鹵家

Open Now

Now Closed

元朗不嬲出名多好嘢食🤣今日係元朗行街行行下肚餓，朋友話想食燒味，就search 咗呢間～一入去已經好多枱客人幾好生意味道應該都唔會差😆整體評分：7/10環境：6.2/10服務：6/10人均消費：$50-100地址：鹵家 (元朗)元朗教育路68號兆豐樓地下10及14號舖住家老火湯：每日唔同，今日係牛蒡粟米紅蘿蔔豬骨湯，好濃好好飲😋食神叉燒$ 56（包湯或飲品）：叫得食神叉燒相信佢對自己嘅技術一定好有信心🤣梗係要試吓～又真係幾得喎🤩蜜汁醃製得好入味，叉燒半肥瘦，厚薄一致，外焦內嫩，仲有濃邊好惹味！皇牌鴛鴦飯（豉油雞+燒鵝雙拼）$78:幾欣賞佢呢個，豉油雞好入味，又唔會好霉，而且雞唔會好肥！而燒鵝嘅皮燒得好脆，咬落有油香四溢話梅涼瓜片（$ 32）：我其實唔鍾意食苦瓜，純粹朋友想食，不過咬左啖有驚喜，味道酸酸甜甜，完全唔苦！絕對會對苦瓜改觀

入開元朗搵朋友就係附近食埋野，最近食得多日本野，所以今日就食番啲港式小菜，家常便飯。🧡蜜汁叉燒王🐷配白飯🍚$76聽店員講呢到啲叉燒好出色，所以就聽佢推介揀左。叉燒肥瘦均勻，蜜汁味搽滿係成個外皮，外面就燒到少少燶邊，燒得超靚！咬落去完全唔會乾同鞋，正！果然值得推介🧡子薑鴨子煲🦆配白飯🍚$73凍凍地食番個鴨煲就啱晒，薑片唔會太辣，個汁帶甜味而且濃郁，就咁用汁撈飯食都好正。鴨肉都有好多件，但鴨唔算大隻，厚肉會更加正🧡話梅涼瓜片🥒 $32係出面都未試過呢味餸，所以叫黎試下。味道甜甜地，仲有少少話梅酸味，食落完全唔苦，帶甘味，唔講唔會覺得佢係苦瓜，幾特別🧡住家老火湯🍲今日去就係冬瓜薏米排骨湯，夠熱，飲得出冇味精，飲完唔口渴平日黎都唔少人，算係一個幾方便同埋味道幾好嘅小菜餐廳，下次想試埋佢個醉雞卷

#元朗要去辦點事, 之後約媽媽一齊食晚飯👯‍♀️! 6:30pm 路過已經坐滿客, 好明顯好值得一試! 🐖蜜汁叉燒皇 $76 ~ 必點! 叉燒肥瘦適中, 肉質好腍好滑, 焦香多汁, 又細又嫩! 淡淡的玫瑰露酒香, 件件切得厚身, 甜甜的味道! 底下墊有芽菜, 吸收晒醬汁味道, 超讚! 🦢秘汁鹵家鴨 $68 + $20 轉鹵鵝 ~ 比較喜愛食鵝多過鴨, 既然有得選擇, 就梗係轉鵝啦! 肉質細緻嫩滑, 外皮唔肥夠爽身, 底下同樣墊有芽菜, 吸收滿滿鵝油, 另一番風味! 最特別係一邊鵝肉, 一邊係鵝片, 一次過迎合不同喜好! 🦆海蜇醉鴨舌 $68 ~ 好濃的酒香味, 但食落唔嗆喉! 鴨舌好滑、好腍、好入味, 海蜇好爽口, 份量比想像中多, 讚! 🍲必點住家老火湯! 猴頭菇南北杏椰子蜜棗紅蘿蔔粟米豬骨湯, 完完全全無味精, 超清甜足料 我唔喜愛飲街外所謂老火湯, 但呢碗, 我飲晒! 🥳連媽媽都大讚的一家食肆, 全無味精, 食完唔口渴, 服務態度好到極點!

一間家庭式經營既小店，由前五星級酒店大廚煮出多款美味鹵味燒臘菜式，食物每日新鮮製作，美味又足料，職員都好友善。晚市有套餐提供，一款指定菜式配白飯同是日無味精老火湯。蜜汁叉燒王 $76店裡王牌叉燒王，肥瘦均勻，肉質軟熟易咬，外面燒至少少焦，再加必備的蜜汁，不咸但好入味，絕對必叫！香葱煲仔豉油雞 $73豉油雞好嫩滑，而且好入味，有淡淡豉油味之餘，雞肉還有好香的香葱味，超級入味，但不是死咸。酒仙醉雞卷 $48新鮮雞肉浸透紹興酒，再配秘製調味料卷成形，雞卷內會有點啫喱狀物體，酒味幾清幾重味每件加上一粒杞子作點綴。話梅涼瓜片 $32好特別的一款小食，涼瓜片好爽口，經醃製後一點都不苦，再加話梅吃，反正變得甜甜地，好開胃。餐廳內有大大幅廚師畫像，還有例出廚師既工作歷程。餐牌:

已經第三次特登入元朗食鹵家🤣上次帶完男朋友去 佢一直都話要再特登去多次食佢一直都對個叉燒同話梅苦瓜念念不忘🤭〰️ 蜜汁叉燒王黎到呢到叉燒係必叫的!叉燒食落依舊鬆軟 加入蜜汁醃得好入味特別係邊邊位帶燶邊 食落重焦香 不得了😢食叉燒最期待就係焦香嘅燶邊!!!🤘🏿不過唯一係今次嘅叉燒肥瘦無咁均勻感覺比之前嘅有啲退步 但依然好食的~〰️ 子薑鴨仔煲 $73 +25配飯•老火湯/熱飲今次去到仲見到餐牌多咗冬日煲仔菜用上煲仔呈上 第一次見子薑同鴨肉嘅配撘食落鴨肉肉質軟腍 加埋酸酸甜甜嘅子薑成個煲惹味得黎好開胃 食落好有層次鹵家真係好擅長加入啲酸甜元素 令成個菜式更加好食🤘🏿〰️ 話梅涼瓜片$32上次食完好有驚喜 encore的涼瓜片!同樣係酸酸甜甜好開胃嘅一款小食即使唔鍾意食苦瓜嘅人都會對佢另眼相看!不過今次食落覺得呢個都冇上次咁入味😣〰️ 猴頭菇南北杏蜜棗红蘿蔔粟米豬骨湯除咗燒味出色之外其實佢哋嘅湯品都好高質所以每次嚟到都會揀湯 而無叫野飲🤣住家湯超級足料 清甜又無味精 飲完都唔會口渴🤘🏿

今日同朋友去咗「鹵家」食晚餐，我們入座後，店主很熱情地向我們推介招牌菜色，所以就叫咗話梅涼瓜片及酒仙醉雞卷。涼瓜片的最大特色是微微酸特別醒胃，基本上完全食不到涼瓜的苦味。至於醉雞卷充滿著微微的酒香，而且啖啖肉滋味十足。另外又叫咗店家極力推介的蜜汁叉燒皇及煲仔豉油雞，叉燒雖然真係成日食，但呢到叉燒調味做得十分好，而且肥瘦適中。豉油雞都做得十分惹味送飯一流。另外，不得不提兩個例湯，每碗湯的湯料十足，而且飲落去係完全feel 到真係無味精，應該係煲咗足夠火候，十分清甜鮮味，與其他茶餐的餐廳的味精例湯簡直就是天淵之別。

前排屋企人買過呢間燒味店嘅外賣畀我食，我覺得好出色！今日就帶男朋友嚟試下😁見到呢度大廚個background就知猛料👏 水準有保證！😎我地叫咗兩個午市套餐同一個小食鹵麻豬耳～❤️佛手瓜栗子南北杏甘筍豬骨湯 媽媽既老火湯味道😍 好大碗，零味精，足料夠味，岩晒宜家轉季天氣飲😋❤️食神叉燒飯 💰5️⃣6️⃣色澤好靚，燒到邊位焦香得黎唔會太燶，肥瘦均勻甜度岩岩好，配埋脆邊既流心🍳，超正！🤤⭐鹵家鵝王飯 💰7️⃣5️⃣午市套餐嚟講份量好多😯 鹵水汁非常入味，皮唔會太肥，肉質唔韌😋⭐鹵麻豬耳 💰3️⃣8️⃣同樣都係好入味，麻油味重，但略嫌豬耳口感偏淋左少少，不過加左芫茜同白芝麻好香😊我呢啲外食一族最中意幫襯啲無味精餐廳，仲要無味精得黎都咁高質👏難怪平日午飯時間都坐滿晒食客，作為元朗街坊既我真幸福🤗

香港人真係成日都食滷味燒臘，因為真係好味簡單快捷‼️係當唔知食乜嘢或者自己一個人食飯嘅時候嘅最好選擇😌雖然簡單，但係唔一定係hea。就好似元朗鹵家嘅食神叉燒，咬落去果下真係幾surprise🤩因為一啲肥都🈚️嘅瘦叉肉質居然係非常軟腍，連平時一定要食肥叉嘅我都清咗碟😋雙拼嘅另一款餸揀咗秘汁鹵家鴨，份量都唔少，喺淨鴨肉下邊仲有一啲係連骨🦴鹵鴨肉質厚實夠入味，放埋嘴邊時都聞到香香嘅五香味。店員推介我試吓佢哋嘅酒仙醉雞卷，層層碟嘅雞卷片上都放有一粒杞子，賣相精緻。酒香撲鼻，雞肉肉質嫩滑，連埋杞子一齊食仲多咗一份甜味☺️值得一提嘅係老火湯例湯係店舖自家熬製，🈚️落味精㗎，飲完都唔會口渴👍🏼

搬咗入大西北就努力食盡元天屯😎今日就黎食燒味🤤同區雖然有好多出名燒味舖，但店舖環境實在⋯⋯🤢呢度環境企理又坐得舒服👍🏻餐紙寫上五星級酒店老師傅主理，令人更加期待😍精美晚市套餐好豐富！有絲苗白飯+住家老火湯+小菜😋$76蜜汁叉燒王米線🍜叉燒份量多😋肥肉適宜👍🏻肉嫩又多汁🤤🤤🤤清清地配米線感覺冇咁油膩🤤$73子薑鴨仔煲🦆子薑鴨肉爽口，超入味，鴨味濃，配白飯食一流！🤤🤤如果唔係太飽都想加多碗飯🤤+$25轉套餐包無味精住家老火湯🍲當日住家湯係佛手瓜栗子南北行甘荀豬骨湯😋仲寫住有補肺益腎， 潤燥止咳功效😂$48酒仙醉雞卷🐥肉質結實爽口，一啲都唔肥😋凍食都唔會有一舊舊油啫喱☺️個人會更喜歡酒味重一點的🤤總括而言，小食款式多，食物分量足，機會都想食埋梅子脆燒鴨同皇牌鴛鴦飯🤤可再回訪！

呢幾日天氣涼咗好多，個人懶懶地都唔喺咁想煮飯，最好就食返個燒味飯😂原來元朗呢間鹵家喺由五星級酒店大廚主理，即刻去試吓先！我哋叫咗晚市套餐，今晚有豬骨粉葛紅蘿蔔赤小豆扁豆湯，味道就好似屋企煲咁，唔會好咸，飲完會覺得口渴，真材實料👍🏻蜜汁叉燒皇$76叉燒半肥瘦，好滑嫩套餐可以揀秘汁鹵水鴨$68不過我哋就+$20轉鹵鵝，燒鵝唔靭，正！話梅涼瓜片$32酸酸甜甜好開胃，食落仲有有話梅嘅香味套餐可以配米線、米粉、公仔麵、不過我就揀咗米線，米線都好好味😋而且呢度嘅餸菜都好足料！抵食！

有一日LUNCHTIME好想食叉燒飯，地膽同事介紹左我去試呢間元朗好出名的燒味店！同事話呢間D叉燒飯要成50-60元一碟。我心諗好似有D貴，但一分錢一分貨，話唔定好好食呢？所以就去試下。去到都見到唔少人幫襯，個心都定Ｄ，應該係好食的。叫左個「食神叉燒飯」，跟左碗中湯。中湯飲落都真材實料，唔似普通茶餐廳的例湯，好味！到到戲肉「食神叉燒飯」，又OK WOR，肥瘦比例都好好，加埋隻蛋，真係幾有FEEL。但就無「嘩」一聲的驚喜咁謗張囉XDD，水準中上，想食碗有質素保證的叉燒飯可以一試!

朋友介紹食呢間滷水+燒味餐廳，由於我哋好肚餓關係，所以我哋都叫咗幾多野試吓，叫咗個皇牌鴛鴦飯（叉燒+ 鹽香雞），招牌鹵家鵝，仲叫咗兩個小食，滷水豬手＆ 話梅涼瓜片，當然要試吓佢嘅老火湯- 當日係老黃瓜赤小豆扁豆豬骨湯😋滷水鵝切開一片片，真係啖啖肉，而且好夠味，又唔會太鹹小編覺得呢度嘅叉燒真係好好味，食得出佢係用梅頭肉，同埋有啲少少燒焦嘅口味，好香口同好Juicy😋，至於鹽香雞都不錯，啲肉質好嫩滑👍🏻套餐可以除咗要配飯之外，仲可以配其他麵，朋友就叫咗米線，配滷水豬手一流，變咗豬手麵😂😂😂，豬手鹵得好入味，而且都係炆得好淋，食咗咁多肉，當然要食返啲菜啦，另外涼瓜酸酸甜甜好開胃，有少少話梅味都幾特別個老火湯睇得出佢都落咗好多料，而且飲完唔會口渴😊整體來講嘅體驗都唔錯，下次嚟元朗我諗我都會買盒例牌叉燒返屋企加餸😆

番工前同朋友係元朗行行下，突然好想食鹵味。於是黎左元朗依間茶餐廳，見到佢午餐價錢幾伋理，就入左去，店鋪細細地但都算闊落。首先揀左兩個皇牌精選，食神叉燒同埋秘汁鹵家鴨。包例湯，出黎食飯都有住家老火湯飲好開心，牛蒡粟米紅蘿白豬骨湯，怯濕清熱，幾好飲。食神叉燒飯好大碗，叉燒超足料，肥瘦適中，肉質夠嫩滑同肉汁都好 juicy , 仲有大大塊荷包蛋。鹵家鴨都超足料好大碟，回哂本套餐加 15 蚊可以加小食，加左個拍蒜青瓜，又幾有驚喜，小小辣辣地幾開胃，青瓜好爽口，食到停唔到。最後忍唔住加埋佢個皇牌菜，酒仙醉雞卷，見到相片已經好吸引，上到黎果然冇失望，雞肉浸滿酒香涼涼地，d 雞肉好鮮嫩，真係值得一試。估唔到元朗都有出色既鹵味，店員服務態度都好好，會繼續推薦同朋友黎試。

今日我和家人一起吃飯，而家人又想吃叉燒鹵味，就找了這間專門店。位置: 在輕鐵站康樂路步行3分鐘到達，非常易找，在嘉城廣場斜對面。環境: 店鋪面積小，但坐得舒服，乾淨整齊。服務: 店員友善親切有禮貌，很樂意為客人介紹招牌菜。午市套餐: 食神叉燒$56(包湯或飲品) 這裡出名是叉燒，當然要試叉燒啦！絕對沒有選擇錯，不要以為叉燒是很普通的菜式，要做得好吃也不容易的，而這裡做的叉燒超級好吃，蜜汁醃製得很入味，選用的部分的肉是半肥瘦，切得厚薄一致，外焦內嫩，最欣賞是有少少燶邊，有焦香味，不得不稱讚👍😋祕汁鹵家鴨配白飯$54 (包湯或飲品)這款我沒有吃到，家人說味道跟她預期的差不多，即是鹵水鴨，啖啖肉，份量也不錯，夠食！是日無味精自家湯: 蓮藕章魚花生眉豆湯湯底有很多湯料，是很濃味道的中式湯品，喝完沒有口渴，可以試得出沒有任何味精添加。小食:話梅涼瓜片$32很有驚喜，很開胃，味道酸酸甜甜，完全沒有苦味，苦瓜完全吸收了話梅的精華，不喜歡吃苦瓜的人必試，絕對會對苦瓜改觀🤩🤩🤩鹵水豬手$48骨膠原很豐富，份量也多，豬手也醃製得很入味，喜歡鹵水的人，不要錯過喔！

午市套餐: 食神叉燒(包湯或飲品) 這裡出名叉燒，當然要試叉燒啦！絕對沒有選擇錯，不要以為叉燒是很普通的菜式，要做得好吃也不容易的，而這裡做的叉燒超級好吃，很入味，半肥瘦，有種入口即溶的感覺(當然是有點誇張啦)，但不得不稱讚👍😋祕汁鹵家鴨 (包湯或飲品)味道跟我預期的差不多，即是鹵水鴨，啖啖肉，份量也不錯，夠食！是日無味精主家湯: 蓮藕章魚花生眉豆湯由很多湯料煲成，很濃的中湯，可以試得出沒有任何味精添加。小食:話梅涼瓜片~~ 很有驚喜，很開胃，味道酸酸甜甜，完全沒有苦味，苦瓜完全吸收了話梅的精華，不喜歡吃苦瓜的人必試，可能會對苦瓜改觀🤩🤩🤩鹵水豬手~~ 骨膠原很豐富，份量也不錯，豬手也很入味，喜歡鹵水的人，不要錯過喔！