麵屋常勝

Open Now

Now Closed

未步入麵屋常勝，已經彷彿踏進了一個時光隧道，門口放置兩部懷舊遊戲機，食客可以免費試玩，體驗7,80年代街機情懷入比舖頭，滿牆的海報和懷舊玩具，一門之隔，已讓人不禁回憶起過往的美好時光。然而，麵屋常勝的魅力不僅僅在於它的懷舊氛圍，更在於它那一碗極上濃蝦湯叉燒拉麵。這碗拉麵以其濃郁的蝦湯為基底，讓人一口便感受到主廚的用心。蝦湯的鮮甜滋味彷彿來自海蝦的恩賜，讓人回味無窮。而叉燒的肉質柔嫩多汁，幾乎入口即化，散發出香氣四溢的肉香味，令人垂涎欲滴。如果你想要更多的選擇，他的吉列蝦絕對不能錯過。濃郁嘅蝦湯配搭香炸蝦嘅口感，豐富了拉麵嘅食感，增添了一抹鮮味。這道菜品給人一種豪華而又滿足的感覺，讓人愛不釋手。除了叉燒拉麵，吉列豚肉也是推薦之作。豚肉經過精心的燉煮，肉質鮮嫩，滋味濃郁，令人回味無窮。搭配上湯汁濃郁的拉麵，絕對是一對絕妙的組合，令人難以忘懷。在這些美味佳餚中，配料加上糖心蛋更是不可或缺的一部分。一口溢岀蛋黃濃稠，蛋白柔軟，每一口都散發出濃郁的蛋香，為拉麵增添了層次感。麵屋常勝嘅餐點不僅口味出眾，更能感受到主廚們的用心。他們嚴選新鮮食材，精心烹飪，給每一位顧客帶來一種美食的享受。而且，它強調

係觀塘買完嘢，就去咗東廣場搵食😂見到佢寫話食拉麵免費打機，好吸引😍係細個最鐘意打嘅機，超有回憶呀🎉而且佢裝修得好日系👍🏼極上濃蝦湯拉麵 $88見好多人推就一於就試下佢！個湯濃到好似龍蝦湯咁😍香香甜甜咁，真係好正！拉麵麵質亦都真係如我地所叫嘅偏硬，無鹼水味👍🏼叉燒唔算好深刻，正正常常，仲配有海帶，木耳絲，大蔥👍🏼👍🏼濃郁雞白湯叉燒拉麵 $88無濃蝦湯咁濃味，但食到雞味！佢寫明無加味精，所以食落個味好舒服，唔會太strong!我仲加咗溏心蛋，唔夠味有小小覺得，不過入面超流心😍😍滋味分享盤 $782個人食啱哂👍🏼性價比高！有炸魷魚，芝麻雞翼，炸蝦，炸生蠔，雞軟骨！超級豐富😜而且全都新鮮炸起，熱辣辣👍🏼👍🏼凍檸樂 $12用zero正！咁熱飲，條氣爽哂！！日式波子汽水好耐無飲過！都係童年回憶🥹🥹

麻辣赤身豚骨叉燒拉麵 ❤️推介啲湯底勁香濃，仲要有啲微微辣味，佢嘅味道係中式嗰種麻辣味，麵條又夠彈牙，仲要幾大碗，我自己額外加咗啲椰菜，吸咗少少麻辣味啱啱好。濃雞白湯叉燒拉麵啲湯底濃郁到爆，叉燒肉質腍腍咁嫩滑，又唔會太肥膩，啲麵條吸足啲湯汁，味道更加突出。糖心蛋另外加咗個糖心蛋，啲蛋黃流心軟綿綿，一切入口就係一股濃濃嘅蛋香，啲蛋白又煮得剛剛好，唔會硬過頭枝豆套餐揀咗枝豆，啲枝豆煮得剛剛好，唔會太爛太硬，啲鹽分平衡啲豆味，一粒粒好快食晒。雞軟骨 推介份量好多，仲要熱辣辣上，非常香又脆口。 而且佢嘅炸粉唔會太多，加上醬汁七味粉同檸檬，正！ 整體來講呢間餐廳性價比都幾高，而且位置都好方便，套餐都幾抵食。可以再encore

觀塘東廣場嘅「麵屋常勝」係一間日式拉麵嘅餐廳。今次去食嘅晚餐，我選擇咗佢哋兩款特色拉麵：黑蒜由豚骨湯叉燒拉麵同極上濃蝦湯拉麵，再配上吉列牡蠣同芝麻手羽小食，最後飲咗一杯凍檸檬底生可樂。首先講下黑蒜由豚骨湯叉燒拉麵，呢款拉麵嘅湯底香濃惹味，黑蒜嘅加入令湯頭更加濃郁，有種深邃嘅味道，同時豚骨湯底嘅鮮味都係一流。拉麵嘅叉燒肉厚實多汁，每一口都食到肉嘅香味同彈性。再加上拉麵我揀咗硬麵，好有咬後，令呢個經典款式變得更加出色。極上濃蝦湯拉麵就更加特別，味道濃郁得嚟唔會過於油膩，充滿咗海鮮嘅鮮甜味。加咗明太子之後，更加增添咗鹹香味，每一啖拉麵都充滿驚喜。吉列牡蠣外脆內軟，海鮮味道鮮美；而芝麻手羽則烤得香口，芝麻嘅香味同雞肉嘅鮮嫩完美融合。飲品方面，凍檸檬底生可樂非常獨特，冰涼嘅檸檬與生可樂嘅組合清新解膩，係完美嘅飯後飲品，幫助消化同清理味蕾。整體嚟講，「麵屋常勝」嘅用餐環境同服務都相當不錯，店員親切有禮，效率高。無論係想品嘗正宗日式拉麵，或者尋找一個放鬆心情打下機嘅好地方，「麵屋常勝」都係一個值得一試嘅選擇。下次喺觀塘，記得唔好錯過呢間提供高質拉麵嘅餐廳，保證令你滿意而歸！

之前同屋企人去觀塘行街見到呢間好似平平無奇咁😆但個日落大雨☔️我地就一於試下啦店舖裝修好用心好多復古玩具擺設Staff姨姨見到我地帶埋阿女 安排坐闊啲位置勁nice咁同阿女講嘢 仲話湯底無添加味精全部都真材實料 點餐都行埋嚟落單🥰裡面嘅裝修真係好用心去擺設除左有拉麵仲有各款小食我地叫嘅係三個套餐set黑蒜油豬骨湯叉燒拉麵評分：👍🏻👍🏻👍🏻👍🏻👍🏻超 足 料‼️‼️見到咁多大蔥絲就好開心🤣叉燒都有2-4塊，而且都唔係細塊拉麵嘅軟硬度適中好彈牙 黑蒜油豬骨湯底好濃味極上龍蝦湯叉燒拉麵評分：👍🏻👍🏻👍🏻👍🏻👍🏻呢個蝦湯底真係不得了‼️超級濃蝦味每啖都飲得出係用左好多蝦去熬嘅湯🥹真係好足料無味精 食完都唔會想係咁飲水仲叫左個小食拼盤，完全估唔到咁大碟🫣仲要全部即炸好香脆好好食呢幾碟小食係跟餐嘅，好用心去整因為全部都熱辣辣脆卜卜好惹味👍🏻👍🏻

今日好想食拉麵，嚟到觀塘呢一間懷舊麵屋，入邊嘅裝修，充滿懷舊日式風情，有一部舊式遊戲機，舖頭乾淨企理😆同朋友兩個食，買單都係每人百5左右，份量麵幾多，食到好飽🤣叫左限定既極上龍蝦湯叉燒拉麵，加糖心蛋，再加多椰菜，即刻健康晒🤣🤣份量都多，湯好濃好好味，食得出係冇味精，食完唔會口渴😗😗 配菜多，再加個好耐冇飲嘅波子汽水，据下😆🤟🏿另外，叫咗個人氣雞白湯叉燒拉麵🤤🤤🤤呢個雞湯味好濃郁，唔會咸，好好味😋叉燒，都有好大塊，好味！ 兩個人，想加啲餸，叫咗個分享拼盤，入邊有晒我哋想食嘅小食都係$78 ，份量都好多好抵食，分別有雞軟骨、雞翼、炸號、炸蝦、炸魷魚鬚😵😵🤭🤭，食到好飽🥰🥰🥰其中，真係要讚吓個炸蠔同炸雞軟骨，好好食呀，炸蠔外脆內嫩，又有汁好食，軟骨夠大粒夠脆口😋正！雞翼都好好食，連平時唔食雞翼嘅朋友，都食到乾乾淨淨舔舔脷😝😝推薦！2個人食晒呢度嘅嘢，真係好飽，好滿足😚飲品叫左個波子汽水懷舊下，好飲，好耐冇見過呢種日本汽水！朋友就試咗生百事可樂，我哋都諗緊乜嘢係生百事可樂，朋友試完話俾普通可樂爽口冇咁甜膩！

東廣場嘅麵屋常勝 開放式麵屋，見到碗碗拉麵都好吸引就被吸引入內，拉麵湯底同配搭款式多而麵底亦可以揀軟或硬，製作用心最特別係店門擺放街機，食客係可以免費打機好開心🔅極上濃蝦湯叉燒拉麵 $88呢款就係吸引小編入內嘅拉麵，眼見最多人揀湯頭味道濃郁，唔覺唔覺就飲晒必加糖心蛋 (+$8)，半熟流心又夠蛋香🔅人氣雞白湯叉燒拉麵 $88白湯較清甜，感覺無點落味精附上幾片叉燒，大大塊，嫩滑肥美配料豐富🔅炸魷魚鬚 $48新鮮炸起，非常香酥內裡又夠咬口 ，推介🔅炸章魚球 +$22 (連飲品)脹卜卜，外脆內軟餡料真係食到章魚粒粒🔅日式炸餃子 +$22 (連飲品)炸得脆口，正常發揮

今晚去左觀塘東廣場嘅麵屋常勝， 食左好耐都冇食過嘅拉麵🐰👉🏻極上濃蝦湯拉麵 ＋溏心蛋：極上濃蝦湯拉麵 湯底蝦味香濃鮮甜！面條彈牙有嚼勁，加上溏心蛋， 肥美嘅日式叉燒同埋 京蔥木耳等配菜， 味道同口感都非常豐富👍🏻👉🏻吉列豚肉小食：炸得香脆，外脆內嫩，肉質鮮美👍🏻👉🏻半份雞軟骨：雖然係套餐跟嘢飲嘅半份炸雞軟骨， 但係份量一啲都唔少 ，雞軟骨炸得金黃酥脆，咬落去 非常爽脆，正🐰👉🏻玄米茶：冷泡玄米茶口感清爽👍🏻 解油消膩🐕

係觀塘整嘢 整完搵下有咩嘢食 朋友話不如去食拉麵 都好耐無食啦餐廳好有日本兒時風格 無論擺設同埋poster突然覺得好似番番去舊時光😂拉麵起碼有11款 見到有2款有手指公緊係即刻叫啦叉燒大大塊 比起其他拉麵店出聲極上濃蝦湯叉燒拉麵❤️❤️❤️個湯真係超超超濃蝦味 唔係講笑 食得出係熬出黎 因為好鮮甜 標榜冇味精哩個湯底真係性價比高加左糖心蛋👍🏻人氣雞白湯叉燒拉麵奶白色湯底 好清澈 一樣都唔會有味精朋友讚不絕口😍😍😍平時食拉麵會覺得好肥膩咁呢度嘅湯底因為冇味精所以一啲都唔覺得小食方面叫咗個拼盤 咩都有唔洗諗😂芝麻雞翼 雞軟骨 吉列蝦 吉列蠔 同埋魷魚全部都係我地鍾意食既 即叫即炸熱辣辣 正呀🤩餃子都係最愛 外皮煎得香脆 飲埋支玄米茶 下火😂

喺觀塘真係好多美食，今次同大家分享東廣場內嘅日式小餐廳，呢度有好多美食呢！首先係極上濃蝦湯拉麵同赤身豚肉骨湯叉燒拉麵。兩款拉麵都好出色，湯底濃郁香濃，同埋無味精呢！令人回味無窮。極上濃蝦湯拉麵有鮮甜嘅蝦湯底，配上彈牙嘅拉麵同鮮蝦，味道鮮美。赤身豚肉骨湯叉燒拉麵則有豬骨湯底，口感濃郁，加上嫩滑多汁嘅叉燒，味道更加豐富。除咗拉麵，呢度嘅小食都好吸引人。日本枝豆新鮮爽口，炸章魚球外脆內軟，味道香酥可口。小食拼盤入面有吉列炸蠔同吉列蝦，炸得恰到好處，外層酥脆，內裡鮮嫩多汁，十分美味。煎釀雞翼則香脆多汁，每一口都令人滿足。跟餐可點飲品，我地揀左可樂同玄米茶，玄米茶有淡淡的香氣，非常適合搭配日式美食。整體而言，呢個麻雀雖小，但五藏俱全嘅日式餐廳食物質素高，性價比高，我地二人食左兩個餐加小食拼盤都係3百蚊有找，服務員態度亦好好，環境舒適乾淨，亦好有日式感，充滿會有回憶感呀！

東廣場係一個好多美食既地，需然睇落去吾係太fancy 但係實力吾可以睇少！黑蒜油豚骨湯叉燒拉麵是一道口感豐富的拉麵。豚骨湯底濃郁鮮香，加入黑蒜油後增添了獨特的風味。叉燒肉鮮嫩多汁，與拉麵的彈牙口感相得益彰。這道拉麵通常還會加入各種配料吉列蝦叉燒濃蝦湯拉麵濃郁的拉麵。湯底以蝦為基礎，味道鮮美豐富。蝦的鮮甜與叉燒的香味相互融合，帶來獨特的風味體驗。這道拉麵會加入蔬菜和其他配料，如海苔、芝麻等日式枝豆枝豆以鹽水煮熟後，撒上一些鹽，可以直接食用。它們口感鬆脆，帶有濃郁的豆香味吉列牡蠣吉列牡蠣夠鮮，不錯！炸章魚球章魚肉質鮮嫩，經過炸後外脆內嫩。

東廣場入邊有唔少嘅餐廳 同朋友最後就揀咗呢間拉麵店 呢度嘅裝潢係以日式風格去設計 仲有部懷舊遊戲機比客人玩添睇餐牌發現食物價錢唔算太貴 而且追加$22就可以有一份小食同飲品 性價比幾高 另外呢度好貼心有得揀麵嘅軟硬程度 如果有唔食嘅配料都可以剔走吉列蝦叉燒濃蝦湯拉麵 (加糖心蛋) (加粟米) (走炸蒜)蝦湯入口好香濃 飲落無味精味 而且唔會好鹹 仲有3大條吉列蝦 粟米亦好香甜 仲有椰菜 葱 海草同木耳呢d配料 食落口感好豐富人氣雞白湯叉燒拉麵 (加糖心蛋)湯底係好鮮嘅雞味 同蝦湯一樣都係無味精味 兩碗嘅叉燒大塊得嚟都肥瘦適中 同埋呢度嘅糖心蛋係真係有流心的滋味雞軟骨雞軟骨炸到表皮好酥脆 份量都幾多炸章魚球章魚球食落唔會太粉 食得出粒粒章魚 吉列牡蠣炸蠔食落幾鮮味 而且外脆內軟

去觀塘等朋友收工，決定食埋夜晚先番屋企，同朋友見到東廣場依間麵屋常勝都幾多人食，同埋佢裝修好有feel，有少少似日本拉麵屋。我叫咗吉列牡蠣黑蒜油湯拉麵，朋友叫咗人氣雞白湯叉燒拉麵，一齊加咗糖心蛋，我哋另外再加咗滋味分享盤，入面嘅小食都好多款，有吉列蝦，吉列牡蠣，雞軟骨，炸魷魚鬚，仲有兩隻芝麻手羽，啱晒同朋友一齊分享。兩碗拉麵嘅湯底都食得出好鮮味，同埋應該真係無味精，食完完全唔會覺得口渴。我自己嗰款黑蒜油湯拉麵，黑蒜油味濃得嚟唔鹹，自己都忍唔住飲咗少少湯。朋友嗰碗人氣雞白湯，相比起我嘅黑蒜油湯較清甜，有時想食清淡啲嘅話呢款口味應該幾啱。吉列小食唔會太厚粉漿，全部都係炸完即刻上枱，熱辣辣食超正。整體來講都覺得呢間拉麵店，無論係裝修或者喺準備食物相都好用心，有機會應該會再試埋個人氣蝦湯。

東廣場內有好多餐廳， 今日嚟到呢間麵店食晚餐。餐廳性價比幾高， 拉麵套餐唔使100蚊， 就已經包咗一碗拉麵、小食，以及飲品， 仲唔使加一。N6-赤身麻辣豚骨湯又燒拉麵 $76湯底辣得過癮， 但辣得嚟又冇蓋過豚骨湯本身嘅鮮甜， 湯底味道濃郁，食得出係長時間餚製，無添加味精。 麵質彈牙， 可以按個人喜好選擇麵底嘅軟硬度。 大大塊叉燒肥瘦適中，肉質柔軟。N5 -明太子豚骨清湯叉燒拉麵 $78明太子嘅份量肉眼可見地多， 混入湯底裏面令湯底更惹味。配料椰菜、木耳、炸蒜同海草令到麵既口感層次更豐富，叉燒同樣大大塊，好足料。升級套餐C：古列蠔-2隻＆飲品+$22+$22就有一款小食同飲品真係好扺， 炸蠔外脆內軟，蠔唔會太細，仲幾Creamy 。升級套餐D：日式炸饺子2隻＆ 飲品 +$22外皮有啲厚，但豬肉餡幾甜同幾juicy。滋味雞軟骨 $38 & 炸革魚球 $30 呢度嘅小食中規中矩，勝在價錢唔貴，可以試到好多款。雞軟骨都幾爽脆同份量都幾多。章魚球外皮有啲厚，但入面真係有彈牙既章魚。

放工約咗朋友喺觀塘做瑜伽，打算喺附近快脆食少少嘢。行過東廣場見到新開咗間拉麵店，主打係無味精湯拉麵，於是就一齊試一試佢😙因為朋友唔鍾意食蝦湯拉麵，於是佢叫咗人起雞白湯叉燒拉麵，我就食咗招牌嘅濃蝦湯，加$22可以有小食同埋送冷泡茶。冷泡茶嘅份量都唔細，應該有大概400 mL，我哋跟餐嗌咗章魚小丸子同埋炸雞軟骨，因為朋友好想食芝麻雞翼同蟹肉薯餅，所以我哋都另外再加咗。小食上到枱都非常熱，雞軟骨個調味啱啱好唔會太鹹，個人最鍾意都係章魚小丸子，雖然睇落細細粒，但係入邊都有一粒足料嘅八爪魚。小食嚟晒等咗一陣拉麵先上枱，我先試咗朋友嘅雞白湯，飲落去唔會太鹹，係啱啱好嘅雞湯味，拉麵配有一粒粒糖心蛋同兩塊叉燒，糖心蛋煮得啱啱好唔會過熟，叉燒亦都唔會太肥膩，整體成碗拉麵望落去唔會太多油。跟住講吓餐廳人氣嘅濃蝦湯，配料基本上同雞白湯拉麵一樣，但係個湯飲落去feel到勁足料，食到海鮮嘅鹹香同感覺上真係冇落味精，食完唔會勁口渴。