麵屋常勝

Open Now

Now Closed

餐廳位置近觀塘地鐵站B2出口行幾分鐘路程就到東廣場地下層有好多餐廳揀左呢間幾多人既拉麵木枱木凳雖然地方比較窄 但神奇係放得晒以下食物我地叫左3款餐牌有👍🏼👍🏼👍🏼既大人氣推介2碗拉麵套餐連2款小食+2杯飲品仲有小食拼盤總共7款小食N1 極上濃蝦湯叉燒拉麵 $88N7 人氣雞白湯叉燒拉麵 $88呢到既拉麵碗視覺上比較細同矮身但絕對夠飽每碗有大量配菜 蔥 木耳 海草3-4塊圓形薄切叉燒 肥瘦適中拉麵偏林身 湯底濃郁落單時候 可以要求拉麵硬度同走配菜餐牌標明無味精 食飽飲埋湯 真係唔口渴👍🏼套餐小食飲品 +$22@1炸章魚球 熱lala令到上面既鰹魚絲跳舞日式炸餃子 配醋樽裝玄米茶 清新米香滋味分享盤 $78大大盤有5款小食炸雞軟骨 芝麻手羽 吉烈炸蝦 炸蠔 炸魷魚鬚每款都香脆 但唔油膩

2024.2.20因為我係附近返工，聽主管講係東廣場內開左哩間店，諗左幾日，今次決定就黎試哩間店。我點左N 1極上濃蝦湯拉麵，🍲🍲湯底既濃蝦湯帶濃鮮甜味，唔漿口，第一啖係幾香蝦湯味，但後勁既鮮甜味好快就冇左，然後好奇怪咁，變左好濃既蕃茄味，哩個真係有少少失望😮🍜🍜麵係細方形麵，食落似乾麵，雖然冇鹼水味，但落單太急，店員又冇問要硬定軟麵，我又唔記得講，煮到過左火好影響口感，變左食落好似即食公仔麵😐🍥🍥拉麵既配菜有：4塊叉燒+京蔥+木茸絲+海帶芽+紫菜碎叉燒係腩肉，不過肥肉唔多約7比3左右，食落有彈性，冇豬腥味，肥瘦適中，鹹香適中，我覺得哩個叉燒做得幾好食👍木茸絲同海帶芽食落爽口，但個京蔥唔知係切得太粗定係冇切走外面個層蔥皮，京蔥啲纖維食落好硬😐，而且切得有啲粗好影響賣相😐仲有，雖說可能係每間店既特色（？）我唔明白點解唔係比原片紫菜，而係比紫菜碎（？？😐）店內有坐位提供，但地方係商場內，係兩間店，一邊係廚房收銀，另一邊係約有15-18左右既位置提供，桌櫈係木制材具，都有少少海報同飾品佈置，睇落都幾昭和風😮桌面有排好既餐具同餐牌，有提供紙巾，但冇飲用水提供，就算話唔收加一都係有啲失色😐🈲🈲❓

細細間但分左兩邊鋪，另一邊鋪個感覺好自成一角，鍾意😊👍🏻- 極尚龍蝦湯叉燒拉麵🦞個湯好香濃，夠鮮👍🏻- 人氣雞白湯叉燒拉麵🐔 加 流心蛋🥚兩碗既叉燒都好林，麵都夠挺身，流心蛋剛剛好！- 蟹肉忌廉薯餅🦀好creamy，脆口香口😋- 炸魷魚鬚🦑大大一碟，夠香脆，魷魚都夠鮮味👍🏻- 炸章魚球🐙兩粒好fit，皮唔算厚，肉粒都大粒，好味既！👍🏻整體來講，餐廳細細間，但上菜好快，食物質素高，性價比高！值得再去😋

觀塘東廣場有好多小店可以選擇，見到呢間價錢抵食同佈置得好有日本拉麵小店感覺，於是同朋友決定食呢間。我哋叫左兩個拉麵套餐同兩款小食。黑蒜油豚骨湯叉燒拉麵，另加糖心蛋。湯底香濃，飲得出冇落味精，用心製作。糖心蛋流心又嫩滑，同拉麵一齊食，好夾。加埋套餐A滋味雞軟骨半份，雞軟骨份量都多。濃郁雞白湯叉燒拉麵，另加玉米同糖心蛋。湯底真係好濃郁，飲落好順口同香，唔油膩，配埋肥美嘅叉燒一齊食，好滋味。加埋套餐D日式餃子2隻，配上餃子汁啱啱好。兩款小食：炸魷魚鬚同蟹肉忌廉薯餅外皮都炸得好鬆脆，炸魷魚鬚食到陣陣魷魚香味，口感唔錯。蟹肉忌廉餅外皮飽滿，餡料軟熟。總括而言，我哋食得好開心，餐廳環境雖小但坐得舒服，食物質素唔錯同性價比高。

麵屋常勝📍觀塘成業街7號寧晉中心東廣場地下G52味道：😋😋😋😋😋😋😋😋😋環境：🎑🎑🎑🎑🎑🎑🎑🎑服務：😏😏😏😏😏😏😏😏為咗拎演唱會飛，今日約咗朋友喺觀塘食飯，朋友話東廣場好多美食嫁喎，行勻一轉後朋友就被呢度充滿日式懷舊嘅裝修風格同價錢吸引咗，於是就揀咗呢間麵屋常勝啦😌我哋order 咗1️⃣極上濃蝦湯叉燒拉麵🍜💰88試下呢個最多人推薦嘅蝦湯先，湯頭濃郁、蝦香四溢😋，而且仲有無添加味精，令我忍唔住飲完一啖又一啖😍2️⃣人氣雞白湯叉燒拉麵🍜💰88試下另一人氣之選！湯頭清澈透明，散發著濃郁嘅雞肉香氣，同樣都係無添加味精，令人回味無窮😍兩碗麵嘅麵條非常掛汁！一碗有四塊叉燒咁多！叉燒肥瘦均勻，配合蔥、椰菜、木耳等配料，口感好有層次，超好食😍3️⃣小食：滋味雞軟骨 💰38雞軟骨好有咬口、帶有微微的雞肉香氣，配搭鰹節醬油同美乃滋，味道啱啱好😍4️⃣小食：蟹肉忌廉薯餅 2件 💰28外脆內軟，蟹肉嘅鮮甜同忌廉薯蓉嘅濃郁相互融合，好滿足😌5️⃣小食：炸章魚球5件 💰30勁大粒！每一球裹面嘅麵糊都包裹住一舊嫩滑嘅章魚肉，外層炸得好酥脆。同樣配搭鰹節醬油同美乃滋，回味無窮😍呢間日式拉麵小店嘅裝潢以木質元素同傳統日式風格為主，牆上掛

極上濃蝦湯叉燒拉麵$88 湯底好濃郁蝦嘅鮮味。碗拉麵一送到嚟枱面嘅時候已經可以聞到濃濃嘅鮮蝦味道。最吸引嘅就係湯底唔會落味精，蝦嘅鮮味完全係餐廳足料咁樣熬出嚟。好難得仲會有餐廳嘅湯底鮮味得來而且無味精。碗拉麵好大份量，啲麵仲可以揀硬身啲或者軟身啲。叉燒嘅份量都好多足足有四片，而且都好腍唔會韌食落去好入味。轉做套餐+$22 點咗碗拉麵之後仲升級咗做套餐送咗兩粒章魚小丸子。章魚小丸子落咗好多紫菜粉同埋燒汁，大滿足！跟餐嘅仲有一樽凍嘅玄米茶。玄米茶冷泡嘅方法令到飲嘅時候冇搽澀味。餐廳嘅裝修係懷舊風牆上邊貼滿咗好多舊時代嘅明信片又或者係公仔。餐廳仲搞緊活動食完麵之後仲可以去餐廳提供嘅遊戲機度玩一鋪遊戲添！

今次食左東廣場嘅「麵屋常勝」，小店內充滿各種figure 嘅佈置，增添日本嘅氛圍。今次嗌咗兩個拉麵同幾款小食，份量都幾大，所以兩個人食都幾夠飽。🦐極上濃蝦湯叉燒拉麵（加咗明太子+溫泉蛋）呷一口濃蝦湯，湯底標磅冇味精，飲落的確唔似平時咁濃味，不過仍然飲得出蝦頭熬出嘅鮮香，因為揀咗麵質偏軟，所以食落口感較腍，不過湯頭如果較淡嘅話，下次我應該揀硬身麵條會更夾。而明太子嘅鹹香亦都為湯底添加咗層次感，叉燒口感都唔錯，唔會太過膩口。🐓人氣雞白湯叉燒拉麵雞白湯雞味濃，質地不會太濃稠，飲完不會覺得口乾，應該真是不含味精。不過都略嫌湯的份量不太夠，不能做到全碗麵一啖麵一啖湯。炸物我地總共嗌了三款小食，上桌時見到每款份量都相當大份，店家都真係相當闊綽👍🏻炸魷魚鬚呢個係最好食，炸魷魚好大條，食落口感煙韌，好食！炸蠔炸粉唔厚，生蠔都幾大粒，不錯！炸雞軟骨份量都好有誠意，配埋沙律醬就冇咁膩。整個晚餐份量都頗大，如果胃口比較小嘅建議可以叫少麵，就可以試更多小食了～

成日路過都比部街機吸引😂今次終於決定一試😤😤一路聽住經典動漫BGM一跟食住好味嘅拉麵🍜感覺真係好似去咗日本🇯🇵咁⬇️食評時間⬇️🦐極上濃蝦湯叉燒拉麵呢個超推薦👍因為蝦湯煮法講究如果煮得唔好就容易腥，甚至苦😵‍💫不過呢間就無呢個問題👍蝦湯好鮮甜😋😋🐤人氣雞白湯叉燒拉麵呢個湯頭睇落好清其實味道都好濃郁👍突出到雞白湯嘅風味😋😋🐥滋味雞軟骨&蟹肉忌廉薯餅🦀2個小食都好好味👍👍份量啱啱好👌👌

朋友介紹話小店林立嘅東廣場有間好正嘅拉麵店「麵屋常勝」，啱啱識咗真係好有驚喜，個湯底真係好正😍😍😍，而且CP值仲好高！🔹️極上濃蝦湯叉燒拉麵🦐 $88呢款拉麵好有驚喜，尤其係個湯底，超濃郁，富有蝦嘅鮮甜和香味，而且呢度嘅湯底無味精！所以飲到冇停口🥰，此外，拉麵好掛汁，仲有四塊叉燒咁多呀🐷，嫰滑、入味和好食！🔹️人氣雞白湯叉燒拉麵🐥 $88雞白湯好淳厚好滑😍，好香嘅雞味，而且feel 到好補😆🔹️升級套餐 +$22加$22就有小食和飲品，小食方面要左炸章魚球和日式炸餃子，飲品要左罐裝汽水。炸章魚球都幾大粒，好香口啊😆。🔹️滋味分享盤 $78有炸蝦、炸蠔、芝麻手羽、炸魷魚鬚＆雞軟骨，估唔到咁大盤，真係好回本。炸醬算係幾薄，入口香脆😍，炸蝦和炸蠔都幾大隻，幾鮮甜，炸魷魚鬚好滋味，整體黎講好滿意。

好靚的，吉列炸生蠔，一打開居然仲有大量生蠔汁。外脆內軟。果種炸漿又唔似一般炸漿，一咬好脆。仲要$32，四隻生蠔。生蠔似係新鮮，仲有汁價錢都唔錯。，見到新開張試下，唔平唔貴，但料食下幾fresh

明太子豚骨叉燒拉面$78配料：加木耳、玉米、糖心蛋拉面大大碗，木耳、玉米完全不吝嗇，洋洋灑灑一大片的，明太子味道偏鹹，但可以食得出冇味精，拉面味道很好，一筷子拉面再夾超多配料，口感很滿足！吉列豚肉豚骨湯拉面＄８８配料：加木耳、海草吉列豚肉表皮好脆口，咬落卡卡聲，一啖肉一啖木耳、海草一啖拉面，食得好飽套餐：炸章魚球＋玄米茶＄２２章魚球外皮燒得香脆金黃，香氣四溢，成個放入口里，慢慢咀嚼除了有軟熟的口感外，還感覺到里面有半流心的效果，強烈推介！日式餃子＄２８餃子皮較厚，咬落脆波波，蘸汁後微酸開胃！總括而言，性價比不錯，可以一食！

新年繼續食好野～今日係2014年第一個工作天，繼續出差觀塘。中午響觀塘東廣場搵食，可以趕響繁忙時間1點前入座，大概12點45分到。今日揀咗 麵屋常勝。揀左推介嘅 《極尚濃蝦湯叉燒拉面》$88，另加$8加咗隻溏心蛋，再加$10加多膠樽裝嘅玄米茶。落單之後坐低等堂食，唔使等好耐食物就到。一放低已經聞到好香嘅蝦湯味，叉燒有4片，上面放有京蔥，海帶等等，賣相都唔錯。先飲啖湯，飲得出係濃濃嘅蝦油濃湯，橙色嘅湯底，唔錯，飲得到鮮味，但係唔會太搶喉，應該都係如餐牌上所講嘅無味精。拉麵屬於幼身，唔太硬身，尚算可以；4片叉燒軟淋，肥瘦均勻，唔會太乾；溏心蛋嘅溏心效果好靚，樣樣都恰到好處。埋單$106，午餐可能係小貴，但係要響官塘食到好嘅質素拉面都應該差不多。地方唔算大，未係繁忙時間，唔知到時出餐速度會點。另外見到有外賣優惠，同埋有卡仔儲印花優惠，呢間係可以再試嘅拉麵小店。

呢間位於觀塘東廣場嘅拉麵店算性價比高，裝修行舊日本風格，好似返咗鄉下咁，有feel同朋友兩個人食，叫咗蝦濃湯叉墝拉麵（另加糖心蛋）湯底真係好濃郁好出色，勁有蝦味。拉麵可以揀硬定軟，我就揀咗軟，但其實都好有咬口，唔會太腍。叉燒唔算厚，但我本人比較鍾意食啲薄薄地又燒得好香嘅叉燒，而呢到嘅叉燒數過都有3-4塊，抵食糖心蛋唔錯，入面係橙色嘅流心蛋漿。第二碗係黑蒜油豚骨湯叉燒拉麵（另外加配明太子同糖心蛋）睇相就知幾重料，黑蒜油落得好足鍾意食黑蒜油拉麵嘅絕對唔會失望。呢碗除咗糖心蛋仲另外加配咗明太子，好少拉麵店可以揀加配明太子，食落味道又幾新鮮 加$22仲可以配小食同飲品，唔驚食唔飽。炸過嘅章魚燒比普通章魚燒更加外脆內軟，入邊章魚都大大粒，雖然得兩粒，但係算大粒。炸雞軟骨外脆內嫩，同沙律醬最match，份量都好足飲品揀咗罐裝波子汽水，第一次見呢種罐裝，都一樣咁好飲。另外揀玄米茶配黑蒜油拉麵可以消滯。

東廣場出名勁多野食，比佢門口既街機吸引左好棧鬼😂同朋友各叫拉麵套餐，想講超抵食，價錢吸引之餘仲要非常惹味，朋友點左極上龍蝦湯拉麵，拉麵底煙韌度啱啱好，推介硬麵比較有口感，重點係個湯底真係勁濃郁，好香濃既蝦甜味，絕對唔係平時加少少櫻花蝦就叫蝦湯既拉麵，我真心好驚訝係東廣場有咁高質既拉麵店，配吉列牡蠣即叫即炸，芝麻手羽係原隻雞翼，外皮香脆可口，雞肉醃得夠味，我則揀左黑蒜油豚骨湯叉燒拉麵配溏心蛋，同樣非常出色難忘，湯底香濃撲鼻，一啖湯一啖拉麵好好味，溏心蛋一拮就流心，蛋黃滑嫩，蟹肉忌廉薯餅都可以點，餡料creamy，沙律醬都唔洗點，仲有日式炸餃子，配餃子汁酸酸甜甜好開胃，飲品就推介玄米茶，清清地，中意飲甜野可以加四蚊試下日本提子汽水，我哋食咗咁多嘢，埋單都只係$276，性價比真係極高，10個讚！🫶🫶🫶

拉麵引起，搵下附近有咩拉麵店先，見網上幾多人讚東廣場間麵屋常勝，近近地就試佢啦。餐牌幾多野揀喎，可以加$20轉套餐，仲無加一添，價錢親民☺️⭐赤辛豚骨湯叉燒拉麵加了粟米、海草、溏心蛋，碗麵望落顏色靚靚又豐富。朋友愛辣就試下個辛味湯底，豬骨湯幾濃味，但辣味不突出，微辣都幾好味。⭐濃郁雞白湯叉燒拉麵自己就試下雞白湯，同樣加了溏心蛋，仲加左木耳添🤤湯頭鮮味不油膩，不過鹹好易入口，叉燒肥美，溏心蛋流心有蛋香，幾好味連湯都飲晒😆⭐炸章魚球見套餐得兩粒唔夠食，都係直接叫小食啦，一碟五粒多醬正啊😋軟綿綿，章魚有咬口，好食😋⭐炸魷魚鬚朋友就加左魷魚鬚，呢隻唔厚粉炸法太好味，大家都爭住食呢🤤⭐玄米茶 & 可樂店內無水供應，咁叫下飲品啦，玄米茶都幾香吖，解下膩啱哂。小店坐位唔多，食客都好客氣食完就走，人流絡亦不絕但都唔洗等位嘅😆