麻辣串串香 (Closed)

端午節前夕當然要約朋友去食野啦，聯和墟不嬲都多野食，今次就決定食串燒飲啤酒，麻甩下呢間係食麻辣串燒，不過其實都有得揀唔辣，另外仲有酸辣粉、麻辣燙食，真心推薦，我覺得好好味蒜香焗沙白-每隻都脹卜卜，個底鋪滿粉絲，粉絲索晒啲汁好正；燒茄子 -食串燒必點，蔥蒜鋪滿面好惹味；燒羊架 -師傅燒得啱啱好，好juicy肉好嫩；燒大扇貝-夠大隻，好鮮味多汁；燒秋葵-第一次咁樣食秋葵，燒過既秋葵好香，面頭灑左啲辣粉，好惹味，原來用燒既都幾好食；秋刀蘆筍卷-呢個必點，極力推薦，秋刀魚好嫩滑juicy，蘆筍中和左啲魚油，唔油膩好好味；通菜-呢個又係必點，好惹味，菜葉索晒啲汁，好好味，有驚喜；牛肋骨串-肉質好嫩，唔會死實實；芝士蘑菇串-一串三粒，每粒都有芝士鋪面，食落口仲係好juicy，唔會燒到乾晒；燒雞全翼-燒得好靚，外皮燒到金黃色，好香口；日本一口蕃薯-一串三粒，食落口質地好creamy，做甜品一流！本身都想食酸辣粉，不過淨食串燒同飲啤酒都已經飽左，唯有下次先再食啦！總括黎講，食物質素真係唔錯，店舖職員亦友善同有禮貌，另外值得一讚既係，啲啤酒杯係放喺雪櫃度雪住，所以啤酒係keep住凍，呢點真係好細心！

同朋友O係附近睇完場戲, 諗住O係聯和墟呢頭搵野食, 諗住食飽先慢慢行返去火車站.見到呢間餐廳就埋去睇下有咩岩食, 埋到去門口已經聞到陣陣串燒既香氣. 串燒種類多, 有魚有菜有肉肉, 任君選擇~店內亦有塊黑板寫住D menu冇既串燒, 都值得一試~!大大碗麻辣燙真係名副其實大大碗, 而且配料好多!豬紅冇異味, 蘿白索哂湯汁, 牛腩亦好淋好入味~個湯底都好正, 又麻又香, 油而不膩~紅薯粉煙韌彈牙, 仲掛住D麻辣湯, 正!粉絲沙白沙白鮮味, 而且冇沙, 底下仲有層粉絲.D粉絲索哂D鮮甜既湯汁, 正!多春魚燒得十分香脆!燒原條茄子鋪面既蒜蓉切得好幼細, 充滿蒜香~茄子十分juicy!夾起一絲絲既茄子肉, 每啖都好夠味!燒通菜好少可食燒通菜, 又幾特別. D味粉調味得岩岩好!雞翼露筍卷呢個好特別呀, 雞翼外皮燒得香脆, 落左少少鹽吊味, 雞肉唔會太dry, 而入面既露筍爽脆, 夾埋一齊食, 口感豐富, 好好食!豆漿整返杯豆漿解渴先~Overall, 呢度D串燒真係好正, 愈食會愈上癮.

呢間餐廳位於聯和墟，位置都幾偏僻下，但勝在味道出色，用心，用料新鮮同平民價格，黎開呢頭實會再encore😜👍餐廳地方細細但都幾多人幫襯，眼見好多都係附近居民入黎食，好多人食少少串燒再食碗酸辣粉。.佢仲有機裝嘅Hoegaarden飲，細$42大$62。.佢嘅燒物基本上都係兩種味道，係蒜香/孜然粉，小妹特別推出燒金菇，燒茄子，燒扇貝同埋芝士磨菇。超足料，調味好出色，勁多蒜蓉😍燒得啱啱好又唔會乾身，真係好中意佢調較嘅味道🤤🤤

朋友一向無辣不歡，經過粉嶺聯和墟的一間麻辣川菜專門店，專門食麻辣燙、重慶燒食物，今晚就試一試。門口招牌紅噹噹顏色非常搶眼，而且門口位置仲有得泊車，揸車人士非常方便。串燒類別多款，還有麻辣小吃、重慶酸辣粉及自選粉面等食物，都幾多選擇。先點了一些海鮮，燒大扇貝兩隻。賣相非常吸引，當然是相機食先。先飲一啖扇貝湯汁，估唔到非常鮮甜，而且扇貝爽口，還食到有一條條絲，證明很新鮮，加埋蒜蓉蔥粒一齊食更加滋味。還有燒花虎蝦，我就喜歡用口剝，可以食到外殼的燒及辣粉味道，同樣地蝦肉很爽口彈牙。見到其他客人吃得很滋味，當然不得不試燒原條茄子，真的很大很大條，茄子表面七彩顏色，有很多調味配料在裏面，茄子很林，而且很入味，還有很多汁，有一點入口即溶的口感，果然燒得很香！第一次吃咁有特色的蘆筍雞翼，有一條條蘆筍在雞翼中間，真的好考功夫！但是雞翼還能燒得恰到好處，外皮香脆不會燶，蘆筍很爽口鮮甜。還有韭菜串、燒芝士丸、鴨舌串、燒牛舌、雞腎串、安格斯牛、雞翼串以及多春魚等，都是即叫即燒，很滋味！最後再點了一碗大大碗的麻辣燙，粉絲很入味還有很多配菜選擇，吃完真的很飽肚，為呢一餐豐盛的重慶燒晚餐畫上完美的句號。

今日唔煮飯 ，樓下食嘅餐廳已經食到好厭，所以四圍行下，睇下有啲乜嘢新發現！ 結果見到呢間小店，又有人排隊，所以我就即刻去排埋一份，因為小店+排隊=好食！燒大扇貝🥢 燒海鮮一定要處理得好， 如果過熟一定會韌， 但係呢度完全冇呢個問題！ 而且蒜蓉好夠啱曬我呢個蒜蓉怪！ 重點係佢非常大隻！有驚喜！燒金菇🥢 金菇一包嘅份量都好多 ，而且將菇嘅汁同埋調味，都沾滿曬每一條細細嘅菇身 ，非常之夠味！好食！燒韮菜🥢 淨係穿呢個韭菜嘅功夫都已經值回票價 ，當然佢嘅口味都好合乎我嘅要求！ 見到佢好juicy，完全唔會乾爭爭！燒秋刀蘆筍卷🥢 魚包住蘆筍去燒，估唔到咁夾! 呢個係大推嘅item，同時都係店舖嘅新item！ 魚+菜，算係健康嘅串燒哩！燒雞翼🥢 最多女仔鍾意食嘅雞翼 ，當然要點喇！ 燒雞翼嘅外皮係好吸引同時亦都好邪惡！ 但係點樣都要食，如果唔係就辜負咗佢同廚師啦！ 咬落去脆卜卜，肥都抵啦！ 燒通菜🥢 好少見到有燒通菜呢個item，見到就即管試下！ 估唔到有彩蛋！ 喺菜葉嘅部分沾滿咗燒串燒嘅香料 ，真係出乎意料之外咁好味！燒茄子🥢 永遠食串燒、燒烤，茄子都係鐵腳， 軟熟嘅質感加埋蒜蓉，係冇得輸㗎！燒

很想在家燒烤但同時不想全屋都有油煙味、又晤想吃完後所做的清洗過程，想起粉嶺有一間《麻辣串串香》有麵有串燒，非常好！ 地點位於粉嶺聯和墟富好閣地下首先來個燒扇貝，品種很大、肉質厚身，用醬汁燒過後很好味！ 另外還有蜆，清潔得乾淨，沙己吐出。 重點在於有蔥、蒜更特顯鮮甜味而且用錫紙包棵著，保持著水份使之不會流失。 小辣不會太大搶喉剛好！ 茄子，茄子用了原條而且很肥美！同樣用了蔥蒜非常野味。 牛肋骨串燒外表燒得乾身，灑了我最意的孜然粉提味。 餐廳除供應串串燒外，也有麻辣燙底及自選餸菜價錢由 HKD 5 - HKD 10 而已。種類繁多所以不難超過最少 HKD 30。 是次點了鮮魚腩、午餐肉、

喺粉嶺上水串燒店好多，但食嚟食去都冇一間係比較有水準，直至到嚟到呢一間，食物品質感覺很新鮮，口味風格亦很出色，最緊要係燒出嚟嘅食物唔會比較燶，同埋好容易入口，如果唔鍾意燒嘢食嘅朋友，亦都可以推薦佢哋嘅酸辣粉好好食。

我真係好鐘意食酸辣粉 所以係門口見到有得食酸辣粉就即刻同朋友講要食間最後嗌咗咩餸都有嘅大大碗酸辣粉 份量好足 因為嗌咗其他串燒 所以4個人share都夠 如果一個人食應該其他咩都唔使嗌串燒方面都好出息 佢唔會燒到乜都係個隻串燒孜然味 所以食到最尾都唔會濟到唔想食海鮮燒得好有鮮味 個啲湯汁老闆仲專登介紹可以飲埋 開頭好驚會好咸 點知係啱啱好另外呢個茄子係要額外讚！佢又係好多汁 然後燒嘅時間各樣都啱啱好 唔會燒到個底有痴肉或者燶咗最後其他肉類同海鮮類都冇咩可以挑剔 食食下老闆話介紹我地食炸雞皮 開頭我地以係好似雞肉雞串咁嘅形式燒出嚟 但好驚喜但原來係全塊炸雞皮 我都係第一次試 比起傳統雞皮佢冇咁油 乾身香口啲 好新奇 值得一試最後呢餐各方面都好滿意 價錢都好合理 下次去聯和墟食嘢又多一個選擇

行過門口聞到超級香 ，原來有一間串燒店喺旁邊，入到去先知道佢有串燒之餘，仲有酸辣粉同埋麻辣燙 ，收費非常合理！環境都好舒適， 有少少日本居酒屋feel！有一啲item係點菜紙冇嘅！ 要另外同侍應落單！燒大扇貝～ 一上枱有少少嚇親 ，因為 發覺佢係好大隻嘅！ 上面加滿咗蒜蓉 辣椒絲同埋蔥！ 夠曬香口惹味 ！重點係佢非常之新鮮！ 而且係好乾淨嘅！佢開咗邊去燒， 刻意用筷子畀大家睇下佢嘅size ，呢個價錢食到呢個size同埋質素， 絕對抵食！燒韮菜～ 韭菜本身已經好重味 ，再加埋佢嘅香料同埋燒烤嘅惹味簡直係一絕！ 喺出面食個會燒得好乾 ，呢度嘅感覺會係有汁， 做得非常出色！燒茄子～ 燒茄子落咗非常多蒜， 合曬我嘅心意， 當茄子一絲絲咁絲出嚟，捲住蒜蓉，一咬落去真係軟潤香口！燒秋刀蘆筍卷～ 呢個係老闆力推嘅新菜式 ！既然老闆咁有誠意，當然要即刻order啦！聽聞露筍對身體好好！多食無妨！ 秋刀魚喺出面少燒到脆卜卜 ，裏面嘅蘆筍又爽脆，兩個口感加埋一齊真係一個字「爽」！燒雞泡魚乾～ 佢唔會燒到好乾爭爭 ，而且切到好幼細 ，但係因為佢有厚度， 個口感都係一流嘅！重慶酸辣薯粉～ 因為都叫咗唔少串燒

一黎就叫左個扇貝 超級正 本身驚可能會有腥味 但係一啲都冇 仲要加左啲蔥同蒜頭又冇搶走曬扇貝嘅味 同埋本身驚扇貝個汁會好鹹 但又唔會 如果要叫扇貝 一定要早啲叫 唔係食飽先叫就冇禁正 之後叫左個聖子 雖然唔係太大件 但水準都係到 都係唔腥 食海鮮唔腥最緊要 然後見倒個酸辣粉好似幾吸引 就叫左個配薯粉 個湯底冇得彈 又多餸食 啲餸仲要ok入味 一定要trytry佢 之後叫左啲小食串燒 半架燒到岩岩好 唔會太韌 仲有個餃子釀雞翼 都幾特別 不過本人比較中易食雞翼釀芝士 應該會仲正 最後叫左個燒菠蘿同茄子 燒菠蘿係我食禁多間串燒最甜最多汁嘅一間 茄子都好夠蒜同汁 好正 仲有個豆漿7蚊好底飲 唯一唔係幾好嘅係地方比較細 有少少迫 但冷氣都係夠嘅 服務員態度都好好 每一道串燒師傅都係好用心燒 全部都係燒到岩岩好 想同朋友聚一聚同吹水就最好不過

麻，香，辣！係粉嶺經過一間細細既店仔，傳黎陣陣串燒既香氣，果然名乎其實「串串香」！麻雀雖小五藏俱全，食物款式多元化，真係令人忍唔住樣樣都試啲。串燒除左有肉類，瓜菜，仲有多款海鮮比你選擇！燒韭菜或通菜平時食得多，呢度竟然有燒芫荽，對於作為芫荽控嘅我真係非常驚喜！海鮮方面，燒聖子新鮮多汁，燒虎蝦爽口彈牙，燒白鱔外脆內juicy !肉類推薦燒牛舌同埋燒羊架，咬開睇到粉嫩色嘅肉，嫩滑多汁！食完串燒再點一碗酸辣粉， 媽呀！好耐無食過咁足料既酸辣粉，好多料呀！好滿足既一餐，好食！

串燒係我嘅宵夜首選，但係要食到好食啲串燒都唔係咁易。呢間嘅串燒就有特色得黎又非常好食😆 今次冇特別參考openrice嘅推薦，想食咩就點，反正價錢吾貴。雖然呢度地方吾算大, 但五臟俱全。難得在串燒種類多和有素質。位置自成一角, 幾歡喜! 先是海鮮串燒, 分別有燒大扇貝, 蒜香焗沙白! 啲汁清甜又香口 ,忍唔住飲埋佢!冇沙值得推介係燒羊架!肉嫩且羊羶味夠；羊癡的我食完一個吾夠再點, 因為羊肉味濃而帶羶香 ...非常正!肥牛金菇串燒原隻茄子! 茄子肉吸收蒜蓉嘅味道, 非常惹味! size又大! 低食! 除了串燒外, 仲有麻辣粉麵選擇, 下次再試! 值得再光顧!

對於一個九龍人黎講...其實今次係我第一次入粉嶺😂為左陪男友去整野...整完係附近搵野食🍢最後揀左呢間❣️成間舖牆身用左黃色另外加左唔少中國風裝飾，古色古香🇨🇳入正題❣️🔺《燒大扇貝》必食❣️超超超大舊好新鮮，唔會燒到過熟，好多蒜蓉👍🏻另外啲湯先係精華👍🏻甜甜地好開胃❣️🔺《煙肉蕃茄仔》我中意！咬落去蕃茄熟透做到爆汁既效果👍🏻火候控制得好👍🏻🔺《雞軟骨》中意香口野既唔好錯過😌🔺《蘆筍豚肉》用左粗蘆筍以為會好老，但完全無呢個問題❣️反而好嫩爽口❣️如果豚肉大舊啲就好啦🤣🔺《焗沙白》可以做主食😂好多粉絲係入面✔️沙白處理得好好，一粒沙都無👍🏻粒粒都咁爽口❣️🔺《燒原條茄子🍆》無得彈👍🏻多蒜蓉岩哂我❣️🔺《燒雞脾菇》以為會好乾但食落好juicy❣️有驚喜🤤🔺《燒雞全翼》皮脆肉嫰❣️啲串燒送啤酒一流❣️下次會再黎❣️

非常美味的串燒店，食材十分新鮮，即叫即燒，送啤酒一流！前菜叫了麻辣豬耳及皮蛋。辣度不高但香口。皮蛋是黄金色的，問老闆說叫金牛鴨皮蛋，第一次食，覺得特別彈牙。好，到叫串燒！老闆推介燒扇貝同露筍秋刀魚卷，唔諗咁多，即叫！另外仲叫左一大堆串燒，雞翼，雞軟骨，茄子，牛舌，羊等等...扇貝同露筍秋刀魚卷先上枱，燒扇貝甜甜地應該加左D醬料，本身食材都好鮮味，配埋蒜頭真係一流。露筍秋刀魚卷我等一次見，一試難忘，估唔到會咁襯，秋刀燒到脆卜卜，加埋露筍，又香又好食，口感一流！必試！雞翼，雞軟骨，茄子，牛舌，羊等等全部都好好食，羊肉好林又有汁，食得出係好既食材。見佢有酸辣粉就叫左碗，不過不失，比較上串燒出色好多。叫酸辣粉時我地叫左多芫茜，老闆好細心咁留意到，轉頭送左碟燒芫茜俾我地食，我地真係覺得好開心呀！燒芫茜真係好好味，仲要有汁。我地一向食呢類串燒都好鍾意食燒蔬菜類，真係好出色。提一提，佢個茄子都好好食。臨尾加多客燒菠蘿，寫上完美的句號。有時間一定會約朋友再幫襯！！

前幾日接男朋友收工，但我又唔想食太飽，淨係想食香口野🤤作為粉嶺人嘅佢就帶左我黎呢間位於聯和墟嘅串燒店。鋪頭唔算太大，所以都要等15MIN先入得🤣不得不提嘅係服務員係堅有禮貌，問野佢好有耐性答你，呢個堅要俾個讚😬👍話咁快就叫左好多串燒黎食，我地揀左燒大扇貝、韭菜串、燒雞脾菇、安格斯牛、燒牛舌、多春魚、秋刀魚、雞軟骨、雞腎、鴨舌串、燒蘆筍仔、大蔥肥犁牛卷。大扇貝係第一個到，佢同我地係街市或者酒樓食開既唔同，大粒又厚肉😛佢嘅鮮味加上蒜蓉既香味配搭真係一絕👍🏻接住落黎既串燒都係好好食，香料並不是太多，但係味道卻很惹味，唔會令人覺得越食越口乾😛仲有兩大介紹！第一係雞脾菇，雖然唔係原條燒，但切開後燒得更加外脆內軟，非常juicy😋食完一啖又忍唔住食第二啖第二樣係大蔥肥牛卷，肥牛薄薄的燒得好脆口，加上大蔥既蔥味，兩樣野配合得天衣無縫❤️食左咁多好野，埋單都係2百幾蚊，又飽又好味❤️佢既串燒係我食過咁多間黎講係暫時最岩我口味同最好食😋