就是鳴Fusion了。踏進餐廳，人客挺多，幾乎全場坐滿。而餐廳的面積不算大，約可容納60-70人左右。報上預約名字後，我們版安排到靠近門口的位置就座。跟其他放題餐廳一樣，飲品🍺和雪糕🍦是自助的，自行到雪櫃拿想喝想吃的就可以了。而點菜方面，每枱也放有一本菜單，只要在紙上寫好食物編號和份量，然後遞給服務員，食物便會送到。厚厚的菜單，選擇也不少。有必吃的刺身和壽司🍣，也有燒物和天婦羅🍤，亦有不少的小食和煱物🍜，當然也有主食的飯🍚和麵🍲等等吧。既然是放題，當然要吃得盡慶! 我們每類也點了好一些，定要吃得飽足才離開。餐廳上菜的速度可以用 “神速” 形容。剛才遞上單子，轉個頭便立即送來刺身拼盤。餐廳一點也不吝嗇，刺身拼盤份量十足。每件刺身都切得大大片﹑厚厚的，肉質充滿光澤，非常新鮮，而且口

接女朋友放工，就去左尖沙咀行誠品，陪佢行埋化妝品都餓餓地，囡囡話去食放題，之前open rice拎過排行榜間野。搵就又5算難搵，樓下有個易拉架係到。入到去，未坐滿人，被排左係沙發位，坐得舒服既，而且冷氣非常之夠。食物放面選擇都多，持中黎講就係，平平均均，要有既都有，不過飯後甜品種類都多，雪糕雪條都有既。食物質素都ok，細件得黎又有料，放題可以食多啲唔同種類既，5會話食幾碟就飽，炙燒完之後，油香四溢，但上面既醬真係偏多。呢間上菜速度算快，而且又無漏單，除左刺身無冰盆放底之外，其實都nice nice nice。侍應姐姐笑容一流，有問必答。

前排睇openrice 呢間 鳴Fusion 係餐廳排行榜出現，重好似拎第一，緊係有時同男朋友拍拖去食啦，同埋我呢排真係好想食火炙壽司咯！！一於去食到夠本！！咁去到附近，搵左一陣先搵到，因為我地都無留意到係樓上鋪，我地係望到有佢地餐廳既易拉架先搵到佢地係邊～上去要等𨋢，不過下次自己行上去重方便咁入到去，可能工作日啦，就無5算滿場，都有半成入座率既。佢地點餐5似出面啲放題係好多紙去寫，係一張紙比你填號碼，份量，感覺環保，5會浪費麻～上菜速度快，刺身方面無冰做底，唔會入口太過冰冷，口感都算唔錯，火灸三文魚肥美，但醬太多，令主角味道有啲影響，希望店家可以係呢點改善下。沙律方面都清爽，蟹籽都量多，唔會覺得有失望，小小一碗，份量合適。其他小菜方面就可以一試。飲品區選擇種類同外面差唔多，不過茶水方面係冷茶，無保溫，而且茶味淡，呢方面令我感到有些可惜。但甜品區有牛牛，兒時回憶，可以一試

個人覺得放題間間如是相反是次令我有另一種感覺這裡的食物用心，而且款式比外面吃到的來得有特色環境有別於一般放題，這裡十分寬敞舒適，完全唔會有擠迫感冰凍奶茶仼飲，外面真難有奶茶仼飲，奶奶濃郁而香滑，味道不太甜，十分討好刺身雖然我點的不多，但店員好有心機擺放，看到都唔覺求其，食得開心刺身好新鮮，款式亦多選擇，如三文魚，玉子，鮑片，縈螺片及馬刀貝等，味夠鮮，又唔會好冰，口感亦好日式餃子火鍋味道亦不錯，唔會太鹹，食物材料豐富，有冬菇，菜，海苔，餃子，食物無煮得過腍，口感適中豬軟骨大根煮味道亦好好，不過可以煮得再熱會更好吃，大根煮得好腍，豬軟骨唔會過韌，好味芝麻菠菜，第一次吃到，菠菜新鮮爽口，配上芝麻醬同吃味道更出燒菠蘿每次放題都必點，外面燒得適中好香，內仍保持多汁鮮甜，微酸，開胃又好吃香蕉天婦羅外脆內軟，入面香蕉鮮甜滑，口感討好，好吃最後來個甜點作結雪糕加雪條，朱古力雪條好耐無食過，想不到再在此重遇這裡有吸引我的款式，下次必定要再來！

尖沙咀抵食放題＠鳴 Fusion 早幾日和年輕同事收工後搵食，後生仔食野最重視是份量，放題是最好的選擇，而search openrice見到鳴 Fusion有不少食評，相片吸引，而且價錢不貴，便過去試試看 鳴Fusion位於尖沙咀亞士厘道的樓上食店，地點很方便，地鐵站附近的不遠處，我們可以比較晚去食飯，人不萛多，地方非常寬敞 食放題最重要是量和款式多，想得出都有，軍艦、壽司、鐵板料理、刺身、沙律/小食、一品料理、天婦羅、炸物、串燒、手卷、甜品 ，每款幾件已經好多了 飲料是任飲的，有啤酒和好多不同的果汁～ 先來一圈刺身，有三文魚，鮑片、八爪魚、蝦、馬刀貝、、希靈魚和螺片！刺身都很新鮮厚身，口感很好，我最喜歡三文魚，非常之肥美，而且份量很大方，點了六片竟然上了一大盤給我，但後生仔三兩下手勢就把它食光了～ 甜蝦也非常之優秀，食起來爽甜，沒有任何腥味 壽司方面也有好多選擇，我最喜歡的是火灸系列，火灸三文魚是首選，用火稍為灸一下三文魚令魚油滲入飯中，食起來比食鮮三文魚更具特式～細細件，多食也不會太頂肚 食得多肉也想食一點菜，不過這裡的菜沙律味道一般，而且不是用沙律菜，還是留肚食其

之前係團購買左今日終於去左食真係貼錢買難受吾係講啲職員服務成點 因為得幾個人做我都知辛苦本來滿心期待以為好好味啦但漏單好鬼嚴重真係十樣野有四樣都吾見左但最恐怖就係。。。魚生既碟邊有吾乾淨既野所以無再叫生野😨啲生野又霉又吾好食😠仲要吾夠凍 係熱架😑甜蝦係無味架無味架無味架 真係無甜無蝦味所以重點都放係熟食果度串燒係無咩伏既 但真係無野特別推介但個一口炸雞真係超級難食😵炸雞喎 但個皮係林滋滋 仲要多油到嘔😓雖然吾係間間放題都試過但有名氣啲既都試過但咁劣質既真係第一次真係好失望丫今次所以都吾會有下一次🙅🏻🙅🏻

唉!! YAXXO!出左個團購有呢間放題, 睇過OPENRICE評語都OK, 都應該無死........因為有信心同信證,團購分兩個時間1. 6:00pm-9:00pm2. 9:00pm-11:00pm因為收工夜, 所以就book左9:00pm-11:00pm, 我9:05pm左右入坐.......全場都得兩枱客!!我埋位坐, 就聞到陣嗡味食到第2round, 大約9:25pm-9:30pm, 有位員工同我講lasts order....吓...........唉!!買單嗰陣, 要比什麼加1, 什麼不同時段服務費, 我覺得ok, 因為已經寫明..........但係有一個無著制服, 又坐左响收銀機既人出單: 本來我哋係每位$40, 佢計我哋每位$60, 我同佢哋講返, 條友就問有著制服既員工問: 佢哋係9點前定後入坐? 乜真係有人會咁夜黎....(如果你公司認為無的話, 唔該做團購就唔好分時段, 就唔好set9:00pm-11:00pm啦) 同埋呢!! 唔該嗰個無制服既人兄, 睇其他放題人哋9:00pm場內係咩環境先啦!! 講真, 食質素如果呢啲價錢都, 其實都ok, 不過我建議大家比

之前用團購Coupon ,真係好低雖然款式唔多,但樣樣新鮮淨係食刺身都回本,甜蝦好大隻,又鮮甜三文魚唔肥,厚度適中款司一D都唔差,好好味~雖然款式唔特別,但質素都OK反而小食一般,不過都可以接受真係勁抵食,完全物有所值

難得同老公同時間放假, 就去左尖咀拍下拖, 行下海傍.順便去買朋友的生日禮物.點知天公不造美, 雨一直下不停, 唯有找個地方先吃晚餐.找了最近的日式放題餐廳, 志在可以坐個2小時, 等停雨後可以再出動.鳴Fusion內的坐位也算寬敞, 不太迫, 又不局促. 放題食品選擇也同樣不少, 而食物種類也不少, 基本的都有齊.  而款式選擇也很多. 有刺身、軍艦、壽司、鐵板料理、沙律/小食、一品料理、天婦羅、炸物、串燒、手卷、甜品.適合喜歡多花款的朋友 , 落單方式是將食物編號寫在紙上交給侍應一開始當然必食就是刺身, 先每款點少少, 等最後肚子有空位時再encore都未遲.   刺身大致都好新鮮, 而甜蝦食得出鮮甜味. 三文魚夠柔嫩，魚味及口感就比較普通.榮螺片及八爪魚則滿不錯. 可以再encore.食完刺身就開始試下小食, 小吃款式比較多, 而且味道真的很不錯., 中華沙律及八爪魚是我每次必食之選. 我必須要推介一下這裡的壽司.放題內的特色壽司細細件的, 一口一件. 食完不會令人太飽, 而且味道很好特別喜歡火炙三文魚壽司, 放入口中, 有入口即溶效果又有魚油香真是令人回味無窮。燒物方面, 燒茄