麵屋武蔵 (新鴻基中心) (Closed)

Sliced Pork Ramen with Spicy Tonkotsu Broth + Nata De Coco Kyoho Grape Juice)｜$75 （plus 10% service charge)- Lunch set comes with apple salad as appetizer and a special drink. Toppings include a piece of roasted seaweed, half flavored soft boiled egg and vegetables. The broth is rich and natural. The level of spiciness is acceptable to ppl like me who cannot eat too spicy. Texture of the noodle is also great. Definitely worth trying if you a ramen lover.

食親拉麵閒閒地一碗都成80幾蚊，呢間拉麵店係午市竟然最平75蚊(須額外加一)就有，仲包左一個小食同一杯飲品，真心幾抵食！我今次主食係蕃茄豚骨湯豚肉片拉麵，小食揀左武藏炸雞，飲品揀左蘋果椰果特飲。.先講個拉麵，有得揀蕃茄豚骨湯真係好surprise，我都好似係第一次食蕃茄湯嘅拉麵蕃茄湯底係偏甜嘅，配拉麵感覺幾得意，最鍾意係個拉麵有一堆薯仔蓉，撈埋就係蕃茄薯仔湯拉麵個麵底軟硬適中，唔錯。炸雞炸得幾香，幾塊份量啱啱好，唔會食完好熱氣。特飲就偏甜，我飲左一半就無飲，可能揀汽水仲好。成個套餐嘅份量都算大，食完好飽，性價比真係高

係呢頭開完會已到晚飯時間，反正都已8點就同同事食埋飯，唔係就搭完車番到屋企先食就變食宵夜，於是就揀左係正大廈樓下食拉麵，勝在座位舒服地方夠大無侷促感， 仲有望落質素似有保證。望下餐牌，發現呢間拉麵店有多不同口味既拉麵同埋外面賣好貴既沾面(見親都成過百蚊, 都係有海鮮做配料款)，呢度價錢唔使一百，同埋材料既份量好吸睛。我揀左呢個沾麵條肥豬肉我深深吸引左我，肥瘦均勻，豬肉好似梅花間竹咁一肥一瘦緊緊相扣，食落唔覺肥膩，煎到好香，迫晒D肥油，反而無咩油膩感真係成隻手掌咁長碗麵油脂味幾重，但好食，脂肪香味，呢度做到，脂肪燉煮到入口即溶，鍾意食扣肉既呢個一定會滿足到呢個香煎得好香，一上枱我係先食左呢個先，大大啖好滿足沾麵湯底好濃郁，啖啖都沾滿晒黎個近鏡先麵質方面有粗幼兩款湯麵配幼麵，沾麵就配粗麵，好抵讚嘅係麵淥得啱啱好湯底亦非常唔錯，唔會太鹹。蕃茄豚肉拉麵而蕃茄湯底方面，有新鮮蕃茄，食到啖啖蕃茄，湯底味道方面蕃茄味好出食得出`唔係落茄膏做湯底，隻半熟蛋食到有煙薰味而蛋黃會流心，非常好豚肉都幾好食，有醃完再煎香過，肉質軟嫰，味道鹹中帶甜，所以塊肉唔會絕對唔會係好寡好淡既白肉味食到有蕃茄蓉同薯仔蓉小食

沾麵與拉麵，港人喜歡的食物。一定無形容錯。好多拉麵店，為左客人口味，不斷推陳出新，特別期間限定，實在係不時不食。每次食都有限定，等你次次食都吾同。放左工係新鴻基食飯，午飯太多人，晚上既灣仔向來人少，一於試試佢。首先叫左個十人十色和風田園沙律個名好正。其實見到係新登場，十人十色，被個名吸引左。有豆，青瓜，南瓜，蘿蔔粒，薯仔粒，有少少芥末味，開胃。特盛豚角燒帆立貝沾汁麵，好少數沾麵配帶子食，上菜後極為驚喜，帶子係大到呢，完全同圖片比例一樣，特盛豚角放曬成個碗。 食落好香口，帶子肉嫰，但外表燒過，令個味更加出，加上本身大隻又厚肉，無得頂。沾汁，不咸，好怕會然後食完渴。但今次不會，干貝味濃，食落調味料不多，食完都吾覺咸。而且好綿滑，濃湯也，但食完吾會口渴， 反而想一食再食。藩茄叉燒拉麵茄湯，超級濃郁，其實茄湯做得好不易，太甜太酸都吾岩，但今次恰到好處，拉麵又爽又滑。藩茄開胃，而且比其他湯底的油份少，都係個好選擇。仲有幾片藩茄，加強茄味。拉麵麵質爽口，叉燒係薄片，沾茄湯相當不錯。用左加配優惠，叫左唐揚豆池魚，這個小魚炸得好香口，細骨都炸得脆，佢有少少似煎多春魚，但沒有魚春，但更香。吉列炸蠔，啖啖

當時沒有人, 我們兩個很快就被指點到卡位就坐。全店有四款拉麵:白、黑、紅及番茄。我選了番茄，朋友選了白(豬骨)湯。麵很快就來了。比一般的少。我喝了一口朋友的湯，不像一般湯，很淡，沒有黏口的質感，只有鹹味。再食我自己的，番茄應該放了很久，開始有點變味。肉片是放了很久的，很乾很硬。拉麵店的拉麵並不是新鮮的，似是包裝的拉麵。湯就是白湯加了少少番茄。一個$75, 一個$85，不是貴也不是平，但以"麵屋"指稱佢絕對當之有愧，我自己煮的應該會更好。

灣仔新鴻基中心附近也有很多餐廳，而大厦內不行出去，餐廳又不算太多，嗰日就選擇了這間。位就像一般日本拉麵館，枱細而位密，香港人都習慣了，尤其午飯時間趕，都不太計較。我一直都對拉麵館的價格好有保留，一般的湯所謂的濃對我來說只是鹹。這間睇餐牌的蕃茄豚骨湯好似好正，就此決定，加上之前去了旺角另一拉麵館食左塊好好味又厚又大塊的豬肉，所以我又加了$25叫了個豚角煮。這個蕃茄濃湯豚角煮的確值得讚，真正有濃湯感覺，不鹹，恰到好處，有好多蕃茄，薯仔都煲到溶，好夠味，我係成碗飲晒啲湯😋半隻糖蛋亦入味和吸引，豚肉類似豬頸肉，好滑，亦幾多塊。不是一般叉燒，份量較多味道較好。讚😊 麵則只屬一般。因之前在旺角某間餐廳食過塊好正好厚豬肉，所以特別加了$25要了個豚角煮，無那旺角另一間我寫了食評那間煎得香口，那間是超水準，這塊中規中矩，有幾條菜墊底當沙律食。總括一句，蕃茄豚肉湯推介，因豚肉份量和味道都頗好，那塊$25只屬一般的豚角煮我就不推介另加了。

開舖又遲 成間鋪頭得一條友 啲員工又遲大到 好遲先返嚟 效率又差 話11點開11:10分先放人入去 明明我哋早過人地入去 但係佢哋又早過我地落單 我地就舉住手咁等左超過10分鐘先落到 仲要等到30分等到火滾想去隔離睇下板長開左未 點知前後門都鎖晒 都唔知佢哋啲員工有冇溝通過先做嘢 俾30蚊食個茶餐廳都好過佢

今日係會展做完野，過泥食個下午飯，同事話想食拉麵，我諗最就腳係呢間，之前晚上來過食占麵，今次試下其他。我叫左右面個黑豚角，叫左好幾樣小食，青瓜辣辣地但開胃既炸雞ok姑一般普普通通，無牛油味餃子ok最好味，新鮮炸起脆口。主食到了。睇落賣相似樣，第一件事試湯底，一啖飲落無乜黑蒜味，再試拉麵🍜麵質ok唔會太林太硬無overcook.但麵既味道好一般唔係咩特別自家制，應該買現成。主菜係舊豚肉，一夾起睇落好肥高下，但食落其實係半肥瘦既，都幾香口，但需要有點quote.總結食完有點咸，味道唔係好特別，可能因為係日本食過太多好味既拉麵，現在係香港相對要求高左，所以其實我都仲未搵到好多間真係覺得好食。

公司有個event攪咗好耐，終於都完滿結束，為咗獎勵自己一路以來嘅辛勞，點都要食一餐好嘅！天氣開始凍，就想食d暖笠笠嘅嘢，第一時間諗起拉麵！就近嘅拉麵店就係呢間！就決定食佢喇！一個人點咗一個拉麵，一個餃子，都好夠飽喇~番茄豚骨湯拉麵(HKD85)~睇到湯嘅顏色就知佢夠濃味，當中仲有一個薯蓉球，番茄同薯仔當然係絕配喇！蛋方面，係我最愛嘅溏心蛋，呢個口感，真係好正囉！而豬頸肉係燒過嘅，好香口囉~武蔵煎餃子(HKD38)~一客有5隻，好似可以再煎香D，而餃子餡個味道，菜+豬肉比例都OK!

平日晚市客人只有三四枱，服務ok。點左番茄豚骨湯麵，再以優惠價加左個一口醬油手羽。拉麵湯底調較得唔錯，番茄嘅酸甜同豬骨湯嘅咸味好夾，比例幾好。麵條雖然唔係最cheap嘅港式拉麵質素，但同口感彈牙、有麥味、吸汁力強嘅正宗日本拉麵仲差好遠。碗中白色球狀物本以為係蒜泥，食落原來係薯蓉。湯同麵溫度都好足夠，可惜番茄、薯蓉嘅溫度影響晒成碗麵整體溫度，要扣分。溫泉蛋不過不失。豚肉份量比一般日本拉麵嘅肉量多，雖然薄切，但肉質好有咬口，有驚喜。一口醬油手羽嘅肉質同味道都調配得岩岩好，仲有啲配菜添。大致上味道可以，不過價錢太貴，喺灣仔莊士敦道嘅橫街，可以搵到同一價錢或更平嘅正宗日本拉麵，相對抵好多。

拉麵我在日本旅行時經常食的晚餐之一，而在香港只食過一兩間好食，今次見呢間麵屋武藏己開有幾間分店，諗住都來光顧一下先，佢mean 上有幾種湯底分別有白，赤，黑三種。'白'係以濃厚豚骨制成湯，'赤'係加左秘製辣油，'黑'係加左黑蒜同長蔥制成。我今次揀左黑豚肉拉麵，佢有半隻流心蛋加一塊肉幾片紫菜，味道幾濃，以我食量肯定不夠！

灣仔附近確實沒有什麼便宜又好食的餐廳，這次因為要到灣仔會展工作，所以逼於無奈選擇了麵屋武藏。我選了期間限定的拉麵，但是實在太普通了，普通得連名字也記不起。這碗大天守（終於記起了這碗普通的拉麵名字）比起普通的招牌拉麵只是多了點粟米，和薄切叉燒變成了肥叉。肥豬肉可見焦味十足，稍微香口，但是口感乾身，難以入口。拉麵不過不失，同樣價錢來說冇下次了。流心蛋出乎意料地好味，應該是整碗拉麵最滿意的一部分。就這樣。

It’s not expensive but it’s definitely not worth the trip, the food is nothing special and the service is specially terrible. The waiters are distracted by nothing, they’re not busy, not using their phones, not doing anything else, they just do not pay attention. When asked questions, instead of giving a proper response they just go “huh?” or “um”, I’ve met three of them and they all do this. It’s more painful to be served here than at a street stand. I wouldn’t come here if it wasn’t the closes

三五知己lunch hour 黎試食呢間麵屋武藏，lunch hour 都好快等到位。白武骨豚肉同黑武骨豚肉都叫做不過不失，但係日本過江龍拉麵黎講，佢算係最無特色同驚喜。平平無奇的豬骨湯，加上幼身拉麵同埋兩片豚肉，認真地覺得同x千拉麵無兩樣反而黑武藏既豚肉片切得薄身易入口，可能薄既關係味道都入味啲，湯底黎講係絕對好過白武藏，起碼叫做食得出係黑蒜。值得讚賞係溏心蛋恰到好處，蛋白唔會軟身到未熟咁，蛋黃半流質晶瑩剔透，如果係一整粒就更加好喇。赤豚骨拉麵湯底夠辣，食上黎幾開胃，不過食得出係本身的豬骨湯底on top加辣，味道還好啦。紫菜黎到時已經軟咗，有啲失望

因為知唔再搞會員制，積分快到期，嗱嗱聲用積分換咗兩個蕃茄豚骨肉湯拉麵(單點價$85)，另加武藏煎餃子($38)及武藏炸雞($38)。蕃茄豚骨肉湯拉麵 ($85) - 雖然用積分換，大小與單點無異。之前都寫過了，我覺得其他湯底都太油，而且只有蕃茄豚骨湯呢個係配豬頸肉(個人喜好)，感覺比較清、健康。武藏煎餃子 ($38) - 無深究饀料有咩，但配搭得宜，皮薄帶脆，味道好，我喜歡。武藏炸雞 ($38) - 香口而不油膩，唔會炸到硬實實，蝦子餅喜歡。再一次見證各人口味不同係一會咩事。