鴻記海鮮飯店

Open Now

Now Closed

聽朋友講依間獲氣夠，仲係年中無休既中式餐館😍今次第一次黎試😱真係大排筵席😋😋😋😋一行六人臨時前1晚半夜訂枱好彩有枱🤣今餐一家大細都食得津津有味，唯獨唔記得order signature 之選 龍蝦😅最後老闆比相我真係好吸精🥰下次必食之作。。。。但今次都試到出名既燒雞 皮脆肉滑，仲有叫左小朋友至愛咕嚕肉 口質一流，粟米斑塊 略為偏咸😅兩樣炸脆粉都做得好好，薄薄一層加啖啖肉👍🏻👍🏻👍🏻👍🏻👍🏻👍🏻真係一間柴灣隱世中餐館🥰🥰🥰🥰🥰🥰

之前叫過兩次外賣，印象係幾好。中式小炒，附近選擇不多，呢間算係有水準。今晚兩個人叫左4個小炒，之前未叫過相同的菜式，全部都可以用“差”去形容。1. 小炒皇 咸。好油。炒得太熟。可能係外賣送到黎係焗左一陣，我理解，呢個送我都接受。2. 啫啫雞煲好咸。d雞好厚粉，每口都是油。雞的部位亦多是只有皮冇肉。加左幾舊豬潤，個人口味唔食內臟，所以成碟食左少過三分一。3. 海蝦荷葉飯好咸。原因太多蒜泥，但最大問題係，個飯好濕，d飯好爛。希望可以改善下。4. 剁椒魚雲非常失望。因為係“生”，有幾舊係未蒸熟，腥，食唔到三分一要放棄。總結，你地每次外賣都簽名寫卡，希望會改善出品。

今晚點左個上湯龍蝦🦞伊面龍蝦超新鮮，肉好嫩好厚，咬落去果陣鮮龍蝦味爆出個口度真係一試難忘。伊面上枱果下，嘩一聲，真係勁大碟，實行一定食到你飽嘅地步，店員仲好親切會拎隻龍蝦俾你selfie先，然後再新鮮整完上枱，今時今日食個飯有覺得好窩心溫暖，就真係喺鴻記我先搵到。第二味係斑球炒芥蘭，斑球好厚身，一啲都唔腥，炒得勁香，有九黃、西芹呢啲配菜，好鮮嘅味道！芥蘭又完全唔苦唔鞋口，墊底索汁無得輸，兩個人極速係咁食，停唔到口！第三味係金銀蒜蒸扇貝，粉絲鋪喺底索味，果兩個蒜汁香到久久不能忘懷，扇貝亦唔細，好淋好甜好鮮味！呢餐真係食得好幸福，新鮮同甜美同大份！基本上兩個人係足夠有餘，店員親切友善，吃得好舒心好幸福！

今天天氣放晴但係要開工，早排成日落雨，影響我四圍搵食😁近期每天中午都會去鴻記午膳，貪佢價錢合理，款式多且係即叫即炒，鑊氣十足👍🏻應該係延續大牌檔嘅營運方式單係粉麵飯嘅餐牌就有75款，最適合有選擇困難的人士，只要順住餐牌叫，要2.5個月之後至食完🗓️並且小菜價錢唔貴，偶爾幫襯都唔錯。多數我下晝諗唔到食乜，我亦都會嚟呢間幫襯✳️滑蛋蝦仁飯 $48味道適中，唔太鹹🦐蝦肉質尚算結實，但應該係雪藏蝦，有些微腥味，以$48的價錢可以接受

今日係年初三，亦是西方情人節。昨日去到"鴻記海鮮飯店"的賀年點心已估清，所以今朝特意早些去到。一入門囗，第一時間便叫了兩款賀年點心。分別係"發財好事燒賣"和"橫財就手"兩款。"發財好事燒賣"是新鮮蒸出的，但碟數只有很少。點心上面少許髮菜佈在蠔豉及豬脷上面，下面是兩粒大大粒的蝦肉及豬肉燒賣。熱辣辣，燒賣蝦肉彈牙，味道唔錯"橫財就手"就是炆豬手了。豬手炆得夠焾但應該不是用南乳炆，味道偏些甜，也算👌這兩款點心貪其意頭，亦是過年這幾天才有，本人每年都去品嚐。另外就叫了一款"四寶滑雞扎"見到新鮮蒸出，也是例牌必食點心，外觀不錯，味道也唔錯👌整餐連茶錢也只過$70，整體來說是滿意的早茶

今日下午係柴灣漁灣邨做完野，見到鴻記海鮮飯店，店舖睇落都應該開左好長時間，應該屬於邨內既老店，雖然店舖裝修比較舊，亦唔稱得上企理，但又係好有「地」味，即係夠貼地，所以入去試下味道先我地點左2碟餸配白飯🍚，蒜香雞、豉油王鵝腸，同埋2碟肉片炒河，好麻甩既餸，蒜香雞好惹味肉質唔柴口，豉油王鵝腸唔夠豉油味，可以再重味少少，肉片炒河賣相可以，實質就可以鑊氣多番少許，總體而言，我覺得依餐味道65分中規中舉，都收貨既，繼續支持老店💪🏻

大排檔式風味現在已經買少見少，取而代之是一眾地道”飯店”。對食客也有好處的，既能一嘗鑊氣小炒，又能在冷氣環境下享受美食⋯環境雖然比較貼地、但就貼切大排檔風味這裏定價不是平，是市價價格看來並不特別便宜，市價中份量也比坊間的”例牌”大碟粉絲雜菜煲 - 用上南乳作底味，配有鮮魷片、冬菇、蝦米⋯比坊間的雜菜㷛野味蒜香辣雞翼 - 雞翼切為小粒，入味易入口，脆炸雞翼件，配上大量炸蒜粒，簡直停唔到口!椒鹽鮮魷 - 份量大大碟，炸粉厚薄適中，魷魚新鮮厚切，有咬口，即炸鮮魷點上喼汁，佐酒必備。咸蛋蒸肉餅 - 好耐冇食嘅家常小菜，充滿家的味道！

與媽媽食晚飯。媽媽喜歡食蟹，而鴻記的蝦蟹抄得出色。平時抄蟹外賣回家已經覺得很美味。今日堂食，希望更鮮味。店員幫我們選了兩隻 膏蟹，真的好多膏，而且新鮮。蝦也抄得很香口(因為媽媽喜歡香口的)，小抄皇夠晒鑊氣。環境尚算整潔，始終都是小店，不能要求環境十分舒適，但勝在食物水準讓人滿意，所以就算是小店也會繼續支持。

柴灣食大牌檔既，通常都係食泉記但我覺得普普通通啦鴻記味道比較好環境的確係唔算企理既...（相比起其他大牌檔，其實佢環境算正常企理架)，個格局地痞小小囉但d野食幾好味架，又夠鑊氣👍🏼👍🏼成班麻甩佬飯就一定無錯第一樣要食既係豉油王炒麵個麵小小硬，唔油，又夠乾身，鑊氣十足避風塘雞翼/ 避風塘排骨蒜粒新炸，無油溢味，又唔會得個辣字籠仔-蝦-荷葉飯蝦唔算大隻，但新鮮，蝦尾無變黑，用金銀蒜放飯面蒸，蝦味落左去d飯度，飯都係炒底而且唔油，好味！但荷葉味就好淡，唔算好香最「難」食係個炸水餃，炸墨魚咀，炸香飯魚，唔好誤會，因為依三味野，成日缺貨，但係依三樣野都好好味架仲有，到凌晨一兩點左右就開始有晨早點心架食宵夜既朋友，傾傾下計又肚餓，就可以再食多獲環境的確係唔算企理既...，而且個格局地痞小小囉但d野食幾好味架，又夠鑊氣👍🏼👍🏼成班麻甩佬飯就一定無錯第一樣要食既係豉油王炒麵個麵小小硬，唔油，又夠乾身，鑊氣十足避風塘雞翼/ 避風塘排骨蒜粒新炸，無油溢味，唔會得個辣字籠仔-蝦-荷葉飯蝦唔算大隻，但新鮮，蝦尾無變黑最「難」食係個炸水餃，炸墨魚咀，唔好誤會，

柴灣 － 港鐵的尾站,對於住新界九龍區居住的人會覺的很陌生, 但對我來說,這裡是成長的地方漁灣邨相信是數一數二的舊式屋村, 但這裡卻有一間24小時營業的飯店, 凌晨至早市時段有點心供應, 晚市時段有海鮮小炒當晚與好友聚舊, 當然要回到年少時常到的聚腳點籠仔荷葉蒸海蝦(炒飯底)  - 開邊蝦不算大隻, 但勝在每一隻都有蝦膏, 加上蒜蓉一起蒸, 上層的精華完全跌至下方的炒飯, 令炒飯更加濕潤, 淨食炒飯都食得出一種鮮味, 不過賣相與圖片不符蒜香雞翼 - 雞中翼一分為二, 炸得夠乾身好入味, 份量都好足 海皇瑤柱羹 - 內裡有蝦/帶子/魷魚/魚柳等海鮮粒, 內裡瑤柱份量都唔少, 不過味道略為淡了一點沙薑雞腳 - 雞腳煮得夠淋, 雞腳都尚算多肉, 不過沙薑味不夠濃炸片頭拼大腸 - 除了這個配搭, 還可以拼上椒鹽鮮魷/京都骨等, 岩晒三心二意的食客, 值得一讚, 片頭非常厚切, 夠彈牙, 炸大腸沾上酸甜汁好惹味啫啫生菜煲 - 上檯時香噴噴陣陣蝦醬味, 份量一大煲，加上蝦乾一起煮整體唔會太咸, 飯店亦有誠意, 炒熟生菜後再放上煲上煲一煲才起菜雖然味道不算太特出, 但友人推介必定要前來食點心, 蒸牛

想起以前只來過這裡吃晚飯，沒試過飲早茶。趁著今天放假，於是與家人首次來飲早茶。由於十時多才到，早市差不多完結，故此剩下的點心款式不多。我們兩個人，選了四款點心。雞絲粉卷 ($10)：雞肉有點紅，或者是雪得太耐吧。粉皮太爛，包不實餡料，所以許多餡料是外露的。魚翅餃 ($10)：皮略乾，餡料飽滿。但豬肉也是有點紅，應該也是雪得太耐，感覺不太新鮮。糯米包 ($10)：糯米包很大個，配料是傳統的臘腸、蝦米和冬菇，但很少。糯米飯太乾，不夠黏性，但勝在不油膩。皮太乾，其中一個的皮更爛開了。蝦餃 ($13)：蝦餃頗大隻，但餃皮太厚。蝦大隻，但不算十分鮮味。連茶錢每位$4，埋單共$51，職員還收我們齊頭$50，十分便宜。不過點心只是一般，或許是因為由早市開始放到十時多，已放涼了，所以味道和質素未算理想。又或者，小菜才是此店的強項。以後還是光顧晚市好了。

與家人來這裡吃晚飯，叫了三人份量的餸菜。豉椒炒蜆 ($55)：很大碟，炒得非常香和野味。蜆好味，但有砂。西芹炒蝦仁 ($58)：西芹爽口，腰果香口，蝦仁很大隻也爽口，但鮮味好像不足。芥蘭炒田雞 ($58)：芥蘭爽嫩，田雞肉不多，而且是走油的，有點膩。啤酒 x2 ($20)白飯 x2 ($x)埋單連茶芥共$228，價錢合理。小菜真的非常夠穫氣，調味適中不會過鹹，但略為油膩。喜歡吃夠穫氣的中式小菜的人，這裡是一個不錯的晚飯好地方。

提早食團年飯係我地一向既作風，費事同人爭，細佬話平時坐車見到呢間飯店有海鮮係門口，佢話想試，咁大家咪去試囉，原來係柴灣區有幾間食肆都係呢個佬細喎，小集團呀，哈哈～～～飯店來講地方算係大架啦，當然比酒樓細啦，普通既街方飯店模樣，當日氣溫大約 13-14 度，但無開冷氣，只開風扇，我地坐係角落位，大家都覺得有點焗，不過因為可以環保我可以接受。我地一行 10 人，要左十幾度菜，菜來得好快，伙記係街方式招呼，既係口吻粗老但無惡意！椒鹽鮮魷真係鮮喎，魷肉彈牙，外皮脆，正呀！見到隔離台２個人要左成隻薑蔥霸皇雞，嘩！２個人食咁大碟，實係好好味先會咁要啦，咁我地又要左一隻，真係好正喎，雞肉好滑，最正係薑蔥加上事油既味做得非常好，:亞媽係咁話要打包ｄ汁走，最後當然唔會包走啦！但我都用來撈飯食，正呀！椒鹽瀨尿蝦我無食，無得講 $68。椒鹽九肚魚$58，魚新鮮，椒鹽唔多，所以食時唔覺鹹，但附上一小碟椒鹽比有需要既人，咁既做法都好喎。生炒骨 $55，無香脆，唔係太好味，雖然唔係難食，但真係差左少少。炸豬大腸 （$62，貴喎！）皮脆，夠嗅味，豬腸唔夠嗅就唔好食啦，好似嗅豆腐一樣囉！XO 三點蟹伊麵底 $83，我

上年做冬來這裡吃小菜，但一直忘了加入餐廳資料，所以現在才補回食評。三個人，想吃得豐富些，因此叫了三個小菜加煲仔飯。因為真是太多飯餸，所以留了一些第二天吃。白膳煲仔飯：鱔十分多肉肥美，飯量十分多，而且也做到起焦的效果。豉油味道不錯。沙嗲芥蘭炒牛肉：感覺到很夠穫氣，牛肉很焾，芥蘭也爽嫩，沙嗲味若再濃一些會更好。西蘭花炒雞柳：也是感覺到很夠穫氣，西蘭花爽嫩，雞柳是正常的肉質和味道。配合了一些韮黃，味道很香。枝竹魚滑上湯浸時菜：選了菠菜，十分嫩滑。魚湯尚算鮮甜，至少不會太鹹。魚滑十分多件，有魚鮮味，也不會太鹹。這裡的食物最大特點是夠穫氣，而且款式也算多。其實它是以海鮮為主打，因此日後有機會要試試它的海鮮。